GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
1
KODI NR. 06/L-074 PENAL I REPUBLIKËS SË KOSOVËS
KODI NR. 06/L-074
KODI PENAL I REPUBLIKËS SË KOSOVËS
Kuvendi i Republikës së Kosovës;
Në bazë të nenit 65 (1) të Kushtetutës së Republikës së Kosovës,
Miraton:
KODI PENAL I REPUBLIKËS SË KOSOVËS
PJESA E PËRGJITHSHME
KAPITULLI I
DISPOZITAT E PËRGJITHSHME
Neni 1
Bazat dhe kufijtë e sanksioneve penale
1. Veprat penale dhe sanksionet penale parashihen vetëm për ato sjellje me të cilat cenohen
apo dëmtohen në atë masë liritë dhe të drejtat e njeriut si dhe të drejtat tjera dhe vlerat shoqërore
të garantuara dhe të mbrojtura me Kushtetutën e Republikës së Kosovës dhe me të drejtën
ndërkombëtare, mbrojtja e të cilave nuk do të mund të realizohej pa sanksione penale të shtetit
ligjor.
2. Parashikimi i veprave penale si dhe llojet e masave dhe lartësia e sanksioneve penale
për kryesit e veprave penale bazohen në domosdoshmërinë e sanksionit penalo juridik dhe
proporcionalitetit të shkallës dhe natyrës së rrezikshmërisë për liritë dhe të drejtat e njeriut dhe
të vlerave shoqërore.
Neni 2
Parimi i ligjshmërisë
1. Veprat penale, sanksionet penale dhe masat e trajtimit të detyrueshëm përcaktohen vetëm
me ligj.
2. Askujt nuk mund t’i shqiptohet sanksioni penal ose masa e trajtimit të detyrueshëm për një
vepër nëse para kryerjes së saj nuk është përcaktuar me ligj si vepër penale dhe nuk është
paraparë sanksioni penal ose masa e trajtimit të detyrueshëm për atë vepër.
3. Përkufizimi i një vepre penale duhet të përcaktohet në mënyrë të saktë dhe nuk lejohet
interpretimi sipas analogjisë. Në rast paqartësie, përkufizimi i veprës penale interpretohet në
favor të personit ndaj të cilit zhvillohet procedura penale.
Neni 3
Zbatimi i ligjit më të favorshëm
1. Ndaj kryesit zbatohet ligji që ka qenë në fuqi në kohën e kryerjes së veprës penale.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
2
KODI NR. 06/L-074 PENAL I REPUBLIKËS SË KOSOVËS
2. Në rast se ligji në fuqi ndryshon para shqiptimit të vendimit të formës së prerë, atëherë ndaj
kryesit zbatohet ligji që është më i favorshëm.
3. Nëse ligji i ri nuk e inkriminon veprën, por kryesi është dënuar me aktgjykim të formës së
prerë në pajtim me ligjin e mëparshëm, sanksioni penal nuk fillon të ekzekutohet ose ndërpritet
në rast se ka filluar.
4. Një ligj i cili shprehimisht ka qenë në fuqi vetëm për një kohë të caktuar, zbatohet për ato
vepra penale që janë kryer gjatë kohës kur ai ligj ka qenë në fuqi edhe në rastin kur nuk është
më në fuqi, përveç nëse vetë ligji shprehimisht përcakton ndryshe.
Neni 4
Sanksionet penale dhe masat e trajtimit të detyrueshëm
1. Sanksionet penale janë:
1.1. dënimet kryesore;
1.2. dënimet alternative;
1.3. dënimet plotësuese; dhe
1.4. vërejtja gjyqësore.
2. Masat e trajtimit të detyrueshëm, të cilat mund t’i shqiptohen kryesit që nuk është penalisht i
përgjegjshëm ose është i varur nga droga, ose nga alkooli, janë:
2.1. trajtimi i detyrueshëm psikiatrik me ndalim në institucionin e kujdesit shëndetësor;
2.2. trajtimi i detyrueshëm psikiatrik në liri; dhe
2.3. trajtimi me rehabilitim të detyrueshëm të personave të varur nga droga apo alkooli.
Neni 5
Kufizimet në ekzekutimin e sanksioneve penale dhe masave të trajtimit të detyrueshëm
Me ekzekutimin e sanksionit penal ose masës së trajtimit të detyrueshëm, kryesit të veprës
penale mund ti kufizohen të drejtat e caktuara vetëm deri në atë masë e cila i përgjigjet
natyrës apo përmbajtjes së sanksionit ose masës dhe vetëm në mënyrën me të cilën sigurohet
respektimi i dinjitetit njerëzor të tij apo saj, në pajtim me kushtetutën dhe legjislacionin në fuqi.
Neni 6
Zbatimi i pjesës së përgjithshme të këtij Kodi
Dispozitat e pjesës së përgjithshme të këtij Kodi zbatohen për të gjitha veprat penale të
përcaktuara me ligjet e Republikës së Kosovës.
KAPITULLI II
VEPRAT PENALE DHE PËRGJEGJËSIA PENALE
Neni 7
Vepra penale
Vepra penale është vepër e kundërligjshme e cila është e përcaktuar me ligj si vepër penale,
tiparet e së cilës janë të përcaktuara me ligj dhe për të cilën me ligj është përcaktuar sanksioni
penal ose masa e trajtimit të detyrueshëm.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
3
KODI NR. 06/L-074 PENAL I REPUBLIKËS SË KOSOVËS
Neni 8
Mënyra e kryerjes së veprës penale
1. Vepra penale mund të kryhet me veprim ose me mosveprim.
2. Vepra penale kryhet me mosveprim vetëm kur kryesi nuk e ndërmerr veprimin të cilin ka qenë
i obliguar ta ndërmerr.
Neni 9
Koha e kryerjes së veprës penale
Vepra penale kryhet në kohën kur kryesi ka vepruar apo ka qenë i detyruar të veprojë pa marrë
parasysh kohën kur është shkaktuar pasoja.
Neni 10
Vendi i kryerjes së veprës penale
1. Vepra penale kryhet në vendin ku kryesi ka vepruar apo ka qenë i detyruar të veprojë ashtu
si dhe në vendin ku është shkaktuar pasoja.
2. Vepra penale është përgatitur ose është tentuar në vendin ku kryesi ka vepruar si dhe në
vendin ku kryesi ka dashur që të shkaktohet pasoja.
Neni 11
Vepra e rëndësisë së vogël
Nuk përbën vepër penale ajo vepër e cila edhe pse përmban tiparet e veprës penale të
përcaktuar me ligj, paraqet vepër të rëndësisë së vogël. Vepra është e rëndësisë së vogël
kur rrezikshmëria e saj është e parëndësishme për shkak të natyrës ose peshës së veprës;
mungesës ose pasojave të dëmshme të parëndësishme; rrethanave në të cilat është kryer
vepra; shkallës së ulët të përgjegjësisë penale të kryesit; ose rrethanave personale të kryesit.
Neni 12
Mbrojtja e nevojshme
1. Vepra e kryer në mbrojtje të nevojshme nuk është vepër penale.
2. Mbrojtja e nevojshme është mbrojtja e cila është e domosdoshme për të zmbrapsur sulmin
e kundërligjshëm, real dhe të atëçastshëm ndaj vetes ose personit tjetër me kusht që karakteri
i mbrojtjes të jetë në proporcion me shkallën e rrezikut që paraqet sulmi.
3. Disproporcioni ndërmjet sulmit dhe zmbrapsjes së sulmit konsiderohet tejkalim i kufijve të
mbrojtjes së nevojshme.
4. Kryesi i cili i tejkalon kufijtë e mbrojtjes së nevojshme mund të dënohet më lehtë. Nëse kryesi
tejkalon kufijtë për shkak të tronditjes së fortë apo frikës së shkaktuar nga sulmi, ai mund të
lirohet nga dënimi.
Neni 13
Nevoja ekstreme
1. Vepra e kryer në kushtet e nevojës ekstreme nuk është vepër penale.
2. Nevoja ekstreme ekziston nëse personi e kryen veprën për të zmbrapsur prej vetes ose tjetrit
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
4
KODI NR. 06/L-074 PENAL I REPUBLIKËS SË KOSOVËS
rrezikun e atëçastshëm e të paprovokuar, i cili nuk mund të evitohet në mënyrë tjetër, me kusht
që e keqja e shkaktuar të mos jetë më e madhe se e keqja që është kanosur.
3. Kur kryesi e shkakton rrezikun nga pakujdesia apo i tejkalon kufijtë e nevojës ekstreme,
dënohet më butë. Kur kryesi i tejkalon kufijtë në rrethana veçanërisht lehtësuese, ai mund të
lirohet nga dënimi.
4. Nuk ekziston nevoja ekstreme nëse kryesi ka qenë i obliguar me ligj që t’i ekspozohet
rrezikut.
Neni 14
Dhuna ose kanosja
1. Vepra e kryer nën ndikimin e dhunës së papërballueshme ose kanosjes së papërballueshme
nuk është vepër penale vetëm nëse personi menjëherë pas pushimit të rrezikut e lajmëron
shtrëngimin dhe veprën e kundërligjshme tek organet kompetente.
2. Nëse vepra penale është kryer nën ndikimin e dhunës së përballueshme apo kanosjes së
përballueshme, dënimi mund të zbutet vetëm nëse personi menjëherë pas pushimit të rrezikut
e lajmëron shtrëngimin dhe veprën e kundërligjshme tek organet kompetente.
3. Kushdo që përdor dhunën ose kanosjen sipas paragrafit 1. dhe 2. të këtij neni konsiderohet
kryes i veprës penale.
Neni 15
Veprat e kryera nën shtrëngim
1. Vepra e kryer nën shtrëngim nuk është vepër penale.
2. Vepra kryhet nën shtrëngim kur personi i ballafaquar me dhunën e pashmangshme apo
kanosjen e dhunës që nuk mund të shmanget e që rrezikon jetën, trupin ose lirinë, kryen vepër të
kundërligjshme për të mënjanuar rrezikun nga vetja ose personi tjetër. Vepra do të konsiderohet
se është kryer nën shtrëngim vetëm nëse personi menjëherë pas pushimit të rrezikut e lajmëron
shtrëngimin dhe veprën e kundërligjshme tek organet kompetente.
3. Vepra nuk kryhet nën shtrëngim nëse dhe deri në masën që nga kryesi mund të pritet në
rrethanat e shkaktuara që të pranojë rrezikun, në veçanti nëse ai ka shkaktuar rrezikun ose
nëse ka qenë i detyruar ligjërisht që të ballafaqohet me një dhunë të tillë të atëçastshme apo
me kërcënim të dhunës. Në rrethana të tilla dënimi mund të zbutet.
Neni 16
Urdhrat nga lartë
1. Kur vepra penale është kryer nga një person në bazë të një urdhri qeveritar ose të një eprori,
qoftë ushtarak ose civil, kryesi nuk lirohet nga përgjegjësia penale, përveç kur:
1.1. personi ka qenë i detyruar ligjërisht që t’i bindet urdhrit të tillë;
1.2. personi nuk e ka ditur se urdhri i tillë ka qenë i paligjshëm; dhe
1.3. urdhri i tillë nuk ishte në mënyrë të dukshme i paligjshëm.
2. Urdhrat për të kryer gjenocid, krime lufte apo krime kundër njerëzimit janë të paligjshëm në
të gjitha rrethanat.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
5
KODI NR. 06/L-074 PENAL I REPUBLIKËS SË KOSOVËS
Neni 17
Përgjegjësia penale
1. Kryesi i veprës penale është penalisht përgjegjës nëse është mendërisht i aftë dhe veprën
penale e ka kryer me dashje apo nga pakujdesia.
2. Një person është penalisht përgjegjës për veprën penale të kryer nga pakujdesia vetëm nëse
këtë shprehimisht e përcakton ligji.
3. Personi nuk është penalisht përgjegjës nëse në kohën e kryerjes së veprës penale është nën
moshën katërmbëdhjetë (14) vjet.
Neni 18
Paaftësia mendore dhe aftësia e zvogëluar mendore
1. Personi i cili ka kryer vepër penale konsiderohet i paaftë mendërisht nëse në kohën e kryerjes
së veprës penale lëngonte nga një sëmundje mendore e përkohshme ose e përhershme, nëse
kishte çrregullim mendor apo ngecje në zhvillimin mendor që e ka prekur funksionimin e tij/saj
mendor dhe si pasojë e kësaj, nuk ka qenë në gjendje të kuptojë natyrën dhe rëndësinë apo
pasojën e veprimeve ose mosveprimeve të tij/saj ose nuk ka qenë në gjendje t’i kontrollojë
veprimet ose mosveprimet e tij/saj apo të kuptojë se kryen vepër penale.
2. Personi i cili ka kryer vepër penale konsiderohet se ka aftësi të zvogëluar mendore nëse në
kohën e kryerjes së veprës penale aftësia e tij/saj për të kuptuar natyrën dhe rëndësinë apo
pasojën e veprimeve ose mosveprimeve të tij/saj ka qenë esencialisht e zvogëluar për shkaqet
e cekura në paragrafin 1. të këtij neni. Personi i tillë konsiderohet penalisht përgjegjës, por këto
rrethana merren parasysh nga gjykata kur vendos për kohëzgjatjen dhe llojin e sanksionit ose
masës së trajtimit të detyrueshëm.
Neni 19
Kryerja e veprës penale në gjendje të dehur
Personi është penalisht përgjegjës nëse duke përdorur alkool, narkotik apo me ndonjë mënyrë
tjetër e sjell veten në një gjendje të tillë që nuk mund të kuptoj rëndësinë e veprimit apo të
mosveprimit të vet ose të kontrollojë sjelljen e vet, nëse para se të ketë sjellë veten në gjendje
të tillë, veprimet ose mosveprimet e tij/saj kanë qenë të përfshira në dashjen apo pakujdesinë
e tij/saj në lidhje me veprën penale dhe ligji parasheh përgjegjësi penale për kryerjen e kësaj
vepre penale nga pakujdesia.
Neni 20
Lidhja shkakore
Personi nuk është penalisht përgjegjës kur midis veprimit ose mosveprimit të tij dhe pasojës
mungon lidhja shkakore.
Neni 21
Dashja
1. Vepra penale mund të kryhet me dashje direkte ose eventuale.
2. Personi vepron me dashje direkte kur është i vetëdijshëm për veprën e vet dhe e dëshiron
kryerjen e saj.
3. Personi vepron me dashje eventuale kur është i vetëdijshëm se pasoja e ndaluar mund të
shkaktohet si rezultat i veprimit ose i mosveprimit të tij dhe ai pranon shkaktimin e saj.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
6
KODI NR. 06/L-074 PENAL I REPUBLIKËS SË KOSOVËS
Neni 22
Dijenia, dashja, pakujdesia ose qëllimi
Dijenia, dashja, pakujdesia ose qëllimi i kërkuar si element i veprës penale mund të nxirret nga
rrethanat faktike.
Neni 23
Pakujdesia
1. Vepra penale mund të kryhet me pakujdesi të vetëdijshme apo të pavetëdijshme.
2. Personi vepron me pakujdesi të vetëdijshme kur është i vetëdijshëm se pasoja e ndaluar
mund të shkaktohet si rezultat i veprimit ose të mosveprimit të tij, por me mendjelehtësi mendon
se ajo nuk do të shkaktohet apo se ai do të mund ta parandalojë shkaktimin e saj.
3. Personi vepron me pakujdesi të pavetëdijshme kur nuk është i vetëdijshëm se pasoja e
ndaluar mund të shkaktohet si rezultat i veprimit ose mosveprimit të tij edhe pse në rrethanat
dhe sipas vetive të tij personale ka mund të ishte apo do duhej të ishte i vetëdijshëm për këtë
mundësi.
Neni 24
Përgjegjësia për pasojat më të rënda
Nëse kryerja e një vepre penale shkakton pasoja të cilat e tejkalojnë qëllimin e kryesit dhe për
këtë ligji përcakton një dënim më të rëndë, dënimi më i rëndë mund të shqiptohet në rast se
pasoja i atribuohet pakujdesisë së kryesit.
Neni 25
Lajthimi faktik
1. Personi nuk është penalisht përgjegjës nëse në kohën e kryerjes së veprës penale nuk ka
qenë i vetëdijshëm për ndonjë nga tiparet e asaj vepre ose gabimisht ka menduar se ekzistojnë
rrethanat, të cilat faktikisht po të ekzistonin, kjo vepër do të ishte e lejuar.
2. Personi i cili për shkak të pakujdesisë ka qenë në lajthim është penalisht përgjegjës për
veprën penale të kryer nga pakujdesia nëse ligji në mënyrë specifike parashikon përgjegjësinë
penale për kryerjen e veprës së tillë nga pakujdesia.
Neni 26
Lajthimi juridik
1. Personi i cili për shkaqe të arsyeshme nuk e ka ditur ose nuk ka mundur ta dijë se vepra
është e ndaluar nuk është penalisht përgjegjës.
2. Nëse lajthimi ka qenë i evitueshëm, personi është penalisht përgjegjës por dënimi mund të
zbutet.
3. Lajthimi juridik është i evitueshëm nëse çdo person ka mundur lehtësisht që ta dijë se vepra
është e kundërligjshme ose nëse kryesi duke marrë parasysh profesionin, thirrjen ose detyrën
e tij ka qenë i obliguar ta dijë se vepra është e kundërligjshme.
Neni 27
Përgatitja e veprës penale
1. Kushdo që me dashje përgatit kryerjen e veprës penale do të dënohet vetëm nëse parashihet
shprehimisht me ligj.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
7
KODI NR. 06/L-074 PENAL I REPUBLIKËS SË KOSOVËS
2. Kur ligji parasheh dënimin për përgatitjen e veprës penale të caktuar, përgatitja e veprës
penale përfshin furnizimin me mjete ose aftësimin e mjeteve për kryerjen e veprës penale;
mënjanimin e pengesave për kryerjen e veprës penale; marrëveshjen, planifikimin ose
organizimin me personin tjetër për kryerjen e veprës penale si dhe veprimet tjera me të cilat
krijohen kushtet për kryerjen e drejtpërdrejt të veprës penale por të cilat nuk përbëjnë veprimin
e kryerjes.
Neni 28
Tentativa
1. Kushdo që me dashje ndërmerr veprime për kryerjen e veprës penale por vepra nuk është
kryer ose elementet e veprës penale nuk janë realizuar, konsiderohet se ka tentuar të kryejë
vepër penale.
2. Tentativa për të kryer vepër penale për të cilën mund të shqiptohet dënimi me tre ose më
shumë vjet burgim dënohet. Tentativa për të kryer ndonjë vepër penale tjetër, dënohet vetëm
nëse shprehimisht parashihet me ligj.
3. Personi që tenton të kryejë vepër penale dënohet si të kishte kryer veprën penale, por dënimi
mund të zbutet.
Neni 29
Tentativa e papërshtatshme
Gjykata mund ta lirojë nga dënimi personin i cili tenton të kryejë vepër penale me mjet të
papërshtatshëm ose ndaj objektit të papërshtatshëm.
Neni 30
Heqja dorë vullnetare nga tentativa
1. Gjykata mund ta lirojë personin nga dënimi për tentativë të dënueshme të veprës penale
nëse personi i tillë heq dorë vullnetarisht nga kryerja e veprës penale të cilën e ka filluar,
ndonëse është i vetëdijshëm se në pajtim me të gjitha rrethanat ai mund të vazhdonte veprën
ose nëse pas kryerjes së një vepre të tillë parandalon shkaktimin e pasojave.
2. Në rastin e cekur në paragrafin 1. të këtij neni, kryesi dënohet për ato veprime të cilat përbëjnë
vepër tjetër të veçantë penale.
BASHKËPUNIMI NË KRYERJEN E VEPRËS PENALE
Neni 31
Bashkëkryerja
Nëse dy apo më shumë persona së bashku kryejnë veprën penale duke marrë pjesë në kryerjen
e veprës penale ose thelbësisht duke i kontribuar kryerjes së saj në ndonjë mënyrë tjetër, secili
prej tyre është përgjegjës dhe dënohet me dënimin e paraparë për vepër penale.
Neni 32
Shtytja
1. Kushdo që me dashje e shtytë personin tjetër të kryejë vepër penale dënohet sikurse ta
kishte kryer vet atë vepër penale nëse vepra penale është kryer.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
8
KODI NR. 06/L-074 PENAL I REPUBLIKËS SË KOSOVËS
2. Kushdo që me dashje shtytë personin tjetër të kryejë vepër penale dënohet sikurse ta kishte
kryer vet atë vepër penale nëse vepra penale është tentuar por nuk është kryer.
3. Kushdo që me dashje shtytë personin tjetër të kryejë vepër penale të dënueshme me së
paku pesë (5) vjet burgim dhe vepra penale as që është tentuar, shtytësi dënohet për tentativë.
Neni 33
Ndihma
1. Kushdo që me dashje ndihmon personin tjetër për kryerjen e veprës penale dënohet më
dënim më të butë sesa kryesi i veprës.
2. Ndihma për të kryer një vepër penale përfshin, por nuk kufizohet në: dhënien e këshillave ose
udhëzimeve se si të kryhet vepra penale; vënien në dispozicion të mjeteve për kryerjen e veprës
penale; krijimin e kushteve ose mënjanimin e pengesave për kryerjen e veprës penale; ose
premtimi paraprak se do të fshehë provat e kryerjes së veprës penale, kryesin apo identitetin e
kryesit, mjetet e përdorura për kryerjen e veprës penale ose përfitimet që rrjedhin nga kryerja e
veprës penale.
Neni 34
Bashkimi kriminal
1. Kushdo që shprehimisht apo në mënyrë të heshtur merret vesh me një apo me më shumë
persona për të kryer ose për të nxitur kryerjen e një vepre penale të dënueshme me së paku
pesë (5) vjet burgim dhe ndërmerr veprime përgatitore për realizimin e marrëveshjes së tillë,
dënohet me dënimin e paraparë për atë vepër penale.
2. Gjykata mund ta zbusë dënimin ose ta liroj nga dënimi personin i cili është penalisht përgjegjës
sipas paragrafit 1. të këtij neni nëse personi i tillë:
2.1. vullnetarisht heq dorë nga marrëveshja;
2.2. vullnetarisht ndërmerr veprime për parandalimin e ekzistencës së vazhdueshme të
bashkimit kriminal ose të kryerjes së veprës penale në pajtim me qëllimet e saj; ose
2.3. vullnetarisht ia zbulon policisë njohuritë e marrëveshjes në kohën kur vepra penale
e planifikuar ende mund të parandalohet.
Neni 35
Marrëveshja për të kryer vepër penale
1. Kushdo që merret vesh me një apo me më shumë persona për të kryer vepër penale dhe një
apo më shumë nga ata persona ndërmerr çfarëdo veprimi të rëndësishëm për kryerjen e veprës
penale dënohet me dënimin e paraparë për atë vepër penale.
2. Për qëllime të këtij neni, shprehja “veprim i rëndësishëm drejt kryerjes së veprës penale”
nuk duhet të jetë veprim penal por duhet të jetë hap i rëndësishëm përgatitor drejtë kryerjes së
veprës penale të cilën personat janë pajtuar që ta kryejnë.
Neni 36
Kufijtë e përgjegjësisë penale dhe ndëshkimi për bashkëpunim
1. Bashkëkryesi është penalisht përgjegjës brenda kufijve të dashjes apo të pakujdesisë së vet.
2. Personi i cili shtytë ose ndihmon në kryerjen e veprës penale është penalisht përgjegjës
brenda kufijve të dashjes së tij.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
9
KODI NR. 06/L-074 PENAL I REPUBLIKËS SË KOSOVËS
3. Rrethanat personale, përfshirë marrëdhëniet dhe cilësitë të cilat mund të rezultojnë në
përjashtimin nga përgjegjësia penale, lirimin nga dënimi, ekzistimin e formave të rënda apo
të lehta të veprës penale ose që ndikojnë në përcaktimin e dënimit, mund të merren parasysh
vetëm ndaj personit për të cilin vlejnë. Nëse rrethanat personale të cilat ndërlidhen me kryesin
kanë ndikim në zbutjen ose ashpërsimin e dënimit dhe këto rrethana konstituojnë element të
veprës penale, bashkëkryesi, shtytësi ose ndihmësi është përgjegjës për dënimin e paraparë
për vepër penale kur ai ka ditur për këtë rrethanë, edhe nëse nuk ka pasur lidhshmëri me të.
Neni 37
Përgjegjësia penale e personave juridik
1. Personi juridik është përgjegjës për veprën penale të kryer nga personi përgjegjës, i cili
veprën e ka kryer duke vepruar në emër të personit juridik dhe për dobi apo interesin e tij ose
me atë vepër penale është shkaktuar dëm.
2. Përgjegjësia e një personi juridik nga paragrafi 1. i këtij neni ekziston nëse vepra penale e
personit përgjegjës është rezultat i:
2.1. një kompetence për të përfaqësuar personin juridik, një autoriteti për të marrë
vendime në emër të personit juridik ose një autoriteti për të ushtruar kontroll brenda
personit juridik; ose
2.2. mungesës së mbikëqyrjes ose kontrollit nga personi i përcaktuar në nënparagrafin
2.1 të këtij paragrafi, i cili ka bërë të mundur kryerjen e veprës penale në dobi të personit
juridik nga një person përgjegjës nën autoritetin e tij.
3. Sipas kushteve të parapara në paragrafin 1 dhe 2 të këtij neni, personi juridik po ashtu është
përgjegjës për veprën penale në rastin kur personi përgjegjës që ka kryer vepër penale nuk
dënohet për atë vepër penale.
4. Përgjegjësia penale e personit juridik nuk përjashton nga përgjegjësia penale një person
përgjegjës i cili ka kryer, organizuar, nxitur ose ndihmuar në kryerjen e të njëjtës vepër penale.
KAPITULLI III
DËNIMET
Neni 38
Qëllimi i dënimit
1. Qëllimet e dënimit janë:
1.1. të parandalojë kryesin nga kryerja e veprave penale në të ardhmen dhe të bëjë
rehabilitimin e tij;
1.2. të parandalojë personat e tjerë nga kryerja e veprave penale;
1.3. të bëjë kompensimin e viktimave ose të komunitetit për humbjet ose dëmet e
shkaktuara nga vepra penale; dhe
1.4. të shprehë gjykimin shoqëror për veprën penale, ngritjen e moralit dhe forcimin e
detyrimit për respektimin e ligjit.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
10
KODI NR. 06/L-074 PENAL I REPUBLIKËS SË KOSOVËS
Neni 39
Llojet e dënimeve
1. Llojet e dënimeve janë:
1.1. dënimet kryesore;
1.2. dënimet alternative; dhe
1.3. dënimet plotësuese.
DËNIMET KRYESORE
Neni 40
Dënimet kryesore
1. Llojet e dënimeve kryesore janë:
1.1. dënimi me burgim të përjetshëm;
1.2. dënimi me burgim dhe
1.3. dënimi me gjobë.
Neni 41
Dënimi me burgim të përjetshëm
1. Ligji mund të parasheh dënimin me burgim të përjetshëm për veprat më të rënda penale
të kryera në rrethana veçanërisht rënduese ose për vepra penale që kanë shkaktuar pasoja
shumë të rënda.
2. Ligji nuk mund të parasheh dënimin me burgim të përjetshëm si të vetmin dënim kryesor për
një vepër të veçantë penale.
3. Dënimi me burgim të përjetshëm nuk mund t’i shqiptohet personit i cili në kohën e kryerjes
së veprës penale nuk i ka mbushur njëzetenjë (21) vjet ose personit i cili në kohën e kryerjes së
veprës penale ka pasur aftësi esencialisht të zvogëluar mendore.
Neni 42
Dënimi me burgim
1. Dënimi me burgim nuk mund të shqiptohet në kohëzgjatje më pak se tridhjetë (30) ditë e as
më tepër se njëzet e pesë (25) vjet.
2. Për vepra penale për të cilat ligji parasheh dënim me burgim të përjetshëm, gjykata mund të
shqiptoj dënim me burgim deri në tridhjetë e pesë (35) vjet.
3. Dënimi me burgim shqiptohet në vite dhe në muaj të plotë, e në rastet kur dënimi është deri
në gjashtë (6) muaj, dënimi shqiptohet në ditë të plota.
Neni 43
Dënimi me gjobë
1. Dënimi me gjobë nuk mund të jetë më pak se njëqind (100) Euro evropiane (në tekstin e
mëtejmë “EURO”). Dënimi me gjobë nuk mund të tejkalojë njëzet e pesëmijë (25.000) Euro
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
11
KODI NR. 06/L-074 PENAL I REPUBLIKËS SË KOSOVËS
ndërsa për veprat penale lidhur me terrorizëm, trafikim me njerëz, krim të organizuar ose veprat
penale të kryera me qëllim të përfitimit të dobisë pasurore nuk mund të tejkalojë pesëqind mijë
(500.000) Euro.
2. Në aktgjykim caktohet afati i pagesës së dënimit me gjobë. Afati nuk mund të jetë më i
shkurtër se pesëmbëdhjetë (15) ditë e as më i gjatë se tre (3) muaj, mirëpo në rrethana të
arsyeshme gjykata mund të lejojë që dënimi me gjobë të paguhet me këste për një periudhë që
nuk tejkalon dy (2) vjet. Aktgjykimi po ashtu duhet të përcaktojë se kur duhet të paguhen këstet
dhe duhet të cek se mundësia e pagesës me këste do të revokohet nëse personi i dënuar nuk
e paguan këstin me kohë.
3. Nëse personi i dënuar nuk dëshiron ose nuk mund të paguajë gjobën, gjykata mund të
zëvendësojë dënimin me gjobë me dënim me burgim. Kur dënimi me gjobë zëvendësohet me
dënimin me burgim, njëzet (20) Euro gjobë llogaritet barabartë me një (1) ditë burgim. Dënimi
me burgim nuk mund të tejkalojë tre (3) vjet.
