GAZETA ZYRTARE E REPUBLIKËS SË KOSOVËS / Nr. 33 / 2 NËNTOR 2022, PRISHTINË
9
LIGJI NR. 08/L-109 PËR KOMPENSIMIN E VIKTIMAVE TË KRIMIT
LIGJI NR. 08/L-109
PËR KOMPENSIMIN E VIKTIMAVE TË KRIMIT
Kuvendi i Republikës së Kosovës,
Në mbështetje të Nenit 65 (1) të Kushtetutës së Republikës së Kosovës,
Miraton:
LIGJ PËR KOMPENSIMIN E VIKTIMAVE TË KRIMIT
KAPITULLI I
DISPOZITAT E PËRGJITHSHME
Neni 1
Qëllimi
1. Qëllimi i këtij ligji është të rregullojë funksionimin e Programit për kompensim të viktimave të
krimit dhe procedurave që lidhen me këtë program.
2. Ky ligj është në pajtueshmëri me Direktivën e Këshillit 2004/80/EC të 29 prillit 2004 lidhur me
kompensimin e viktimave të krimit.
Neni 2
Fushëveprimi
Ky ligj rregullon të drejtën e kompensimit financiar të viktimave të veprave të dhunshme penale
dhe të vartësve të tyre, autoritetet vendimmarrëse si dhe procedurat për realizimin e të drejtës
për kompensim në situatat vendore dhe tejkufitare.
Neni 3
Përkufizimet
1.Shprehjet e përdorura në këtë ligj kanë këtë kuptim:
1.1. Viktimë e krimit - viktima ose i dëmtuari ashtu siç definohet me Kodin e Procedurës
Penale;
1.2. Viktimë e rastit – personat të cilët aksidentalisht janë gjendur në vendin e ngjarjes,
persona që janë lënduar duke i dalë në ndihmë viktimës ose policisë për të ndaluar
kryerjen e një vepre penale ose për të kapur autorin e veprës;
1.3. Viktimë e huaj e trafikimit - shtetasi i huaj i identifikuar nga autoritetet e Kosovës
si viktimë apo viktimë e supozuar e trafikimit;
1.4. Vartësit - personat e mbajtur nga viktima e ndjerë dhe personat të cilët kanë pasur
të drejtë me ligj që të kërkojnë të mbahen nga i ndjeri;
1.5. Anëtar i familjes - siç përcaktohet me Kodin Penal të Republikës së Kosovës;
1.6. Fëmijë - siç përcaktohet me Kodin Penal të Republikës së Kosovës;
1.7. Dëmi - dëmin për të cilën parashihet kompensimi sipas nenit 10 të këtij ligji;
1.8. Shpërfytyrim - kur viktima si pasojë e veprës është deformuar apo shëmtuar;
GAZETA ZYRTARE E REPUBLIKËS SË KOSOVËS / Nr. 33 / 2 NËNTOR 2022, PRISHTINË
10
LIGJI NR. 08/L-109 PËR KOMPENSIMIN E VIKTIMAVE TË KRIMIT
1.9. Parashtruesi i kërkesës - personi i cili parashtron një kërkesë për kompensim
me pretendimin se është viktimë e krimit. Ky term përfshin edhe personat tjerë të cilët
mund të parashtrojnë kërkesë në emër të viktimës;
1.10. Kërkesa - kërkesa për kompensim nga Programi për Kompensimin e viktimave
të krimit;
1.11. Përfituesi - personi i cili me vendim të komisionit përfiton nga e drejta për
kompensim sipas këtij ligji;
1.12. Komisioni - Komisioni për Kompensimin e Viktimave të Krimit;
1.13. Viktima e ndjeshme - siç përcaktohet me Kodin Penal të Republikës së Kosovës;
1.14. Territor i Republikës së Kosovës - siç përcaktohet me Kodin Penal të
Republikës së Kosovës;
1.15. Trajtimi mjekësor - medikamente dhe shërbime mjekësore, përfshirë edhe
psikoterapi.
2. Për qëllime të këtij ligji, emrat e gjinisë mashkullore nënkuptojnë edhe gjininë femërore dhe
anasjelltas.
Neni 4
Parimet e përgjithshme
1. Autoritetet e parapara me ligj duhet të sigurohen që viktima e krimit (në tekstin e mëtejmë:
viktima) të trajtohet me profesionalizëm, duke respektuar të drejtën në siguri, dinjitet, jetën
private dhe familjare të tyre dhe duke njohur ndikimin negativ të krimit në viktimën.
2. Të drejtat e caktuara sipas këtij ligji vlejnë për viktimat në mënyrë jo-diskriminuese duke
përfshirë edhe statusin e tyre të qëndrimit.
3. Sipas këtij ligji, viktima dhe vartësit e tyre nuk mund të marrin kompensim të dyfishtë në
pajtim me nenin 19 të këtij ligji.
Neni 5
Dispozitat supsidiare
Në çështjet procedurale që nuk mbulohen nga ky ligj aplikohen dispozitat e Ligjit për procedurën
e përgjithshme administrative.
KAPITULLI II
E DREJTA PËR KOMPENSIMIN DHE LLOJET E KOMPENSIMEVE
Neni 6
Veprat e dhunshme të kompensueshme
1. Veprat e dhunshme të kompensueshme (në tekstin e mëtejmë: veprat), janë të gjitha veprat
që rezultojnë në:
1.1. vdekjen e viktimës;
1.2. lëndim të rëndë trupor;
1.3. dëmtim të rëndë të shëndetit fizik, apo;
GAZETA ZYRTARE E REPUBLIKËS SË KOSOVËS / Nr. 33 / 2 NËNTOR 2022, PRISHTINË
11
LIGJI NR. 08/L-109 PËR KOMPENSIMIN E VIKTIMAVE TË KRIMIT
1.4. dëmtim të shëndetit mendor.
2. Veprat penale kundër sigurisë së trafikut publik nuk mbulohen sipas këtij ligji edhe nëse kanë
rezultuar në pasojat nga paragrafi 1 i këtij neni.
Neni 7
Kushtet formale dhe materiale
1. Kushtet formale për të drejtën në kompensim janë që:
1.1. vepra të jetë kryer brenda territorit të Republikës së Kosovës. Në rastet kur vepra
apo një pjesë e veprës është kryer në territorin e Republikës së Kosovës dhe në
territorin e shtetit apo shteteve tjera, kompensimi bëhet nga shteti në të cilin viktima
apo vartësit kanë banim të përhershëm;
1.2. për shtetasit e Republikës së Kosovës, vepra të jetë kryer jashtë territorit të
Republikës së Kosovës, por viktima të mos ketë pasur mundësinë e realizimit të
kompensimit në vendin ku është kryer vepra penale. Kompensimi bëhet në pajtim me
dispozitat e këtij ligji;
1.3. vepra të jetë zbuluar dhe raportuar tek autoriteti kompetent dhe të jetë trajtuar si
vepër penale.
2. Në rast të vdekjes së viktimës së krimit si pasojë e veprës penale, anëtarët e familjes së
viktimës mund të gëzojnë të drejtat në pajtim me dispozitat e këtij ligji.
3. Viktimat e rastit mund të gëzojnë të drejtën në kompensim nëse plotësojnë kriteret e caktuara
me dispozitat e këtij ligji.
Neni 8
Kompensimi i menjëhershëm
1. Kërkesa për qasje të menjëhershme në kompensim mund të parashtrohet në rastet kur kemi
të bëjmë me:
1.1. viktimat fëmijë;
1.2. viktimat e trafikimit me qenie njerëzore;
1.3. viktimat e dhunimit;
1.4. viktimat e veprave penale që bien brenda përkufizimit të dhunës në familje;
1.5. anëtarët e familjes së viktimës së ndjerë.
2. Llojet e kompensimeve që mund të paguhen sipas këtij neni përfshijnë kategoritë si në vijim:
2.1. shpenzimet e varrimit nga neni 16 paragrafi 1 të këtij ligji.
2.2. shpenzimet e paguara nga viktima apo anëtari i familjes në emër të viktimës të
cilat mund të përfshijnë por nuk kufizohen me sa vijon:
2.2.1. shpenzimet nga nenet 11, 12 dhe 17 të këtij ligji;
2.2.2. shpenzime tjera të arsyeshme të cilat Komisioni vlerëson se mund të
përfshihen në kompensim të menjëhershëm në lartësinë maksimale prej
pesëqind (500) euro.
GAZETA ZYRTARE E REPUBLIKËS SË KOSOVËS / Nr. 33 / 2 NËNTOR 2022, PRISHTINË
12
LIGJI NR. 08/L-109 PËR KOMPENSIMIN E VIKTIMAVE TË KRIMIT
2.3. kompensimi sipas këtij neni nuk mund të tejkalojë shumën prej tremijë (3000) euro
për totalin e të gjitha kategorive si më sipër.
3. Kushtet që mund të përcaktojnë nëse mund të jepet kompensim i menjëhershëm për
kategoritë nga paragrafi 1 i këtij neni, përfshijnë por nuk kufizohen me sa vijon:
3.1. vepra penale është kryer ndaj viktimës së ndjeshme;
3.2. viktima është në gjendje të vështirë financiare; përfitues i ndihmës sociale ose në
situatë të ngjashme.
4. Viktima e huaj e trafikimit mund t’ia paraqesë kërkesën Komisionit, gjatë kohës sa është
ende në territorin e Republikës së Kosovës, sikurse edhe viktimat vendore. Në këtë rast viktima
duhet të bashkëpunojë arsyeshëm me organet e drejtësisë, për hetimin dhe ndjekjen e kryesit
të veprës penale.
5. Kompensimi sipas këtij neni nuk u mohon viktimave të drejtën e paraqitjes së kërkesës së
rregullt për kompensim për kategoritë tjera të kompensimeve të parapara me këtë ligj apo për
shumën e mbetur të kompensimit nga e njëjta kategori deri në maksimumin e paraparë me ligj.
6. Komisioni ruan të drejtën të shtyjë trajtimin e kërkesës për kompensim të paraqitur sipas këtij
neni deri në ngritjen e kallëzimit penal apo aktakuzës, në rastet kur një pezullim i tillë i trajtimit
të kërkesës është i nevojshëm për të përcaktuar se lëndimet e shkaktuara kanë rezultuar nga
vepra e dhunshme. Pezullimi nuk duhet të ketë për rrjedhojë vonesa të paarsyeshme apo të vej
në vështirësi financiare parashtruesin e kërkesës.
7. Komisioni mund të refuzojë kërkesën për kompensim sipas këtij neni nëse konsideron se të
dhënat e siguruara nuk mbështesin mjaftueshëm kërkesën për kompensim të menjëhershëm.
Neni 9
Kërkesa e rregullt për kompensim
1. Kërkesa e rregullt për kompensim parashtrohet pas përfundimit të procedurës së rregullt
gjyqësore, respektivisht pas plotfuqishmërisë së aktgjykimit.
2. Për të kërkuar kompensim të rregullt, parashtruesi i kërkesës është i obliguar që, të kërkojë
fillimisht dëmshpërblim nga i pandehuri në procedurë penale në pajtim me Kodin e Procedurës
Penale, përveç në rastet kur viktima dokumenton se e ka pasur të pamundur paraqitjen e një
kërkese të tillë.
3. Në rastet kur i pandehuri nuk e dëmshpërblen viktimën, viktima ka të drejtë të parashtrojë
kërkesë për kompensim nga programi për kompensim të viktimave të krimit.
4. Në rastet kur i pandehuri vetëm pjesërisht dëmshpërblen viktimën, atëherë viktima ka të
drejtë të parashtrojë kërkesë për kompensim shtesë nga programi për kompensim të viktimave
të krimit.
5. Përveç rregullit nga paragrafët 1 deri 3 të këtij neni, parashtruesi i kërkesës ka të drejtë të
kërkojë kompensim të rregullt edhe në rastet kur dëmshpërblimi nuk do të jetë i mundur të
realizohet nga kryesi për shkak të rrethanave në vijim:
5.1. nëse vërtetohet se personi ka qenë viktimë por:
5.1.1. kryesi nuk është penalisht i përgjegjshëm;
5.1.2. kryesi është i panjohur;
GAZETA ZYRTARE E REPUBLIKËS SË KOSOVËS / Nr. 33 / 2 NËNTOR 2022, PRISHTINË
13
LIGJI NR. 08/L-109 PËR KOMPENSIMIN E VIKTIMAVE TË KRIMIT
5.1.3. kryesi ka vdekur;
5.1.4. ka ikur dhe është i paarritshëm për organet e drejtësisë;
5.1.5. kryesi është i paaftë të paguajë kompensimin, përfitues i ndihmës
sociale ose në situatë të ngjashme;
5.1.6. kanë kaluar dy (2) vjet nga raportimi i veprës penale dhe nuk ka pasur
ngritje të aktakuzës;
5.1.7. është arritur parashkrimi relativ apo absolut.
5.2. nëse përmbarimi i dëmshpërblimit të caktuar në procedurë gjyqësore është bërë i
pamundur apo kur nga shkaqe tjera të parapara me legjislacionin në fuqi për shkak të
cilave i njëjti nuk mund të zbatohet.
6. Kërkesa sipas këtij neni mund të parashtrohet edhe nëse parashtruesi i kërkesës paraprakisht
ka kërkuar kompensim të menjëhershëm sipas nenit 8 të këtij ligji. Kjo vlen si në rastet kur iu
është refuzuar kërkesa për kompensim të menjëhershëm, po ashtu edhe kur kompensimi iu
është dhënë vetëm për disa nga kategoritë, respektivisht shpenzimet e parapara me këtë ligj.
Neni 10
Llojet e kompensimeve
1. Llojet e kompensimeve sipas këtij ligji janë:
1.1. kompensimi për lëndim fizik apo dëmtimit të shëndetit;
1.2. kompensimi për dëmtim të shëndetit mendor;
1.3. kompensimi për vuajtje psikike;
1.4. kompensimi për vuajtje psikike për humbjen e anëtarit të familjes;

1.5. kompensim për humbjen e të drejtës në mbajtje;
1.6. kompensim për shpenzimet e varrimit;
1.7. kompensim për dëmtimin apo shkatërrimin e pajisjeve mjekësore.
2. Viktimat kanë të drejtën e parashtrimit të kërkesës për një ose me tepër lloje të kompensimit
të përcaktuara me ligj.
3. Qeveria e Republikës së Kosovës, nxjerr udhëzim administrativ për mënyrën e kompensimit,
përfshirë edhe llogaritjen e kompensimit për dëmtime të shumëfishta.
Neni 11
Kompensimi për lëndim fizik apo dëmtim të shëndetit
1. Kompensimi sipas këtij neni do të jepet për dhimbjet fizike dhe dhembje shpirtërore dhe si
rrjedhojë edhe zvogëlimit të aktivitetit jetësor të shkaktuara si pasojë e lëndimit fizik, dëmtimit të
shëndetit apo sëmundjeve që kanë rezultuar nga kryerja e veprës penale.
2. Kompensimi sipas këtij neni nuk do të njihet për rastet kur viktima e krimit është paaftësuar
përkohësisht apo për të cilat është paaftësuar në një shkallë më të ulët.