4. Nëse personi i dënuar nuk dëshiron ose nuk mund të paguajë gjobën në tërësi, gjykata do
ta zëvendësojë pjesën e mbetur të gjobës me dënim me burgim, siç parashihet në paragrafin
3. të këtij neni. Nëse personi i dënuar e paguan pjesën e mbetur të gjobës, ekzekutimi i dënimit
ndërpritet.
5. Nëse personi i dënuar nuk dëshiron ose nuk mund të paguajë gjobën, gjykata mundet, me
pëlqimin e personit të dënuar, në vend të shqiptimit të dënimit me burgim, ta zëvendësojë
dënimin me gjobë me urdhër për punë në dobi të përgjithshme. Urdhri për punë në dobi të
përgjithshme llogaritet ashtu që tetë (8) orë të punës në dobi të përgjithshme llogariten me
njëzet (20) Euro gjobë. Kohëzgjatja e punës në dobi të përgjithshme nuk mund të tejkalojë
dyqind e dyzet (240) orë pune.
6. Dënimi me gjobë nuk ekzekutohet pas vdekjes së personit të dënuar.
Neni 44
Zëvendësimi i dënimit me burgim me dënim me gjobë
1. Kur gjykata shqipton dënimin me burgim deri në gjashtë (6) muaj, gjykata njëkohësisht mund
të vendosë që dënimi me burgim të zëvendësohet me dënim me gjobë, me pëlqimin e personit
të dënuar.
2. Kur dënimi me burgim zëvendësohet me dënimin me gjobë, gjykata nuk kufizohet me shkallën
e përllogaritjes të përcaktuar në nenin 43 paragrafi 3.
Neni 45
Zëvendësimi i dënimit me burgim me urdhrin për punë në dobi të përgjithshme
1. Gjykata, me pëlqimin e personit të dënuar, mund të zëvendësojë dënimin me burgim deri në
gjashtë (6) muaj me urdhrin për punë në dobi të përgjithshme.
2. Nëse e shqipton urdhrin për punë në dobi të përgjithshme, gjykata e urdhëron personin e
dënuar të kryejë punë në dobi të përgjithshme pa pagesë për një periudhë të caktuar kohore
prej tridhjetë (30) deri në dyqind e dyzet (240) orë pune. Shërbimi sprovues vendos për llojin
e punës në dobi të përgjithshme që duhet kryer nga personi i dënuar, cakton organizatën e
veçantë për të cilën personi i dënuar do të kryejë punën në dobi të përgjithshme, vendos për
ditët e javës gjatë të cilave puna në dobi të përgjithshme duhet të kryhet dhe e mbikëqyrë
kryerjen e punës në dobi të përgjithshme.
3. Puna në dobi të përgjithshme duhet të kryhet brenda kohës së caktuar nga gjykata dhe kjo
kohë nuk mund të jetë me gjatë se një (1) vit.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
12
KODI NR. 06/L-074 PENAL I REPUBLIKËS SË KOSOVËS
4. Nëse pas kalimit të kohës së caktuar personi i dënuar nuk e ka kryer punën në dobi të
përgjithshme ose e ka kryer vetëm pjesërisht punën e tillë në dobi të përgjithshme, gjykata
urdhëron dënimin me burgim. Një ditë burgim do të urdhërohet për çdo tetë (8) orë pune në dobi
të përgjithshme që nuk është kryer.
DËNIMET ALTERNATIVE
Neni 46
Dënimet alternative
1. Dënimet alternative janë:
1.1. dënimi me kusht;
1.2. gjysmëliria; dhe
1.3. urdhri për punë në dobi të përgjithshme.
2. Kur shqipton dënimin me kusht, gjykata po ashtu mund të shqiptojë:
2.1. urdhrin për trajtim të detyrueshëm rehabilitues; dhe
2.2. urdhrin për mbikëqyrje nga shërbimi sprovues.
Neni 47
Qëllimi i dënimit me kusht
Qëllimi i dënimit me kusht është që të mos zbatohet dënimi për vepra të lehta penale, kur
vlerësohet se tërheqja e vërejtjes me kërcënimin e dënimit është e nevojshme të ndalojë që
kryesi të mos kryejë vepër penale.
Neni 48
Dënimi me kusht
1. Gjykata mund t’ia shqiptojë kryesit dënimin me kusht në përputhje me dispozitat e këtij Kodi.
2. Me dënimin me kusht, gjykata ia cakton kryesit të veprës penale dënimin dhe në të njëjtën
kohë urdhëron që ky dënim të mos ekzekutohet nëse personi i dënuar nuk kryen vepër tjetër
penale për kohën e verifikimit të cilën e cakton gjykata. Koha e verifikimit nuk mund të jetë më
e shkurtër se një (1) vit dhe as më e gjatë se pesë (5) vjet.
3. Në dënimin me kusht, gjykata mund të caktojë që dënimi të ekzekutohet, nëse në afatin e
caktuar personi i dënuar nuk e kthen dobinë pasurore të fituar me kryerjen e veprës penale, nuk
e kompenson dëmin që e ka shkaktuar me vepër penale ose nuk i përmbush detyrimet e tjera
të parapara me dispozitat e këtij Kodi. Gjykata cakton afatin për përmbushjen e këtyre kushteve
në kuadër të kohës së verifikimit.
4. Kur gjykata shqipton dënimin me burgim ose dënimin me gjobë, gjykata mund të shqiptojë
dënimin me kusht për të dy këto dënime ose vetëm për dënimin me burgim.
Neni 49
Kushtet për shqiptimin e dënimit me kusht
1. Dënimi me kusht mund t’i shqiptohet kryesit të veprës penale për të cilën me ligj është
paraparë dënimi me burgim deri në pesë (5) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
13
KODI NR. 06/L-074 PENAL I REPUBLIKËS SË KOSOVËS
2. Dënimi me kusht mund t’i shqiptohet kryesit të veprës penale për të cilën me ligj është
paraparë dënimi me burgim deri në dhjetë (10) vjet, nëse zbatohen dispozitat e zbutjes së
dënimit.
3. Dënimi me kusht mund t’i shqiptohet kryesit sipas paragrafit 1. dhe 2. të këtij neni nëse
gjykata shqipton dënimin me gjobë ose me burgim deri në dy (2) vjet, qoftë për një vepër penale
ose për disa vepra në bashkim.
4. Me rastin e marrjes së vendimit për shqiptimin e dënimit me kusht, gjykata merr posaçërisht
parasysh qëllimin e dënimit me kusht, sjelljen e mëparshme të kryesit, sjelljen e tij pas kryerjes
së veprës penale, shkallën e përgjegjësisë penale dhe rrethanat e tjera në të cilat është kryer
vepra penale.
5. Kur gjykata shqipton dënimin me burgim dhe dënimin me gjobë, gjykata mund të shqiptojë
dënimin me kusht për të dy këto dënime ose vetëm për dënimin me burgim.
Neni 50
Revokimi i dënimit me kusht për shkak të veprës së re penale
1. Gjykata e revokon dënimin me kusht nëse personi i dënuar gjatë kohës së verifikimit kryen
një apo më shumë vepra penale për të cilat është shqiptuar dënimi me burgim prej dy (2) apo
më tepër vjet.
2. Gjykata mund ta revokojë dënimin me kusht nëse personi i dënuar gjatë kohës së verifikimit
kryen një apo shumë vepra penale për të cilat është shqiptuar dënimi me burgim me më pak
se dy (2) vjet ose dënimi me gjobë, pasi t’i ketë vlerësuar të gjitha rrethanat të cilat u përkasin
veprave penale të kryera si dhe personit të dënuar dhe sidomos ngjashmëritë e veprave penale
të kryera, rëndësinë e tyre dhe motivet për kryerjen e veprave penale.
3. Kur revokon dënimin me kusht, gjykata shqipton dënimin unik për veprën penale të kryer më
parë edhe për veprën e re penale, në pajtim me nenin 76 të këtij Kodi dhe trajton dënimin e
revokuar me kusht si të përcaktuar.
4. Nëse gjykata nuk e revokon dënimin me kusht, mund ta shqiptojë dënimin me kusht apo
dënimin me burgim ose dënimin me gjobë për veprën e re penale. Nëse gjykata shqipton
dënim me kusht për veprën e re penale, gjykata zbaton dispozitat e nenit 76 të këtij Kodi për ta
shqiptuar dënimin e bashkuar me kusht për veprën penale të kryer më parë dhe për veprën e re
penale dhe po ashtu e cakton një periudhë të bashkuar të verifikimit e cila nuk mund të jetë më
pak se një (1) vit e as më shumë se pesë (5) vjet, duke filluar prej ditës kur vendimi për dënimin
bëhet i plotfuqishëm. Nëse gjykata shqipton dënim me burgim për veprën e re penale, periudha
kohore që kalohet në mbajtjen e dënimit me burgim nuk hiqet nga koha e verifikimit e vendosur
me dënimin me kusht për veprën penale të kryer më parë.
Neni 51
Revokimi i dënimit me kusht për shkak të veprës penale të kryer më parë
Gjykata e revokon dënimin me kusht nëse pas shqiptimit të dënimit me kusht, me aktgjykim
të plotfuqishëm konstaton se personi i dënuar ka kryer një vepër penale tjetër para se të jetë
dënuar me kusht dhe nëse gjykata vlerëson se nuk do të kishte bazë për shqiptimin e dënimit
me kusht po të dihej për atë vepër penale. Në rastin e këtillë zbatohen dispozitat e paragrafit 3.
të nenit 50 të këtij Kodi.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
14
KODI NR. 06/L-074 PENAL I REPUBLIKËS SË KOSOVËS
Neni 52
Revokimi i dënimit me kusht për shkak të mos përmbushjes së kushteve
Nëse dënimi me kusht është kushtëzuar me përmbushjen e një apo më shumë kushteve të
paraparë me paragrafin 3 të nenit 48 dhe nenin 56 të këtij Kodi dhe personi i dënuar nuk
përmbush kushtin apo kushtet brenda afatit të caktuar nga gjykata, gjykata mund ta vazhdojë
afatin e përmbushjes së kushtit brenda afatit të verifikimit apo mund ta revokojë dënimin
me kusht dhe ta ekzekutojë dënimin i cili është caktuar me dënimin me kusht. Nëse gjykata
konstaton se personi i dënuar nuk ka mund ta përmbushë kushtin për shkaqe të arsyeshme,
gjykata e heq përmbushjen e atij kushti ose e zëvendëson atë me një kusht tjetër përkatës të
paraparë me ligj.
Neni 53
Afatet për revokimin e dënimit me kusht
1. Dënimi me kusht mund të revokohet gjatë kohës së verifikimit. Nëse personi i dënuar gjatë
kësaj kohe kryen vepër penale për të cilën kërkohet revokimi i dënimit me kusht gjatë kohës
së verifikimit, mirëpo kjo është konstatuar me aktgjykim të plotfuqishëm vetëm pas skadimit të
kohës së verifikimit, dënimi me kusht mund të revokohet jo më vonë se një (1) vit nga skadimi i
kohës së verifikimit.
2. Nëse personi i dënuar brenda afatit të caktuar nga gjykata nuk e përmbush kushtin e
shqiptuar nga gjykata siç parashihet në paragrafin 3 të nenit 48 dhe nenin 56 të këtij Kodi,
gjykata mund të revokojë dënimin me kusht jo më vonë se një (1) vit nga skadimi i kohës për
përmbushjen e detyrimit.
Neni 54
Dënimi me kusht me urdhër për trajtim të detyrueshëm rehabilitues
1. Gjykata mund të shqiptojë dënim me kusht me urdhër për trajtim të detyrueshëm rehabilitues
në rast se personi i dënuar e ka shkelur ligjin për herë të parë dhe është i varur nga droga ose
alkooli, nëse gjykata, pas shqyrtimit të raportit të shërbimit sprovues, konsideron se faktori
kryesor që ka motivuar kryerjen e veprës penale është i lidhur me varësinë e tij nga droga
ose alkooli dhe se trajtimi i suksesshëm do ta zvogëlonte rrezikun për kryerjen e veprës së re
penale. Gjykata cakton periudhën gjatë së cilës programi për trajtim të detyrueshëm duhet të
fillojë dhe të përfundojë. Periudha e trajtimit të detyrueshëm nuk mund të jetë më pak se tre (3)
muaj apo më tepër se dymbëdhjetë (12) muaj.
2. Programi i trajtimit rehabilitues mbikëqyret nga shërbimi sprovues.
3. Dënimi konsiderohet se është mbajtur me kryerjen e suksesshme të programit të trajtimit
rehabilitues siç kërkohet nga shërbimi sprovues.
4. Nëse personi i dënuar largohet nga programi i trajtimit rehabilitues, nuk mban kontaktin me
shërbimin sprovues ose nuk i përmbush detyrimet lidhur me urdhrin për trajtim, gjykata mund
të zëvendësojë detyrimin e mëparshëm me një tjetër, ta shtyj kohëzgjatjen e urdhrit për trajtim
ose ta revokojë dënimin me kusht dhe të urdhërojë ekzekutimin e dënimit të caktuar në dënimin
me kusht.
Neni 55
Dënimi me kusht me urdhër për mbikëqyrje nga shërbimi sprovues
1. Gjykata mund të shqiptojë dënimin me kusht me urdhër për mbikëqyrje nga shërbimi sprovues
nëse konsideron se integrimi i të dënuarit në shoqëri ose përmbushja e kushteve të shqiptuara
nga gjykata arrihet më mirë përmes mbikëqyrjes nga ana e shërbimit sprovues.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
15
KODI NR. 06/L-074 PENAL I REPUBLIKËS SË KOSOVËS
2. Kur shqipton dënimin me kusht me urdhër për mbikëqyrje nga shërbimi sprovues, gjykata e
urdhëron personin e dënuar që të mbajë kontaktin me shërbimin sprovues. Gjykata, po ashtu
mund të shqiptojë një apo më shumë nga kushtet e parapara me paragrafin 3. të nenit 48 ose
nenin 56 të këtij Kodi. Kohëzgjatja e një kushti të shqiptuar nuk mund të jetë më pak se gjashtë
(6) muaj e as më shumë se tre (3) vjet.
3. Me rastin e zgjedhjes midis detyrimeve të parapara me nenin 56 të këtij Kodi, gjykata në
veçanti merr parasysh moshën e personit të dënuar; gjendjen e tij të përgjithshme shëndetësore
dhe mendore; mënyrën e jetesës dhe nevojat e tij, veçanërisht nevojat në lidhje me familjen,
shkollën dhe punën; motivet për kryerjen e veprës penale; sjelljen e tij pas kryerjes së veprës
penale; sjelljen e tij të kaluar; rrethanat e tij personale dhe ato në lidhje me familjen; dhe
rrethanat tjera që janë të rëndësishme për zgjedhjen e llojit dhe kohëzgjatjes së mbikëqyrjes.
4. Nëse personi i dënuar nuk mban kontaktin me shërbimin sprovues ose nuk e përmbush
detyrimin e paraparë me nenin 56 të këtij Kodi siç është urdhëruar nga gjykata, gjykata mund
ta zëvendësojë detyrimin e mëparshëm me një tjetër, ta shtyjë kohëzgjatjen e mbikëqyrjes në
kuadër të kohës së verifikimit ose ta revokojë dënimin me kusht.
Neni 56
Llojet e detyrimeve të caktuara në dënimin me kusht
1. Dënimi me kusht mund të përfshijë edhe urdhrin për të përmbushur një apo më shumë nga
detyrimet e mëposhtme:
1.1. mjekimi ose rehabilitimi në entin e kujdesit shëndetësor;
1.2. nënshtrimi në programin e trajtimit mjekësor ose të rehabilitimit;
1.3. vizita te psikologu ose te këshilluesit e tjerë dhe veprimi në pajtim me rekomandimet
e tyre;
1.4. aftësimi profesional në një profesion të caktuar;
1.5. kryerja e aktiviteteve punuese;
1.6. shfrytëzimi i pagës dhe i të ardhurave apo pasurisë tjetër për përmbushjen e
detyrimeve familjare;
1.7. mos ndërrimi i vendbanimit pa informuar shërbimin sprovues;
1.8. heqja dorë nga përdorimi i alkoolit apo i drogës;
1.9. heqja dorë nga frekuentimi i vendeve apo lokaleve të caktuara;
1.10. heqja dorë nga shoqërimi ose kontaktimi me persona të caktuar;
1.11. heqja dorë nga mbajtja e çfarëdo lloji të armëve;
1.12. të kompensojë ose dëmshpërblejë viktimën e veprës penale;
1.13. të kthejë dobinë pasurore të fituar me kryerjen e veprës penale;
1.14. të mos posedojë apo përdor kompjuterin ose të mos qaset në internet siç kërkohet
nga gjykata ose
1.15. të ofrojë raporte financiare siç kërkohet nga gjykata.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
16
KODI NR. 06/L-074 PENAL I REPUBLIKËS SË KOSOVËS
Neni 57
Dënimi me urdhër për punë në dobi të përgjithshme
1. Gjykata mund t’ia shqiptojë personit të dënuar dënimin me urdhër për punë në dobi të
përgjithshme nëse kryesit i shqipton dënim me gjobë deri në dymijepesëqind (2.500) Euro
ose me burgim deri në një (1) vit. Puna në dobi të përgjithshme mund të caktohet vetëm me
pëlqimin e personit të dënuar.
2. Nëse e shqipton dënimin me urdhër për punë në dobi të përgjithshme, gjykata e urdhëron
personin e dënuar të kryejë pa pagesë, punë në dobi të përgjithshme për një periudhë të caktuar
prej tridhjetë (30) deri në dyqind e dyzet (240) orë pune. Shërbimi sprovues vendos për llojin
e punës në dobi të përgjithshme që duhet të kryhet nga personi i dënuar, cakton organizatën
e veçantë për të cilën personi i dënuar do të kryejë punën në dobi të përgjithshme, vendos
për ditët e javës gjatë të cilave puna në dobi të përgjithshme duhet të kryhet dhe mbikëqyrë
kryerjen e punës në dobi të përgjithshme.
3. Puna në dobi të përgjithshme kryhet brenda një periudhe kohore të përcaktuar nga gjykata,
e cila nuk e tejkalon një (1) vit.
4. Nëse e shqipton dënimin me urdhër për punë në dobi të përgjithshme, gjykata, po ashtu, e
urdhëron personin e dënuar të mbajë kontaktin me shërbimin sprovues ose mund të urdhëroj
kryerjen e një apo më shumë prej detyrimeve të parapara me paragrafin 3. të nenit 48 ose me
nenin 56 të këtij Kodi. Kohëzgjatja e detyrimit të paraparë me nenin 56 nuk duhet të jetë më
e shkurtë se gjashtë (6) muaj ose më e gjatë se sa tri (3) vjet. Neni 55 paragrafi 3. i këtij Kodi
zbatohet përshtatshmërisht për detyrimin e urdhëruar me këtë paragraf.
5. Nëse personi i dënuar nuk e kryen punën në dobi të përgjithshme, ose e kryen pjesërisht
gjykata mund ta shtyjë kohëzgjatjen e mbikëqyrjes brenda kohës së verifikimit ose ta revokojë
dënimin.
6. Nëse pas kalimit të kohës së caktuar personi i dënuar nuk e ka kryer punën në dobi të
përgjithshme ose e ka kryer vetëm pjesërisht punën e tillë në dobi të përgjithshme, gjykata
urdhëron dënimin me burgim. Një (1) ditë burgim do të urdhërohet për çdo tetë (8) orë pune në
dobi të përgjithshme që nuk është kryer.
Neni 58
Gjysmëliria
1. Kur shqipton dënimin me burgim deri në një (1) vit, gjykata mund të urdhërojë ekzekutimin e
dënimit në gjysmëliri për shkak të detyrimeve të personit të dënuar lidhur me punën, arsimimin
ose aftësimin profesional, përgjegjësitë esenciale familjare apo nevojën për trajtim mjekësor
ose rehabilitues.
2. Gjatë vuajtjes së dënimit në gjysmëliri, personi i dënuar detyrohet të kthehet në burg pas
kryerjes së detyrimeve jashtë burgut brenda kohës së caktuar nga gjykata.
3. Kur personi i dënuar nuk i përmbush detyrimet nga paragrafi 1. i këtij neni, gjykata e revokon
urdhrin për ekzekutimin e dënimit në gjysmëliri dhe urdhëron mbajtjen e dënimit të mbetur në
burg.
4. Kur gjykata urdhëron ekzekutimin e dënimit në gjysmëliri, ajo po ashtu mund të shqiptojë një
apo më shumë nga kushtet e përcaktuara me nenet paragrafin 3. të nenit 48 ose nenin 56 të
këtij Kodi.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
17
KODI NR. 06/L-074 PENAL I REPUBLIKËS SË KOSOVËS
DËNIMET PLOTËSUESE
Neni 59
Dënimet plotësuese
1. Dënimi plotësues mund të shqiptohet së bashku me dënimin kryesor ose alternativ.
2. Dënimet plotësuese janë:
2.1. heqja e të drejtës për t’u zgjedhur;
2.2. urdhri për kompensimin e humbjes apo dëmit;
2.3. ndalimi i ushtrimit të funksioneve në administratën publike ose në shërbimin publik;
2.4. ndalimi i ushtrimit të profesionit, i veprimtarisë ose detyrës;
2.5. ndalimi i drejtimit të automjetit;
2.6. marrja e lejes së vozitjes;
2.7. urdhri për publikimin e aktgjykimit dhe
2.8. dëbimi i të huajit nga territori i Republikës së Kosovës.
3. Dënimi plotësues me ndalimin e drejtimit të automjetit mund të shqiptohet së bashku me
dënimin me kusht, me vërejtjen gjyqësore ose me lirimin nga dënimi.
Neni 60
Heqja e të drejtës për t’u zgjedhur
Gjykata ia heq kryesit të veprës penale të drejtën për tu zgjedhur prej një (1) deri në katër
(4) vjet, nëse ai person, me qëllim që të zgjidhet, kryen ndonjë nga veprat penale kundër të
drejtave të votimit ose vepër tjetër penale për të cilën është paraparë dënimi me së paku dy (2)
vjet burgim.
Neni 61
Urdhri për kompensimin e humbjes apo dëmit
1. Kur gjykata dënon personin i cili është shpallur fajtor për çfarëdo vepre penale që përfshin
vjedhjen, humbjen, dëmtimin apo shkatërrimin e pasurisë, gjykata do të urdhërojë kryesin që të
bëjë dëmshpërblimin e viktimës së veprës penale.
2. Dëmshpërblimi përfshin vlerën e shpenzimeve që janë të barabarta me vlerën e çfarëdo
pasurie të vjedhur, humbur, dëmtuar apo shkatërruar. Dëmshpërblimi do të urdhërohet gjithashtu
edhe për çfarëdo humbje të të ardhurave të cilat viktima i përjeton si rezultat i veprës penale
dhe procedurave hetimore dhe gjyqësore lidhur me atë vepër.
Neni 62
Ndalimi i ushtrimit të funksioneve në administratën publike ose në shërbimin publik
1. Gjykata ia ndalon kryesit ushtrimin e funksioneve në administratën publike ose në shërbimin
publik prej një (1) deri në pesë (5) vjet pas mbajtjes së dënimit me burgim, nëse personi i tillë
ka keqpërdorur këto funksione dhe është dënuar me burgim.
2. Gjykata mund t’ia ndalojë kryesit ushtrimin e funksioneve në administratën publike ose
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
18
KODI NR. 06/L-074 PENAL I REPUBLIKËS SË KOSOVËS
në shërbimin publik prej një (1) deri në tre (3) vjet, nëse personi i tillë i ka keqpërdorur këto
funksione dhe është dënuar me gjobë ose me dënim me kusht.
3. Gjykata ia ndalon një personi zyrtar ushtrimin e funksionit në administratë publike apo
funksioneve të shërbimeve publike prej një (1) deri në dhjetë (10) vjet pas mbajtjes së dënimit
me burgim, nëse personi është dënuar për ndonjë nga veprat që përfshihen në Kapitullin XXXIII
të këtij Kodi
4. Gjykata ia ndalon një personi zyrtar ushtrimin e funksionit në administratë publike apo në
shërbime publike prej një (1) deri në pesë (5) vjet, nëse i njëjti është dënuar për dhunë në
familje, sipas nenit 248 të këtij Kodi.
4.1 Kur personi zyrtar dënohet me burgim efektiv, ndalesa e tillë ekzekutohet vetëm
pas mbajtjes së dënimit me burgim. Për dënimin me kusht apo me gjobë, ndalesa
në ushtrimin e funksionit në administratë publike apo në shërbime publike fillon të
zbatohet në momentin që aktgjykimi merr formën e prerë.
Neni 63
Ndalimi i ushtrimit të profesionit, veprimtarisë ose detyrës
1. Gjykata mund t’ia ndalojë kryesit të veprës penale ushtrimin e profesionit të caktuar,
veprimtarisë së pavarur, detyrës menaxhuese apo administrative ose detyrave që janë të lidhura
me sistemimin, menaxhimin apo shfrytëzimin e pasurisë në pronësi publike apo mbrojtjen e
pasurisë së tillë, nëse ai person e ka keqpërdoruar pozitën e tij, veprimtarinë apo detyrën
me qëllim të kryerjes së veprës penale ose nëse ka arsye të pritet që ushtrimi i profesionit,
veprimtarisë apo detyrës së tillë nga ai mund të keqpërdoret për kryerjen e veprës penale.
2. Gjykata e cakton kohëzgjatjen e dënimit të caktuar sipas paragrafit 1. të këtij neni, i cili nuk
mund të jetë më i shkurtër se një (1) vit e as më i gjatë se pesë (5) vjet, duke llogaritur nga
dita kur vendimi merr formën e prerë. Koha e mbajtur në burg ose në institucionin e kujdesit
shëndetësor nuk llogaritet në kohëzgjatje të këtij dënimi.
3. Kur shqipton dënimin me kusht, gjykata mund të vendosë që ky dënim me kusht të
revokohet nëse kryesi nuk e respekton ndalesën e ushtrimit të profesionit, veprimtarisë apo
detyrës.
4. Gjykata ia ndalon një personi zyrtar ushtrimin e profesionit, aktivitetit të pavarur, të detyrës
menaxhuese apo administrative prej një (1) deri në dhjetë (10) vjet, nëse personi është dënuar
për ndonjë nga veprat në Kapitullin XXXIII të këtij Kodi.
5. Gjykata ia shqipton kryesit të veprës penale nga neni 165 apo Kapitulli XX i këtij Kodi të kryer
ndaj fëmijës, ndalimin e ushtrimit të profesionit, veprimtarisë ose detyrës që përfshin kontaktin
e rregullt me fëmijë. Gjykata mund ta shqiptoj këtë dënim në kohëzgjatje të përjetshme, i
cili i nënshtrohet shqyrtimit periodik gjyqësor nga gjykata pas skadimit të dhjetë (10) vjetëve
nga fillimi i ekzekutimit të masës së shqiptuar. Gjykata mund ta ndalojë ekzekutimin e saj me
propozim të personit të dënuar nëse ka vërtetuar se arsyet për ndalimin nuk ekzistojnë më.
Personi i dënuar mund të paraqes përsëri propozimin e tij apo të saj, por jo më herët se një (1)
vit pas shqyrtimit të mëparshëm.
Neni 64
Ndalimi i drejtimit të automjetit
1. Kryesit të veprës penale, i cili rrezikon sigurinë në trafikun publik, gjykata mund t’ia ndalojë
drejtimin e automjetit të llojit apo të kategorisë së caktuar.
2. Gjykata cakton kohëzgjatjen e dënimit të urdhëruar sipas paragrafit 1. të këtij neni, kohëzgjatja
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
19
KODI NR. 06/L-074 PENAL I REPUBLIKËS SË KOSOVËS
e të cilit nuk mund të jetë më e shkurtë se një (1) vit e as më e gjatë se pesë (5) vjet, duke
llogaritur nga dita kur vendimi merr formën e prerë. Koha e kaluar në burg apo në institucionin
e kujdesit shëndetësor nuk llogaritet në kohëzgjatjen e këtij dënimi.
3. Kur shqipton dënimin me kusht, gjykata mund të vendosë që dënimi i tillë të revokohet
nëse kryesi e shkel ndalesën e drejtimit të automjetit. Ky paragraf nuk zbatohet nëse paraqiten
rrethana të jashtëzakonshme të cilat kërkojnë nga kryesi që të drejtojë automjetin.
4. Nëse dënimi nga paragrafi 1. i këtij neni i është shqiptuar personit i cili ka leje të huaj për
drejtimin e automjetit, ky dënim do të konsistojë në ndalimin për përdorimin e lejes së huaj në
territorin e Republikës së Kosovës.
Neni 65
Marrja e lejes së vozitjes
1. Kryesit të veprës penale që e rrezikon sigurinë në trafikun publik, gjykata mund t’ia marrë
lejen e vozitjes për llojin apo kategorinë e caktuar të automjetit dhe mund t’ia ndalojë kryesit
marrjen e lejes së re gjatë periudhës prej një (1) deri në pesë (5) vjet. Nëse kryesi nuk ka leje
të vozitjes, gjykata ia ndalon kryesit marrjen e lejes së vozitjes brenda afatit prej një (1) deri në
pesë (5) vjet.
2. Gjykata mund të shqiptojë dënimin nga paragrafi 1. i këtij neni nëse kryesi ka kryer vepër
penale duke shkaktuar lëndim të rëndë trupor apo vdekjen e personit ose nëse gjykata konstaton
se pjesëmarrja e mëtejshme e kryesit në trafikun publik është e rrezikshme për sigurinë e
trafikut publik për shkak të paaftësisë së tij për drejtimin e sigurt të automjetit.
3. Leja e vozitjes merret me vendim të formës së prerë të gjykatës. Koha e mbajtur në burg apo
në institucionin e kujdesit shëndetësor nuk llogaritet në kohëzgjatjen e këtij dënimi.
4. Pas skadimit të afatit të caktuar nga gjykata, kryesi mund ta marrë lejen e re të vozitjes sipas
kushteve të përgjithshme të parapara për marrjen e lejes përkatëse të vozitjes.
Neni 66
Urdhri për publikimin e aktgjykimeve
1. Gjykata mund të urdhërojë publikimin e aktgjykimit kur çmon se publikimi është në interes të
përgjithshëm, të të dëmtuarit ose të personave të tjerë.
2. Urdhri për publikimin e aktgjykimit kërkon që aktgjykimi të publikohet, tërësisht ose pjesërisht,
në gazetë apo të transmetohet në radio ose televizion. Publikimi bëhet me shpenzimet e të
dënuarit.
3. Data dhe kohëzgjatja e publikimit caktohen nga gjykata.
4. Gazeta, radiostacioni ose stacioni televiziv e publikojnë aktgjykimin të cilin ua ka dërguar
gjykata.
5. Publikimi i aktgjykimit nuk urdhërohet nëse publikimi i tillë e rrezikon fshehtësinë zyrtare,
privatësinë e personave apo moralin e shoqërisë.
Neni 67
Dëbimi i të huajve nga territori i Republikës së Kosovës
1. Gjykata mund të urdhërojë dëbimin e të huajit nga territori i Republikës së Kosovës në
kohëzgjatje prej një (1) deri në dhjetë (10) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
20
KODI NR. 06/L-074 PENAL I REPUBLIKËS SË KOSOVËS
2. Kur gjykata vendos për shqiptimin e dënimit nga paragrafi 1. i këtij neni dhe kohëzgjatjen
e këtij dënimi, gjykata merr parasysh llojin dhe peshën e veprës penale, motivet e kryerjes së
veprës penale dhe lidhjen e kryesit me Republikën e Kosovës.
3. Dënimi nga paragrafi 1. i këtij neni nuk shqiptohet nëse ekzekutimi i dënimit është në
kundërshtim me të drejtën ndërkombëtare.
4. Kohëzgjatja e dëbimit llogaritet nga dita kur vendimi gjyqësor merr formën e prerë. Koha e
mbajtur në burg ose në institucionin e kujdesit shëndetësor nuk llogaritet në kohëzgjatjen e këtij
dënimi.
Neni 68
Ekzekutimi i dënimeve plotësuese
1. Në pajtim me paragrafin 2. të këtij neni, ekzekutimi i dënimeve plotësuese të parapara në
nenin 59 të këtij Kodi fillon së bashku me ekzekutimin e dënimit kryesor ose të dënimit alternativ.
2. Ekzekutimi i dënimeve plotësuese nga nën-paragrafët 2.1; 2.2; 2.3; 2.4; 2.5; dhe 2.8 të
paragrafit 2. të nenit 59 të këtij Kodi fillon pas mbajtjes së dënimit me burgim. Gjatë kohës së
mbajtjes së dënimit me burgim, personi i dënuar nuk mund t’i gëzojë të drejtat e kufizuara nga
dënimet plotësuese.
MATJA E DËNIMIT
Neni 69
Rregullat e përgjithshme për matjen e dënimit
1. Kur cakton dënimin për vepër penale, gjykata duhet të ketë parasysh minimumin dhe
maksimumin e dënimit të paraparë për atë vepër penale. Gjykata pastaj duhet të merr parasysh
qëllimin e dënimit, parimet e përcaktuara në këtë kapitull dhe rrethanat lehtësuese dhe rënduese
lidhur me veprën penale të caktuar ose me dënimin.
2. Dënimi duhet të jetë në proporcion me peshën e veprës dhe me sjelljen dhe rrethanat e
kryesit.
3. Me rastin e caktimit të dënimit, gjykata merr parasysh por nuk kufizohet në rrethanat e
mëposhtme:
3.1. shkallën e përgjegjësisë penale;
3.2. motivet për kryerjen e veprës;
3.3. intensitetin e rrezikimit apo të dëmtimit të vlerës së mbrojtur;
3.4. rrethanat në të cilat është kryer vepra;
3.5. sjelljen e mëparshme të kryesit;
3.6. pranimin e fajit dhe
3.7. rrethanat personale të kryesit dhe sjelljen e tij pas kryerjes së veprës penale.
4. Kur cakton dënimin për recidivistin, gjykata posaçërisht merr parasysh nëse kryesi më parë
ka kryer vepër penale të njëjtë sikurse veprën e re, nëse të dy veprat janë kryer për të njëjtat
motive dhe kohën e kaluar nga shqiptimi i dënimit të mëparshëm apo nga dënimi i mbajtur ose
i falur.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
21
KODI NR. 06/L-074 PENAL I REPUBLIKËS SË KOSOVËS
5. Me rastin e caktimit të dënimit me gjobë, gjykata merr parasysh edhe gjendjen pasurore të
kryesit dhe posaçërisht merr parasysh shumën e të ardhurave personale, të ardhurat e tjera,
pasurinë dhe detyrimet e tij. Gjykata nuk cakton gjobë në lartësinë që është mbi mundësitë e
kryesit.
Neni 70
Rregullat e përgjithshme për zbutjen ose ashpërsimin e dënimit
1. Kryesit të veprës penale i shqiptohet dënimi i paraparë për veprën e kryer penale, ndërsa
dënimi më i butë ose më i rëndë mund të shqiptohet vetëm në pajtim me kushtet e parapara me
këtë Kod.
2. Me rastin e caktimit të dënimit, gjykata merr parasysh por nuk kufizohet në rrethanat e
mëposhtme rënduese:
2.1. shkallën e lartë të pjesëmarrjes së personit të dënuar në veprën penale;
2.2. shkallën e lartë të dashjes nga ana e personi të dënuar,
2.3. prezencën e dhunës ose kanosjes me dhunë në kryerjen e veprës penale;
2.4. nëse vepra penale është kryer në mënyrë posaçërisht mizore;
2.5. nëse vepra penale përfshin disa viktima;
2.6. nëse viktima e veprës penale ka qenë posaçërisht e pambrojtur apo e ndjeshme;
2.7. mosha e viktimës, nëse është i ri apo i moshuar;
2.8. shkallën e dëmit të shkaktuar nga personi i dënuar, përfshirë vdekjen, lëndimin e
përhershëm, transmetimin e sëmundjes tek viktima apo çfarëdo dëmi tjetër të shkaktuar
viktimës ose familjes së tij;
2.9. çfarëdo keqpërdorimi të pushtetit ose pozitës zyrtare nga personi i dënuar në
kryerjen e veprës penale;
2.10. dëshmi të shkeljes së besimit nga ana e personit të dënuar;
2.11. nëse vepra penale është kryer si pjesë e veprimtarisë së grupit të organizuar
kriminal;
2.12. nëse vepra penale është akt i urrejtjes, që nënkupton cilëndo vepër penale të
kryer ndaj personit, grupit të personave, ose pronës, motivuar në bazë të racës, ngjyrës,
gjinisë, identitetit gjinor, gjuhës, fesë, prejardhjes kombëtare a shoqërore, lidhjes me
ndonjë komunitet, pronë, gjendjes ekonomike, orientimit seksual, lindjes, aftësisë së
kufizuar ose ndonjë statusi tjetër personal, ose për shkak të afërsisë me personat me
karakteristikat e lartpërmendura,, përveç nëse ndonjë nga këto karakteristika përbën
element të veprës penale;
2.13. ndonjë dënim penal të mëparshëm të personit të dënuar; dhe/ose
2.14. nëse vepra penale kryhet brenda marrëdhënies familjare.
3. Me rastin e caktimit të dënimit, gjykata merr parasysh por nuk kufizohet në rrethanat e
mëposhtme lehtësuese:
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
22
KODI NR. 06/L-074 PENAL I REPUBLIKËS SË KOSOVËS
3.1. rrethanat të cilat për pak nuk arrijnë të jenë bazë për përjashtimin e përgjegjësisë
penale, si për shembull, aftësia e zvogëluar mendore;
3.2. dëshmia për provokim nga ana e viktimës;
3.3. rrethanat personale dhe karakteri i personit të dënuar;
3.4. dëshmia që personi i dënuar ka luajtur rol relativisht të vogël në veprën penale;
3.5. fakti që personi i dënuar ka marrë pjesë në veprën penale jo si kryes kryesor por
përmes ndihmës, inkurajimit ose duke ndihmuar tjetrin në ndonjë mënyrë tjetër;
3.6. mosha e personit të dënuar, i ri apo i moshuar;
3.7. dëshmia që personi i dënuar ka bërë restituimin apo kompensimin e viktimës;
3.8. bashkëpunimi i përgjithshëm i personit të dënuar me gjykatën, përfshirë dorëzimin
vullnetar;
3.9. bashkëpunimin vullnetar të personit të dënuar në hetimin ose ndjekjen penale;
3.10. pranimin e fajit;
3.11. keqardhjen e shfaqur nga personi i dënuar;
3.12. sjelljen e personit të dënuar pas konfliktit;
3.13. në rastet kur personi është i dënuar për veprën penale të marrjes së pengjeve,
rrëmbimit apo privimit të kundërligjshëm nga liria ose siç përcaktohet në nenet 169,
191 ose 193 të këtij Kodi, kontributi në mënyrë efektive për lëshimin ose për ta sjellë
të gjallë personin e rrëmbyer, marrë apo ndalur ose dhënia vullnetare e informatave që
kontribuojnë në identifikimin e përgjegjësve të tjerë për vepër penale; dhe/apo
3.14. në lidhje me veprat penale të terrorizmit të përcaktuara në këtë Kod, fakti që
kryesi i veprës penale heq dorë nga veprimtaria terroriste para se të ketë pasoja të
rënda prej saj dhe i ofron policisë, prokurorëve ose autoriteteve gjyqësore informata të
cilat ato nuk do të kishin mundësi t’i siguronin; ndihmon në parandalimin ose zbutjen e
efekteve të veprës penale; identifikon me detaje të mjaftueshme për të lejuar arrestimin
ose ndjekjen penale të ndonjë terroristi apo grupi terrorist; gjen prova apo parandalon
vepra të tjera terroriste.
Neni 71
Zbutja e dënimeve
1. Gjykata mund të shqiptojë dënim nën kufirin e paraparë me ligj apo të shqiptojë lloj më të
butë të dënimit:
1.1. kur ligji parasheh që dënimi i kryesit mund të zbutet apo të zvogëlohet;
1.2. kur gjykata konstaton se ekzistojnë rrethana posaçërisht lehtësuese të cilat
tregojnë se qëllimi i dënimit mund të arrihet edhe me shqiptimin e dënimit më të butë;
ose
1.3. në rastet kur kryesi pranon fajësinë ose ka arritur marrëveshje për pranimin e
fajësisë
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
23
KODI NR. 06/L-074 PENAL I REPUBLIKËS SË KOSOVËS
Neni 72
Kufijtë e zbutjes së dënimeve
1. Kur ekzistojnë kushtet për zbutjen e dënimit nga neni 71 i këtij Kodi, gjykata mund të zbusë
dënimin brenda kufijve në vijim:
1.1. nëse për veprën penale është paraparë si masë më e ulët dënimi me burgim prej
së paku dhjetë (10) vjet, dënimi mund të zbutet deri në pesë (5) vjet burgim;
1.2. nëse për veprën penale është paraparë si masë më e ulët dënimi me burgim prej
së paku pesë (5) vjet, dënimi mund të zbutet deri në tre (3) vjet burgim;
1.3. nëse për veprën penale është paraparë si masë më e ulët dënimi me burgim prej
së paku tre (3) vjet, dënimi mund të zbutet deri në një (1) vit burgim;
1.4. nëse për veprën penale është paraparë si masë më e ulët dënimi me burgim prej
dy (2) vjet, dënimi mund të zbutet deri në gjashtë (6) muaj burgim;
1.5. nëse për veprën penale është paraparë si masë më e ulët dënimi me burgim prej
një (1) viti, dënimi mund të zbutet deri në tre (3) muaj burgim;
1.6. nëse për veprën penale është paraparë si masë më e ulët dënimi me burgim me
më pak se një (1) vit, dënimi mund të zbutet deri në tridhjetë (30) ditë burgim;
1.7. nëse për veprën penale nuk është paraparë masa më e ulët e dënimit, atëherë
mund të shqiptohet dënimi me gjobë në vend të dënimit me burgim;
1.8. nëse për veprën penale nuk është paraparë shuma më e ulët e gjobës, gjoba
mund të zbutet deri në njëqind (100) Euro.
2. Me rastin e vendosjes së shkallës së zbutjes së dënimit sipas paragrafit 1. të këtij neni,
gjykata në veçanti merr parasysh shkallën më të ulët dhe më të lartë të dënimit të paraparë për
vepër penale.
Neni 73
Lirimi nga dënimi
1. Gjykata mund ta lirojë nga dënimi, kryesin e veprës penale vetëm kur kjo shprehimisht
parashihet me ligj.
2. Kur gjykata është e autorizuar me ligj që kryesin e veprës penale ta lirojë nga dënimi, ajo
mund t’ia zbusë dënimin pa marrë parasysh kufizimet e parapara për zbutjen e dënimit.
Neni 74
Bazat e posaçme të lirimit nga dënimi për vepra penale të kryera nga pakujdesia
1. Gjykata mund ta lirojë nga dënimi kryesin e veprës penale të kryer nga pakujdesia në rastet
e mëposhtme:
1.1. nëse pasojat e asaj vepre penale e godasin kryesin aq rëndë sa që dënimi është i
panevojshëm për realizimin e qëllimit të tij; ose
1.2. nëse kryesi menjëherë pas kryerjes së veprës penale ka bërë përpjekje për evitimin
ose zvogëlimin e pasojave të asaj vepre dhe nëse në tërësi apo në një masë të madhe
e ka kompensuar dëmin e shkaktuar me atë vepër.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
24
KODI NR. 06/L-074 PENAL I REPUBLIKËS SË KOSOVËS
Neni 75
Ashpërsimi i dënimit për recidivizëm të shumëfishtë
1. Për veprën penale të kryer me dashje, për të cilën është paraparë dënimi me burgim, gjykata
mund të shqiptojë dënim më të rëndë nga sa është paraparë me ligj në rastet në vijim:
1.1. nëse kryesi është dënuar më parë dy (2) apo më shumë herë me burgim prej së
paku një (1) vit për vepra penale të kryera me dashje dhe
1.2. nëse nga dita e lirimit të kryesit ose e përfundimit të dënimit të mëparshëm deri në
kryerjen e veprës së re penale kanë kaluar më pak se pesë (5) vjet.
2. Gjykata mund t’i shqiptojë dënim më të rëndë recidivistit duke shtuar jo më shumë se gjysmën
e maksimumit të dënimit.
3. Me rastin e vlerësimit për shqiptimin e dënimit më të rëndë, gjykata posaçërisht merr
parasysh pranimin e fajit, ngjashmërinë e veprave penale të kryera, motivet nga të cilat janë
kryer, rrethanat në të cilat janë kryer si dhe nevojën për shqiptimin e dënimit të tillë për ta
realizuar qëllimin e dënimit.
4. Ky nen nuk zbatohet për dënim me burgim të përjetshëm.
Neni 76
Dënimi për bashkim të veprave penale
1. Nëse kryesi me një apo me më shumë veprime kryen disa vepra penale për të cilat gjykohet
në të njëjtën kohë, gjykata së pari shpall dënime për secilën nga këto vepra, e pastaj për të
gjitha këto vepra e shqipton dënimin unik.
2. Gjykata shqipton dënimin unik sipas këtyre rregullave:
2.1. nëse për ndonjërën prej veprave penale gjykata ka shqiptuar dënimin me burgim
të përjetshëm, atëherë e shqipton vetëm këtë dënim;
2.2. nëse për secilën prej veprave penale gjykata ka shqiptuar dënimin me burgim,
dënimi unik duhet të jetë më i madh se çdo dënim i veçantë, por dënimi unik nuk mund
ta arrijë shumën e të gjitha dënimeve të përcaktuara dhe as të tejkalojë periudhën prej
njëzet e pesë (25) vjetësh;
2.3. nëse gjykata e ka shqiptuar dënimin me burgim deri në tri (3) vjet për secilën nga
veprat penale, dënimi unik me burgim nuk mund të jetë më i lartë se tetë (8) vjet;
2.4. nëse gjykata ka shqiptuar dënime me gjobë për secilën nga veprat penale, dënimi
unik me gjobë është shuma e dënimeve të shqiptuara por nuk mund të tejkalojë shumën
prej njëzet e pesë mijë (25.000) Euro, përkatësisht pesëqind mijë (500.000) Euro kur
një apo shumë vepra penale janë kryer me qëllim të përfitimit të dobisë pasurore;
2.5. nëse gjykata për disa vepra penale ka shqiptuar dënime me burgim, ndërsa për
vepra të tjera ka shqiptuar dënimin me gjobë, gjykata shqipton dënim unik me burgim
dhe me gjobë, në pajtim me nën-paragrafët 2.1. deri 2.4. të këtij paragrafi.
3. Gjykata shqipton dënimin plotësues nëse është shqiptuar së paku për një nga veprat penale
të parapara në nën-paragrafin 2.4. të paragrafit 2. të këtij neni.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
25
KODI NR. 06/L-074 PENAL I REPUBLIKËS SË KOSOVËS
Neni 77
Dënimi për veprat penale në vazhdim
1. Vepra penale në vazhdim përbëhet nga disa vepra të njëjta ose të ngjashme të kryera në
lidhshmëri kohore nga i njëjti kryes, dhe të cilat paraqesin tërësi për shkak të ekzistimit të së
paku dy prej kushteve në vijim:
1.1. viktimës së njëjtë të veprës penale;
1.2. objekti i njëjtë i veprës;
1.3. shfrytëzimi i situatës apo marrëdhënies së njëjtë kohore;
1.4. vendi apo hapësira e njëjtë e kryerjes së veprës penale; ose
1.5. dashja e njëjtë e kryesit.
2. Veprat penale të kryera kundër personit mund të konsiderohen si vepër penale në vazhdim
vetëm nëse janë kryer kundër të njëjtit person.
3. Veprat penale në vazhdim, të cilat për shkak të natyrës së tyre nuk mund të bashkohen në
një vepër, nuk konsiderohen vepra penale në vazhdim.
4. Nëse vepra penale në vazhdim përfshin forma të rënda dhe të lehta të të njëjtës vepër,
konsiderohet se vepra penale në vazhdim është kryer në formën e rëndë.
5. Nëse vepra penale në vazhdim përfshin veprat penale element i të cilave është shuma në
para, vepra penale në vazhdim do të përcaktohet nga shuma e tërësishme e realizuar me të
gjitha veprat e veçanta.
6. Vepra penale e cila nuk është përfshirë në veprën penale në vazhdim në aktgjykimin e
plotfuqishëm të gjykatës, por është zbuluar më vonë, paraqet vepër penale të veçantë.
Neni 78
Llogaritja e dënimit të personave të dënuar
1. Nëse personi i dënuar gjykohet për vepër penale të kryer para se të ketë filluar mbajtjen e
dënimit të shqiptuar me një dënim të mëparshëm, apo për vepër penale të kryer gjatë kohës së
mbajtjes së dënimit me burgim, gjykata shqipton dënimin unik për të gjitha veprat penale (neni
76 i këtij Kodi), duke marrë parasysh dënimin e shqiptuar më parë. Dënimi ose pjesa e dënimit
të cilin personi i dënuar e ka mbajtur llogaritet në dënimin e shqiptuar unik.
2. Për vepër penale të kryer gjatë kohës së mbajtjes së dënimit me burgim, gjykata ia cakton
dënimin kryesit pavarësisht nga dënimi i shqiptuar më parë nëse zbatimi i dispozitave të nenit
76 të këtij Kodi nuk do ta arrinte qëllimin e dënimit, duke marrë parasysh kohëzgjatjen e pjesës
së pa mbajtur të dënimit të shqiptuar më parë.
Neni 79
Llogaritja e paraburgimit dhe e dënimit të mëparshëm
1. Koha e kaluar në paraburgim, arrest shtëpiak si dhe çdo periudhë e heqjes së lirisë lidhur
me veprën penale llogariten në dënimin e shqiptuar me burgim, burgim për të mitur, në masën
edukative institucionale dhe dënimin me gjobë.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
26
KODI NR. 06/L-074 PENAL I REPUBLIKËS SË KOSOVËS
2. Dënimi me burgim ose me gjobë të cilin personi i dënuar e ka mbajtur, përkatësisht e ka
paguar për kundërvajtje apo për delikt ekonomik, përfshihet në dënimin e shqiptuar për vepër
penale, elementet e së cilës përfshijnë edhe elementet e kundërvajtjes apo të deliktit ekonomik.
3. Masa mbrojtëse e cila është shqiptuar për kundërvajtje ose për delikt ekonomik përfshihet
në dënimin plotësues për vepër penale, elementet e së cilës i përfshijnë edhe elementet e
kundërvajtjes apo të deliktit ekonomik.
4. Një (1) ditë paraburgim, një (1) ditë heqje lirie, një (1) ditë burgim, dhe njëzet (20) Euro të
dënimit me gjobë barazohen për qëllime të llogaritjes sipas këtij neni.
Neni 80
Llogaritja e paraburgimit dhe e dënimeve të mbajtura në juridiksione të tjera
Paraburgimi, heqja e lirisë gjatë procedurës së transferimit të personit në një juridiksion tjetër
dhe pjesa e dënimit të cilin e ka mbajtur kryesi sipas aktgjykimit të gjykatës së huaj do t’i
llogaritet në dënimin e shqiptuar nga gjykata në Kosovë për të njëjtën vepër, e nëse dënimi
i shqiptuar jashtë Kosovës nuk është i llojit të njëjtë, llogaritja do të bëhet sipas vlerësimit të
gjykatës.
KAPITULLI IV
VËREJTJA GJYQËSORE
Neni 81
Qëllimi i vërejtjes gjyqësore
Qëllimi i vërejtjes gjyqësore është që t’i jepet kryesit qortimi kur, duke pasur parasysh të gjitha
rrethanat në lidhje me veprën dhe kryesin, vërejtja gjyqësore është e mjaftueshme për të arritur
qëllimin e dënimit.
Neni 82
Vërejtja gjyqësore
1. Me vërejtje gjyqësore kryesit i bëhet me dije se ka kryer një vepër të dëmshme dhe të
rrezikshme, që përbën vepër penale dhe nëse kryen prapë vepër të tillë, gjykata do të shqiptojë
sanksion më të rëndë penal.
2. Vërejtja gjyqësore mund të shqiptohet për vepra penale për të cilat është paraparë dënimi
me burgim deri në një (1) vit ose dënimi me gjobë, në rastet kur veprat e tilla janë kryer në
rrethana lehtësuese të cilat i bëjnë veprat penale veçanërisht të lehta.
3. Vërejtja gjyqësore mund të shqiptohet edhe për vepra penale të caktuara për të cilat është
paraparë dënimi deri në tri (3) vjet, sipas kushteve të përcaktuara me ligj.
4. Gjykata mund të shqiptojë vërejtjen e gjykatës për më shumë se një vepër penale të kryer
në bashkim, nëse për çdonjërën nga këto vepra ekzistojnë kushtet nga paragrafi 2. ose 3. i këtij
neni.
5. Me rastin e vendosjes për shqiptimin e vërejtjes gjyqësore, gjykata veçanërisht merr parasysh
qëllimin e vërejtjes gjyqësore, sjelljen e kryesit në të kaluarën, sjelljen e tij pas kryerjes së
veprës penale, shkallën e përgjegjësisë penale, rrethanat e tjera në të cilat është kryer vepra
penale dhe pjesëmarrjen vullnetare të kryesit në programin e trajtimit.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
27
KODI NR. 06/L-074 PENAL I REPUBLIKËS SË KOSOVËS
KAPITULLI V
MASAT E TRAJTIMIT TË DETYRUESHËM
Neni 83
Parimet e përgjithshme
1. Kryesi me çrregullim mendor ose personi i cili është duke u trajtuar si i tillë, do të trajtohet me
humanizëm dhe me respekt për dinjitetin e qenësishëm të njeriut.
2. Standardet ndërkombëtare të zbatueshme për personat me çrregullim mendor zbatohen
për kryesin me çrregullim mendor për aq sa është e mundur, me ndryshime dhe përjashtime të
kufizuara vetëm për aq sa janë të nevojshme sipas rrethanave.
3. Masa e trajtimit të detyrueshëm psikiatrik nuk urdhërohet kur nuk është në proporcion me
peshën e veprave të kryera, veprave që priten të kryhen nga kryesi dhe shkallën e rrezikut që
paraqet kryesi.
Neni 84
Masat e zbatueshme dhe sanksionet penale
1. Masat e trajtimit të detyrueshëm të cilat mund ti shqiptohen kryesit i cili nuk është penalisht
përgjegjës, ka aftësi esencialisht të zvogëluar mendore apo është i varur nga droga ose alkooli
janë:
1.1. trajtimi i detyrueshëm psikiatrik me ndalim në institucionin e kujdesit shëndetësor;
1.2. trajtimi i detyrueshëm psikiatrik në liri; dhe
1.3. trajtimi me anë të rehabilitimit të detyrueshëm të personave të varur nga droga ose
alkooli.
2. Sanksioni penal, në pajtim me këtë Kod, mund t’i shqiptohet edhe kryesit i cili ka kryer vepër
penale në gjendje të aftësisë së zvogëluar mendore, nëse ekzistojnë shkaqe për shqiptimin e
sanksionit të tillë.
Neni 85
Trajtimi i detyrueshëm psikiatrik me ndalim në institucionin e kujdesit shëndetësor
1. Gjykata mund t’i shqiptojë masën e trajtimit të detyrueshëm psikiatrik me ndalim në institucionin
e kujdesit shëndetësor kryesit i cili ka kryer vepër penale në gjendje të paaftësisë mendore ose
aftësisë esencialisht të zvogëluar mendore, nëse konstaton se:
1.1. kryesi ka kryer vepër penale për të cilën atij ose asaj mund ti shqiptohet dënimi me
një (1) ose më shumë vite burgim;
1.2. ekziston rrezik serioz se kryesi do të kryejë vepër tjetër penale;
1.3. trajtimi i detyrueshëm psikiatrik me ndalim është i nevojshëm për të shmangur
kryerjen e veprës tjetër penale;
1.4. trajtimi i detyrueshëm psikiatrik me ndalim është i nevojshëm për të shmangur
rrezikun serioz.
2. Gjykata do ta pushojë masën e trajtimit të detyrueshëm psikiatrik të paraparë në paragrafin
1. të këtij neni pasi të ketë vërtetuar se ka pushuar nevoja për trajtim në institucionin e kujdesit
shëndetësor.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
28
KODI NR. 06/L-074 PENAL I REPUBLIKËS SË KOSOVËS
3. Kryesit i cili ka kryer vepër penale në gjendje të aftësisë esencialisht të zvogëluar mendore
dhe i cili është dënuar me burgim, koha e kaluar në institucionin e kujdesit shëndetësor do
t’i llogaritet në kohën e dënimit të shqiptuar për trajtim të detyrueshëm psikiatrik. Nëse koha
e mbajtur në ndalim për trajtim të detyrueshëm psikiatrik është më e shkurtër se dënimi me
burgim, gjykata mund të urdhërojë që kryesi të dërgohet në burgim për të mbajtur pjesën e
mbetur të dënimit ose gjykata mund të urdhërojë lirimin me kusht.
4. Me rastin e vendosjes për lirimin me kusht sipas paragrafit 3. të këtij neni, gjykata përveç
kushteve të përcaktuara në nenin 90 të këtij Kodi, veçanërisht do të merr parasysh suksesin e
trajtimit të detyrueshëm të kryesit, gjendjen e tij shëndetësore, kohën e kaluar në institucionin
shëndetësor dhe kohëzgjatjen e dënimit që nuk është mbajtur.
Neni 86
Trajtimi i detyrueshëm psikiatrik në liri
1. Gjykata mund t’i shqiptojë masën e trajtimit të detyrueshëm psikiatrik në liri kryesit i cili ka
kryer vepër penale në gjendje të paaftësisë mendore ose aftësisë esencialisht të zvogëluar
mendore, nëse konstaton se:
1.1. ekziston rrezik serioz se kryesi do të kryejë vepër penale;
1.2. trajtimi i detyrueshëm psikiatrik në liri është i nevojshëm për të shmangur kryerjen
e veprës tjetër penal; dhe
1.3. trajtimi i detyrueshëm psikiatrik në liri është i mjaftueshëm për të shmangur rrezikun
serioz.
2. Masat e trajtimit të detyrueshëm psikiatrik në liri nga paragrafi 1. i këtij neni mund t’i shqiptohen
kryesit ndaj të cilit është shqiptuar masa e trajtimit të detyrueshëm psikiatrik me ndalim në
institucionin e kujdesit shëndetësor, kur gjykata vërteton se ndalimi në institucionin e kujdesit
shëndetësor nuk është më i nevojshëm dhe se masa e trajtimit të detyrueshëm psikiatrik në liri
mjafton për të adresuar situatat e përcaktuara në nën-paragrafët 1.1. deri 1.3. të paragrafit 1. të
këtij neni.
3. Varësisht nga kushtet e përcaktuara në paragrafin 1. të këtij neni, gjykata mund t’i shqiptojë
trajtimin e detyrueshëm psikiatrik në liri kryesit me aftësi esencialisht të zvogëluar mendore dhe
i cili është në liri me kusht, siç është paraparë në nenin 90 të këtij Kodi.
4. Trajtimi i detyrueshëm psikiatrik në liri nuk mund të tejkalojë tre (3) vjet nëse i është shqiptuar
kryesit me aftësi esencialisht të zvogëluar mendore.