3. Kompensimi përcaktohet duke marrë parasysh rrethanat e rastit, shkallën e dhimbjes së
GAZETA ZYRTARE E REPUBLIKËS SË KOSOVËS / Nr. 33 / 2 NËNTOR 2022, PRISHTINË
14
LIGJI NR. 08/L-109 PËR KOMPENSIMIN E VIKTIMAVE TË KRIMIT
shkaktuar nga lëndimi apo dëmtimin e shëndetit, kohëzgjatja e dhimbjes dhe në përputhje me
parimin e kompensimit të drejtë monetar. Shuma fikse për kompensim përcaktohet në pajtim
me shkallët e mëposhtme:
3.1. lëndimet, dëmtimet apo sëmundjet mesatarisht të rënda që zgjasin më shumë se
gjashtë (6) javë, të cilat rezultojnë në paaftësi për atë periudhë, duke i pamundësuar
realizimin e të hyrave. Kompensimi do të jepet në një shumë të vetme, duke llogaritur
jo më shumë se njëqind e pesëdhjetë (150) euro në muaj nga paraqitja e lëndimit apo
dëmtimit sipas këtij neni, por në asnjë rast, duke mos e kaluar shumën maksimale prej
dy mijë (2,000) euro;
3.2. lëndimet, dëmtimet apo sëmundjet e rënda me pasoja të dukshme ose funksionale,
afatgjate apo të përhershme, apo të cilat kanë qenë objektivisht kërcënuese për jetën.
Llogaritja e kompensimit për këtë kategori bëhet në pajtim me nënparagrafin 3.1 të këtij
neni, duke mos e kaluar shumën maksimale prej katërmijë (4000) euro.
4. Përveç kompensimit nga paragrafi 3 i këtij neni, viktimat apo vartësit e tyre të cilët kanë bartur
shpenzimet e hospitalizimit, medikamenteve dhe shërbimeve tjera përcjellëse të domosdoshme
për trajtim të viktimave iu njihet e drejta në kompensim deri në shumën maksimale prej pesë
mijë (5,000) euro, gjithnjë përderisa mund të dokumentojnë ato shpenzime.
5. Përjashtimisht, nëse komisioni pa varësisht nga lloji i lëndimit, dëmtimit, apo sëmundjes dhe
medikamenteve apo shërbimeve tjera përcjellëse të marra e sheh të arsyeshme, mundet, me
votë unanime, të rris maksimumin e kompensimit deri në dhjetë mijë (10,000) euro.

Neni 12
Kompensimi për dëmtim të shëndetit mendor
1. Kompensimi për dëmtim të shëndetit mendor paguhet vetëm kur është shkaktuar nga një
vepër e dhunshme.
2. Dëmtimi i shëndetit mendor nuk përfshin gjendjen e paaftësisë, zhvillimit të vonshëm mendor,
çrregullimit të përkohshëm apo gjendje të tilla të ngjashme. Pasoja duhet të jetë në atë shkallë
që të ndikojë në aktivitetet e zakonshme të viktimës apo gjendjen psikologjike të tij/saj për një
periudhë të zgjatur kohore dhe viktima të ketë nevojë për trajtim të vazhdueshëm.
3. Kompensim deri në vlerën prej tremijë (3000) euro mund të jepet për:
3.1. shpenzimet e dokumentuara për shërbimet e specialistëve për trajtimin ambulantor
për sanimin e gjendjes së krijuar;
3.2. shpenzimet e projektuara për shërbimet e parapara për sanimin e gjendjes së
krijuar, nëse konstatohet nga specialistët e fushës se dëmtimi është i natyrës së tillë
që kërkon trajtim të vazhdueshëm;
3.3. shpenzimet e hospitalizimit, medikamenteve dhe shërbimeve tjera përcjellëse.
4. Nëse shërbimet e trajtimit për dëmtim të shëndetit mendor nga paragrafi 3 i këtij neni, nuk
mund të realizohen në institucionet publike të shëndetit mendor, Komisioni mund të kërkojë
kontraktimin e institucioneve private që ofrojnë këto shërbime.
5. Komisioni mund të shqyrtojë edhe një kërkesë të dytë për kompensim sipas paragrafit 3 të
këtij neni, të dorëzuar nga parashtruesi, pas pranimit të shërbimeve të parapara me këtë nen,
nëse për shkak të dëmtimit të shëndetit mendor i njëjti ka nevojë t’i nënshtrohet tretmanëve
të vazhdueshme përtej atyre të pranuara apo të projektuara fillimisht nga specialistët apo
Komisioni. Lartësia e kompensimit sipas kërkesës shtesë nuk mund të tejkalojë dyfishin e
shumës së paraparë me këtë nen.
GAZETA ZYRTARE E REPUBLIKËS SË KOSOVËS / Nr. 33 / 2 NËNTOR 2022, PRISHTINË
15
LIGJI NR. 08/L-109 PËR KOMPENSIMIN E VIKTIMAVE TË KRIMIT
6. Kompensimi nga ky nen mund të përfshijë edhe kompensimin nga neni 11, paragrafi 3 të këtij
ligji, në rastet kur pasoja e shkaktuar e kualifikon viktimën për kompensim.
Neni 13
Kompensimi për vuajtje psikike
1. Kompensimi për vuajtje psikike si pasojë e veprës penale mund t’u jepet viktimave të:
1.1. viktimat fëmijë;
1.2. dhunës në familje të cilat iu janë nënshtruar dhunës psikike, seksuale, fizike dhe
ekonomike;
1.3. viktimave të trafikimit me qenie njerëzore;
1.4. viktimave të dhunimit, sulmit seksual, degradimit të integritetit seksual apo detyrimit
në pornografi;
1.5. viktimat të cilat iu janë nënshtruar shpërfytyrimit, torturave të vazhdueshme,
abuzimeve psikike, seksuale dhe fizike në mënyrë të vazhdueshme apo kufizimit të
lirisë dhe si rezultat kanë pësuar traumë në atë shkallë sa të ketë ndikuar rëndë në
gjendjen, sjelljen dhe personalitetin e viktimës.
2. Vuajtja psikike nënkupton shqetësimin emocional, traumën psikologjike, ndjenjën e pashpresës
e të pafuqisë, turpin, humbjen e kënaqësisë për jetë dhe shqetësime tjera të natyrës psikologjike
që rezultojnë si pasojë e veprës penale dhe mund të ndikojnë në aspektin emocional, njohës
dhe sjelljen e personit. Vuajtja psikike do të përcaktohet duke marrë parasysh rrethanat e rastit,
llojin e veprës penale, nivelin dhe kohëzgjatjen e shqetësimit si dhe faktorë tjerë relevant.
3. Kompensimi sipas këtij neni jepet në shumë fikse prej dymijë (2000) euro.
Neni 14
Kompensimi për vuajtje psikike për humbjen e anëtarit të familjes
1. Të drejtë kompensimi sipas këtij neni kanë anëtarët e familjes së viktimës së ndjerë.
2. Kompensimi sipas këtij neni bëhet në pajtim me nenin 12, paragrafin 3 të këtij ligji, dhe nuk
mund të tejkaloj shumën prej tremijë (3000) euro në total për të gjithë anëtarët e familjes së
viktimës.
Neni 15
Kompensimi për humbjen e të drejtës në mbajtje
1. Vartësit kanë të drejtë të parashtrojnë kërkesë për kompensim për humbjen e të drejtës në
mbajtje në ato raste kur mund të dokumentojnë se i ndjeri ka qenë kontribues në mbajtjen e
tyre.
2. Kompensimi sipas këtij neni jepet në pajtim me kategorizimin e lëndimeve dhe dëmtimeve
sipas nenit 11, paragrafi 3 i këtij ligji dhe në asnjë rast nuk do të kalojë shumën maksimale prej
tre mijë (3,000) euro për të gjithë vartësit.
Neni 16
Kompensimi i shpenzimeve të varrimit
1. Anëtarët e familjes së viktimës së ndjerë kanë të drejtë në kompensim për shpenzimet e
varrimit. Kompensimi sipas këtij neni paguhet në shumë fikse prej një mijë (1,000) euro.
GAZETA ZYRTARE E REPUBLIKËS SË KOSOVËS / Nr. 33 / 2 NËNTOR 2022, PRISHTINË
16
LIGJI NR. 08/L-109 PËR KOMPENSIMIN E VIKTIMAVE TË KRIMIT
2. Kompensimi për shpenzimet nga paragrafi 1 i këtij neni, mund të kërkohet si pjesë e kërkesës
për kompensim të menjëhershëm ose të rregullt. Parashtruesi i kërkesës duhet të posedojë
autorizimin e anëtarëve të tjerë të familjes për tërheqjen e këtij kompensimi.