5. Gjykata mund të shqiptojë trajtimin e detyrueshëm psikiatrik me ndalim në institucionin e
kujdesit shëndetësor:
5.1. kur kryesi nuk i nënshtrohet trajtimit të detyrueshëm psikiatrik në liri siç përcaktohet
në paragrafët 1. deri 3. të këtij neni;
5.2. kur kryesi braktis trajtimin e detyrueshëm psikiatrik në liri; ose
5.3. kur përkundër trajtimit të detyrueshëm psikiatrik me ndalim në institucionin e
kujdesit shëndetësor, ka rrezik serioz se kryesi prapë do të kryejë vepër penale.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
29
KODI NR. 06/L-074 PENAL I REPUBLIKËS SË KOSOVËS
Neni 87
Trajtimi me anë të rehabilitimit të detyrueshëm i personave të varur nga droga ose
alkooli
1. Gjykata mund t’i urdhërojë masën e trajtimit me rehabilitim të detyrueshëm në institucionin
e kujdesit shëndetësor kryesit i cili ka kryer veprën penale nën ndikimin e drogës apo alkoolit,
nëse plotësohen të dy kushtet e mëposhtme:
1.1. gjykata ka shqiptuar dënim, vërejtje gjyqësore ose kryesin e ka liruar nga dënimi;
dhe
1.2. gjykata konstaton se faktori kryesor që e ka motivuar kryerjen e veprës penale
ishte varësia e kryesit nga alkooli apo droga dhe nëse ka gjasa për mjekimin e tij të
suksesshëm.
2. Nëse shqiptohet masa nga paragrafi 1. i këtij neni, krahas dënimit me gjobë, vërejtjes së
gjyqësore apo lirimit nga dënimi, gjykata mund të vendosë, me pëlqimin e të dënuarit, që masa
e tillë të ekzekutohet në liri. Nëse kryesi pa shkak të arsyeshëm nuk i nënshtrohet trajtimit në
liri ose arbitrarisht e braktis trajtimin, gjykata mund të urdhërojë që trajtimi të ekzekutohet në
institucionin e kujdesit shëndetësor.
3. Nëse masa nga paragrafi 1. i këtij neni është shqiptuar krahas dënimit me gjobë, vërejtjes
gjyqësore apo lirimit nga dënimi, trajtimi nuk mund të zgjasë më tepër se dy (2) vjet.
4. Nëse masa nga paragrafi 1. i këtij neni është shqiptuar krahas dënimit me burgim, ajo mund
të zgjasë derisa të kryhet dënimi. Koha e kaluar në institucionin e kujdesit shëndetësor do të
llogaritet në dënimin e shqiptuar.
5. Gjykata duhet të shqyrtojë ekzekutimin e kësaj mase çdo dy (2) muaj për të vendosur nëse
është e nevojshme të vazhdohet masa.
KAPITULLI VI
DISPOZITAT E PËRGJITHSHME PËR EKZEKUTIMIN E DËNIMEVE DHE LIRIMI ME
KUSHT
Neni 88
Ekzekutimi i dënimit me burgim dhe me burgim të përjetshëm
1. Dënimi me burgim apo me burgim të përjetshëm mbahet në objekte të mbyllura, gjysmë të
mbyllura apo objekte të hapura korrektuese ose në njësi të objekteve korrektuese.
2. Dënimi me burgim të përjetshëm fillon në objektet e mbyllura korrektuese ose në njësi të
objekteve korrektuese.
3. Gjatë ekzekutimit të një dënimi, personi i dënuar nuk duhet t’i nënshtrohet trajtimit apo dënimit
çnjerëzor ose poshtërues, përfshirë mundime të panevojshme mendore dhe fizike apo privimin
nga trajtimi adekuat mjekësor ose nevojat tjera elementare.
Neni 89
Kufizimet në kufizimin e të drejtave të personave të dënuar
1. Të drejtat e personit të dënuar gjithmonë duhet të respektohen gjatë ekzekutimit të dënimit.
2. Të drejtat e personit të dënuar mund të kufizohen vetëm aq sa është e nevojshme dhe në
përputhje me ligjin dhe standardet ndërkombëtare të të drejtave të njeriut.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
30
KODI NR. 06/L-074 PENAL I REPUBLIKËS SË KOSOVËS
Neni 90
Lirimi me kusht
1. Personi i dënuar mund të lirohet me kusht në përputhje me këtë Kod dhe me Ligjin për
Ekzekutimin e Sanksioneve Penale. Kur merret vendimi për lirimin me kusht, duhet të merret
parasysh sjellja e personit të dënuar gjatë mbajtjes së dënimit.
2. Personi i dënuar për vepër penale për të cilën është paraparë dënim me të paktën pesë
(5) vjet burgim, mund të lirohet me kusht pasi të ketë mbajtur dy të tretat (2/3) e dënimit të
shqiptuar. Për vepra tjera penale, personi i dënuar mund të lirohet me kusht pasi të ketë mbajtur
gjysmën e dënimit të shqiptuar.
3. Personi i dënuar me burgim të përjetshëm mund të lirohet me kusht pasi të ketë mbajtur
tridhjetë (30) vjet nga dënimi me burgim i shqiptuar. Periudha minimale e mbikëqyrjes nga ana
e shërbimit sprovues do të jetë së paku pesë (5) vjet.
4. Lirimi me kusht vendoset nga Paneli për Lirim me Kusht i themeluar në pajtim me Ligjin për
Ekzekutimin e Sanksioneve Penale.
Neni 91
Revokimi i lirimit me kusht
1. Gjykata e revokon lirimin me kusht nëse personi i dënuar gjatë lirimit me kusht kryen një apo
më shumë vepra penale për të cilat është shqiptuar dënimi më burgim me më tepër se një (1)
vit.
2. Gjykata mund ta revokojë lirimin me kusht nëse personi i dënuar gjatë lirimit me kusht kryen
një apo më shumë vepra penale për të cilat është shqiptuar dënimi me burgim deri në një (1) vit.
Me rastin e vlerësimit se a duhet revokuar lirimin me kusht, gjykata posaçërisht merr parasysh
ngjashmërinë e veprave penale të kryera, motivet për kryerjen e veprave penale dhe rrethanat
e tjera të cilat tregojnë arsyeshmërinë e revokimit të lirimit me kusht.
3. Kur gjykata e revokon lirimin me kusht, ajo e shqipton dënimin në bazë të dispozitave nga
neni 76 dhe paragrafi 2. i nenit 78 të këtij Kodi, duke e konsideruar dënimin e mëparshëm
të shqiptuar si të përcaktuar. Pjesa e dënimit të shqiptuar më parë, të cilin personi i dënuar
e ka mbajtur në bazë të dënimit të mëparshëm, do t’i llogaritet në dënimin e ri, ndërsa koha
gjatë lirimit me kusht nuk llogaritet. Aktgjykimi gjyqësor duhet të cek se lirimi me kusht është
revokuar. Gjykata i dërgon kopjen e aktgjykimit Panelit për Lirim me Kusht.
4. Dispozitat nga paragrafët 1. deri 3. të këtij neni zbatohen edhe kur personi i liruar me kusht
dënohet për veprën penale të kryer para lirimit me kusht.
5. Nëse personi i dënuar i cili është liruar me kusht dënohet me jo më shumë se një (1) vit
burgim dhe nëse gjykata nuk e urdhëron revokimin e lirimit me kusht, lirimi me kusht vazhdohet
për aq kohë sa personi i dënuar ka kaluar në mbajtjen e dënimit të tillë me burgim.
KAPITULLI VII
KONFISKIMI I INSTRUMENTALITETIT DHE DOBISË PASURORE TË VEPRAVE PENALE
Neni 92
Konfiskimi i mjeteve dhe dobisë pasurore të veprave penale
1. Pasuria ose mjeti që është përfituar me vepër penale konfiskohet sipas dispozitave të Kodit
të Procedurës Penale të Republikës së Kosovës.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
31
KODI NR. 06/L-074 PENAL I REPUBLIKËS SË KOSOVËS
2. Kur konfiskimi nuk është i mundur në pajtim me paragrafin 1 të këtij neni, Gjykata urdhëron
kryesin e veprës për të paguar një shumë të barasvlershme ose Gjykata do të konfiskojë çdo
pasuri të të pandehurit me vlerë të barasvlefshme siç është përcaktuar në Kodin e Procedurës
Penale të Republikës së Kosovës.
KAPITULLI VIII
PASOJAT JURIDIKE TË DËNIMIT
Neni 93
Pasojat juridike të dënimit
1. Pasojat juridike të dënimit mund të parashihen vetëm me ligj.
2. Pasojat juridike të dënimit nuk krijohen kur kryesit i shqiptohet gjoba apo vërejtja gjyqësore.
3. Dënimet për disa vepra penale të caktuara mund të kenë si pasojë shuarjen apo humbjen e
të drejtave të caktuara ose ndalimin e fitimit të të drejtave të caktuara.
Neni 94
Fillimi dhe kohëzgjatja e pasojave juridike të dënimit
1. Pasojat juridike të dënimit fillojnë në ditën kur aktgjykimi bëhet i plotfuqishëm.
2. Pasojat juridike të dënimit të cilat kanë të bëjnë me ndalimin e fitimit të disa të drejtave të
caktuara nuk mund të zgjasin më tepër se dhjetë (10) vjet nga dita kur dënimi është mbajtur,
falur ose kur është bërë parashkrimi, nëse ligji nuk parasheh kohëzgjatje më të shkurtër për
pasoja juridike të caktuara.
3. Kur dënimi shlyhet atëherë pushojnë pasojat juridike të dënimit.
KAPITULLI IX
REHABILITIMI DHE ZBULIMI I TË DHËNAVE NGA DOSJA PENALE
Neni 95
Pozita juridike e personave të dënuar pas mbajtjes së dënimit, lirimit ose parashkrimit
të dënimit
1. Pas mbajtjes së dënimit me burgim, dënimit me kusht, faljes, amnistisë ose parashkrimit të
dënimit, personi i dënuar i cili ka bërë dëmshpërblimin i gëzon dhe i fiton të gjitha të drejtat e
përcaktuara me Kushtetutë dhe me ligj, përveç nëse parashihet ndryshe me këtë Kod.
2. Ky nen gjithashtu zbatohet për personin e dënuar i cili është liruar me kusht.
Neni 96
Rehabilitimi ligjor
1. Me rehabilitimin ligjor dënimi shlyhet nga evidenca e personit të dënuar, siç parashihet në
paragrafin 2. të këtij neni dhe personi i tillë nuk konsiderohet i dënuar.
2. Dënimi shlyhet nga evidenca e personit të dënuar pas skadimit të periudhave kohore vijuese,
duke vepruar sipas ligjit, nëse personi i dënuar brenda afateve vijuese nuk kryen ndonjë vepër
të re penale:
2.1. një (1) vit nga dita e plotfuqishmërisë së aktgjykimit në rastin e lirimit nga dënimi;
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
32
KODI NR. 06/L-074 PENAL I REPUBLIKËS SË KOSOVËS
2.2. një (1) vit nga dita e skadimit të periudhës së verifikimit në rastin e dënimitme
kusht;
2.3. një (1) vit nga dita e mbajtjes së dënimit, parashkrimit ose përfundimit me falje ose
me ndryshim në ligj në rast të dënimit me gjysmëliri;
2.4. tre (3) vjet pas mbajtjes së dënimit, parashkrimit ose përfundimit me falje ose me
ndryshim të ligjit në rastin e dënimit me burgim deri në një (1) vit, ose dënimit plotësues;
2.5. pesë (5) vjet nga dita e mbajtjes së dënimit, parashkrimit ose përfundimit me falje
ose me ndryshim të ligjit në rastin e dënimit me burgim prej një (1) deri në tre (3) vjet;
2.6. tetë (8) vjet nga dita e mbajtjes së dënimit, parashkrimit ose përfundimit me falje
ose me ndryshim të ligjit në rastin e dënimit me burgim prej tre (3) deri në pesë (5) vjet;
2.7. dhjetë (10) vjet nga dita e mbajtjes së dënimit, parashkrimit ose përfundimit me
falje ose me ndryshim të ligjit në rastin e dënimit me burgim prej pesë (5) deri në dhjetë
(10) vjet;
2.8. pesëmbëdhjetë (15) vjet nga dita e mbajtjes së dënimit, parashkrimit ose përfundimit
me falje ose me ndryshim të ligjit në rastin e dënimit me burgim prej dhjetë (10) deri në
pesëmbëdhjetë (15) vjet.
3. Dënimi me burgim mbi pesëmbëdhjetë (15) vjet ose me burgim të përjetshëm nuk mund të
shlyhet.
4. Dënimi nuk mund të shlyhet gjatë kohëzgjatjes së dënimeve plotësuese dhe masave të
trajtimit të detyrueshëm.
Neni 97
Rehabilitimi gjyqësor
Gjykata, me kërkesën e personit të dënuar, mund të vendosë që dënimi t’i shlyhet nga evidenca
e personit të dënuar dhe ai person konsiderohet i padënuar nëse ka kaluar gjysma e afatit
përkatës të paraparë me paragrafin 2. të nenit 96 të këtij Kodi dhe nëse personi i dënuar gjatë
kësaj kohe nuk ka kryer vepër të re penale. Me rastin e vendosjes për shlyerjen e dënimit të
parashkruar ose përfunduar me falje ose me ndryshim të Kodit Penal, gjykata merr parasysh
sjelljen e personit të dënuar pas mbajtjes së dënimit, natyrën e veprës penale dhe rrethanat
e tjera të cilat mund të jenë të rëndësishme për vlerësimin e përshtatshmërisë së shlyerjes së
dënimit.
Neni 98
Përmbajtja dhe zbulimi i të dhënave nga dosja penale
1. Në dosje penale përfshihen të dhënat në vijim: të dhënat personale mbi kryesin e veprës
penale; të dhënat mbi dënimin, vërejtjen gjyqësore, masën e trajtimit të detyrueshëm ose lirimin
e kryesit nga dënimi i shqiptuar; ndryshimet në të dhënat mbi dënimet që janë futur në dosjen
penale; dhe të dhënat mbi dënimet e mbajtura si dhe mbi shlyerjen e dënimeve të gabueshme.
2. Të dhënat nga dosja penale mund të zbulohen vetëm në lidhje me dënimet të cilat nuk janë
shlyer dhe mund t’i zbulohen gjykatës, prokurorisë dhe policisë lidhur me procedurën penale të
zhvilluar kundër personit i cili më parë ka qenë i dënuar; organeve kompetente përgjegjëse për
ekzekutimin e sanksioneve penale; dhe organeve kompetente që marrin pjesë në procedurën
e dhënies së faljes apo shlyerjen e dënimeve.
3. Të dhënat nga dosja penale, në bazë të kërkesës së arsyetuar, mund t’u zbulohen organeve
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
33
KODI NR. 06/L-074 PENAL I REPUBLIKËS SË KOSOVËS
publike nëse dënimet plotësuese ose masat e trajtimit të detyrueshëm janë ende në fuqi në
kohën e paraqitjes së kërkesës.
4. Në rastet kur është shlyer dënimi, të dhënat lidhur me atë dënim mund t’i zbulohen vetëm
gjykatës, prokurorisë dhe policisë lidhur me procedurën penale e cila zhvillohet kundër personit
të cilit i është shlyer dënimi i mëparshëm.
5. Çdo personi, me kërkesën e tij, mund t’i jepen të dhëna për dosjen e tij penale kur këto të dhëna
i nevojiten, përveç nëse kjo do të rrezikonte sigurinë kombëtare apo sigurinë e përgjithshme
ose do të rrezikonte parandalimin, hetimin, zbulimin dhe ndjekjen e veprave penale.
KAPITULLI X
PARASHKRIMI
Neni 99
Parashkrimi i ndjekjes penale
1. Përveç nëse shprehimisht parashihet ndryshe me këtë Kod, ndjekja penale nuk mund të
ndërmerret nëse kanë kaluar afatet e mëposhtme:
1.1. tridhjetë (30) vjet nga kryerja e veprës penale të dënueshme me burgim të
përjetshëm;
1.2. njëzetë (20) vjet nga kryerja e veprës penale të dënueshme me më shumë se
dhjetë (10) vjet burgim;
1.3. pesëmbëdhjetë (15) vjet nga kryerja e veprës penale të dënueshme me më shumë
se pesë (5) vjet burgim;
1.4. dhjetë (10) vjet nga kryerja e veprës penale të dënueshme me më shumë se tre (3)
vjet burgim;
1.5. gjashtë (6) vjet nga kryerja e veprës penale të dënueshme me më shumë se një
(1) vit burgim; dhe
1.6. katër (4) vjet nga kryerja e veprës penale të dënueshme deri në një (1) vit burgim
ose me dënim me gjobë.
2. Kur ligji parasheh më shumë se një dënim për një vepër penale, afati i parashkrimit caktohet
sipas dënimit më të rëndë.
Neni 100
Fillimi dhe ndërprerja e parashkrimit të ndjekjes penale
1. Afati i parashkrimit të ndjekjes penale fillon nga dita kur është kryer vepra penale. Nëse
ndonjë pasojë që përbën element të veprës penale shfaqet më vonë, afati i parashkrimit fillon
të rrjedh nga ajo kohë.
2. Në rast se vepra penale është kryer kundër personit nën moshën tetëmbëdhjetë (18) vjet,
afati i parashkrimit fillon të rrjedh nga dita kur viktima të ketë mbushur tetëmbëdhjetë (18) vjet.
3. Afati i parashkrimit nuk rrjedh për kohën gjatë të cilës ndjekja nuk mund të fillohet apo të
vazhdohet sipas ligjit, përfshirë, por pa u kufizuar në rrethanat e mëposhtme:
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
34
KODI NR. 06/L-074 PENAL I REPUBLIKËS SË KOSOVËS
3.1. kur kryesi është jashtë Republikës së Kosovës dhe kjo shkakton vonesa në
procedurë;
3.2. kur kryesi kërkohet me urdhër arrest;
3.3. kur pritet për një kërkesë ligjore ndërkombëtare për të marrë informacion ose prova
para një vendi ose autoriteti të huaj; ose
3.4. gjatë kohës sa zgjatë procedura për pranimin e fajësisë.
4. Afati i parashkrimit nuk ndërpritet nëse vepra nuk ndiqet për shkak të mungesës së kërkesës
apo autorizimit për të bërë ndjekjen ose për shkak të mungesës së kërkesës nga ana e shtetit
të huaj për të bërë ndjekjen.
5. Afati i parashkrimit ndërpritet me çdo veprim procedural i cili ndërmerret për qëllime të
ndjekjes penale të veprës penale të kryer.
6. Afati i parashkrimit po ashtu ndërpritet kur kryesi para skadimit të afatit të parashkrimit kryen
një vepër tjetër penale me peshë të njëjtë ose më të rëndë se sa vepra penale e mëparshme.
7. Pas çdo ndërprerje fillon të rrjedhë afati i ri i parashkrimit.
8. Ndjekja penale ndalohet në çdo rast kur të ketë kaluar dyfishi i kohës së afatit të parashkrimit.
Neni 101
Parashkrimi i ekzekutimit të dënimeve
1. Përveç nëse parashihet ndryshe me këtë Kod, dënimi i shqiptuar nuk mund të ekzekutohet
pasi të kenë kaluar:
1.1. tridhjetë (30) vjet nga dënimi me burgim të përjetshëm;
1.2. njëzetë (20) vjet nga dënimi me mbi dhjetë (10) vjet burgim;
1.3. pesëmbëdhjetë (15) vjet nga dënimi me mbi pesë (5) vjet burgim;
1.4. dhjetë (10) vjet nga dënimi me mbi tri (3) vjet burgim;
1.5. gjashtë (6) vjet nga dënimi me mbi një (1) vit burgim; dhe
1.6. katër (4) vjet nga dënimi me burgim deri në një (1) vit apo dënimi me gjobë.
2. Parashkrimi i ekzekutimit të dënimeve ndërpritet kur personi i dënuar nuk paraqitet ose nuk
dorëzohet për mbajtjen e dënimit me burgim.
Neni 102
Parashkrimi i ekzekutimit të dënimeve plotësuese dhe masave të trajtimit të
detyrueshëm
1. Ndalohet ekzekutimi i dënimeve të tjera plotësuese kur të kenë kaluar pesë (5) vjet nga dita
e plotfuqishmërisë së aktgjykimit me të cilin shqiptohet ky dënim.
2. Ndalohet ekzekutimi i masës së trajtimit të detyrueshëm kur të kenë kaluar tre (3) vjet nga
dita e plotfuqishmërisë së aktgjykimit me të cilin shqiptohet kjo masë.
3. Parashkrimi i ekzekutimit të dënimeve plotësuese dhe masave të trajtimit të detyrueshëm
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
35
KODI NR. 06/L-074 PENAL I REPUBLIKËS SË KOSOVËS
ndërpritet kur personi nuk i përmbahet urdhrave të gjykatës lidhur me dënimet plotësuese dhe
masat e trajtimit të detyrueshëm.
Neni 103
Fillimi dhe ndërprerja e afateve të parashkrimit të ekzekutimit të dënimit
1. Afati i parashkrimit të ekzekutimit të dënimit fillon të rrjedhë nga dita kur aktgjykimi merr
formën e prerë, e në rast se dënimi alternativ është revokuar, parashkrimi fillon nga dita kur
vendimi mbi revokimin merr formën e prerë.
2. Afati i parashkrimit nuk rrjedh gjatë kohës kur sipas ligjit ekzekutimi i dënimit nuk mund të
fillohet.
3. Nëse dënimi zbutet me falje apo me vendim të gjykatës sipas mjetit të jashtëzakonshëm
juridik, koha e fillimit të parashkrimit caktohet sipas dënimit të ri, derisa llogaritja e parashkrimit
bëhet sipas dënimit fillestar.
4. Afati i parashkrimit ndërpritet me çdo veprim të filluar nga organi kompetent me qëllim të
ekzekutimit të dënimit.
5. Pas çdo ndërprerjeje fillon të rrjedhë afati i ri i parashkrimit.
6. Ekzekutimi i dënimit ndalohet në çdo rast kur të ketë kaluar dyfishi i kohës së afatit të
parashkrimit.
7. Dispozitat nga paragrafët 2. deri 5. të këtij neni po ashtu zbatohen për parashkrimin e
ekzekutimit të dënimeve plotësuese dhe masave të trajtimit të detyrueshëm.
Neni 104
Moszbatueshmëria e parashkrimit për veprat penale kundër të drejtës ndërkombëtare
dhe vrasjes së rëndë
1. Asnjë afat i parashkrimit nuk zbatohet për veprat penale të gjenocidit, krimeve të luftës,
krimeve kundër njerëzimit, ose për vepra tjera penale të cilat sipas të drejtës ndërkombëtare
nuk parashkruhen.
2. Vepra penale e vrasjes së rëndë nuk parashkruhet.
KAPITULLI XI
AMNISTIA DHE FALJA
Neni 105
Amnistia dhe Falja
1. Personat të cilët janë përfshirë me amnisti ndaj tyre ndalet procedura penale, falën në tërësi
ose nga një pjesë e ekzekutimit të dënimit, dënimi i shqiptuar u zëvendësohet me dënim më të
butë, u abrogohet dënimi me kusht, u jepet rehabilitimi i parakohshëm ose u abrogohet pasoja
e caktuar juridike e dënimit.
2. Me falje personit të caktuar me emër u jepet lirimi i plot ose i pjesërishëm nga ekzekutimi i
dënimit, zëvendësimi i dënimit me një dënim më të butë apo dënimi me kusht ose shlyerja e
dënimit.
3. Kryesi nuk mund të falet për çfarëdo dënimi për të cilin Paneli për Lirim me Kusht i ka
refuzuar lirimin me kusht.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
36
KODI NR. 06/L-074 PENAL I REPUBLIKËS SË KOSOVËS
Neni 106
Efekti i Amnistisë dhe faljes në personat e tretë
Me dhënien e Amnistisë dhe faljes nuk preken të drejtat të personit të tretë, të cilat bazohen në
dënimin apo aktgjykimin.
KAPITULLI XII
ZBATIMI I LEGJISLACIONIT PENAL TË REPUBLIKËS SË KOSOVËS SIPAS VENDIT TË
KRYERJES SË VEPRËS PENALE
Neni 107
Zbatimi i legjislacionit penal të Republikës së Kosovës në territorin e Republikës së
Kosovës
1. Legjislacioni penal i Republikës së Kosovës zbatohet për secilin person i cili kryen vepër
penale tërësisht ose pjesërisht në territorin e Republikës së Kosovës.
2. Legjislacioni penal i Republikës së Kosovës zbatohet ndaj secilit person i cili kryen vepër
penale në çfarëdo mjeti të transportit ajror ose ujor i cili është i regjistruar në Republikën e
Kosovës, pavarësisht nga vendi ku ndodhet mjeti i transportit ajror ose ujor në kohën kur kryhet
vepra penale.
Neni 108
Zbatimi i legjislacionit penal të Republikës së Kosovës për veprat penale të caktuara që
janë kryer jashtë territorit të Republikës së Kosovës
1. Legjislacioni penal i Republikës së Kosovës zbatohet ndaj çdo personi i cili kryen veprat
penale në vijim jashtë territorit të Republikës së Kosovës:
1.1. veprat penale të parapara në nenet 142-147, 151-154, 158, 159, 160-163, 165,
167-169, 232, 234, 267-274, 287, 288, 296-298, 324 dhe 325 të këtij Kodi; dhe
1.2. veprat penale të cilat në bazë të marrëveshjes ndërkombëtare e cila e detyron
Republikën e Kosovës, duhet të ndiqen edhe pse janë kryer jashtë vendit.
2. Legjislacioni penal i Republikës së Kosovës zbatohen ndaj çdo shtetasi të Republikës
së Kosovës dhe që kryen vepër penale të paraparë në nenet 309-310 dhe nenet 421-424
jashtë territorit të Republikës së Kosovës pavarësisht nëse veprimi në fjalë është gjithashtu i
dënueshëm në vendin e kryerjes së tij.
3. Legjislacioni penal i Republikës së Kosovës zbatohet ndaj cilitdo person që kryen vepër
penale nga nenet 129-139 të këtij Kodi jashtë territorit të Republikës së Kosovës, ku vepra e
tillë paraqet tërësisht ose pjesërisht rrezik për sigurinë e Republikës së Kosovës ose popullsinë
e saj.
4. Përveç siç parashihet në paragrafin 2 të këtij neni, Legjislacioni Penal i Republikës së
Kosovës zbatohet ndaj çdo shtetasi të Republikës së Kosovës që kryen vepër penale jashtë
territorit të Republikës së Kosovës dhe nëse kjo vepër po ashtu është e dënueshme në vendin
ku është kryer.
5. Paragrafi 1. i këtij neni zbatohet po ashtu ndaj cilitdo person i cili pas kryerjes së veprës
penale bëhet banor i Republikës së Kosovës.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
37
KODI NR. 06/L-074 PENAL I REPUBLIKËS SË KOSOVËS
Neni 109
Zbatimi i legjislacionit penal të Republikës së Kosovës ndaj personave të huaj të cilët
kryejnë vepra penale jashtë territorit të Republikës së Kosovës
1. Legjislacioni penal i Republikës së Kosovës zbatohet ndaj cilitdo person të huaj nëse:
1.1. personi i tillë ka kryer vepër penale jashtë territorit të Republikës së Kosovës
kundër shtetasit të Kosovës, madje edhe atëherë kur vepra e tillë penale nuk është
cekur në nenin 108 të këtij Kodi;
1.2. kjo vepër penale është po ashtu e dënueshme në vendin ku është kryer; dhe
1.3. kryesi është gjendur në territorin e Kosovës ose është transferuar në Kosovë.
Neni 110
Kushtet e posaçme për ndjekje të veprave penale të kryera jashtë territorit të
Republikës së Kosovës
1. Në rastet e parapara me nenin 107 të këtij Kodi, nëse procedura penale është filluar por
nuk është përfunduar në një juridiksion tjetër, procedura penale në Republikën e Kosovës do të
fillohet vetëm me miratimin e Kryeprokurorit të Shtetit të Republikës së Kosovës.
2. Në rastet e parapara me nenin 108 dhe 109 të këtij Kodi, procedura penale nuk do të fillohet
nëse:
2.1. kryesi në tërësi e ka mbajtur dënimin e shqiptuar në një juridiksion tjetër;
2.2. kryesi në një juridiksion tjetër është liruar me aktgjykim të plotfuqishëm apo është
liruar nga dënimi ose dënimi është parashkruar; dhe
2.3. procedura penale për veprën penale të kryer në një juridiksion tjetër mund të
fillohet vetëm sipas kërkesës së të dëmtuarit dhe një kërkesë e tillë nuk është paraqitur.
3. Procedura penale sipas nenit 111 mund të fillohet në Kosovë vetëm me autorizimin e
Kryeprokurorit të Shtetit të Kosovës.
4. Në rastet e parapara në nenin 107, ndjekja penale e personit të huaj mund t’i transferohet
juridiksionit të huaj sipas kushteve të reciprocitetit.
Neni 111
Dispozitat e posaçme për fëmijët
Ky Kod zbatohet për personat nën moshën tetëmbëdhjetë (18) vjet vetëm nëse me Kodin e
Drejtësisë për të Mitur nuk përcaktohet ndryshe.
Neni 112
Dispozitat e posaçme për personat juridikë
Veprat penale për të cilat personi juridik mund të jetë penalisht përgjegjës, përgjegjësia penale e
personit juridik, sanksionet penale të cilat mund të zbatohen ndaj personit juridik dhe dispozitat
e posaçme që rregullojnë procedurën penale të zbatueshme ndaj personit juridik parashihen
me ligj të veçantë.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
38
KODI NR. 06/L-074 PENAL I REPUBLIKËS SË KOSOVËS
KAPITULLI XIII
DOMETHËNIA E SHPREHJEVE NË KODIN PENAL
Neni 113
Përkufizimet
Për qëllim të këtij Kodi, shprehjet e mëposhtme kanë këto kuptime:
1. Person - personi juridik dhe personin fizik;
2. Person zyrtar - nënkupton:
2.1. personi i cili në organin shtetëror kryen punët zyrtare;
2.2. personi i zgjedhur, i emëruar ose i caktuar në organin shtetëror, në organin e
pushtetit lokal ose personi që përherë ose përkohësisht kryen detyrat zyrtare ose
funksionet zyrtare në ato organe;
2.3. personi në institucion, ndërmarrje ose në ndonjë subjekt tjetër, të cilit i janë besuar
kryerja e autorizimeve publike, që vendos për të drejtat, obligimet ose interesat e
personave fizik apo juridik ose për interesin publik;
2.4. person zyrtar konsiderohet edhe personi të cilit i është besuar kryerja faktike e
detyrave të caktuara zyrtare apo punëve;
2.5. person ushtarak përpos kur janë në pyetje dispozitat e Kreut XXXIII (Veprat penale
kundër detyrave zyrtare) të këtij Kodi.