3. Përveç kompensimit të paraparë me paragrafin 1 të këtij neni parashtruesi i kërkesës mund
të kërkojë edhe kompensim për shpenzimet e transportimit të kufomës së viktimës nga një shtet
tjetër. Shpenzimet rreth këtij transporti duhen të jenë të dokumentuara.
Neni 17
Kompensim për dëmtimin apo shkatërrimin e pajisjeve mjekësore
1. Parashtruesi i kërkesës kompensohet për pajisjet mjekësore të domosdoshme për shëndetin
e viktimës dhe të cilat pajisje janë dëmtuar si pasojë e veprës së dhunshme nga e cila ka
rezultuar edhe dëmtimi i viktimës.
2. Kompensimi sipas këtij neni nuk do të kalojë shumën maksimale prej tremijë (3,000) euro.
Neni 18
Rrethanat që ndikojnë në kompensim
1. Kompensimi mund të zvogëlohet ose të refuzohet:
1.1. në varësi të kontributit të viktimës në shkaktimin e dëmit apo në përkeqësimin e
dëmtimit të shkaktuar;
1.2. në varësi të sjelljes së viktimës para, gjatë ose pas veprës penale;
1.3. në varësi të përfshirjes së viktimës në krimin e organizuar apo të anëtarësisë së tij
në një organizatë që përfshihet në krim të dhunshëm;
1.4. nëse dhënia e plotë apo e pjesshme e kompensimit është në kundërshtim me
kuptimin e drejtësisë, moralit apo rendit publik.
Neni 19
Marrja parasysh e kompensimeve të tjera
1. Shuma e kompensimit për një lloj të caktuar të dëmit sipas këtij ligji do të zvogëlohet për
pjesën e shërbimeve te mbuluara falas nga institucionet shëndetësore publike, dëmshpërblimin
e pranuar nga kryesi, kompensimin e pranuar nga sigurimi shëndetësor publik apo privat,
kompensimin nga fondet tjera publike, apo kompensimin e pranuar nga programet tjera të
kompensimit brenda ose jashtë vendit nëse janë mbuluar në emër të të njëjtit dëm respektivisht
nga e njëjta bazë.
2. Në vendimin për kompensim Komisioni do të merr parasysh edhe cilindo dëmshpërblim
të urdhëruar nga gjykata që vendos në çështjen penale për veprën për të cilin kërkohet
kompensimi, përveç nëse ai dëmshpërblim nuk është paguar.
Neni 20
Bartja e së drejtës në kompensim
1. E drejta në paraqitjen e kërkesës për kompensim nuk bartet tek vartësit në rast të vdekjes së
viktimës pas paraqitjes së kërkesës për kompensim.
2. Përjashtimisht nga paragrafi 1 i këtij neni, në rastet kur viktima e krimit ka kërkuar kompensim
për lëndimet që iu janë shkaktuar si pasojë e veprave të dhunshme, por në ndërkohë i njëjti
vdes jo si pasojë e atyre lëndimeve, anëtari i familjes së të ndjerit ka të drejtë në kompensim në
rast të plotësimit kumulativ të kushteve të mëposhtme:
GAZETA ZYRTARE E REPUBLIKËS SË KOSOVËS / Nr. 33 / 2 NËNTOR 2022, PRISHTINË
17
LIGJI NR. 08/L-109 PËR KOMPENSIMIN E VIKTIMAVE TË KRIMIT
2.1. nëse Komisioni para vdekjes së viktimës ka marrë vendimin përfundimtar për
kompensim të viktimës për lëndim, por ende nuk është bërë transferi i shumës së
kompensimit në llogarinë e viktimës;
2.2. nëse anëtari i familjes ka qenë financiarisht i varur nga i ndjeri dhe nuk ka burime
tjera të mbajtjes.
KAPITULLI III
AUTORITET KOMPETENTE
Neni 21
Komisioni për kompensimin e viktimës së krimit
1. Komisioni për kompensim të viktimave të krimit emërohet nga Qeveria e Republikës së
Kosovës me këtë përbërje:
1.1. një (1) gjyqtar i Gjykatës Supreme, si kryetar i Komisionit, i propozuar nga Këshilli
Gjyqësor i Kosovës;
1.2. një (1) përfaqësues nga shoqëria civile me njohuri në fushën e mbrojtjes së
viktimave, anëtar, i propozuar nga Ministri i Drejtësisë, i përkrahur nga së paku pesë
(5) organizata të shoqërisë civile në fushën e të drejtave të njeriut dhe të drejtave të
viktimave;
1.3. një (1) anëtar nga radhët e mjekëve të licencuar në fushën e psikiatrisë të
propozuar nga Oda e Mjekëve të Kosovës;
1.4. udhëheqësi i njësisë administrative të Komisionit është anëtarë pa të drejtë vote.
Përjashtimisht në mungesë të kuorumit, Udhëheqësi i njësisë ka të drejtën e votës.
2. Mandati i anëtarëve të Komisionit është (3) tri vite. Mandati i kryetarit të Komisionit
është katër (4) vite. Anëtarët e Komisionit, përfshirë edhe kryetarin mund të rizgjidhen edhe për
një mandat shtesë.
3. Përbërja e Komisionit do të ketë parasysh kuotën gjinore dhe etnike.
Neni 22
Pushimi dhe shkarkimi nga funksioni i anëtarit të Komisionit
1. Anëtarëve të Komisionit u pushon funksioni i anëtarit me:
1.1. vdekje;
1.2. humbjen e zotësisë për veprim për më shumë se tre (3) muaj për shkak të arsyeve
mjekësore të vërtetuara;
1.3. dështimin e vazhdueshëm për të marrë pjesë në veprimtaritë e Komisionit për më
shumë se tre (3) muaj;
1.4. pushimin e statusit mbi të cilin bazohet caktimi si anëtar;
1.5. skadimin e mandatit;
1.6. dorëheqje duke informuar Komisionin me njoftim paraprak prej tridhjetë (30) ditësh.
2. Anëtarët e Komisionit shkarkohen nga funksioni para skadimit të mandatit për të cilin është
zgjedhë nëse veprimet e tij e bëjnë të padenjë ushtrimin e funksionit të anëtarit të Komisionit
GAZETA ZYRTARE E REPUBLIKËS SË KOSOVËS / Nr. 33 / 2 NËNTOR 2022, PRISHTINË
18
LIGJI NR. 08/L-109 PËR KOMPENSIMIN E VIKTIMAVE TË KRIMIT
në raste kur anëtari:
2.1. kryen detyrat në Komision në mënyrë të pandërgjegjshme, dhe;
2.2. dënohet për vepër penale.
3. Nëse një vend në Komision lirohet para skadimit të mandatit të një anëtari, pozita e lirë
plotësohet në të njëjtën mënyrë si për anëtarin të cilit i ka skaduar mandati.
Neni 23
Kryerja e detyrave nga Komisioni
1. Komisioni vendosë për kërkesat për kompensim në mbledhjet e thirrura nga Kryetari.
2. Sipas nevojës Komisioni mund të intervistojë apo kërkojë raport me shkrim nga zyrtarë
përkatës, të cilët kanë qenë të përfshirë gjatë procedurës penale në rast dhe mund të kenë
njohuri për ndikimin e veprës në viktimën.
3. Komisioni gjatë vendimmarrjes ka diskrecion si në vijim:
3.1. tejkalimin e shumave maksimale siç parashihet për kategoritë e veçanta të
kompensimit, në rastet kur shpenzimet e dokumentuara janë të arsyeshme.
3.2. caktimin e lartësisë së kompensimit sipas nenit 8, nënparagrafi 2.2.2 dhe nenit 11,
paragrafi 5, të këtij ligji.
3.3. vazhdimin e afatit për dorëzim të kërkesës apo plotësimeve të kërkuara në rastet
kur është qartësisht e arsyeshme se një vonesë e tillë ka qenë e pashmangshme.