3. Zyrtar i huaj publik apo person i huaj zyrtar - nënkupton:
3.1. cilido person që mban detyrë legjislative, ekzekutive, administrative apo gjyqësore
në shtetin e huaj, qoftë i emëruar apo i zgjedhur;
3.2. cilido arbitër që ushtron funksione sipas ligjit kombëtar mbi arbitrimin e shtetit të
huaj;
3.3. cilido person që ushtron funksion publik për shtetin e huaj, përfshirë për agjencinë
publike ose ndërmarrjen publike;
3.4. cilido zyrtar, punonjës apo përfaqësues i organizatës ndërkombëtare publike dhe
organeve të tyre;
3.5. cilido anëtar i asamblesë parlamentare ndërkombëtare; dhe
3.6. cilido gjyqtar, prokuror apo zyrtar i gjykatës apo tribunalit ndërkombëtar juridiksioni
i të cilit është i njohur nga Republika e Kosovës.
4. Person nën mbrojtje ndërkombëtare ose person i mbrojtur ndërkombëtarisht -
nënkupton:
4.1. shefi i shtetit, përfshirë cilindo anëtar të organit kolektiv i cili ushtron funksionin e
shefit të shtetit sipas kushtetutës së atij shteti;
4.2. Kryeministri dhe Ministri i Punëve të Jashtme, çdoherë kur ata gjenden me detyrë
jashtë shtetit të tyre, si dhe anëtarët e familjeve të tyre;
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
39
KODI NR. 06/L-074 PENAL I REPUBLIKËS SË KOSOVËS
4.3. çdo zyrtar i lartë ose përfaqësues i lartë i shtetit ose zyrtari i lartë apo përfaqësuesi
tjetër i organizatës ndërkombëtare, i cili në kohën dhe në vendin kur ndaj tij, ndaj
lokaleve zyrtare, banesës apo zyrës private ose mjetit transportues i cili ka shenja
dalluese është kryer vepër penale, sipas të drejtës ndërkombëtare ka të drejtë në
mbrojtje të veçantë nga sulmi ndaj jetës, lirisë dhe dinjitetit të tij.
4.4. Person nën mbrojtje ndërkombëtare përfshinë edhe anëtarët shoqërues të familjes.
5. Person përgjegjës - personi fizik në kuadër të personit juridik, të cilit i janë besuar detyra të
caktuara, ose i cili është i autorizuar për të vepruar në emër të personit juridik si dhe ekziston
bazueshmёria e lartë se është i autorizuar të veproj në emër të personit juridik.
6. Person juridik - subjekti juridik i vendit apo i huaj, i cili sipas legjislacionit të Kosovës nё fuqi
konsiderohet si person juridik.
7. Organizatë biznesi - person fizik apo juridik ose grup personash që merren me veprimtari
ekonomike, siç përcaktohet dhe rregullohet me Ligjin për Shoqëritë Tregtare.
8. Dokument - çdo dokument apo send tjetër i përshtatshëm ose i caktuar që shërben si provë
e ndonjë fakti përkatës për marrëdhëniet juridike.
9. Para - monedhë metalike dhe e letrës, e cila në bazë të ligjit është në qarkullim në Republikën
e Kosovës ose në ndonjë juridiksion tjetër.
10. Shenja me vlerë - përfshin edhe shenjat e huaja me vlerë.
11. Send i luajtshëm - përfshin edhe energjinë e prodhuar apo të grumbulluar për ndriçim,
ngrohje, qarkullim si dhe impulset telefonike dhe impulset tjera.
12. Grup njerëzish – tre (3) ose më shumë persona.
13. Grup kriminal i organizuar - bashkim i strukturuar, që ekziston për një kohë të caktuar,
i tre apo më shumë personave për kryerjen e veprave të caktuara penale, që vepron në
bashkëpunim me qëllim të kryerjes së një apo më shumë veprave të rënda penale për përfitim
të drejtpërdrejtë ose të tërthortë të dobisë financiare apo dobisë tjetër pasurore.
14. Bashkim i strukturuar - bashkim i cili nuk është formuar rastësisht për kryerjen e
menjëhershme të veprës penale, por nuk është e nevojshme që anëtarët e këtij bashkimi të
kenë role formalisht të përcaktuara, vazhdimësi të anëtarësisë së tyre apo strukturë të ndërtuar.
15. Forcë - përfshin edhe zbatimin e hipnozës ose të mjeteve të tjera dehëse me qëllim të
vënies së personit kundër dëshirës së vet në gjendje të pavetëdijshme apo të paaftësohet për
rezistencë.
16. Mjet motorik - çdo mjet transportues i pajisur me motor për përdorim në transportin rrugor,
ujor ose ajror.
17. KFOR - prania ndërkombëtare e sigurisë e vendosur në territorin e Republikës së Kosovës
në pajtim me Rezolutën 1244 (1999) të Këshillit të Sigurimit që përbëhet nga Pakti i Organizatës
së Veriatlantikut NATO, duke përfshirë shtetet e saj anëtare, organet e saj ndihmëse, shtabet e
saj ushtarake dhe elementet ose njësitet kombëtare si dhe vendet kontribuuese që nuk janë në
NATO.
18. Policia - Policia e Republikës së Kosovës siç përcaktohet me ligj.
19. Dogana - Doganat e Republikës së Kosovës përgjegjëse për zbatimin e legjislacionit
doganor.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
40
KODI NR. 06/L-074 PENAL I REPUBLIKËS SË KOSOVËS
20. Policia e EULEX-it – Zyrtari policor i EULEX-it siç përcaktohet me ligj.
21. Shtetas i Republikës së Kosovës - personi i cili sipas Kushtetutës dhe Ligjit për Shtetësinë
konsiderohet i tillë.
22. Fëmijë - person i cili nuk i ka mbushur tetëmbëdhjetë (18) vjet.
23. I mitur - personi i cili është ndërmjet moshës katërmbëdhjetë (14) dhe tetëmbëdhjetë (18)
vjet.
24. Madhor - personi i cili i ka mbushur tetëmbëdhjetë (18) vjet.
25. Marrëdhënie familjare - marrëdhënie në mes të personave:
25.1. që janë të fejuar apo kanë qenë të fejuar ose janë të martuar ose kanë qenë
të martuar ose që janë në bashkësi jashtëmartesore apo kanë qenë në bashkësi
jashtëmartesore ose bashkëjetojnë në ekonomi të përbashkët ose kanë bashkëjetuar
në ekonomi të përbashkët;
25.2. përdorin një shtëpi të përbashkët dhe janë në lidhje gjaku, martese, adoptimi,
krushqie apo janë në lidhje kujdestarie, duke përfshirë prindërit, gjyshërit, fëmijët,
nipat dhe mbesat nga vajza dhe djali, vëllezërit dhe motrat, hallat dhe tezet, dajët dhe
axhallarët, mbesat dhe nipërit nga vëllai dhe motra, kushërinjtë; ose
25.3. janë prindër të një fëmije të përbashkët.
26. Anëtar i familjes - prindi, prindi adoptues, fëmija, fëmija i adoptuar, vëllai ose motra,
bashkëshorti ose bashkëshortja, i afërmi i gjakut që jeton në të njëjtën shtëpi ose personi me të
cilin kryesi jeton në bashkësi jashtëmartesore.
27. Bashkësi jashtëmartesore - marrëdhënie siç përcaktohet me Ligjin për Familje.
28. Territor i Republikës së Kosovës - sipërfaqet tokësore dhe sipërfaqet ujore brenda kufijve
dhe vijës kufitare si dhe hapësirën ajrore mbi Kosovë.
29. Vijë kufitare e Republikës së Kosovës - vijë e cila ndan territorin e Republikës së Kosovës
nga territoret e shteteve fqinje.
30. Kufiri shtetëror - kufiri tokësor, ujor dhe ajror përfshirë aeroportet të cilat zhvillojnë
komunikacion ndërkombëtar.
31. Dëm - çdo humbje deri në pesëmijë (5.000) EUR.
32. Dëm i konsiderueshëm - ose humbje e konsiderueshme - nënkupton çdo humbje prej
më shumë se pesëmijë (5.000) EUR deri në pesëmbëdhjetëmijë (15.000) EUR.
33. Dëm i madh, dëm substancial, ose humbje substanciale - humbje prej më shumë se
pesëmbëdhjetëmijë (15.000) EURO deri në pesëdhjetëmijë (50.000) EURO.
34. Dëm në shkallë të madhe, shkatërrim në shkallë të madhe ose humbje në shkallë të
madhe - çdo humbje prej më shumë se pesëdhjetëmijë (50.000) EURO.
35. Mjet i rrezikshëm - çdo send i punuar apo i përdorur për t’i shkaktuar lëndim trupor personit
ose për të kanosur personin me shkaktim të lëndimit.
36. Dobi pasurore - çfarëdo pasurie e cila fitohet drejtpërdrejtë ose tërthorazi nga vepra penale.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
41
KODI NR. 06/L-074 PENAL I REPUBLIKËS SË KOSOVËS
Pasuria e cila fitohet tërthorazi nga vepra penale përfshinë pasurinë në të cilën pastaj është
konvertuar, transformuar apo përzier çfarëdo pasurie drejtpërdrejtë e fituar nga vepra penale,
si dhe të ardhurat, kapitalin apo dobitë tjera ekonomike të fituara ose realizuara për pasurinë e
tillë në çfarëdo kohe që prej kryerjes së veprës penale.
37. Vegël narkotike - çdo pajisje, produkt apo material i çfarëdo lloji i cili kryesisht ka për qëllim
ose është i krijuar për përdorim në fabrikimin, përzierjen, konvertimin, fshehjen, prodhimin,
përpunimin, përgatitjen, injektimin, gëlltitjen, thithjen ose futjen në ndonjë mënyrë tjetër të
narkotikëve në trupin e njeriut. Kjo përfshinë, por nuk kufizohet në sende siç janë tubat e metalit,
drurit, xhamit, gurit, plastikës apo qeramikës, me apo pa filter, filterë permanent, filterë të
hashishit ose enë metalike me vrima; tuba të ujit; nagjile të marihuanës; letra për mbështjelljen
e cigareve, ose vegla për ndarjen e kokainës.
38. Përgatitja e veprës penale - furnizimi ose aftësimi i mjeteve kryesit për kryerjen e veprës
penale, heqja e pengesave për kryerjen e veprës penale, marrëveshja, planifikimi ose organizimi
me persona tjerë për të kryer vepër penale ose ndonjë veprimtari tjetër që krijon kushte për
kryerjen e drejtpërdrejtë të veprës penale, por që nuk përbën vet veprën penale.
39. Viktimë e ndjeshme - është viktima e veprës penale e cila është fëmijë, person me aftësi
të kufizuara fizike apo mendore, person me aftësi të zvogëluar, grua shtatzënë, i/e moshuar ose
person marrëdhënia apo varësia e të cilit ndaj kryesit e bën atë veçanërisht të ndjeshëm ndaj
viktimizimit të përsëritur, frikësimit të përsëritur apo hakmarrjes së përsëritur.
40. Armë - çdo send ose vegël e punuar me qëllim që nën presionin e gazrave, të cilat lirohen
gjatë djegies së materieve shpërthyese, elektrike, gazrave nën presion ose energjisë tjetër
potenciale, hedhë predha në formë të një plumbi të vetëm, grumbulli prej saçmash, gazi, lëngu,
shigjete ose përbërësish të tjerë, që krijohet dhe përdoret për të shkaktuar lëndime trupore
ose dëm fizik, qoftë edhe psikologjik, si dhe secili send tjetër, qëllimi kryesor i të cilit është
kryerja e sulmit fizik ndaj integritetit fizik të njerëzve ose ndaj pasurisë. Armë po ashtu përfshinë
municionin, pjesët dhe përbërësit e armëve, si dhe armët nukleare, biologjike dhe kimike.
Këto në vijim janë armë:
40.1. armët e zjarrit;
40.2. armët e koleksionit;
40.3. armët pneumatike (ajrore);
40.4. armët që përdoren për shpërndarjen e gazit irritues;
40.5. armët shpërthyese;
40.6. armët me shigjeta;
40.7. armët e ftohta;
40.8. armët për sinjalizim akustik dhe të dritës;
40.9. armët elektroshok;
40.10. armët me rrymë.
Këto në vijim nuk konsiderohen armë për qëllime të këtij Kodi;
40.11. armët për qëllime industriale;
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
42
KODI NR. 06/L-074 PENAL I REPUBLIKËS SË KOSOVËS
40.12. armët dekorative;
40.13. imitimi i armëve;
40.14. armët e zjarrit të bëra të papërdorshme (deaktivizuara) në mënyrë permanente
me aplikimin e procedurave teknike që garantohen nga organi kompetent ose që njihen
nga organi kompetent;
40.15. fuzhnjat për peshkim nën ujë.
KAPITULLI XIV
VEPRAT PENALE KUNDËR RENDIT KUSHTETUES DHE SIGURISË SË REPUBLIKËS SË
KOSOVËS
Neni 114
Sulmi kundër rendit kushtetues të Republikës së Kosovës
1. Kushdo që me përdorim të dhunës apo me kanosje të dhunës tenton që ta ndryshojë rendin
kushtetues të Republikës së Kosovës apo të përmbysë institucionet më të larta të Republikës
së Kosovës, dënohet me jo më pak se pesë (5) vjet burgim.
2. Kushdo që me përdorim të dhunës apo me kanosje të dhunës tenton që të pengojë vendosjen
e rendit kushtetues të Republikës së Kosovës apo me përdorim të dhunës ose kanosjes së
dhunës implementon rendin e huaj juridik në ndonjë pjesë të Republikës së Kosovës, dënohet
me jo më pak se pesë (5) vjet burgim.
3. Kushdo që me përdorim të dhunës ose me kanosje të dhunës tenton të rrezikojë pavarësinë
e Kosovës, sovranitetin dhe integritetin e saj territorial, tërësinë territoriale dhe karakterin
demokratik të shtetit, dënohet jo më pak se dhjetë (10) vjet burgim.
Neni 115
Kryengritja e armatosur
1. Kushdo që merr pjesë në kryengritje të armatosur e cila është e drejtuar kundër rendit
kushtetues, sigurisë apo integritetit territorial të Republikës së Kosovës, dënohet me jo më pak
se pesë (5) vjet burgim.
2. Organizatori i kryengritjes së armatosur nga paragrafi 1 i këtij neni, dënohet me jo më pak se
dhjetë (10) vjet burgim.
Neni 116
Pranimi i kapitullimit dhe okupimit
Shtetasi i Republikës së Kosovës që nënshkruan apo pranon kapitullimin ose miraton okupimin
e Republikës së Kosovës apo të ndonjë pjese të saj, dënohet me burgim së paku dhjetë (10)
vjet ose me burgim të përjetshëm.
Neni 117
Tradhtia ndaj vendit
1. Shtetasi i Republikës së Kosovës që në cilësinë e Presidentit të Republikës, Kryeministrit
apo Ministrit të Punëve të Jashtme, nënshkruan pranimin e okupimit apo aktin e kapitullimit të
shtetit dënohet me burgim së paku pesëmbëdhjetë (15) vjet ose me burgim të përjetshëm.
2. Shtetasi i Republikës së Kosovës që në cilësinë e Presidentit të shtetit, Kryeministrit apo
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
43
KODI NR. 06/L-074 PENAL I REPUBLIKËS SË KOSOVËS
Ministrit të Punëve të Jashtme, nënshkruan marrëveshje ndërkombëtare ose ndonjë akt me të
cilin pjesë të territorit të Republikës së Kosovës jepen apo lihen nën sovranitetin e ndonjë shteti
tjetër, dënohen me burgim së paku pesëmbëdhjetë (15) vjet ose me burgim të përjetshëm.
3 Shtetasi i Republikës së Kosovës që në cilësinë e Presidentit të Republikës së Kosovës,
Kryeministrit apo Ministrit të Punëve të Jashtme, braktisë vendin gjatë kohës së luftës ose
gjendjes së jashtëzakonshme duke lënë forcat e armatosura pa sistem të komandimit dënohet
me burgim së paku pesëmbëdhjetë (15) vjet ose me burgim të përjetshëm.
Neni 118
Rrezikimi i tërësisë territoriale të Republikës së Kosovës
Kushdo që me përdorim të dhunës apo me kanosje të dhunës tenton që ta shkëpus një pjesë
të territorit të Republikës së Kosovës apo që ndonjë pjesë të territorit të saj t’ia bashkojë ndonjë
shteti tjetër, dënohet me jo më pak se pesë (5) vjet burgim.
Neni 119
Vrasja e përfaqësuesve të lartë të Republikës së Kosovës
1. Kushdo që me qëllim të rrezikimit të rendit kushtetues apo sigurisë së Republikës së Kosovës,
privon nga jeta një nga personat e mëposhtëm, dënohet me burgim së paku dhjetë (10) vjet ose
me burgim të përjetshëm.
1.1. Presidentin e Republikës së Kosovës;
1.2. Kryetarin e Kuvendit të Republikës së Kosovës;
1.3. Kryeministrin e Republikës së Kosovës;
1.4. Kryetarin e Gjykatës Kushtetuese të Republikës së Kosovës;
1.5. Kryetarin e Gjykatës Supreme të Republikës së Kosovës ose
1.6. Kryeprokurorin e Shtetit të Republikës së Kosovës.
Neni 120
Rrëmbimi i përfaqësuesve të lartë të Republikës së Kosovës
Kushdo që me qëllim të rrezikimit të rendit kushtetues apo të sigurisë së Republikës së Kosovës,
rrëmben një apo më shumë nga personat e saktësuar në nenin 119 të këtij Kodi, dënohet me
jo më pak se pesë (5) vjet burgim.
Neni 121
Dhuna ndaj përfaqësuesve të lartë të Republikës së Kosovës
Kushdo që me qëllim të rrezikimit të rendit kushtetues apo sigurisë së Republikës së Kosovës,
me përdorim të dhunës apo me kanosje të dhunës, pengon një apo më shumë nga personat
e saktësuar në nenin 119 të këtij Kodi në ushtrimin e detyrave zyrtare apo i detyron të kryejnë
apo të mos kryejnë ndonjë veprim nga fushëveprimi i detyrave të tyre, dënohet me burgim prej
tre (3) deri në dhjetë (10) vjet.
Neni 122
Rrezikimi i rendit kushtetues me shkatërrimin apo dëmtimin e instalimeve dhe pajisjeve
publike
Kushdo që me qëllim të rrezikimit të rendit kushtetues apo sigurisë së Republikës së Kosovës,
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
44
KODI NR. 06/L-074 PENAL I REPUBLIKËS SË KOSOVËS
djeg ose në çfarëdo mënyre tjetër shkatërron apo dëmton zonën industriale, bujqësore ose
ndonjë zonë tjetër ekonomike, sistemin e trafikut, lidhjet e telekomunikimeve, pajisjet publike të
ujit, ngrohjes, gazit apo energjisë, pendat, depot, apo ndonjë ndërtesë tjetër të rëndësishme për
sigurinë, furnizimin e qytetarëve, ekonominë apo funksionimin e shërbimeve publike, dënohet
me jo më pak se tre (3) vjet burgim.
Neni 123
Sabotimi
Kushdo që me qëllim të rrezikimit të rendit kushtetues apo të sigurisë së Republikës së Kosovës,
nuk e kryen në mënyrë të ndërgjegjshme detyrën zyrtare apo kushdo që gjatë ushtrimit të
detyrës zyrtare dëmton mjetet e prodhimit; shkakton shkatërrimin apo dëmtimin e instalimeve
ose ndërtesave; shkakton shkatërrimin apo dëmtimin në sasi të mëdha të produkteve, mallrave
apo materialeve; ose shkakton ndërprerje në procesin e prodhimit dhe vlera e dëmeve apo
shkatërrimit tejkalon pesëdhjetëmijë (50.000) Euro, dënohet me jo më pak se tre (3) vjet burgim.
Neni 124
Spiunazhi
1. Kushdo që sekretin shtetëror ia komunikon, ia dorëzon apo ia bënë të arritshme shtetit të
huaj, organizatës së huaj apo personit që u shërben atyre, dënohet me burgim prej pesë (5) deri
në dymbëdhjetë (12) vjet burgim.
2. Kushdo që për shtetin apo organizatën e huaj krijon shërbimin informativ në Republikën e
Kosovës apo drejton shërbimin e tillë, dënohet me jo më pak se dhjetë (10) vjet burgim.
3. Kushdo që hyn në shërbimin informativ të huaj, mbledh të dhëna për të apo në ndonjë mënyrë
tjetër e ndihmon punën e shërbimit të tillë, dënohet me jo më pak se pesë (5) vjet burgim.
4. Kushdo që mbledh të dhëna apo dokumente të klasifikuara me qëllim që t’ia komunikojë
dhe dorëzojë shtetit të huaj, organizatës së huaj apo personit që u shërben atyre, dënohet me
burgim prej tre (3) deri në dhjetë (10) vjet.
5. Nëse kryerja e veprës penale nga paragrafët 1., 2., 3. ose 4. i këtij neni ka shkaktuar pasoja
të rënda për sigurinë ose fuqinë ekonomike apo ushtarake të shtetit, kryesi dënohet me burgim
jo më pak se dhjetë (10) vjet.
6. Nëse vepra penale e saktësuar në paragrafin 1., 2., 3. ose 4. të këtij neni kryhet gjatë kohës
së luftës, rrezikut të pashmangshëm për luftë, konfliktit të armatosur apo zbulimi i sekretit
shtetëror ka të bëjë me sigurinë e Republikës së Kosovës, kryesi dënohet me jo më pak se
dhjetë (10) vjet burgim ose me burgim të përjetshëm.
7. Për qëllime të këtij kapitulli, “sekret shtetëror” nënkupton të dhënat apo dokumentet
ushtarake, ekonomike apo zyrtare të cilat janë shpallur si informata të klasifikuara me ligj apo
me dispozita ose vendime tjera të organit kompetent të nxjerra në pajtim me ligjin.
Neni 125
Zbulimi i informacioneve të klasifikuara dhe mos ruajtja e informacioneve të
klasifikuara
Kushdo që zbulon ose nuk ruan informacionin e klasifikuar dënohet sipas Ligjit për klasifikimin
e informacioneve dhe verifikimin e sigurisë.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
45
KODI NR. 06/L-074 PENAL I REPUBLIKËS SË KOSOVËS
Neni 126
Veprat e rënda kundër rendit kushtetues dhe sigurisë së Republikës së Kosovës
1. Kryesi i veprave penale nga nenet 113-127 të këtij Kodi dënohet me jo më pak se dhjetë
(10) vjet burgim ose me burgim të përjetshëm, nëse kryerja e veprës:
1.1. rezulton në vdekjen e një apo më shumë personave;
1.2. rrezikon jetën e një apo më shumë personave;
1.3. vepra përcillet me dhunë të rëndë ose shkatërrim në shkallë të madhe; ose
1.4. vepra ka rrezikuar sigurinë ekonomike dhe ushtarake të Republikës së Kosovës.
2. Nëse me rastin e kryerjes së veprës penale nga paragrafi 1. i këtij neni kryesi me dashje ka
privuar nga jeta një apo më shumë persona, kryesi dënohet me burgim së paku dhjetë (10) vjet
ose me burgim të përjetshëm.
3. Kushdo që kryen vepër penale nga paragrafi 1. i këtij neni gjatë kohës së luftës, rrezikut
të pashmangshëm për luftë, konfliktit të armatosur apo gjatë gjendjes së jashtëzakonshme,
dënohet me burgim se paku dhjetë (10) vjet ose me burgim të përjetshëm.
Neni 127
Bashkimi për veprimtari kundër kushtetuese
1. Kushdo që formon një grup apo ndonjë bashkim tjetër të personave për kryerjen e veprave
penale nga nenet 114-127 të këtij Kodi, dënohet me dënimin e paraparë për atë vepër penale.
2. Kushdo që merr pjesë apo bëhet anëtar i grupit apo bashkimit nga paragrafi 1. i këtij neni,
dënohet me burgim prej një (1) deri në pesë (5) vjet.
3. Anëtari i grupit apo bashkimit, që e lajmëron grupin para kryerjes së veprës penale nga
paragrafi 1. i këtij neni, dënohet me burgim deri në tre (3) vjet ose mund të lirohet nga dënimi.
Neni 128
Përkufizimet për dispozitat e terrorizmit në nenet 114-139
Për qëllime të neneve 114-139 të këtij Kodi:
1. Terrorizëm, veprim terrorist apo vepër terroriste - nënkupton kryerja e një ose më shumë
veprave penale të mëposhtme me qëllim të frikësimit serioz të popullsisë, të detyrimit të padrejtë
të një organi publik, qeverisë apo organizatës ndërkombëtare për të kryer ose për të mos
kryer ndonjë veprim, apo që seriozisht të destabilizojë ose të shkatërrojë strukturat themelore
politike, kushtetuese, ekonomike apo shoqërore të Republikës së Kosovës, të një shteti tjetër
apo të një organizate ndërkombëtare:
1.1. vrasja apo vrasja e rëndë në shkelje të nenit 172 dhe 173 të këtij Kodi;
1.2. shtytja apo ndihma në vetëvrasje në shkelje të nenit 177 të këtij Kodi;
1.3. sulmi, sulmi me lëndim të lehtë trupor dhe sulmi me lëndim të rëndë trupor në
shkelje të neneve 184-186 të këtij Kodi;
1.4. veprat penale kundër integritetit seksual në shkelje të neneve 227-229, 231-232
ose 234 të këtij Kodi;
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
46
KODI NR. 06/L-074 PENAL I REPUBLIKËS SË KOSOVËS
1.5. marrja e pengjeve, rrëmbimi ose privimi i kundërligjshëm nga liria në shkelje të
neneve 169, 191 ose 193 të këtij Kodi;
1.6. ndotja e ujit të pijshëm ose e produkteve ushqimore; ndotja ose shkatërrimi i
mjedisit në shkelje të neneve 264 dhe Kapitullit XXVI të këtij Kodi;
1.7. shkaktimi i rrezikut të përgjithshëm; zjarr vënia apo djegia ose shpërthimi nga
pakujdesia ose përdorimi i eksplozivëve ose mjeteve të tjera vdekjeprurëse në shkelje
të neneve 322 ose 356 të këtij Kodi;
1.8. shkatërrimi, dëmtimi ose heqja e instalimeve publike apo rrezikimi i trafikut publik
në shkelje të neneve 122, 357, 370 ose 372 të këtij Kodi;
1.9. furnizimi, transportimi, prodhimi, këmbimi ose shitja e paautorizuar e armëve,
eksplozivit materialeve radioaktive ose armëve nukleare, biologjike ose kimike në
shkelje të neneve 170, 361 ose 364-369 të këtij Kodi;
1.10. përvetësimi i paautorizuar, mbajtja në pronësi, kontroll, posedim ose përdorimi i
armëve, eksplozivit materialeve radioaktive ose armëve nukleare, biologjike ose kimike,
ose hulumtimet për ose ndërtimi i armëve biologjike ose kimike në shkelje të neneve
170, 361 ose 364-369 të këtij Kodi;
1.11. rrezikimi i personave të mbrojtur ndërkombëtarisht në shkelje të nenit 167 të këtij
Kodi;
1.12. rrezikimi i personelit të Kombeve të Bashkuara dhe i personelit në marrëdhënie
me to në shkelje të nenit 168 të këtij Kodi;
1.13. rrëmbimi i fluturakes ose marrja e kundërligjshme e fluturakes në shkelje të nenit
158 të këtij Kodi, ose rrëmbimi i mjeteve tjera të transportit publik apo të transportit të
mallrave;
1.14. rrezikimi i sigurisë së aviacionit civil në shkelje të nenit 159 të këtij Kodi;
1.15. rrëmbimi i anijeve ose rrezikimi i sigurisë së lundrimit detar në shkelje të nenit 160
të këtij Kodi;
1.16. rrezikimi i sigurisë së platformave fikse të vendosura në pragun kontinental në
shkelje të nenit 161 të këtij Kodi;
1.17. përvetësimi, përdorimi, prodhimi, posedimi, transferimi, ndryshimi, asgjësimi,
shpërndarja ose dëmtimi i paautorizuar i materialeve nukleare apo radioaktive në
shkelje të nenit 170 të këtij Kodi;
1.18. kanosja për përdorimin apo vjedhjen ose grabitjen e materialeve nukleare apo
përdorimin e materialeve radioaktive në shkelje të nenit 171 të këtij Kodi;
1.19. kanosja për kryerjen e ndonjërës prej veprave të saktësuara në nën-paragrafët
1.1 deri në 1.18 të këtij paragrafi.
2. Shprehja Fonde - përfshin pasurinë e çfarëdo lloji, qoftë e prekshme ose e paprekshme, e
luajtshme ose e paluajtshme, sido që të jetë fituar, dhe dokumentet apo instrumentet ligjore
në çfarëdo forme, përfshirë formën elektronike ose digjitale, të dëshmuarit e pronësisë ose të
interesit në pasuritë e tilla, përfshirë por pa u kufizuar në, kreditë bankare, çeqet e udhëtarëve,
çeqet bankare, urdhërpagesat, aksionet, letrat me vlerë, detyrimet, çeqet letër kreditë dhe çdo
mjet tjetër financiar.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
47
KODI NR. 06/L-074 PENAL I REPUBLIKËS SË KOSOVËS
3. Shprehja Burime Financiare - përfshin, por nuk kufizohet në, dhënien me qira, objektet
e trezorëve, dokumentacionin ose identifikimin e rrejshëm, shërbimet financiare, pajisjet,
personelin, armët, mjetet e transportit, pajisjet e komunikimeve dhe pasurinë tjetër fizike, përveç
medikamenteve të domosdoshme.
4. Shprehja Grup Terrorist - nënkupton grupin e strukturuar prej më shumë se dy (2) personave,
që ekziston për një periudhe kohore dhe i cili vepron në bashkëpunim për kryerjen e terrorizmit.
5. Shprehja Grup i Strukturuar - nënkupton një grup i cili nuk është formuar rastësisht
për kryerjen e menjëhershme të një vepre dhe i cili nuk ka nevojë të ketë role formalisht të
përcaktuara për anëtarët e tij, vazhdimësinë e anëtarësisë ose strukturë të ndërtuar.
6. Terrorist - nënkupton çdo person fizik i cili: (i) kryen veprim terrorist me çfarëdo mjeti,
drejtpërdrejt ose tërthorazi; (ii) organizon apo drejton të tjerët për të kryer veprime terroriste;
ose (iii) kontribuon në kryerjen e veprimeve terroriste nga një grup personash që veprojnë me
një qëllim të përbashkët, ku kontributi bëhet me dashje dhe me qëllim të avancimit të veprimit
terrorist ose me njohjen e qëllimit të grupit për të kryer një veprim terrorist.
Neni 129
Kryerja e veprës terroriste
1. Kushdo që kryen një vepër terroriste dënohet me jo më pak se pesë (5) vjet burgim.
2. Kur vepra nga paragrafi 1. i këtij neni rezulton me lëndime të rënda trupore të një apo më
shumë personave, kryesi dënohet me jo më pak se dhjetë (10) vjet burgim.
3. Kur vepra nga paragrafi 1. i këtij neni rezulton me vdekje të një apo më shumë personave,
kryesi dënohet me burgim së paku pesëmbëdhjetë (15) vjet ose me burgim të përjetshëm.
Neni 130
Ndihma në kryerjen e terrorizmit
1. Kur vepra nga neni 377 ose 378 i këtij Kodi kryhet në lidhje me terrorizmin, kryesi dënohet
me burgim prej gjashtë (6) muaj deri në pesë (5) vjet.
2. Kur vepra nga neni 380 i këtij Kodi kryhet në lidhje me terrorizmin, kryesi dënohet me burgim
prej tre (3) deri në dhjetë (10) vjet.
3. Kushdo që e ndihmon kryesin apo bashkëpjesëmarrësin pas kryerjes së një vepre terroriste,
duke i siguruar fonde ose burime të tjera materiale personit apo personave të tillë për çfarëdo
qëllimi, dënohet me burgim prej tre (3) deri në dhjetë (10) vjet.
Neni 131
Lehtësimi dhe financimi në kryerjen e terrorizmit
1. Kushdo që, në çfarëdo mënyre, të drejtpërdrejtë ose të tërthortë, ofron, kërkon, mbledh ose
fsheh, organizon, përgatit, vë në dispozicion fonde apo mjete të tjera materiale ose drejton
të tjerët për këto veprime, me dashje se do të përdoren, dijeni apo bazë të arsyeshme për
të besuar se do të përdoren, tërësisht ose pjesërisht, për apo nga një individ terrorist, grup
terrorist, apo për të kryer apo për të kontribuar për kryerjen e veprës terroriste, dënohet me
gjobë deri në pesëqind mijë (500.000) euro dhe me burgim prej pesë (5) deri në pesëmbëdhjetë
(15) vjet.
2. Që një vepër të përbëjë vepër penale sipas paragrafit 1 të këtij neni, nuk është e nevojshme
që një veprim terrorist të ndodh ose nëse fondet janë përdorur në të vërtetë për të kryer një
veprim të tillë terrorist.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
48
KODI NR. 06/L-074 PENAL I REPUBLIKËS SË KOSOVËS
Neni 132
Rekrutimi për terrorizëm
Kushdo që i bën thirrje personit tjetër për të kryer ose për të marrë pjesë në kryerjen e veprës
terroriste ose për të marrë pjesë në aktivitetet e një terroristi apo grupi terrorist, dënohet me
burgim prej pesë (5) deri në pesëmbëdhjetë (15) vjet.
Neni 133
Trajnimi për terrorizëm
1. Kushdo që ofron ose pranon trajnim për terrorizëm, dënohet me burgim prej pesë (5) deri në
pesëmbëdhjetë (15) vjet.
2. Për qëllime të këtij neni, shprehja “trajnim për terrorizëm” nënkupton trajnimin ose udhëzimin,
përfshirë ofrimin ose pranimin e njohurive ose aftësive praktike, për prodhimin ose përdorimin e
mjeteve shpërthyese, armëve të zjarrit ose armëve tjera apo substancave kimike, bakteriologjike,
nukleare apo substancave të tjera të dëmshme apo helmuese për njerëzit, pronën apo mjedisin,
ose me metoda apo teknika tjera specifike, me qëllim që të kryejë apo të kontribuojë në kryerjen
e veprës terroriste, duke ditur se shkathtësitë e mësuara apo të marra kanë për synim që të
përdoren për këtë qëllim.
Neni 134
Shtytja për kryerjen e veprave terroriste
Kushdo që shpërndan, ose në ndonjë mënyrë tjetër mundëson me çdo mjet, mesazhin për
publikun, me qëllim që të shtytë kryerjen e aktit terrorist, kur sjellja e tillë pavarësisht nëse
avokon drejtpërdrejtë ose jo aktet terroriste, shkakton rrezikun që një ose më shumë vepra të
tilla të kryhen, dënohet me burgim prej një (1) deri në pesë (5) vjet.
Neni 135
Fshehja ose moslajmërimi i terroristëve apo grupeve terroriste
1. Kushdo që fsheh ekzistimin e një terroristi apo grupi terrorist ose të anëtarëve të tij, e pengon
zbulimin ose kapjen e grupit terrorist ose të anëtarëve të tij, dënohet me burgim prej tre (3) deri
në dhjetë (10) vjet.
2. Nëse vepra nga neni 377 ose 378 i këtij Kodi kryhet në lidhje me terrorizmin, kryesi dënohet
me burgim prej gjashtë (6) muaj deri në pesë (5) vjet.
3. Nëse vepra nga neni 380 i këtij Kodi kryhet në lidhje me terrorizmin, kryesi dënohet me
burgim prej tre (3) deri në dhjetë (10) vjet.
Neni 136
Organizimi dhe pjesëmarrja në grup terrorist
1. Kushdo që krijon, organizon ose drejton një grup terrorist dënohet me gjobë deri në pesëqind
mijë (500.000) Euro dhe me burgim prej dhjetë (10) deri në njëzet (20) vjet.
2. Kushdo që merr pjesë në veprimtaritë e grupit terrorist dënohet me burgim prej pesë (5) deri
në dhjetë (10) vjet.
Neni 137
Udhëtimi për qëllime të terrorizmit
1. Kushdo që udhëton për në apo prej territorit të Republikës së Kosovës me qëllim për të kryer,
kontribuar apo marrë pjesë në kryerjen e një vepre terroriste apo me qëllim për të marrë pjesë
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
49
KODI NR. 06/L-074 PENAL I REPUBLIKËS SË KOSOVËS
në aktivitetet e një terroristi apo grupi terrorist apo me qëllim të ofrimit apo pranimit të trajnimit
për terrorizëm dënohet me burgim prej tre (3) deri në dhjetë (10) vite.
2. Kushdo që në çfarëdo mënyrë ndihmon siç parashihet kryerja e veprës penale në këtë nen
dhe siç përcaktohet në nenin 33 të këtij Kodi, organizon apo lehtëson udhëtimin e ndonjë
personi me dijeni se udhëtimi është për qëllimet e parapara në paragrafin 1 të këtij neni dënohet
me burgim prej një (1) deri në tetë (8) vite.
Neni 138
Përgatitja e veprave terroriste ose veprave penale kundër rendit kushtetues dhe
sigurisë së Republikës së Kosovës
1. Kushdo që përgatit kryerjen e veprave penale nga nenet 128-137 të këtij Kodi, dënohet me
burgim prej një (1) deri në pesë (5) vjet.
2. Për qëllime të këtij neni, shprehja “përgatitje e veprës penale” përfshin furnizimin apo
aftësimin e mjeteve kryesve për kryerjen e veprës penale, eliminimin e pengesave për kryerjen
e veprës penale, marrëveshjen, planifikimin apo organizimin me personat e tjerë për kryerjen
e veprës penale, si dhe çfarëdo veprime tjera që krijojnë kushte për kryerjen e drejtpërdrejtë të
veprës penale, por të cilat nuk e përbëjnë vet veprën penale.
3. Kushdo që dërgon apo bartë në apo jashtë territorit të Republikës së Kosovës armë, eksploziv,
helme, pajisje, municion apo material tjetër për kryerjen e një apo më shumë veprave penale
nga ky kapitull, dënohet me burgim prej pesë (5) deri në pesëmbëdhjetë (15) vjet.
4. Kushdo që me qëllim të kryerjes së një apo më shumë veprave terroriste nga ky Kapitull,
dërgon apo bartë grupe te armatosura, pajisje ose burime tjera materiale në ose jashtë
Republikës së Kosovës, dënohet me burgim prej dhjetë (10) deri në njëzet (20) vjet.
Neni 139
Parëndësia e kryerjes së veprës terroriste dhe lidhja me veprat penale terroriste
Që një vepër të përbëjë vepër penale sipas neneve 128-138 të këtij Kapitulli, nuk është e
nevojshme që vepra terroriste të jetë kryer dhe as nuk është e nevojshme, për sa u përket
veprave penale të përcaktuara në nenet 132, 133, 134 dhe 137 të këtij Kapitulli, për të krijuar
një lidhje me një vepër tjetër penale në këtë Kod.
Neni 140
Kalimi i paautorizuar i vendkalimeve kufitare ose i vijës kufitare
1. Kushdo që kalon kufirin apo vijën kufitare të Republikës së Kosovës në cilindo vend përveç
në kufirin apo vendkalimet e autorizuara kufitare, dënohet me dyqind e pesëdhjetë (250) Euro
gjobë ose me burgim deri në gjashtë (6) muaj.
2. Kur vepra penale nga paragrafi 1. i këtij neni kryhet nga kryesi i cili është i shoqëruar nga
një fëmijë ose ndonjë person tjetër, kryesi dënohet me gjobë deri në dymijë e pesëqind (2.500)
Euro ose me burgim deri në një (1) vit.
3. Kur vepra penale nga paragrafi 1. i këtij neni kryhet në një apo më shumë nga rrethanat e
mëposhtme, kryesi dënohet me burgim prej gjashtë (6) muaj deri në tre (3) vjet nëse:
3.1. kryesi ka qenë më parë i dënuar për vepër penale nga ky nen;
3.2. gjatë kohës së kapjes, kryesi ikë, përpiqet të ikë ose në ndonjë mënyrë tjetër i
reziston kapjes nga policia ose KFOR-i;
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
50
KODI NR. 06/L-074 PENAL I REPUBLIKËS SË KOSOVËS
3.3. kalimi është bërë ndërmjet orës 08:00 në mbrëmje deri në orën 06:00 në mëngjes
gjatë periudhës prej 1 prillit deri më 30 shtator, ose ndërmjet orës 06:00 në mbrëmje
deri në orën 06:00 në mëngjes gjatë periudhës prej 1 tetorit deri më 31 mars; ose
3.4. kryesi posedon armë, municion ose rroba ushtarake, furnizime apo pajisje.
4. Tentativa për të kryer vepër penale nga paragrafi 1. ose 2. i këtij neni është e dënueshme.
5. Personi nuk është penalisht përgjegjës sipas këtij neni për kalimin në një pikë kufitare të
paautorizuar të kufirit shtetëror nëse kalimi ka ndodhur në një vendkalim i cili është hapur
përkohësisht nga Komandanti i KFOR-it.
6. Kurrfarë procedure penale që përfshin veprën nga ky nen nuk mund të fillohet apo të vazhdohet
kundër asnjë refugjati në mirëbesim ose kundër personit të zhvendosur brenda vendit, që vjen
nga territori ku jeta apo trupi i tij ose liritë apo të drejtat themelore janë të rrezikuara, me kusht
që ai t’i jetë paraqitur policisë apo KFOR-it brenda një kohe të arsyeshme dhe të tregojë arsye
bindëse për kalimin e vendkalimit apo pikës kufitare të paautorizuar.
Neni 141
Nxitja e përçarjes dhe mos durimit
1. Kushdo që nxit ose përhap publikisht urrejtje, përçarje dhe mos durim midis grupeve
kombëtare, racore, fetare, etnike e të tjera, apo bazuar në orientimin seksual, identitetin gjinor
dhe karakteristikat e tjera personale, në mënyrën e cila mund të prishë rendin publik dënohet
me gjobë ose me burgim deri në pesë (5) vjet.
2. Kushdo që në mënyrë sistematike ose duke keqpërdorur pozitën apo autorizimet e tij kryen
veprën nga paragrafi 1. i këtij neni ose shkakton trazira, dhunë ose pasoja të tjera të rënda me
kryerjen e veprës së tillë, dënohet me burgim prej një (1) deri në tetë (8) vjet.
3. Kushdo që kryen veprën penale nga paragrafi 1. i këtij neni përmes shtrëngimit, rrezikimit të
sigurisë, përqeshjes së simboleve kombëtare, racore, etnike apo fetare, duke dëmtuar pasurinë
e personit tjetër ose duke përdhosur monumentet apo varrezat, dënohet me burgim prej një (1)
deri në tetë (8) vjet.
4. Kushdo që në mënyrë sistematike ose duke keqpërdorur pozitën apo autorizimet e tij kryen
veprën penale nga paragrafi 3. i këtij neni ose shkakton trazira, dhunë ose pasoja të tjera të
rënda me kryerjen e veprës së tillë, dënohet me burgim prej dy (2) deri në dhjetë (10) vjet.
KAPITULLI XV
VEPRAT PENALE KUNDËR NJERËZIMIT DHE VLERAVE TË MBROJTURA ME TË
DREJTËN NDËRKOMBËTARE
Neni 142
Gjenocidi
1. Kushdo që me qëllim të asgjësimit të tërësishëm apo të pjesërishëm të ndonjë grupi kombëtar,
etnik, racor apo fetar kryen një ose më shumë nga veprimet e mëposhtme, do të dënohet me
burgim së paku pesëmbëdhjetë (15) vjet ose me burgim të përjetshëm:
1.1. vrasjen e anëtarëve të grupit;
1.2. shkaktimin e lëndimeve të rënda trupore apo mendore të anëtarëve të grupit;
1.3. vënien e qëllimshme të grupit në kushte të tilla të jetës të cilat shpijnë në shfarosje
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
51
KODI NR. 06/L-074 PENAL I REPUBLIKËS SË KOSOVËS
të plotë apo të pjesërishme fizike;
1.4. vënien e masave të cilat kanë për qëllim që të pengojnë lindjet brenda grupit;
1.5. transferimin me dhunë të fëmijëve të grupit në një grup tjetër.
Neni 143
Krimet kundër njerëzimit
1. Kushdo që kryen një ose më shumë nga veprat e mëposhtme, duke ditur se vepra e tillë
është pjesë e një sulmi të gjerë apo sistematik të drejtuar kundër popullsisë civile, dënohet me
burgim së paku pesëmbëdhjetë (15) vjet ose me burgim të përjetshëm:
1.1. vrasje;
1.2. shfarosje;
1.3. skllavërim;
1.4. deportim ose përzënie me dhunë të popullsisë;
1.5. burgosje ose privime të tjera të rënda të lirisë fizike në kundërshtim me rregullat
themelore të së drejtës ndërkombëtare;
1.6. torturë;
1.7. dhunim, skllavëri seksuale, prostitucion të detyruar, shtatzëni me dhunë, sterilizim
të detyruar ose çfarëdo forme tjetër po aq të rëndë të dhunës seksuale;
1.8. persekutim të një grupi ose kolektivi të identifikuar për arsye politike, racore,
kombëtare, etnike, kulturore, fetare, gjinore apo në ndonjë baze tjetër e cila është
botërisht e njohur si e palejueshme sipas të drejtës ndërkombëtare, në lidhje me veprat
nga ky nen dhe nenet 142 dhe 144-147 të këtij Kodi;
1.9. zhdukja e detyruar e personave;
1.10. krimin e aparteidit; ose
1.11. vepra të tjera çnjerëzore të karakterit të ngjashëm që qëllimisht shkaktojnë vuajtje
të mëdha, lëndime të rënda të trupit ose të shëndetit fizik apo mendor.
2. Për qëllime të këtij neni:
2.1. Shprehja sulm i drejtuar kundër cilësdo popullsi civile- nënkupton një mënyrë
veprimi që përfshin kryerjen e shumëfishtë të veprave të parapara në paragrafin 1
të këtij neni kundër cilësdo popullsi civile, në pajtim apo në përkrahje të një politike
shtetërore apo të organizuar për të kryer një sulm të tillë.
2.2. Shprehja shfarosje - përfshin shkaktimin me qëllim të kushteve jetësore, ndër të
tjera, privimin e qasjes në ushqim dhe barëra, si pasojë e të cilave llogaritet se do të
sjellin zhdukjen e një pjese të popullsisë.
2.3. Shprehja skllavërim - nënkupton ushtrimin e një kompetence ose e të gjitha
kompetencave që lidhen me të drejtën e pronësisë mbi një person, duke përfshirë
ushtrimin e një kompetence të tillë në trafikimin e njerëzve, veçanërisht të grave dhe të
fëmijëve.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
52
KODI NR. 06/L-074 PENAL I REPUBLIKËS SË KOSOVËS
2.4. Shprehja depërtim apo transferim me dhunë i popullsisë - nënkupton zhvendosje
të personave të caktuar me anë të dëbimit apo të akteve të tjera shtrënguese nga
zona ku ata banojnë në mënyrë të ligjshme, pa arsye të cilat lejohen sipas të drejtës
ndërkombëtare.
2.5. Shprehja torturë - nënkupton shkaktimin e qëllimshëm të dhembjes apo vuajtjes së
rëndë fizike apo mendore mbi një person i cili është në ndalim ose është nën kontrollin
e kryesit; përjashtimisht, tortura nuk përfshin dhembjen apo vuajtjen karakteristike apo
të pandarë që rezulton vetëm nga sanksionet e ligjshme.
2.6. Shprehja shtatzëni e detyruar - nënkupton mbyllje e paligjshme e gruas së lënë
shtatzënë me dhunë, me qëllim që të ndikojë në përbërjen etnike të ndonjë popullsie
ose duke kryer shkelje të tjera të rënda të së drejtës ndërkombëtare.
2.7. Shprehja persekutim - nënkupton privim i rëndë dhe me dashje nga të drejtat
themelore për shkak të identitetit të grupit apo kolektivitetit në kundërshtim me të
drejtën ndërkombëtare.
2.8. Shprehja krim i aparteidit - nënkupton akte çnjerëzore që kanë karakter të
ngjashëm me ato të parapara në paragrafin 1. të këtij neni, të kryera në kontekstin e
një regjimi të institucionalizuar të shtypjes dhe sundimit sistematik nga një grup racorë
mbi një grup tjetër racorë ose grupe të tjera dhe që kryhen me qëllim të mbajtjes së atij
regjimi.
2.9. Shprehja zhdukja e detyruar e personave - nënkupton arrestim, paraburgim
ose rrëmbim i personave nga, ose me autorizimin, përkrahjen apo pajtimin e shtetit
apo organizatës politike, shoqëruar me refuzimin e atij autoriteti ose organizate për të
pranuar atë privim të lirisë apo për të dhënë informata mbi fatin apo vendndodhjen e
atyre personave, me qëllim që këta persona të mos gëzojnë mbrojte juridike për një
periudhë të zgjatur kohore.
2.10. Shprehja gjini - i referohet të dy gjinive, mashkullit dhe femrës, brenda kontekstit
të shoqërisë.
Neni 144
Krimet e luftës në shkelje të rëndë të konventave të Gjenevës
1. Kushdo që shkel rëndë Konventat e Gjenevës të 12 gushtit 1949, dënohet me:
1.1. burgim prej së paku dhjetë (10) vjet ose me burgim të përjetshëm, për veprat nga
nënparagrafët 2.4., 2.5., 2.6., 2.7. ose 8. të paragrafit 2. të këtij neni; ose
1.2. burgim prej së paku pesëmbëdhjetë (15) vjet ose me burgim të përjetshëm, për
veprat nga nën-paragrafët 2.1, 2.2 ose 2.3 të paragrafit 2. të këtij neni.
2. Shkelje e rëndë e Konventave të Gjenevës të 12 gushtit 1949 do të thotë një apo më
shumë prej veprimeve vijuese të kryera gjatë kohës së luftës apo konfliktit të armatosur
kundër personave ose pasurisë që janë të mbrojtura me dispozitat përkatëse të Konventave të
Gjenevës:
2.1. vrasja me qëllim;
2.2. tortura ose trajtimi çnjerëzor, duke përfshirë eksperimentet biologjike;
2.3. shkaktimi i qëllimshëm i vuajtjeve të mëdha ose i dëmtimeve të rënda trupore apo
shëndetësore, dhunimi dhe ngacmimi seksual;
2.4. shkatërrimi masiv dhe përvetësimi i pasurisë i pajustifikueshëm nga nevojat
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
53
KODI NR. 06/L-074 PENAL I REPUBLIKËS SË KOSOVËS
ushtarake dhe i kryer në mënyrë të kundërligjshme dhe të qëllimshme;
2.5. detyrimi i robit të luftës ose personit tjetër të mbrojtur për të shërbyer në forcat e
armikut;
2.6. privimi i qëllimshëm i robit të luftës ose personit tjetër të mbrojtur nga e drejta për
gjykim të drejtë dhe të rregullt;
2.7. deportimi i kundërligjshëm apo transferimi ose mbyllja e kundërligjshme dhe
2.8. marrja e pengjeve.
Neni 145
Krimet e luftës në shkelje të rëndë të ligjeve dhe zakoneve që zbatohen në konfliktin e
armatosur ndërkombëtar
1. Kushdo që shkel rëndë ligjet dhe zakonet që zbatohen në konfliktet e armatosura
ndërkombëtare, brenda kornizës së përcaktuar të së drejtës ndërkombëtare, dënohet me:
1.1. burgim prej së paku pesë (5) vjet ose me burgim të përjetshëm, për veprat nga nën
paragrafët 2.9, 2.13, 2.14, 2.15, 2.16, 2.26, 2.29, 2.30 ose 2.31 të paragrafit 2. të këtij
neni; ose
1.2. burgim prej së paku dhjetë (10) vjet ose me burgim të përjetshëm, për veprat nga
nënparagrafët 2.1, 2.2, 2.3, 2.4, 2.5, 2.6, 2.7, 2.8, 2.10, 2.11, 2.12, 2.17, 2.18, 2.19,
2.20, 2.21, 2.22, 2.23, 2.24, 2.25, 2.27 ose 2.28 të paragrafit 2. të këtij neni.
2. Shkelja e rëndë e ligjeve dhe e zakoneve që zbatohen për konfliktet e armatosura
ndërkombëtare, brenda kornizës së përcaktuar të së drejtës ndërkombëtare, nënkupton një
ose më shumë nga veprimet vijuese:
2.1. sulmet e drejtuara me qëllim kundër popullsisë civile ose ndaj individëve të veçantë
civilë që nuk marrin pjesë drejtpërdrejt në konflikt;
2.2. sulmet e drejtuara me qëllim kundër objekteve civile që nuk janë objektiva ushtarake;
2.3. sulmet e drejtuara me qëllim kundër personelit, instalimeve, materialeve, njësive
ose automjeteve të përfshira në misionet e ndihmës humanitare ose paqeruajtëse
në përputhje me Kartën e Kombeve të Bashkuara, për aq kohë sa gëzojnë të drejtën
për mbrojtjen e atyre civilëve ose objekteve civile sipas të drejtës ndërkombëtare për
konfliktet e armatosura;
2.4. fillimi i sulmit të qëllimshëm, duke ditur se sulmi i tillë do të shkaktojë humbje
aksidentale të jetës ose plagosje të civilëve, dëme të objekteve civile, dëme të gjëra,
afatgjate dhe të rënda ndaj mjedisit natyror, që do të ishte haptazi tejkalim sa i përket
përparësisë së gjithëmbarshme konkrete dhe të drejtpërdrejtë të parashikuar ushtarake;
2.5. sulmi ose bombardimi me çfarëdo mjete i qyteteve, fshatrave, vendbanimeve ose
ndërtesave që janë të pambrojtura dhe të cilat nuk janë objektiva ushtarake;
2.6. vrasja ose plagosja e luftëtarit i cili është dorëzuar në mëshirë pasi ka dorëzuar
armët ose që nuk ka më mjete mbrojtëse;
2.7. përdorimi i papërshtatshëm i flamurit të armëpushimit, i flamurit apo i shenjave
dhe i uniformave ushtarake të armikut apo të Kombeve të Bashkuara ose i emblemave
dalluese të Konventave të Gjenevës, që kanë si pasojë vdekjen ose plagosjet e rënda;
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
54
KODI NR. 06/L-074 PENAL I REPUBLIKËS SË KOSOVËS
2.8. transferimi i drejtpërdrejt ose i tërthortë nga forcat pushtuese i pjesëve të popullatës
së vet civile në territorin që e pushton, ose deportimi apo transferimi i tërësishëm apo i
pjesërishëm i popullatës së territorit të pushtuar brenda ose jashtë këtij territori;
2.9. drejtimi me qëllim i sulmeve kundër ndërtesave fetare, shkollore, artistike, shkencore,
me qëllime bamirëse, monumenteve historike, spitaleve dhe vendeve ku janë mbledhur
të sëmurët dhe të plagosurit, me kusht që të mos jenë objektiva ushtarake;
2.10. nënshtrimi i personave nën autoritetin e një pale kundërshtare ndaj të cilëve
kryhen gjymtime fizike ose eksperimente të ndryshme mjekësore apo shkencore, të
cilat nuk arsyetohen në aspektin e trajtimit mjekësor, dental apo spitalor të personit
përkatës dhe nuk janë në dobi të tij, e që shkaktojnë vdekje apo rrezik serioz ndaj
shëndetit të një apo shumë personave të tillë;
2.11. vrasja apo plagosja dinake e individëve që i përkasin vendit apo ushtrisë armike;
2.12. deklarimi se nuk do të ketë mëshirë;
2.13. shkatërrimi apo marrja e pasurisë së armikut, përveç rasteve kur kjo kërkohet
domosdoshmërisht për nevojat e luftës;
2.14. deklarimi se abrogohen, suspendohen apo nuk pranohen nga gjykata të drejtat
dhe veprimet e pjesëtarëve të kombit që është palë e armikut;
2.15. detyrimi i qytetarëve të palës armike për të marrë pjesë në operacionet e luftës
të drejtuara kundër vendit të tyre, madje edhe nëse kanë qenë në shërbimin e palës
kundërshtare para fillimit të luftës;
2.16. plaçkitja e një qyteti ose e një vendi, qoftë edhe kur merret me anë të sulmit;
2.17. përdorimi i helmeve ose i armëve helmuese;
2.18. përdorimi i gazrave asfiksuese, helmuese ose i llojeve të tjera të gazrave dhe i të
gjitha analogeve të lëngshme, materialeve ose mjeteve;
2.19. përdorimi i plumbave që përhapen apo rrafshohen lehtë në trupin e njeriut, siç
janë plumbat me mbulesë të fortë që nuk e mbulojnë plotësisht bërthamën ose janë të
çarë me prerje;
2.20. përdorimi i armëve, projektilave, materialeve dhe metodave të luftimit të një natyre
të tillë që shkaktojnë plagosje të tepërta apo vuajtje të panevojshme ose të cilat nuk
bëjnë dallim në shkaktimin e këtyre vuajtjeve, në shkelje me të drejtën ndërkombëtare
për konfliktet e armatosura, duke përfshirë këtu armët kimike, armët biologjike, copëzat
e padetektueshme, armët verbuese laserike ose minat mashtruese të përkufizuara në
Protokollin II të Konventës mbi ndalimin ose kufizimin e disa armëve konvencionale të
cilat konsiderohen se janë jashtëzakonisht dëmtuese ose kanë efekte pa i zgjedhur
caqet, të datës 10 tetor 1980;
2.21. kryerja e akteve fyese ndaj dinjitetit personal, veçanërisht trajtimi nënçmues dhe
poshtërues;
2.22. kryerja e dhunimeve, skllavëria seksuale, prostitucioni i detyruar, shtatzënia e
dhunshme, steriliteti i detyruar ose ndonjë formë tjetër e dhunës seksuale, e cila përbën
gjithashtu shkelje të rëndë të Konventave së Gjenevës;
2.23. përdorimi i qëllimshëm i pranisë së civilëve ose i personave të tjerë që gëzojnë
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
55
KODI NR. 06/L-074 PENAL I REPUBLIKËS SË KOSOVËS
mbrojtje me qëllim të mbajtjes së disa pikave, zonave apo forcave ushtarake të
mbrojtura nga operacionet ushtarake;
2.24. drejtimi me qëllim i sulmeve kundër ndërtesave, materialeve, njësive mjekësore
dhe transportit, personelit fetar dhe personelit që përdorin shenjën dalluese të
Konventave të Gjenevës në pajtim me të drejtën ndërkombëtare;
2.25.vënia me qëllim e popullsisë civile në gjendje të urisë si metodë lufte, duke privuar
ata nga mjetet e domosdoshme për ekzistencën e tyre, duke përfshirë këtu edhe
pengimin e qëllimshëm të furnizimeve të paraparë me Konventat e Gjenevës;
2.26. rekrutimi apo mobilizimi i fëmijëve nën moshën pesëmbëdhjetë (15) vjet në forcat
e armatosura kombëtare ose duke i përdorur ata të marrin pjesë aktivisht në armiqësi;
2.27. drejtimi me qëllim i sulmeve kundër punimeve ose instalimeve që përmbajnë
forca të rrezikshme duke e ditur se sulmi i tillë do të shkaktojë humbje të tepërta të
jetës, lëndime të civilëve ose dëmtime të objekteve civile;
2.28. drejtimi me qëllim i sulmeve pa dallim, kur sulmi i tillë nuk drejtohet në një objektiv
specifik ushtarak, shfrytëzon metoda apo mjete të luftës të cilat nuk mund të drejtohen
në objekte specifike ushtarake ose metoda apo mjete të luftës efekti i të cilave nuk
mund të kufizohet ashtu siç kërkohet me Protokollin I të Konventave të Gjenevës të
datës 12 gusht 1949 dhe që, për pasojë, është i një natyre të tillë që godet objektivat
ushtarake dhe civile ose objektet civile pa dallim;
2.29. skllavëria dhe tregtia me robërit;
2.30. shqiptimi i dënimeve kolektive;
2.31. ushtrimi i trysnisë mbi popullsinë e një territori të pushtuar për të ndërruar
kombësinë ose për të dhënë betimin për forcat armike.