4. Anëtarëve të Komisionit për punën e tyre u takon e drejta në shpërblim në pajtim me vendimin
e qeverisë.
5. Komisioni do të miratojë rregulloren e punës për mënyrën e funksionimit të tij, rolin dhe
detyrat e njësisë mbështetëse dhe komunikimin mes tyre.
Neni 24
Përjashtimi dhe kundërshtimi
Dispozitat e Ligjit të procedurës kontestimore të cilat vlejnë për përjashtimin e gjyqtarëve janë
të aplikueshme në mënyrë analoge edhe për anëtarët e Komisionit për kompensim.
Neni 25
Mbështetja nga njësia administrative e Komisionit
1. Ministria e Drejtësisë do të sigurojë mbështetjen administrative-teknike për Komisionin (tutje:
Njësia).
2. Njësia është përgjegjëse për pranimin dhe shqyrtimin paraprak të kërkesave si në vijim:
2.1. nëse kërkesa është dorëzuar në afatin e përcaktuar me ligj;
2.2. nëse kërkesa përmban ndonjë mangësi, është e pakompletuar apo e pakuptueshme.
3. Nëse kërkesa është e pasafatshme, Njësia e njofton Kryetarin e Komisionit dhe parashtruesin
për refuzimin e kërkesës.
4. Në rastet nga nënparagrafi 2.2. i këtij neni, Njësia komunikon me parashtruesit e kërkesave
GAZETA ZYRTARE E REPUBLIKËS SË KOSOVËS / Nr. 33 / 2 NËNTOR 2022, PRISHTINË
19
LIGJI NR. 08/L-109 PËR KOMPENSIMIN E VIKTIMAVE TË KRIMIT
për t’u kërkuar të dhënat shtesë dhe korrigjimet e nevojshme. Afati i përcaktuar për korrigjimin e
një mangësie në një kërkesë të pakompletuar dhe të pakuptueshme, nuk është më i shkurtër se
tridhjetë (30) ditë. Nëse kërkesa nuk plotësohet edhe pas afatit shtesë, Komisioni merr vendim
për refuzim të rastit.
5. Njësia pas shqyrtimit paraprak të kërkesës, mund të udhëzojë parashtruesin se në bazë të
dokumentacionit të prezantuar, i njëjti mund të bëj plotësimin e kërkesës duke aplikuar edhe për
kategorinë përkatëse të kompensimit për shqyrtim nga Komisioni.
6. Njësia është përgjegjëse edhe për komunikimin me autoritetet kompetente për sigurimin e
informatave të nevojshme.
7. Detyrat dhe përgjegjësitë e veçanta të Njësisë përcaktohen me Rregulloren për organizimin
e brendshëm dhe sistematizimin e vendeve të punës të Ministrisë së Drejtësisë.
Neni 26
Obligimi për të siguruar informata
1. Secili institucion i cili bie në kontakt me viktimën, ka për obligim të informojë atë
për të drejtën në kompensim sipas këtij ligji.
2. Ministria e Drejtësisë do të publikojë në faqen e saj të internetit informatat e nevojshme për të
kërkuar kompensim, formularët për paraqitje të kërkesës dhe udhëzimet tjera të nevojshme për
të gjitha situatat vendore dhe tejkufitare. Ministria e Drejtësisë do të bëjë publike informacione
në lidhje me programin për kompensim. Të gjitha informatat do të publikohen në pajtim me
Ligjin për përdorimin e gjuhëve si dhe në gjuhën angleze.
3. Ministria e Drejtësisë në rast nevoje, do të ofrojë udhëzime të përgjithshme për parashtruesit
e kërkesës. Udhëzimet do të përfshijnë informatat se si do të plotësohet aplikacioni dhe çfarë
dokumentacioni mbështetës mund të jetë i nevojshëm.
4. Ministria e Drejtësisë, kurdo që është e nevojshme, do të sigurojë shkëmbimin e informatave
me autoritetet kompetente të shteteve tjera, sipas rregulloreve të shteteve përkatëse kompetente
për kryerje të detyrave në procedurat e kompensimit të kërkesave. Ministria e Drejtësisë do të
ofrojë asistencë dhe të kërkojë zgjidhje adekuate lidhur me zbatimin e dispozitave në situatat
tejkufitare.
5. Me kërkesë të Komisionit, policia i siguron Komisionit të dhëna mbi veprën penale nga e cila
pretendon se ka pësuar viktima.
6. Institucionet shëndetësore, sociale, policia, prokuroria, gjykatat dhe institucionet tjera të
nivelit lokal dhe qendror duhet t’i vendosin në dispozicion në vende publike informata rreth
programit të kompensimit.
KAPITULLI IV
PROCEDURAT E KËRKIMIT TË KOMPENSIMIT
Neni 27
Dorëzimi i kërkesës për kompensim
1. Kërkesa për kompensim dorëzohet në Ministrinë e Drejtësisë, adresuar Njësisë përkatëse
për mbështetje Komisionit për Kompensim të Viktimave të Krimit.
2. Kërkesa e plotësuar së bashku me dokumentacionin përkatës dorëzohet në adresë të
Komisionit për kompensim në Ministrinë e Drejtësisë në njërën nga mënyrat si më poshtë:
GAZETA ZYRTARE E REPUBLIKËS SË KOSOVËS / Nr. 33 / 2 NËNTOR 2022, PRISHTINË
20
LIGJI NR. 08/L-109 PËR KOMPENSIMIN E VIKTIMAVE TË KRIMIT
2.1. drejtpërdrejtë;
2.2. me postë;
2.3. me postë elektronike (e-mail).
3. Për plotësimin e kërkesës për kompensim, viktima e krimit mund të kërkojë ndihmën
e mbrojtësit të viktimave apo organizatave joqeveritare që ofrojnë ndihmë juridike falas për
viktima.
4. Në rast të angazhimit të avokatit privat për plotësimin dhe dorëzimin e kërkesës për
kompensim, Komisioni nuk do të kompensojë parashtruesin e kërkesës për tarifën e kërkuar
nga avokati privat.
5. Komisioni, në pajtim me dispozitat e Kodit të Procedurës Penale, mund të shqyrtojë edhe
kërkesat për kompensim të referuara nga Gjykata.
6. Parashtresat në procedurat e kompensimit janë të përjashtuara nga çdo tarifë.
7. Ministria e Drejtësisë do të përgatisë formularët standard të kërkesës për kompensim nga
nenet 8, 9 dhe 34 të këtij ligji.
8. Viktima e krimit do të jep pëlqim për procesim të të dhënave personale përkatëse dhe të
dhënat e ndjeshme personale për qëllim të vlerësimit të kërkesës për kompensim.
9. Nëse viktima e krimit është e penguar për të dhënë pëlqim për shkak të dëmtimit fizik apo
psikik, konsiderohet se të drejtën e dhënies së një pëlqimi të tillë e ka përfaqësuesi ligjor i
viktimës.
10. Parashtruesi i kërkesës deklaron se nuk ka të drejtë të kërkojë kompensimin nga burime
tjera.
11. Vërtetësia e deklaratave në kërkesë i nënshtrohet dispozitave përkatëse që i referohen
deklarimit të rremë të Kodit Penal.
12. Kërkesa duhet të dorëzohet në gjuhën shqipe apo serbe për viktimat vendore, ndërkaq për
situatat tejkufitare vendore është i pranueshëm edhe versioni në gjuhën angleze.
Neni 28
Dokumentet që duhet bashkëngjitur kërkesës për kompensim
1. Kërkesës së parashtruar në pajtim me nenin 8 të këtij ligji, i bashkëngjiten dokumentet në
vijim:
1.1. çfarëdo dokumenti të lëshuar nga policia i cili dokumenton se vepra penale është
zbuluar, raportuar dhe trajtuar, përfshirë edhe cilësimin si viktimë e veprës penale;
1.2. dëshminë mbi gjendjen financiare të parashtruesit të kërkesës.
2. Kërkesës së parashtruar në pajtim me nenin 9, paragrafët 1 deri 4 të këtij ligji duhet ti
bashkëngjitet vendimi i plotfuqishëm.