Neni 146
Krimet e luftës në shkelje të rëndë të nenit 3 të përbashkët të konventave të Gjenevës
1. Kushdo që shkel rëndë nenin 3, që është i përbashkët për katër Konventat e Gjenevës të
datës 12 gusht 1949, dënohet me burgim së paku pesë (5) vjet ose me burgim të përjetshëm.
2. Shkelje e rëndë e nenit 3, të përbashkët për të katër Konventat e Gjenevës të 12 Gushtit
1949, do të thotë një ose më shumë nga veprat e mëposhtme të kryera në kontekstin e një
konflikti të armatosur jo të një karakteri ndërkombëtar kundër personave që nuk marrin pjesë
aktive në armiqësi, duke përfshirë edhe pjesëtarët e forcave të armatosura që i kanë dorëzuar
armët dhe që nuk janë në gjendje të luftojnë për shkak të sëmundjes, plagëve, ndalimit ose për
ndonjë shkak tjetër:
2.1. dhuna ndaj jetës dhe personit, në veçanti vrasja e çdo lloji, gjymtimi, trajtimi mizor
dhe tortura;
2.2. kryerja e akteve fyese ndaj dinjitetit të personit, në veçanti poshtërimi dhe trajtimi
nënçmues;
2.3. marrja e pengjeve;
2.4. shqiptimi i dënimeve dhe kryerja e ekzekutimeve pa aktgjykime paraprake
të shpallura nga një gjykatë e rregullt që ofron të gjitha garancitë gjyqësore të cilat
përgjithësisht njihen si të domosdoshme.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
56
KODI NR. 06/L-074 PENAL I REPUBLIKËS SË KOSOVËS
3. Ky nen zbatohet për konfliktet e armatosura që nuk janë të karakterit ndërkombëtar dhe nuk
zbatohet për situatat e çrregullimeve dhe tensioneve të brendshme, siç janë trazirat, veprat
sporadike dhe të izoluara të dhunës ose vepra të tjera të natyrës së ngjashme.
Neni 147
Krimet e luftës në shkelje të rëndë të ligjeve dhe zakoneve që zbatohen në konfliktet e
armatosura që nuk janë të karakterit ndërkombëtar
1. Kushdo që shkel rëndë ligjet dhe zakonet që zbatohen në konfliktet e armatosura që nuk
janë të karakterit ndërkombëtar, brenda kornizës së përcaktuar të së drejtës ndërkombëtare,
dënohet me:
1.1. burgim prej së paku pesë (5) vjet ose me burgim të përjetshëm, për veprat penale
nga nën paragrafët 2.4, 2.5, 2.7, 2.12, 2.23 ose 2.24 të paragrafit 2. të këtij neni; ose
1.2. burgim prej së paku dhjetë (10) vjet ose me burgim të përjetshëm, për veprat
penale nga nën paragrafët 2.1, 2.2, 2.3, 2.6, 2.8, 2.9, 2.10, 2.11, 2.13, 2.14, 2.15,
2.16, 2.17, 2.18, 2.19, 2.20, 2.21 ose 2.22 të paragrafit 2. të këtij neni.
2. Shkelja e rëndë e ligjeve dhe e zakoneve që zbatohen për konfliktet e armatosura që nuk
janë të karakterit ndërkombëtar, brenda kornizës së përcaktuar të së drejtës ndërkombëtare,
nënkupton një ose më shumë nga veprimet vijuese:
2.1. sulmet e drejtuara me qëllim kundër popullsisë civile ose ndaj individëve të veçantë
civilë që nuk marrin pjesë drejtpërdrejt në konflikt;
2.2. drejtimi me qëllim i sulmeve kundër ndërtesave, materialeve, njësive mjekësore dhe
transportit, personelit fetar dhe personelit që përdorin shenjën dalluese të Konventave
të Gjenevës në pajtim me të drejtën ndërkombëtare;
2.3. sulmet e drejtuara me qëllim kundër personelit, instalimeve, materialeve, njësive
ose automjeteve të përfshira në misionet e ndihmës humanitare ose paqeruajtëse në
përputhje me Kartën e Kombeve të Bashkuara, për aq kohë sa gëzojnë të drejtën
për mbrojtjen e atyre civilëve ose objekteve civile sipas të drejtës ndërkombëtare për
konfliktet e armatosura;
2.4. drejtimi me qëllim i sulmeve kundër ndërtesave fetare, shkollore, artistike,
shkencore, me qëllime bamirëse, monumenteve historike, spitaleve dhe vendeve
ku janë mbledhur të sëmurët dhe të plagosurit, me kusht që të mos jenë objektiva
ushtarake;
2.5. plaçkitja e një qyteti ose e një vendi, qoftë edhe kur merret me anë të sulmit;
2.6. kryerja e dhunimeve, skllavëria seksuale, prostitucioni i detyruar, shtatzënia e
dhunshme, steriliteti i detyruar ose ndonjë formë tjetër e dhunës seksuale, e cila përbën
gjithashtu shkelje të rëndë të nenit 3, të përbashkët për të katër Konventat e Gjenevës;
2.7. rekrutimi apo mobilizimi i fëmijëve nën moshën pesëmbëdhjetë vjet në forcat e
armatosura kombëtare ose duke i përdorur ata të marrin pjesë aktivisht në armiqësi;
2.8. urdhërimi për zhvendosjen e popullatës civile për shkaqe që lidhen me konfliktin,
përveç kur kjo kërkohet për shkak të sigurisë së civilëve të përfshirë ose për shkaqe
imperative ushtarake;
2.9. vrasja ose plagosja dinake e luftëtarit kundërshtar;
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
57
KODI NR. 06/L-074 PENAL I REPUBLIKËS SË KOSOVËS
2.10. deklarimi se nuk do të ketë mëshirë;
2.11. nënshtrimi i personave nën autoritetin e një pale kundërshtare ndaj të cilëve
kryhen gjymtime fizike ose eksperimente të ndryshme mjekësore apo shkencore, të
cilat nuk arsyetohen në aspektin e trajtimit mjekësor, dental apo spitalor ndaj personit
përkatës dhe nuk janë në dobi të tij, e që shkaktojnë vdekje apo rrezik serioz ndaj
shëndetit të një apo shumë personave të tillë;
2.12. shkatërrimi apo marrja e pasurisë së armikut, përveç rasteve kur kjo kërkohet
domosdoshmërisht për nevojat e luftës;
2.13. sulmi ose bombardimi me çfarëdo mjete i qyteteve, fshatrave, vendbanimeve ose
ndërtesave që janë të pambrojtura dhe të cilat nuk janë objektiva ushtarake;
2.14. sulmet e drejtuara me qëllim kundër objekteve civile që nuk janë objektiva
ushtarake;
2.15. fillimi i sulmit të qëllimshëm, duke ditur se sulmi i tillë do të shkaktojë humbje
aksidentale të jetës ose plagosje të civilëve, dëme të objekteve civile, dëme të gjëra,
afatgjate dhe të rënda ndaj mjedisit natyror, që do të ishte haptazi tejkalim sa i përket
përparësisë së gjithëmbarshme konkrete dhe të drejtpërdrejtë të parashikuar ushtarake;
2.16. drejtimi me qëllim i sulmeve pa dallim kur sulmi i tillë nuk drejtohet në një objektiv
specifik ushtarak, shfrytëzon metoda apo mjete të luftës të cilat nuk mund të drejtohen
në objekte specifike ushtarake ose metoda apo mjete të luftës efekti i të cilave nuk
mund të kufizohet dhe që, për pasojë, është i një natyre të tillë që godet objektivat
ushtarake dhe civile ose objektet civile pa dallim;
2.17. përdorimi i qëllimshëm i prezencës së civilëve ose i personave të tjerë që
gëzojnë mbrojtje me qëllim të mbajtjes së disa pikave, zonave apo forcave ushtarake
të mbrojtura nga operacionet ushtarake;
2.18. vënia me qëllim e popullsisë civile në gjendje të urisë si metodë lufte, duke
privuar ata nga mjetet e domosdoshme për ekzistencën e tyre, duke përfshirë këtu
edhe pengimin e qëllimshëm të furnizimeve të parapara me Konventat e Gjenevës;
2.19. përdorimi i helmeve ose i armëve helmuese;
2.20. përdorimi i gazrave asfiksuese, helmuese ose i llojeve të tjera të gazrave dhe i të
gjitha analogeve të lëngshme, materialeve ose mjeteve;
2.21. përdorimi i plumbave që përhapen apo rrafshohen lehtë në trupin e njeriut, siç
janë plumbat me mbulesë të fortë që nuk e mbulojnë plotësisht bërthamën ose janë të
çarë me prerje;
2.22. përdorimi i armëve, projektilave, materialeve dhe metodave të luftimit të një natyre
të tillë që shkaktojnë plagosje të tepërta apo vuajtje të panevojshme ose të cilat nuk
bëjnë dallim në shkaktimin e këtyre vuajtjeve, në shkelje me të drejtën ndërkombëtare
për konfliktet e armatosura, duke përfshirë këtu armët kimike, armët biologjike, copëzat
e padetektueshme, armët verbuese laserike ose minat mashtruese të përkufizuara në
Protokollin II të Konventës mbi ndalimin ose kufizimin e disa armëve konvencionale të
cilat konsiderohen se janë jashtëzakonisht dëmtuese ose kanë efekte pa i zgjedhur
caqet, të datës 10 tetor 1980;
2.23. skllavëria dhe tregtia me robërit;
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
58
KODI NR. 06/L-074 PENAL I REPUBLIKËS SË KOSOVËS
2.24. shqiptimi i dënimeve kolektive.
3. Ky nen zbatohet për konfliktet e armatosura që nuk kanë karakter ndërkombëtar dhe nuk
zbatohet për situatat e trazirave dhe të tensioneve të brendshme, siç janë trazirat, veprat
sporadike dhe të izoluara të dhunës ose aktet e tjera të natyrës së ngjashme. Dispozitat e
këtij neni vlejnë për konfliktet e armatosura që ndodhin në territorin e një shteti kur ekziston
një konflikt i armatosur i zgjatur midis organeve të pushtetit dhe grupeve të organizuara të
armatosura ose midis grupeve të tilla.
Neni 148
Sulmet në konfliktet e armatosura që nuk kanë karakter ndërkombëtar kundër
instalimeve që përmbajnë forca të rrezikshme
Kushdo që në shkelje të ligjeve dhe zakoneve që zbatohen në konfliktet e armatosura që
nuk kanë karakter ndërkombëtar, me qëllim kryen sulm kundër punimeve ose instalimeve që
përmbajnë forca të rrezikshme, me dijeninë se një sulm i tillë do të shkaktojë humbje të mëdha
jetësh, lëndime për civilët ose dëme në objektet civile, dënohet me burgim së paku dhjetë (10)
vjet ose me burgim të përjetshëm.
Neni 149
Rekrutimi ose regjistrimi i fëmijëve në konfliktin e armatosur
1. Kushdo që rekruton ose regjistron personat midis moshës pesëmbëdhjetë (15) dhe
tetëmbëdhjetë (18) vjet në forcat e armatosura ose në grupe apo i shfrytëzon ata për pjesëmarrje
aktive në armiqësitë në një konflikt të armatosur të një karakteri ndërkombëtar ose në ndonjë
konflikt të armatosur që nuk ka karakter ndërkombëtar, dënohet me burgim prej një (1) deri në
dhjetë (10) vjet.
2. Nëse vepra penale nga paragrafi 1 i këtij neni kryhet ndaj personit nën moshën pesëmbëdhjetë
(15) vjet, kryesi dënohet me burgim prej tre (3) deri në dymbëdhjetë (12) vjet.
Neni 150
Përdorimi i mjeteve ose i metodave të ndaluara të luftimit
1. Kushdo që gjatë luftës apo konfliktit të armatosur përdorë armë, projektila dhe materiale e
metoda të luftimit të cilat nuk parashihen me nën-paragrafin 2.20 të nenit 145 ose me nën-
paragrafin 2.22 të nenit 147 të këtij Kodi dhe që janë në kundërshtim me të drejtën ndërkombëtare
për konfliktet e armatosura, dënohet me jo më pak se pesë (5) vjet burgim.
2. Nëse vepra nga paragrafi 1. i këtij neni rezulton me vdekjen e një ose më shumë personave,
kryesi dënohet me burgim së paku dhjetë (10) vjet ose me burgim të përjetshëm.
Neni 151
Shtyrja e paarsyeshme e riatdhesimit të robërve të luftës ose e civilëve
Kushdo që në shkelje të rregullave të së drejtës ndërkombëtare, urdhëron apo shqipton shtyrjen
e paarsyeshme të riatdhesimit të robërve të luftës apo të civilëve pas përfundimit të luftës ose të
konfliktit të armatosur, dënohet me burgim prej gjashtë (6) muaj deri në pesë (5) vjet.
Neni 152
Përvetësimi i kundërligjshëm i sendeve nga të vrarët ose të plagosurit në fushëbetejë
1. Kushdo që urdhëron përvetësimin e kundërligjshëm të sendeve nga të vrarët apo të plagosurit
në fushëbetejë apo që kryen përvetësimin e tillë, dënohet me burgim prej gjashtë (6) muaj deri
në pesë (5) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
59
KODI NR. 06/L-074 PENAL I REPUBLIKËS SË KOSOVËS
2. Kur vepra nga paragrafi 1. i këtij neni kryhet në mënyrë barbare, kryesi dënohet me burgim
prej një (1) deri në dhjetë (10) vjet.
Neni 153
Rrezikimi i negociatorëve
Kushdo që në shkelje të së drejtës ndërkombëtare, gjatë kohës së luftës apo të konfliktit të
armatosur e fyen, e keqtrajton ose e ndalon negociatorin apo përcjelljen e tij ose ua pengon
kthimin apo në ndonjë mënyrë tjetër e cenon paprekshmërinë e tyre, dënohet me burgim prej
(6) gjashtë muaj deri në pesë (5) vjet.
Neni 154
Organizimi i grupeve për kryerjen e gjenocidit, krimeve kundër njerëzimit dhe krimeve
të luftës
1. Kushdo që organizon një grup me qëllim të kryerjes së ndonjë prej veprave penale nga nenet
142-150 të këtij Kodi, dënohet me burgim prej një (1) deri në dhjetë (10) vjet.
2. Kushdo që bëhet anëtar i grupit nga paragrafi 1. i këtij neni, dënohet me burgim prej një (1)
deri në pesë (5) vjet.
3. Anëtari i grupit nga paragrafi 1. i këtij neni që e paraqet grupin para se të ketë kryer vepër
penale, dënohet me burgim deri në tri (3) vjet ose mund të lirohet nga dënimi.
Neni 155
Përgjegjësia e komandantëve dhe përgjegjësve të tjerë
1. Komandanti ushtarak ose personi i cili në mënyrë efektive vepron si komandant ushtarak
është penalisht përgjegjës për veprat penale të përcaktuara në nenet 142-150 të këtij Kodi të
kryera nga forcat nën komandën dhe kontrollin e tij efektiv ose nën autoritetin dhe kontrollin
efektiv si rezultat i dështimit të tij për të ushtruar kontrollin e duhur mbi forcat e tilla, ku:
1.1. ai komandant ushtarak apo person ose e ka ditur ose për shkak të rrethanave të
asaj kohe është dashur të dijë se ato forca po kryenin ose ishin përgatitur të kryenin
vepra penale të tilla; dhe
1.2. ai komandant ushtarak ose person nuk i ka ndërmarrë të gjitha masat e arsyeshme
dhe të nevojshme brenda kompetencave të tij për të parandaluar ose për të ndalur
kryerjen e tyre apo për të dorëzuar çështjen te organet kompetente për hetim dhe
ndjekje.
2. Në lidhje me marrëdhëniet e eprorëve dhe të vartësve të tyre që nuk janë përshkruar në
paragrafin 1 të këtij neni, eprori është penalisht përgjegjës për veprat penale të cekura në nenet
142-153 të këtij Kodi, të kryera nga vartësit nën autoritetin dhe kontrollin efektiv të tij si rezultat
i dështimit të tij për të ushtruar kontrollin e duhur mbi vartësit e tillë, ku:
2.1. eprori e ka ditur ose me vetëdije nuk e ka përfillur informatën e cila ka treguar qartë
se vartësit e tij po kryenin ose ishin përgatitur të kryenin vepra penale të tilla.
2.2. krimet kanë pasur të bëjnë me veprimet që kanë qenë brenda përgjegjësisë dhe
kontrollit efektiv të eprorit; dhe
2.3. eprori nuk i ka ndërmarrë të gjitha masat e arsyeshme dhe të nevojshme brenda
kompetencave të tij për të parandaluar ose për të ndalur kryerjen e tyre apo për të
dorëzuar çështjen te organet kompetente për hetim dhe ndjekje.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
60
KODI NR. 06/L-074 PENAL I REPUBLIKËS SË KOSOVËS
Neni 156
Shtytja për luftë agresive ose konflikt të armatosur
Kushdo që në mënyrë publike, në tubim ose me anë të shkrimeve, xhirimeve audiovizuele ose
në ndonjë mënyrë tjetër thërret ose nxit për luftë agresive apo konflikt të armatosur, dënohet me
burgim prej një (1) deri në pesë (5) vjet.
Neni 157
Keqpërdorimi i emblemave ndërkombëtare
Kushdo që keqpërdor ose mban pa autorizim flamurin apo emblemën e Kombeve të Bashkuara,
të Kryqit të Kuq ose të Shoqërisë së Hënës së Kuqe apo simbolet që korrespondojnë me to
apo ndonjë tjetër emblemë ndërkombëtare që njihet si mbrojtje e objekteve të caktuara nga
operacionet ushtarake, dënohet me burgim deri në tre (3) vjet.
Neni 158
Rrëmbimi i fluturakes
1. Kushdo që në kundërshtim me Konventën mbi ndalimin e rrëmbimit të kundërligjshëm të
fluturakes të datës 16 dhjetor 1970, në fluturake përvetëson apo kontrollon në mënyrë të
kundërligjshme fluturaken me dhunë ose me kanosje apo në ndonjë mënyrë tjetër të frikësimit,
dënohet me burgim prej dy (2) deri në dhjetë (10) vjet.
2. Kur vepra penale nga paragrafi 1. i këtij neni rezulton me vdekjen e një apo më shumë
personave ose me shkatërrimin e fluturakes, kryesi dënohet me jo më pak se pesë (5) vjet
burgim.
3. Kushdo që me dashje privon nga jeta personin tjetër me kryerjen e veprës penale nga paragrafi
1. i këtij neni, dënohet me burgim së paku dhjetë (10) vjet ose me burgim të përjetshëm.
Neni 159
Rrezikimi i sigurisë së aviacionit civil
1. Kushdo që në shkelje të Konventës mbi ndalimin e akteve të kundërligjshme kundër sigurisë
së aviacionit civil të datës 23 shtator 1971 dhe Protokollit të saj të datës 24 shkurt 1988, kryen
një akt që rrezikon sigurinë e aviacionit civil dënohet me burgim prej një (1) deri në dhjetë (10)
vjet.
2. Akt i rrezikimit të sigurisë së aviacionit civil nënkupton një ose më shumë nga veprat në vijim:
2.1. kryerja e një akti të dhunës kundër personit në fluturake nëse ajo vepër ka gjasë të
rrezikojë sigurinë e fluturakes;
2.2. shkatërrimi i fluturakes në funksionim e sipër ose shkaktimi i dëmit që e bën
fluturaken e tillë të paaftë për fluturim apo që ka gjasë të rrezikojë sigurinë e saj gjatë
fluturimit;
2.3. vendosja ose mundësimi i vendosjes në fluturaken e cila është në funksion e
sipër, në çfarëdo mënyre, të ndonjë mjeti apo substance që ka gjasë për ta shkatërruar
fluturaken ose për t’i shkaktuar dëm që e bën atë të paaftë për fluturim ose i shkakton
dëm që ka gjasë të rrezikojë sigurinë e saj gjatë fluturimit;
2.4. shkatërrimi ose dëmtimi i pajisjeve të navigimit ajror ose ndërhyja në operimin e
tyre nëse cilido nga aktet e tilla ka gjasë të rrezikojë sigurinë e fluturakes gjatë fluturimit;
2.5. kumtimi i informatës për të cilin kryesi e di se është e rrejshme, me çka rrezikon
sigurinë e fluturakes gjatë fluturimit;
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
61
KODI NR. 06/L-074 PENAL I REPUBLIKËS SË KOSOVËS
2.6. kryeja duke përdorur çfarëdo pajisje, substance ose arme apo në çfarëdo mënyre
tjetër, e një akti të dhunës kundër personit në aeroportin në shërbim të aviacionit civil
ndërkombëtar, që shkakton ose ka gjasë të shkaktojë lëndime të rënda ose vdekje;
2.7. shkatërrimi ose dëmtimi i rëndë duke përdorur çfarëdo pajisje, substance ose
arme apo në çfarëdo mënyre tjetër, i pajisjeve të aeroportit që i shërben aviacionit civil
ndërkombëtar ose fluturakes së vendosur aty që nuk është në shërbim, ose ndërprerja
e shërbimeve të aeroportit, nëse akti i tillë rrezikon ose ka gjasë të rrezikojë sigurinë
në atë aeroport.
3. Kushdo që e drejton fluturaken në një mënyrë jo të rregullt ose nuk i kryen detyrat ose nuk
bën mbikëqyrjen në lidhje me sigurinë e aviacionit civil, dënohet me burgim prej një (1) deri në
dhjetë (10) vjet.
4. Kur vepra penale nga paragrafi 1. ose 3. i këtij neni rezulton me vdekjen e një ose më shumë
personave ose me shkatërrimin e fluturakes, kryesi dënohet me jo më pak se dhjetë (10) vjet
burgim.
5. Kushdo që me qëllim e privon nga jeta personin tjetër me kryerjen e veprës penale nga
paragrafi 1. ose 3. i këtij neni, dënohet me jo më pak se dhjetë (10) vjet burgim ose me burgim
të përjetshëm.
6. Kushdo që nga pakujdesia kryen veprën penale nga paragrafi 1. ose 3. i këtij neni, dënohet
me burgim deri në pesë (5) vjet.
7. Kur vepra penale nga paragrafi 6. i këtij neni rezulton me vdekjen e një ose më shumë
personave ose me shkatërrimin e fluturakes, kryesi dënohet me burgim prej një (1) deri në tetë
(8) vjet.
Neni 160
Rrezikimi i sigurisë së lundrimit detar
1. Kushdo që në shkelje të Konventës mbi ndalimin e akteve të kundërligjshme kundër sigurisë
së lundrimit detar të datës 10 mars 1988 dhe Protokollit të saj të datës 14 tetor 2005 kryen një
akt të rrezikimit të sigurisë së lundrimit detar, dënohet me burgim prej një (1) deri në dhjetë (10)
vjet.
2. Akti i rrezikimit të sigurisë së lundrimit detar nënkupton një ose më shumë nga veprat e
mëposhtme:
2.1. pushtimi i anijes ose ushtrimi i kontrollit mbi të me dhunë apo me kanosje ose me
ndonjë formë tjetër të frikësimit;
2.2. kryerja e një akti të dhunës kundër personit në anije nëse ajo vepër ka gjasë të
rrezikojë lundrimin e sigurt të anijes;
2.3. shkatërrimi i anijes ose shkaktimi i dëmit anijes ose ngarkesës së saj që ka gjasë
të rrezikojë lundrimin e sigurt të anijes;
2.4. vendosja ose mundësimi i vendosjes në anije në çfarëdo mënyre, të ndonjë mjeti
apo substance që ka gjasë për ta shkatërruar atë anije ose për t’i shkaktuar dëm anijes
apo ngarkesës së saj që rrezikon ose ka gjasë të rrezikojë lundrimin e sigurt të anijes;
2.5. shkatërrimi ose dëmtimi i rëndë i pajisjeve të navigimit detar apo ndërhyrja e rëndë
në operimin e tyre, nëse një akt i tillë ka gjasë të rrezikojë lundrimin e sigurt të anijes;
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
62
KODI NR. 06/L-074 PENAL I REPUBLIKËS SË KOSOVËS
2.6. komunikimi i informatës për të cilin kryesi e di se është e rrejshme, me çka rrezikon
lundrimin e sigurt të anijes.
2.7 kanosja, me ose pa kushte, me qëllim detyrimin e një personi të kryejë apo të mos
kryejë ndonjë veprim, për të kryer ndonjë nga veprat e parapara në nën-paragrafët 2.2,
2.3 dhe 2.5 të këtij paragrafi, nëse kjo kanosje ka gjasë të rrezikojë lundrimin e sigurt të
anijes në fjalë;
2.8. përdorimi kundër anijes apo në anije ose shpërthimi nga një anije i ndonjë materiali
shpërthyes, radioaktiv ose armë të shkatërrimit në masë, në një mënyrë që shkakton
ose ka gjasë të shkaktojë vdekje, lëndim të rëndë ose dëmtim;
2.9. shkarkimi nga një anije, i naftës, gazit natyror të lëngshëm ose ndonjë substance
tjetër të rrezikshme ose të dëmshme, gjë e cila nuk është e mbuluar nga nën-paragrafi
2.8 i këtij paragrafi, në sasi ose përqendrim të tillë që shkakton ose mund të shkaktojë
vdekje, lëndim të rëndë ose dëmtim;
2.10. përdorimi i një anije në një mënyrë që shkakton vdekje, lëndim të rëndë ose
dëmtim;
2.11. kanosja, me ose pa kushte, siç parashikohet në legjislacionin kombëtar, për
të kryer një vepër penale të përcaktuar në nën-paragrafët 2.8, 2.9 apo 2.10 të këtij
paragrafi;
2.12. transporti në bordin e një anijeje me:
2.12.1.çfarëdo materiali eksploziv ose radioaktiv, duke ditur se është menduar
të përdoret për të shkaktuar, ose të kanosë për të shkaktuar, me ose pa
kushte, siç parashikohet në ligj, vdekje, lëndim të rëndë ose dëmtim me qëllim
frikësimin e një popullsie, ose duke detyruar një qeveri ose një organizatë
ndërkombëtare për të kryer ose për të mos kryer ndonjë veprim;
2.12.2.çfarëdo arme të shkatërrimit në masë;
2.12.3. çfarëdo materiali burimor, material special të zbërthyeshëm, ose
pajisje apo material të projektuar ose të përgatitur posaçërisht për përpunimin,
përdorimin ose prodhimin e materialit special të zbërthyeshëm, duke ditur
se është menduar të përdoret në një aktivitet të shpërthimit bërthamor ose
në ndonjë aktivitet tjetër bërthamor që nuk është nën mbrojtje në përputhje
me marrëveshjen gjithëpërfshirëse të masave mbrojtëse të Agjencisë
Ndërkombëtare të Energjisë Atomike (IAEA);
2.12.4.çfarëdo pajisjeje, materialesh, softueri apo teknologji të ngjashme
që kontribuon në mënyrë të konsiderueshme në projektimin, prodhimin ose
furnizimin e një arme të shkatërrimit në masë, me qëllim që të përdoret për atë
qëllim; ose
2.13. transporti i një personi tjetër në bordin e një anijeje duke e ditur se personi ka
kryer një veprim që përbën një vepër penale të përcaktuar në nën-paragrafët 2.1 deri
në 2.12 të këtij paragrafi ose një vepër penale të parashikuar në nenet 131,138, 158,
159, 161, 167 deri 171 ose 356, paragrafi 4 të këtij Kodi, dhe ka për qëllim ta ndihmojë
atë person për të shmangur ndjekjen penale.
3. Kur vepra penale nga paragrafi 1. i këtij neni rezulton me vdekjen e një ose më shumë
personave ose me shkatërrimin e anijes, kryesi dënohet me jo më pak se dhjetë (10) vjet
burgim.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
63
KODI NR. 06/L-074 PENAL I REPUBLIKËS SË KOSOVËS
4. Kushdo që me qëllim e privon nga jeta personin tjetër me kryerjen e veprës penale nga
paragrafi 1. i këtij neni, dënohet me jo më pak se dhjetë (10) vjet burgim ose me burgim të
përjetshëm.
5. Kushdo që nga pakujdesia kryen veprën penale nga paragrafi 1. i këtij neni dënohet me
burgim deri në pesë (5) vjet.
6. Kur vepra penale nga paragrafi 5. i këtij neni rezulton me vdekjen e një apo më shumë
personave ose me shkatërrimin e anijes, kryesi dënohet me burgim prej një (1) deri në tetë (8)
vjet.
Neni 161
Rrezikimi i sigurisë së platformave fikse të vendosura në pragun kontinental
1. Kushdo që në shkelje të Protokollit mbi ndalimin e akteve të kundërligjshme ndaj sigurisë
së platformave fikse të vendosura në pragun kontinental të 10 marsit 1988 dhe Protokollit të tij
shtesë të datës 14 tetor 2005 kryen një akt me të cilën rrezikon sigurinë e platformave fikse të
vendosura në pragun kontinental, dënohet me burgim prej një (1) deri në dhjetë (10) vjet.