3. Kërkesës së parashtruar në pajtim me nenin 9, paragrafin 5 të këtij ligji, për të vërtetuar këto
situata, duhet ti bashkëngjitet vendim apo ndonjë dokument tjetër zyrtar.
4. Përpos dokumenteve të specifikuara në paragrafët 1, 2 dhe 3 të këtij neni, kërkesës së i
bashkëngjiten edhe dokumentet në vijim:
GAZETA ZYRTARE E REPUBLIKËS SË KOSOVËS / Nr. 33 / 2 NËNTOR 2022, PRISHTINË
21
LIGJI NR. 08/L-109 PËR KOMPENSIMIN E VIKTIMAVE TË KRIMIT
4.1. dokumentin e identifikimit. Në rast të një viktime të trafikimit, kur viktima nuk posedon
dokumente identifikuese, identiteti i viktimës konstatohet në bazë të raportit të policisë
respektivisht nga aktgjykimi i gjykatës kompetente që ka trajtuar çështjen penale;
4.2. autorizimi për parashtruesin e kërkesës në rastet kur ky person kërkon kompensimin
në emër të viktimës apo vartësve të viktimës;
4.3. raportet përkatëse mjekësore dhe dokumentet apo prova tjera të besueshme
që dëshmojnë që viktima e krimit ka pësuar lëndim trupor, dëmtim të shëndetit apo
vuajtje, përpos rasteve nga paragrafi 2 i këtij neni;
4.4. dëshmitë e shpenzimeve kur ky dokumentim kërkohet sipas kategorisë së caktuar;
4.5. çertifikatën e bashkësisë familjare në rastet kur kërkesa për kompensim
parashtrohet nga vartësit, respektivisht anëtarët e familjes së viktimës;
4.6. dokument që dëshmon që viktima ka qenë kontribues në mbajtjen e familjes, në
rastet kur kërkohet kompensim për humbjen e të drejtës në mbajtje;
4.7. dokumentet tjera relevante në mbështetje të kërkesës për kompensim.
5. Dokumentet e hartuara në ndonjë gjuhë të huaj, përveç gjuhës angleze, do të shoqërohen
me përkthim në gjuhën shqipe apo serbe.
Neni 29
Afati për dorëzimin e kërkesës
1. Kërkesa për kompensim të menjëhershëm nga neni 8 i këtij ligji, mund të dorëzohet brenda
afatit prej tre (3) vjetësh nga raportimi i veprës penale tek autoritetet kompetente.
2. Kërkesa për kompensim të rregullt nga neni 9 i këtij ligji, mund të dorëzohet brenda afatit
prej tre (3) vjetësh nga:
2.1. pranimi i aktgjykimit të plotfuqishëm;
2.2. pranimi i njoftimit nga ana e parashtruesit për ekzistimin e rrethanave nga neni
9, paragrafi 5 i këtij ligji.
3. Nëse viktima është nën moshën tetëmbëdhjetë (18) vjeçare, afatet sipas paragrafëve 1 dhe 2
të këtij neni do të fillojnë të rrjedhin pasi viktima të mbushë moshën tetëmbëdhjetë (18) vjeçare.
4. Përjashtimisht, nëse viktima për shkak të dëmtimeve trupore, apo shkaqeve tjera të
arsyeshme që pamundësojnë dorëzimin e kërkesës, nuk është në gjendje të dorëzojë kërkesën
e tij deri në afatin e përcaktuar me këtë nen, ai/ajo do të dorëzojë kërkesën më së voni brenda
tre (3) muajsh nga dita kur arsyet për të cilat ai nuk ka qenë në gjendje të dorëzon kërkesën
kanë pushuar së ekzistuari.
Neni 30
Marrja e vendimeve lidhur me kërkesën
1. Vendimet e Komisionit merren me shumicë votash.
2. Komisioni do të:
2.1. pranojë kërkesën në tërësi apo pjesërisht dhe të caktojë lartësinë e kompensimit,
apo;
2.2. refuzojë kërkesën si të pabazuar.
GAZETA ZYRTARE E REPUBLIKËS SË KOSOVËS / Nr. 33 / 2 NËNTOR 2022, PRISHTINË
22
LIGJI NR. 08/L-109 PËR KOMPENSIMIN E VIKTIMAVE TË KRIMIT
3. Komisioni mund të mbajë mbledhje kur janë prezent 2/3 e anëtarëve.
4. Për kërkesën për kompensim të menjëhershëm nga neni 8 i këtij ligji, Komisioni merr vendim
brenda tridhjetë (30) ditësh nga dita e pranimit të dokumentacionit të plotë.
5. Për kërkesën për kompensim të rregullt nga neni 9 i këtij ligji, Komisioni merr vendim brenda
nëntëdhjetë (90) ditësh nga dita e pranimit të dokumentacionit të plotë.
6. Një kopje e vendimit do t’i dërgohet parashtruesit të kërkesës dhe gjykatës kompetente.
7. Nëse viktima e krimit është fëmijë, apo person pa aftësi të veprimit, një kopje e vendimit do
t’i dërgohet kujdestarit ligjor.
8. Pala e pakënaqur ndaj vendimit të Komisionit mund të iniciojë konflikt administrativ në pajtim
me legjislacionin përkatës në fuqi.
9. Vendimi për njohjen e të drejtës në kompensim do të përmbajë edhe klauzolën për transferimin
e kërkesës sipas nenit 40 të këtij ligji, ndaj kryesit, nga përfituesi në buxhetin e Republikës së
Kosovës deri në lartësinë e kompensimit të dhënë.
Neni 31
Bartja e mjeteve
1. Mjetet financiare në rastet e ekzekutimit barten ekskluzivisht tek përfituesi.
2. Mjetet financiare për viktimat fëmijë barten tek përfaqësuesi ligjor.
3. Ekzekutimi i mjeteve financiare bëhet në pajtim me legjislacionin në fuqi.
Neni 32
Transmetimi dhe qasja në të dhëna
1. Administratorët e bazave të të dhënave të informacionit personal, autoritetet shtetërore,
autoritetet e komuniteteve lokale dhe organet që ushtrojnë kompetenca publike të cilat posedojnë
të dhëna mbi rrethanat dhe faktet e rëndësishme për vendimmarrje, duhet të transferojnë të
dhënat e lartpërmendura te Komisioni çdoherë kur kjo kërkohet me shkrim.
2. Pas një kërkese me shkrim nga Komisioni, të dhënat mbi rrethanat dhe faktet e rëndësishme
për vendimmarrje gjithashtu mund t’i dorëzohen vullnetarisht Komisionit nga individët në
posedim të të dhënave.
3. Qasja në përmbajtjen e aktakuzës, dokumentet përcjellëse, raportet e Prokurorisë së Shtetit
dhe vendimet e gjykatës, të cilat i posedon Komisioni për qëllime të vendimmarrjes, mund
t’u vihen në dispozicion vetëm anëtarëve të Komisionit, zyrtarëve të Njësisë mbështetëse
të Komisionit që trajtojnë kërkesën, viktimës apo përfaqësuesit të tij ligjor, përfaqësuesit të
autorizuar dhe autoriteteve kompetente shtetërore.
KAPITULLI V
PROCEDURAT NË SITUATAT TEJKUFITARE
Neni 33
Situatat tejkufitare
1. Situatat tejkufitare përfshijnë situatat tejkufitare vendore, situatat tejkufitare të huaja, përfshirë
edhe situatat nga neni 7 nënparagrafi 1.2, të këtij ligji.
GAZETA ZYRTARE E REPUBLIKËS SË KOSOVËS / Nr. 33 / 2 NËNTOR 2022, PRISHTINË
23
LIGJI NR. 08/L-109 PËR KOMPENSIMIN E VIKTIMAVE TË KRIMIT
2. Situatë tejkufitare vendore është situata kur vepra është kryer në territorin e Republikës
së Kosovës. Në këtë rast Komisioni i themeluar sipas këtij ligji është në rolin e autoritetit
vendimmarrës ndërkaq kërkesa për kompensim nga ana e viktimës së huaj dorëzohet përmes
autoritetit asistues të shtetit të huaj, shtetas i së cilës është viktima e huaj.
3. Situatë tejkufitare e huaj është situata kur vepra është kryer në një shtet tjetër ku e drejta
në kompensim përcaktohet me vendim të autoritetit vendimmarrës të atij shteti. Parashtruesi
i kërkesës në këtë rast është shtetasi i Republikës së Kosovës, ndërkaq Komisioni mund të
shërbejë në rolin e autoritetit asistues dhe është përgjegjës për transmetimin e kërkesave të
parashtruesit të kërkesës autoritetit të huaj vendimmarrës.
Neni 34
Situatat tejkufitare vendore
1. Me të pranuar kërkesën nga autoriteti kompetent i një shteti të huaj, shtetas i së cilës është
parashtruesi i kërkesës, Komisioni do t’i komunikojë autoritetit përkatës të shtetit të huaj, brenda
tridhjetë (30) ditëve informatat në vijim:
1.1. konfirmimin për marrjen e kërkesës;
1.2. të dhënat e personit kontaktues, apo departamentit përgjegjës për çështjen;
1.3. nëse është e mundur, një afat të përafërt kur do të merret një vendim mbi kërkesën.
2. Ministria e Drejtësisë do të hartojë formular të veçantë të kërkesës për situatat tejkufitare
vendore.
3. Nëse kërkesa e pranuar nuk është dërguar në formularin standard të përcaktuar nga Ministria
e Drejtësisë apo kërkesa nuk është e kompletuar, e njëjta do t’i kthehet për plotësim autoritetit
nga e ka pranuar atë.
4. Nëse kërkesa dhe dokumentet e bashkëngjitura nuk janë në gjuhën shqipe, serbe apo
angleze, Komisioni do t’ia kthejë ato parashtruesit të kërkesës ose autoritetit nga i ka pranuar
ato, të shoqëruara nga një udhëzim për përdorimin e gjuhës shqipe, serbe apo angleze.
5. Të gjitha kërkesat dhe dokumentet që transmetohen gjatë komunikimit në mes të autoriteteve
në situata tejkufitare, duhet të përjashtohen nga çdo lloj i verifikimit autentik apo formaliteti
ekuivalent.
6. Nëse Komisioni zbulon në një situatë tejkufitare vendore që vendimi për këtë çështje
përkatëse kërkon procedura të veçanta, sikur dëgjimin e viktimës së krimit, dëshmitarit ose
ekspertit, mund të kërkojë nga autoriteti i huaj asistues në të cilën parashtruesi i kërkesës ka
paraqit kërkesën e tij për kompensim, për të kryer procedurat përkatëse, me kusht që personi
që dëgjohet të pajtohet për seancën dëgjimore apo intervistën e tillë.
7. Seanca dëgjimore e kërkuar në procedurën përkatëse gjithashtu mund të kryhet edhe
nëpërmjet video-konferencës apo tele-komunikimit, me kusht që personi që dëgjohet të pajtohet.
8. Seancat e referuara në paragrafin e mësipërm do të kryhet nga Kryetari i Komisionit ose nga
anëtari i Komisionit, i autorizuar në përputhje me rrethanat nga Kryetari i Komisionit.
9. Vendimi i Komisionit do t’i dërgohet autoritetit asistues të shtetit të huaj dhe parashtruesit të
kërkesës direkt apo përmes këtij autoriteti.
GAZETA ZYRTARE E REPUBLIKËS SË KOSOVËS / Nr. 33 / 2 NËNTOR 2022, PRISHTINË
24
LIGJI NR. 08/L-109 PËR KOMPENSIMIN E VIKTIMAVE TË KRIMIT
Neni 35
Situatat tejkufitare të huaja
1. Në rast të situatës tejkufitare të huaj parashtruesi i kërkesës mund të paraqesë kërkesën e
tij për Komisionin duke përdorur formularin standard të përcaktuar me nenin 34, paragrafin 2
të këtij ligji.
2. Sa më parë që është e mundur, Komisioni do të dërgojë kërkesën bashkë me dokumentet
përcjellëse autoritetit kompetent të shtetit prej ku parashtruesi i kërkesës kërkon kompensimin.
Nëse autoriteti i huaj vendimmarrës nuk do të pranojë kërkesën, apo do të kërkojë të dhëna
shtesë, Komisioni do të informojë menjëherë parashtruesin e kërkesës.
3. Komisioni do të sigurohet që kërkesa zyrtare për kompensim e dërguar tek autoriteti i huaj
vendimmarrës do të bëhet në formularin e caktuar nga autoriteti i atij shteti.
4. Kërkesa bashkë me dokumentet përcjellëse do të dërgohen në një nga gjuhët zyrtare të
shtetit të cilit i dërgohet kërkesa apo në një nga gjuhët zyrtare të BE të cilat shteti pranues ka
deklaruar se mund t’i pranojë.
5. Nëse një autoritet i huaj vendimmarrës kërkon që një seancë dëgjimore apo intervistë e
viktimës së krimit, dëshmitarit ose ekspertit të mbahet në Republikën e Kosovës, seanca
dëgjimore apo intervista e tillë do të kryhet nga Komisioni, me kusht që personi që dëgjohet të
pajtohet për seancën dëgjimore apo intervistën e tillë. Komisioni do t’i dërgojë një raport për
seancën dëgjimore autoritetit të huaj vendimmarrës.
6. Nëse një autoritet i huaj vendimmarrës kërkon që seanca dëgjimore të kryhet përmes
përdorimit të video-konferencës apo telekomunikimit, dëgjimi i tillë do të kryhet në bashkëpunim
me komisionin, me kusht që personi i cili do të dëgjohet pajtohet për dëgjim të tillë.
7. Komisioni në rolin e autoritetit asistues, nuk duhet të bëjë vlerësimin e kërkesës së parashtruar
për kompensim.
8. Veprimet e kryera nga Komisioni në rolin e autoritetit asistues, nuk mund të ankimohen dhe
nuk mund të paraqesin bazë për kërkesë për kompensim të tarifave apo shpenzimeve nga
parashtruesi i kërkesës apo autoriteti vendimmarrës i shtetit të huaj.
9. Në rastin kur autoriteti i huaj vendimmarrës nuk i njeh shtetasit të Republikës së Kosovës,
me banim të përhershëm në Republikën e Kosovës, të drejtën në kompensim për shkak të
shtetësisë që ai ka, Republika e Kosovës merr përsipër shqyrtimin e të drejtës në kompensim
nga Programi për kompensimin e viktimave të krimit, në pajtim me dispozitat e këtij ligji.
10. Për të realizuar të drejtën nga paragrafi 9 i këtij neni, parashtruesi duhet të dokumentojë se
kërkesa drejtuar autoritetit kompetent, është refuzuar mbi bazën e mosplotësimit të kriterit të
kërkuar në atë shtet lidhur me shtetësinë.
11. Parashtruesi nga paragrafi 9 i këtij neni, mund të paraqet kërkesë në pajtim me dispozitat e
këtij ligji dhe vetëm për llojet e kompensimit të parapara me këtë ligj.
KAPITULLI VI
PROGRAMI PËR KOMPENSIMIN E VIKTIMAVE TË KRIMIT
Neni 36
Financimi i Kompensimit të Viktimave të Krimit
1. Programi për kompensimin e viktimave të krimit do të financohet nga Buxheti i Republikës së
Kosovës për Ministrinë e Drejtësisë si pjesë e ligjit vjetor të buxhetit.
GAZETA ZYRTARE E REPUBLIKËS SË KOSOVËS / Nr. 33 / 2 NËNTOR 2022, PRISHTINË
25
LIGJI NR. 08/L-109 PËR KOMPENSIMIN E VIKTIMAVE TË KRIMIT
2. Programi për kompensimin e viktimave mund të financohet edhe përmes kontributeve
vullnetare dhe donacioneve private në pajtim me Rregullat e Kontrollit dhe Menaxhimit Financiar.
3. Gjykata me shqiptimin e aktgjykimit dënues shqipton edhe taksën për kompensimin e
viktimave si në vijim:
3.1. Departamenti i Përgjithshëm i Gjykatës Themelore, shumën prej njëzet (20) euro;
3.2. Departamenti i Krimeve të Rënda, shumën prej pesëdhjetë (50) euro;
3.3. Departamenti Special i Gjykatës Themelore në Prishtinë, shumën prej njëqind (100) euro.
4. Gjatë procesit të rregullt buxhetor të përcaktuar në Ligjin për Menaxhimin e Financave Publike
dhe Përgjegjësitë, Ministria e Drejtësisë do të bëjë një kërkesë buxhetore për të financuar një
linjë buxhetore për programin e kompensimit të viktimave të krimit. Kërkesa e Ministrisë së
Drejtësisë do të ketë parasysh projeksionet për të hyrat e pritura nga paragrafi 3 i këtij neni, si
dhe shpenzimet nga Programi për Kompensim nga vitet paraprake.
5. Niveli i ndarjeve buxhetore për programin e kompensimit të viktimave të krimit do të bëhet
përmes proceseve të rregullta buxhetore, duke marrë parasysh të hyrat e pritura nga paragrafi
3 i këtij neni, kontributi i paguar në programin për kompensim sipas pezullimit të përkohshëm
të procedurës penale, të hyrat nga shitja e pasurisë së paligjshme të konfiskuar, të hyrat nga
dorëzania e konfiskuar në pajtim me ligjin si dhe nivelin e përgjithshëm të të hyrave të pritura
buxhetore dhe kërkesave për financim nga Buxheti i Kosovës.
Neni 37
Raportimi Financiar
1. Si pjesë e kërkesës buxhetore sipas Ligjit për Menaxhimin e Financave Publike dhe
Përgjegjësitë, Ministria e Drejtësisë do t’i dorëzojë Ministrisë së Financave një raport vjetor mbi:
1.1. numrin e përgjithshëm të parashtruesve të kërkesave;
1.2. numrin e parashtruesve të kërkesave që u është mohuar kompensimi;
1.3. numrin i parashtruesve të kërkesave që u është dhënë kompensimi;
1.4. shumën e kompensimit, të dhënë parashtruesve të kërkesave;
1.5. shpenzimet e Komisionit dhe programit nga vitet paraprake.
KAPITULLI VII
REGJISTRAT PËR PARASHTRUESIT E KËRKESAVE DHE PËR VENDIMET E LËSHUARA
Neni 38
Mbajtja e regjistrave
1. Komisioni mban regjistrat për parashtruesit e kërkesës dhe për vendimet e lëshuara rreth
kompensimeve. Përmbajtja e këtyre regjistrave rregullohet me udhëzim administrativ nga
Ministria e Drejtësisë.
2. Regjistrat do të mbahen në raste individuale, secili i shënuar me numrin e saj vijues dhe
numrin e lëndës.
3. Numri i lëndës është numri që i atribuohet rastit me dorëzimin e kërkesës në Ministrinë e
Drejtësisë.
4. Ministria e Drejtësisë do të krijojë një bazë të digjitalizuar të të dhënave.
GAZETA ZYRTARE E REPUBLIKËS SË KOSOVËS / Nr. 33 / 2 NËNTOR 2022, PRISHTINË
26
LIGJI NR. 08/L-109 PËR KOMPENSIMIN E VIKTIMAVE TË KRIMIT
Neni 39
Ruajtja e informatave
1. Të gjitha dosjet e parashtruesve të kërkesave për kompensim do të ruhen në pajtim me afatet
e parapara në legjislacionin përkatës në fuqi.
2. Kërkesat për kompensim, dëshmitë, ekspertizat dhe regjistrat janë të dhëna personale
të ndjeshme e të cilat duhet të përpunohen dhe ruhen me konfidencialitet, në pajtim me
legjislacionin përkatës në fuqi.
KAPITULLI VIII
TRANSFERIMI I KËRKESAVE DHE KTHIMI I MJETEVE TË MARRA
NË MËNYRË JO TË DREJTË
Neni 40
Transferimi i kërkesave
1. Kërkesat e përfituesit ndaj kryesit do të kalojnë, deri në lartësinë e kompensimit në Qeverinë
e Kosovës në ditën e ekzekutimit të vendimit për njohjen e të drejtës për kompensim.
2. Me transferimin e kërkesës sipas paragrafit 1 të këtij neni, Qeveria e Republikës së Kosovës
në raport me kryesin do të veprojë në cilësinë e përfituesit.
3. Avokatura Shtetërore do të ndërmerr veprimet e nevojshme zyrtare për realizimin e
dëmshpërblimit, respektivisht kompensimit në pajtim me legjislacionin në fuqi.
Neni 41
Kthimi i mjeteve të marra në mënyrë jo të drejtë
1. Në rast të pranimit të informatës se kompensimi i përfituesit është bërë mbi bazën e të dhënave
të rreme/falsifikuara apo çfarëdo mashtrimi të mundshëm me qëllim të realizimit të kërkesës për
kompensim, Komisioni dhe çdo palë tjetër e interesuar duhet të informojë prokurorin e shtetit.
2. Përfituesi i kompensimit sipas këtij ligji, ka për obligim të informojë Komisionin në çdo kohë
nëse pas marrjes së kompensimit apo deri në ekzekutimin e vendimit të Komisionit, përfituesi
përfiton dëmshpërblim nga burimet tjera.
KAPITULLI IX
DISPOZITAT KALIMTARE DHE PËRFUNDIMTARE
Neni 42
Dispozitat kalimtare
1. Me hyrjen në fuqi të këtij ligji, shfuqizohet Ligji Nr. 05/L -036 për Kompensimin e Viktimave
të Krimit.
2. Anëtarët e Komisionit me mandat të fituar para hyrjes në fuqi të këtij ligji, qëndrojnë në detyrë
deri në skadimin e natyrshëm të mandatit të tyre.
3. Të gjitha kërkesat e proceduara para hyrjes në fuqi të këtij ligji, trajtohen me ligjin që është
më i përshtatshëm për parashtruesin e kërkesës, në pajtim me vendimin e Komisionit për këtë
çështje.
4. Viktimat dhe vartësit e tyre, të cilët nuk kanë mundur të realizojnë të drejtën në kompensim
sipas ligjit të shfuqizuar, por të cilët plotësojnë kushtet për kompensim sipas këtij ligji, kanë të
GAZETA ZYRTARE E REPUBLIKËS SË KOSOVËS / Nr. 33 / 2 NËNTOR 2022, PRISHTINË
27
LIGJI NR. 08/L-109 PËR KOMPENSIMIN E VIKTIMAVE TË KRIMIT
drejtë të dorëzojnë kërkesat e tyre për shqyrtim nga Komisioni nëse konsiderojnë se plotësojnë
kushtet sipas këtij ligji. Kërkesa nga ky paragraf nuk mund të paraqitet mbi bazën e ndryshimit
në lartësisë së kompensimit me këtë ligj.
Neni 43
Aktet Nënligjore
Aktet nënligjore të parapara në këtë ligj nxjerrën brenda gjashtë (6) muajsh pas hyrjes në fuqi
të këtij ligji.
Neni 44
Hyrja në fuqi
Ky ligj hyn në fuqi pesëmbëdhjetë (15) ditë pas publikimit në Gazetën Zyrtare të Republikës së
Kosovës.
Ligji Nr. 08/L-109
14 tetor 2022
Shpallur me dekretin Nr. DL-321/2022, datë 28.10.2022 nga Presidentja e Republikës së
Kosovës Vjosa Osmani-Sadriu
GAZETA ZYRTARE E REPUBLIKËS SË KOSOVËS / Nr. 33 / 2 NËNTOR 2022, PRISHTINË
28
LIGJI NR. 08/L-109 PËR KOMPENSIMIN E VIKTIMAVE TË KRIMIT