2. Akti i rrezikimit të sigurisë së platformave fikse të vendosura në pragun kontinental nënkupton
një ose më shumë nga veprat në vijim:
2.1. pushtimi ose ushtrimi i kontrollit mbi platformat fikse me dhunë apo me kanosje
ose me ndonjë formë tjetër të frikësimit;
2.2. kryerja e një akti të dhunës kundër personit në platformën fikse nëse ai akt ka
gjasë të rrezikojë sigurinë e saj;
2.3. shkatërrimi i platformës fikse ose shkaktimi i dëmit i cili ka gjasë të rrezikojë sigurinë
e saj;
2.4. vendosja ose mundësimi i vendosjes në platformën fikse në çfarëdo mënyre, të
ndonjë mjeti apo substance që ka gjasë për të shkatërruar atë platformë fikse ose që
ka gjasë të rrezikojë sigurinë e saj.
2.5. kanosja, me ose pa kushte, siç parashikohet me ligj, që ka për qëllim detyrimin e
një personi fizik ose juridik që të kryejë apo të mos kryejë ndonjë veprim, për të kryer
ndonjë nga veprat e parapara në nën-paragrafët 2.2 dhe 2.3 të këtij paragrafi, nëse kjo
kanosje ka të ngjarë të rrezikojë sigurinë e platformës fikse;
2.6. përdorimi kundër ose në një platformë fikse ose shkarkimi nga një platformë fikse
i çdo materiali shpërthyes, radioaktiv ose arme e shkatërrimit në masë në një mënyrë
që shkakton ose ka të ngjarë të shkaktojë vdekjen, dëmtimin e rëndë ose dëmtimin;
2.7. shkarkimi nga një platformë fikse i naftës, gazit natyror të lëngshëm ose substancave
të tjera të rrezikshme ose të dëmshme, të cilat nuk mbulohen nga nën-paragrafi 2.6
i këtij paragrafi, në sasi ose përqendrim të tillë që shkakton ose mund të shkaktojë
vdekjen, dëmtimin e rëndë ose dëmtimin;
2.8. kanosja, me ose pa kushte, siç parashihet me ligj, të kryejë një vepër penale të
përcaktuar në nën-paragrafin 2.6 ose 2.7 të këtij paragrafi; ose
2.9. plagosja ose vrasja e ndonjë personi në lidhje me kryerjen e ndonjë prej veprave
penale të përcaktuara në nën-paragrafët 2.1 deri në 2.8 të këtij paragrafi.
3. Kur vepra penale nga paragrafi 1. i këtij neni rezulton me vdekjen e një ose më shumë
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
64
KODI NR. 06/L-074 PENAL I REPUBLIKËS SË KOSOVËS
personave apo me shkatërrimin e platformës fikse, kryesi dënohet me jo më pak se dhjetë (10)
vjet burgim.
4. Kushdo që me qëllim e privon nga jeta personin tjetër me kryerjen e veprës penale nga
paragrafi 1. i këtij neni, dënohet me jo më pak se dhjetë (10) vjet burgim ose me burgim të
përjetshëm.
5. Kushdo që me qëllim të detyrimit të personit fizik ose juridik për të kryer ose për të mos
kryer ndonjë veprim, kanoset se do të kryejë vepër penale nga nën-paragrafët 2.2 ose 2.3 të
paragrafit 2. të këtij neni, dënohet me burgim prej një (1) deri në tetë (8) vjet.
6. Për qëllime të këtij neni, shprehja “platformë fikse” - nënkupton ishull artificial, instalim ose
godinë përherë e ngjitur për fundin e detit me qëllim të hulumtimit apo të shfrytëzimit të pasurive
ose për qëllime të tjera ekonomike.
Neni 162
Piratëria
1. Anëtari i ekuipazhit ose udhëtari i anijes ose fluturakes, përveç anijes apo fluturakes ushtarake
apo publike, i cili duke shkelur rregullat e së drejtës ndërkombëtare dhe me qëllim që vetes ose
personit tjetër t’i sjell dobi pasurore apo dobi jopasurore apo për të plagosur rëndë personin
tjetër, kryen dhunë të kundërligjshme ndaj anijes apo fluturakes tjetër ose kundër personit ose
sendit në anije apo në fluturake në det të hapur apo në territorin i cili nuk është nën juridiksion
të ndonjë shteti, dënohet me burgim prej një (1) deri në dhjetë (10) vjet.
2. Veprimi i kryer nga anëtari i ekuipazhit të anijes ose fluturakes ushtarake ose publike, i cili
është rebeluar dhe ka uzurpuar autoritetet e anijes ose të fluturakes përbën vepër penale sipas
paragrafit 1. të këtij neni.
Neni 163
Skllavëria, kushtet e ngjashme me skllavërinë dhe puna e detyruar
1. Kushdo që në shkelje të së drejtës ndërkombëtare, mban, ruan, vendos, blen apo shet një
person tjetër në skllavëri, në kushte të ngjashme me skllavërinë, robëri ose në punë të detyruar,
që përfshin por nuk kufizohet në mbajtjen e personit në pronësi, mohimin e fryteve të punës së
tij, shtrëngimin e personit për të punuar ose mohimin e lirisë së një personi për të ndryshuar
statusin e tij apo të kushteve të punës, dënohet me gjobë dhe me burgim prej dy (2) deri në
dhjetë (10) vjet.
2. Kushdo që në shkelje të së drejtës ndërkombëtare, përfshirë Konventën Evropiane për të
Drejtat e Njeriut, me qëllim të kryerjes së veprave nga paragrafi 1. i këtij neni shtyt një person
tjetër të heqë dorë nga liria e tij ose ndërmjetëson në shitjen apo blerjen e një personi tjetër,
dënohet me dënimin e paraparë në paragrafin 1. të këtij neni.
3. Nëse vepra penale nga paragrafi 1. ose 2. i këtij neni kryhet kundër personit me të cilin kryesi
është në marrëdhënie familjare, kryesi dënohet me burgim prej tre (3) deri në dhjetë (10) vjet.
4. Kur vepra penale nga paragrafi 1. ose 2. i këtij neni kryhet ndaj fëmijës, kryesi dënohet me
burgim prej tre (3) deri në pesëmbëdhjetë (15) vjet.
5. Kur vepra nga ky nen kryhet nga personi zyrtar me keqpërdorimin e detyrës së tij, kryesi
dënohet me burgim prej pesë (5) deri në dymbëdhjetë (12) vjet për veprën nga paragrafët 1.-3.;
ose me burgim prej pesë (5) deri në njëzet (20) vjet për veprën nga paragrafi 4. i këtij neni.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
65
KODI NR. 06/L-074 PENAL I REPUBLIKËS SË KOSOVËS
Neni 164
Kontrabandimi me migrantë
1. Kushdo që merret me kontrabandim të migrantëve dënohet me gjobë dhe me burgim prej dy
(2) deri dhjetë (10) vjet.
2. Kushdo që me qëllim të përfitimit të drejtpërdrejtë apo të tërthortë të dobisë financiare
apo dobisë tjetër pasurore, prodhon, furnizon, siguron ose posedon dokument të rrejshëm të
udhëtimit ose të identifikimit me qëllim të mundësimit të kontrabandimit me migrantë, dënohet
me gjobë deri në pesëqind mijë euro (500.000) dhe me burgim deri në pesë (5) vjet.
3. Kushdo që i mundëson personit i cili nuk është shtetas i Republikës së Kosovës të qëndrojë
në Republikën e Kosovës ose personit i cili nuk është shtetas apo banor i përhershëm për
të qëndruar në shtetin në fjalë, pa i përfillur kushtet e domosdoshme ligjore për qëndrim, me
mjetet nga paragrafi 2. i këtij neni ose me çfarëdo mjetesh tjera të paligjshme, dënohet me
gjobë dhe me burgim deri në një (1) vit.
4. Tentativa për të kryer veprën penale nga paragrafi 3. i këtij neni është e dënueshme.
5. Kushdo që organizon ose drejton personat e tjerë për të kryer vepër penale nga paragrafi 1.
ose 2 i këtij neni dënohet me gjobë deri në pesëqind mijë (500.000) Euro dhe me burgim prej
shtatë (7) deri në njëzet (20) vjet, ose me burgim prej një (1) deri në dhjetë (10) vjet për veprën
penale nga paragrafi 3. i këtij neni.
6. Kur vepra penale nga paragrafi 1., 2. ose 3. i këtij neni kryhet nga kryesi i cili vepron si anëtar
i grupit ose në një mënyrë që rrezikon ose ka gjasë të rrezikojë jetërat apo sigurinë e migrantëve
përkatës ose që përfshin trajtimin çnjerëzor apo poshtërues, duke përfshirë eksploatimin e
migrantëve të tillë, kryesi dënohet me gjobë dhe me burgim jo më pak se pesë (5) vjet.
7. Nëse vepra penale nga paragrafi 1., 2. ose 3. i këtij neni rezulton me vdekjen e një apo më
shumë personave, kryesi dënohet me gjobë dhe me burgim së paku dhjetë (10) vjet ose me
burgim të përjetshëm.
8. Për qëllime të këtij neni:
8.1. Shprehja “kontrabandim me migrantë” nënkupton çdo veprim me qëllim
të përfitimit të drejtpërdrejtë ose të tërthortë të një dobie financiare ose të një dobie
tjetër pasurore nga hyrja e paligjshme e personit në Republikën e Kosovës, i cili nuk
është shtetas i Republikës së Kosovës ose i një personi qoftë shtetas i Republikës
së Kosovës apo shtetas i huaj në shtetin në të cilin personi i tillë nuk është banor i
përhershëm ose shtetas i atij shteti.
8.2. Shprehja “hyrje e paligjshme” nënkupton kalimin e kufirit ose vijës kufitare të
Republikës së Kosovës pa i përfillur kushtet e domosdoshme për hyrje të ligjshme
në Republikën e Kosovës ose kalim i kufijve të ndonjë shteti pa i përfillur kushtet e
domosdoshme për hyrjen e ligjshme në atë shtet.
8.3. Shprehja “dokument i rrejshëm i udhëtimit ose i identifikimit” nënkupton
çfarëdo dokumenti i udhëtimit ose i identifikimit:
8.3.1. që është falsifikuar ose ndryshuar në ndonjë mënyrë të caktuar nga
cilido person përveç nga personi ose organi i autorizuar në bazë të ligjit për të
prodhuar ose lëshuar dokument udhëtimi ose identifikimi;
8.3.2. që është lëshuar ose është siguruar në mënyrë jo të duhur përmes
keqinterpretimit, korrupsionit, trysnisë apo në ndonjë mënyre tjetër të
kundërligjshme; ose
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
66
KODI NR. 06/L-074 PENAL I REPUBLIKËS SË KOSOVËS
8.3.3. që shfrytëzohet nga personi i cili nuk është mbajtësi i tij i vërtetë.
9. Personi nuk është penalisht përgjegjës sipas këtij neni nëse ai është migrant që është objekt
i veprës penale nga ky nen.
10. Kushdo që abuzon me regjimin e liberalizimit të vizave me shtetet anëtare të BE-së ose me
Marrëveshjen e Shengenit dënohet si më poshtë:
10.1. personi i cili rekruton, nxit, organizon, strehon ose bart persona në shtetet anëtare
të Bashkimit Evropian, ose në ato të Marrëveshjes Schengen, me qëllim të realizimit
dhe të përfitimit ekonomik, social ose të të drejtave të tjera, që janë në kundërshtim
me të drejtën e Bashkimit Evropian dhe me rregullat e shteteve anëtare të Bashkimit
Evropian, të Marrëveshjes Schengen dhe të së drejtës ndërkombëtare, dënohet së
paku me katër (4) vjet burgim;
10.2. nëse personi vepron në kundërshtim me nënparagrafin 10.1 dhe/ose ka qene në
dijeni se me bartjen do të realizohen përfitime ose ndonjë të drejte nga nënparagrafi 10.1,
në kundërshtim me të drejtën e Bashkimit Evropian dhe me rregullat e shteteve anëtare
të Bashkimit Evropian, të Marrëveshjes Schengen dhe me të drejtën ndërkombëtare,
dënohet prej një (1) deri në pesë (5) vjet burgim;
10.3. nëse vepra është kryer për përfitime personale, kryesi do të dënohet për veprën,
sipas nënparagrafit 10.1, me burgim, së paku tetë (8) vjet, ndërsa për veprën e kryer,
sipas nënparagrafit 10.2, do të dënohet së paku me katër (4) vjet burgim;
10.4. nëse vepra është kryer nga personi juridik, do të dënohet me gjobë deri në
pesëqind mijë euro (500.000);
10.5. pajisjet dhe mjetet transportuese të përdorura për kryerjen e kësaj vepre do të
konfiskohen.
10.6. ky paragraf fillon të zbatohet në momentin kur Këshilli i Bashkimit Evropian merr
vendim për heqjen e regjimit të vizave për qytetarët e Republikës së Kosovës.
Neni 165
Trafikimi me njerëz
1. Kushdo që merr pjesë në trafikimin e njerëzve dënohet me gjobë dhe me burgim prej pesë
(5) deri në dymbëdhjetë (12) vjet.
2. Kur vepra penale nga paragrafi 1 i këtij neni kryhet në një perimetër prej treqind e pesëdhjetë
(350) metrash nga shkolla apo mjedisi tjetër i cili përdoret nga fëmijët ose kur vepra kryhet ndaj
personit nën moshën tetëmbëdhjetë (18) vjet, kryesi dënohet me gjobë dhe me burgim prej
pesë (5) deri në pesëmbëdhjetë (15) vjet.
3. Kushdo që organizon një grup personash për të kryer vepër nga paragrafi 1. i këtij neni
dënohet me gjobë deri në pesëqind mijë (500.000) Euro dhe me burgim prej shtatë (7) deri në
njëzet (20) vjet.
4. Nëse vepra penale nga ky nen kryhet nga personi zyrtar me keqpërdorimin e pozitës apo
autorizimeve të tij, kryesi dënohet me:
4.1. gjobë dhe burgim prej pesë (5) deri në pesëmbëdhjetë (15) vjet për vepër penale
nga paragrafi 1. ose 2. i këtij neni;
4.2. gjobë dhe burgim së paku dhjetë (10) vjet për vepër penale nga paragrafi 3. i këtij
neni.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
67
KODI NR. 06/L-074 PENAL I REPUBLIKËS SË KOSOVËS
5. Nëse vepra penale nga paragrafi 1.-4. i këtij neni rezulton me vdekjen e një apo më shumë
personave, kryesi dënohet me jo më pak se dhjetë (10) vjet burgim ose me burgim të përjetshëm.
6. Për qëllime të këtij neni dhe nenit 166 të këtij kodi:
6.1. shprehja “trafikim me njerëz” nënkupton rekrutim, transportim, transferim, strehim
ose pranim i personave me anë të kanosjes ose të përdorimit të forcës apo me forma
të tjera të shtrëngimit, rrëmbimit, mashtrimit, lajthimit, keqpërdorimit të pushtetit apo
të keqpërdorimit të një pozite të ndjeshme ose me anë të dhënies ose marrjes së
pagesave apo përfitimeve për të arritur pëlqimin e personit që ka kontroll mbi personin
tjetër, me qëllim të shfrytëzimit.
6.2. shprehja ”shfrytëzim” ashtu siç është përdorur në nën-paragrafin 6.1. të këtij
paragrafi, përfshin, por nuk kufizohet në, shfrytëzimin e prostitucionit të tjerëve,
pornografisë ose formave tjera të shfrytëzimit seksual, lëmoshës, shërbimeve ose
punës së detyruar, skllavërisë ose veprimeve të ngjashme me skllavërinë, robërisë ose
heqjes së organeve apo qelizave.
6.3. pëlqimi i viktimës së trafikimit me njerëz për qëllime shfrytëzimi nuk merret parasysh
kur cilado prej mjeteve të përcaktuara më lart në nën-paragrafin 6.1 të këtij neni është
përdorur kundër viktimës së tillë.
6.4. rekrutimi, transportimi, transferimi, strehimi ose pranimi i fëmijës me qëllim të
shfrytëzimit konsiderohet “trafikim me njerëz”, madje edhe nëse kjo nuk përfshin
asnjërën nga mjetet e përcaktuara më lartë në nën-paragrafin 6.1 të këtij neni.
Neni 166
Fshehja e dokumenteve të identifikimit të viktimave të skllavërisë ose trafikimit me
njerëz
1. Kushdo që fsheh, mban, heq, dëmton ose shkatërron dokumentet personale të identifikimit
apo pasaportën e personit për të cilin e din se është viktimë e veprës penale të paraparë në
nenin 163 dhe 165 të këtij Kodi, dënohet me burgim prej një (1) deri në pesë (5) vjet.
2. Kur vepra penale nga paragrafi 1. i këtij neni kryhet nga personi zyrtar me keqpërdorimin e
pozitës apo autorizimeve të tij, kryesi dënohet me burgim prej tre (3) deri në shtatë (7) vjet.
Neni 167
Rrezikimi i personave nën mbrojtje ndërkombëtare
1. Kushdo që me qëllim e privon nga jeta personin nën mbrojtje ndërkombëtare, dënohet me jo
më pak se dhjetë (10) vjet burgim ose me burgim të përjetshëm.
2. Kushdo që kryen rrëmbimin ose sulmin mbi personin ose mbi lirinë e personit nën mbrojtje
ndërkombëtare, dënohet me burgim prej tre (3) deri në dymbëdhjetë (12) vjet.
3. Kushdo që kryen një sulm të dhunshëm mbi objektet zyrtare, vendbanimin privat ose në
mjetet e transportit të një personi nën mbrojtje ndërkombëtare, kur akti i tillë ka gjasë të rrezikojë
personin ose lirinë e tij, dënohet me burgim prej një (1) deri në dhjetë (10) vjet.
4. Kushdo që bën kanosje serioze se do të kryejë vepër penale nga paragrafi 1., 2. ose 3. i këtij
neni, dënohet me burgim prej një (1) deri në pesë (5) vjet.
5. Kushdo që organizon ose urdhëron personin të kryejë vepër penale nga paragrafi 1., 2. ose
3 . i këtij neni, dënohet me burgim prej tre (3) deri në pesë (5) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
68
KODI NR. 06/L-074 PENAL I REPUBLIKËS SË KOSOVËS
6. Nëse vepra penale nga paragrafi 2. ose 3. i këtij neni rezulton me vdekjen e një ose më
shumë personave, kryesi dënohet me jo më pak se dhjetë (10) vjet burgim.
7. Për qëllime të këtij neni, shprehja “person nën mbrojtje ndërkombëtare” ka të njëjtin kuptim
siç përkufizohet në nenin 113 të këtij Kodi.
Neni 168
Rrezikimi i personelit të Organizatës së Kombeve të Bashkuara dhe i personelit në
marrëdhënie me to
1. Kushdo që me qëllim e privon nga jeta personelin e Kombeve të Bashkuara ose personelin
në marrëdhënie me to, dënohet me jo më pak se dhjetë (10) vjet burgim ose me burgim të
përjetshëm.
2. Kushdo që kryen rrëmbimin apo sulmin mbi personin ose lirinë e personelit të Kombeve të
Bashkuara apo mbi personelin në marrëdhënie me to, dënohet me burgim prej tre (3) deri në
dymbëdhjetë (12) vjet.
3. Kushdo që kryen një sulm të dhunshëm mbi objektet zyrtare, vendbanimin privat apo mjetet
e transportit të Kombeve të Bashkuara apo personelin në marrëdhënie me to, kur sulmi i tillë
ka gjasë të rrezikojë personin ose lirinë e tij, dënohet me burgim prej një (1) deri në dhjetë (10)
vjet.
4. Kushdo që bën kanosje serioze se do të kryejë vepër penale nga paragrafi 1., 2. ose 3. i këtij
neni, dënohet me burgim prej një (1) deri në pesë (5) vjet.
5. Kur vepra penale nga paragrafi 2. ose 3. i këtij neni rezulton me vdekjen e një ose më shumë
personave, kryesi dënohet me jo më pak se dhjetë (10) vjet burgim.
6. Për qëllime të këtij neni, shprehjet në vijim kanë këtë kuptim:
6.1. Shprehja “Personel i Kombeve të Bashkuara” nënkupton:
6.1.1. persona të angazhuar dhe të vendosur nga Sekretari i Përgjithshëm i
Kombeve të Bashkuara si pjesëtarë të komponentës ushtarake, policore ose
civile të operacionit të Kombeve të Bashkuara; ose
6.1.2. zyrtarë të tjerë dhe ekspertë të misionit të Kombeve të Bashkuara apo
agjencive të specializuara të saj ose të Agjencisë Ndërkombëtare të Energjisë
Atomike të cilët janë të pranishëm në cilësi zyrtare në zonën ku zhvillohet
operacioni i Kombeve të Bashkuara.
6.2. Shprehja “Personel në marrëdhënie me to” nënkupton:
6.2.1. persona të caktuar nga Qeveria ose nga një organizatë ndërqeveritare
me marrëveshjen e organit kompetent të Kombeve të Bashkuara;
6.2.2. persona të angazhuar nga Sekretari i Përgjithshëm i Kombeve të
Bashkuara ose nga një agjenci e specializuar apo nga Agjencia Ndërkombëtare
e Energjisë Atomike; ose
6.2.3. persona të vendosur nga një organizatë humanitare joqeveritare ose
agjenci sipas një marrëveshjeje me Sekretarin e Përgjithshëm të Kombeve të
Bashkuara ose me një agjenci të specializuar apo me Agjencinë Ndërkombëtare
të Energjisë Atomike për kryerjen e aktiviteteve në mbështetje të përmbushjes
së mandatit të operacionit të Kombeve të Bashkuara.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
69
KODI NR. 06/L-074 PENAL I REPUBLIKËS SË KOSOVËS
6.3. Shprehja “Operacion i Kombeve të Bashkuara” nënkupton operacionin e
themeluar nga organi kompetent i Kombeve të Bashkuara në pajtim me Kartën e
Kombeve të Bashkuara dhe i udhëhequr nga autoriteti dhe kontrolli i Kombeve të
Bashkuara:
6.3.1. kur operacioni ka për qëllim mbajtjen dhe rivendosjen e paqes dhe
sigurisë ndërkombëtare; ose
6.3.2. nëse Këshilli i Sigurimit ose Asambleja e Përgjithshme ka deklaruar për
qëllimet e Konventës mbi Sigurinë e Personelit të Kombeve të Bashkuara dhe
të Personelit në Marrëdhënie me to të datës 9 dhjetor 1994 se ekziston rreziku
i jashtëzakonshëm për sigurinë e personelit që merr pjesë në operacion.
Neni 169
Marrja e pengjeve
1. Kushdo që në kundërshtim me Konventën ndërkombëtare kundër marrjes së pengjeve të
datës 17 dhjetorit 1979, merr peng dhe kanos se do ta vrasë, do ta plagosë ose se do të vazhdojë
ta mbajë personin e tillë me qëllim që ta detyrojë shtetin apo organizatën ndërkombëtare, një
person apo grup personash për të kryer apo për të mos kryer një vepër si kusht eksplicit apo
implicit për lirimin e personit të marrë peng, dënohet me jo më pak se tre (3) vjet burgim.
2. Kushdo që me qëllim e privon nga jeta personin e zënë peng me kryerjen e veprës penale
nga paragrafi 1. i këtij neni, dënohet me jo më pak se dhjetë (10) vjet burgim ose me burgim të
përjetshëm.
3. Kur vepra penale nga paragrafi 1. i këtij neni rezulton me vdekjen e personit të zënë peng,
kryesi dënohet me jo më pak se dhjetë (10) vjet burgim.
Neni 170
Përvetësimi, pranimi, shfrytëzimi, prodhimi, posedimi, transferi, ndryshimi, asgjësimi,
shpërndarja ose dëmtimi i paautorizuar i materialeve nukleare apo radioaktive
1. Kushdo që në kundërshtim me Konventën për Mbrojtjen Fizike të Materialeve Bërthamore
të datës 3 Mars 1980 me ndryshimet e datës 8 korrik 2005, pa autorizim pranon, posedon,
shfrytëzon, transferon, ndryshon, asgjëson ose shpërndan material nuklear dhe shkakton ose
ka gjasë të shkaktojë vdekjen apo lëndimin e rëndë të ndonjë personi ose dëm të madh pasuror
ose mjedisor, dënohet me jo më pak se pesë (5) vjet burgim.
2. Kushdo që, në kundërshtim me Konventën Ndërkombëtare për Shtytjen e Veprave të
Terrorizmit Bërthamor të datës 13 prill 2005, me qëllim të shkaktimit të vdekjes, lëndimit të rëndë
trupor ose dëmit të madh pasuror ose mjedisor, prodhon një pajisje ose posedon materiale ose
një pajisje radioaktive dënohet me burgim jo më pak se pesë (5) vjet.
3. Kushdo që, me qëllim të shkaktimit të vdekjes, lëndimit të rëndë trupor ose dëmtimit të madh
pasuror ose mjedisor ose me qëllim që ta detyrojë një person, një organizatë ndërkombëtare
ose një shtet për të kryer apo për të mos kryer një vepër, përdor materiale ose pajisje radioaktive,
përdor ose dëmton një strukturë nukleare në një mënyrë që lëshon ose rrezikon lëshimin e
materialit radioaktiv dënohet me burgim jo më pak se tetë (8) vjet.
4. Kur vepra penale nga paragrafi 1 deri në 3 të këtij neni rezulton me vdekjen e një apo më
shumë personave ose me dëm të madh material, kryesi dënohet me jo më pak se dhjetë (10)
vjet burgim ose me burgim të përjetshëm.
5. Kushdo që kryen vepër penale nga paragrafi 1 ose 4 i këtij neni nga pakujdesia, dënohet me
burgim deri në shtatë (7) vjet në rast se kryen vepër penale nga paragrafi 1 dhe me jo më pak
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
70
KODI NR. 06/L-074 PENAL I REPUBLIKËS SË KOSOVËS
se tre (3) vjet burgim për veprën penale nga paragrafi 4 i këtij neni.
6. Kushdo që kryen:
6.1. vjedhje ose grabitje të materialit nuklear;
6.2. përvetësim të materialit nuklear;
6.3. një veprimi që përbën transportimin, dërgimin ose zhvendosjen e materialit nuklear
në ose jashtë një shteti, pa autoritet të ligjshëm
6.4. një veprim të drejtuar kundër një impianti nuklear ose një veprim që ndërhyn në
operimin e një impianti nuklear, nëse kryesi shkakton qëllimisht ose nëse është në
dijeni se akti mund të shkaktojë vdekje ose plagosje të rëndë të një personi ose dëm të
madh ndaj pronës ose mjedisit nga ekspozimi ndaj rrezatimit ose çlirimit të substancave
radioaktive, përveç nëse akti ndërmerret në përputhje me ligjin kombëtar të shtetit palë,
në territorin në të cilin ndodhet impianti nuklear; ose
6.5.një veprim që përbën kërkim të materialit nuklear me anë të përdorimit të forcës apo
kanosjes së rëndë ose me ndonjë formë tjetër të frikësimit, dënohet me jo më pak se
pesë (5) vjet burgim.
Neni 171
Kanosja për përdorimin ose kryerjen e vjedhjes apo të grabitjes së materialit nuklear
ose radioaktiv
1. Kushdo që kanos se do të përdor material nuklear për shkaktimin e vdekjes ose lëndimit
të rëndë të ndonjë personi ose për të shkaktuar dëm substancial pasuror, ose mjedisor ose
të kryejë veprën penale të paraparë në nenin 170, paragrafi 6, nënparagrafi 6.4. të këtij Kodi,
dënohet me burgim prej një (1) deri në tetë (8) vjet.
2. Kushdo që me qëllim të detyrimit të një personi, organizate ndërkombëtare ose shteti për të
kryer ose për të mos kryer një vepër, kanos të kryejë vjedhje ose grabitje të materialit nuklear
ose veprën penale të paraparë në nenin 170, paragrafi 6, nënparagrafi 6.4. të këtij Kodi, dënohet
me burgim prej pesë (5) deri në pesëmbëdhjetë (15) vjet.
3. Kushdo që kanos të kryejë veprën penale të paraparë në nenin 170, paragrafi 3 të këtij Kodi
ose kërkon materiale radioaktive, një pajisje ose një strukturë nukleare me kanosje të rëndë
ose me forcë, dënohet me burgim prej pesë (5) deri në pesëmbëdhjetë (15) vjet.
4. Nëse vepra penale nga paragrafët 1 deri në 3 të këtij neni rezulton me vdekjen e një ose më
shumë personave ose me dëm të madh material, kryesi dënohet me jo më pak se dhjetë (10)
vjet burgim.
KAPITULLI XVI
VEPRAT PENALE KUNDËR JETËS DHE TRUPIT
Neni 172
Vrasja
Kushdo që e privon personin tjetër nga jeta dënohet me jo më pak se pesë (5) vjet burgim.
Neni 173
Vrasja e rëndë
1. Me dënim me jo më pak se dhjetë (10) vjet burgim ose me burgim të përjetshëm dënohet
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
71
KODI NR. 06/L-074 PENAL I REPUBLIKËS SË KOSOVËS
personi i cili:
1.1. privon nga jeta fëmijën;
1.2. privon nga jeta femrën shtatzënë;
1.3. privon nga jeta anëtarin e familjes;
1.4. privon nga jeta personin tjetër në mënyrë mizore apo dinake;
1.5. privon nga jeta personin tjetër dhe me atë rast me dashje e vë në rrezik jetën e një
ose më shumë personave tjerë;
1.6. privon nga jeta personin tjetër me qëllim të fitimit të dobisë pasurore;
1.7. privon nga jeta personin tjetër me qëllim të kryerjes apo të fshehjes së ndonjë
vepre tjetër penale, ose për të ndaluar personin nga dhënia e dëshmisë ose sigurimi në
ndonjë mënyrë tjetër të informatave për policinë apo në procedurë penale;
1.8. privon nga jeta personin tjetër nga hakmarrja e paskrupullt apo nga motive të tjera
të ulëta, përfshirë hakmarrjen për dhënien e dëshmisë ose sigurimin në ndonjë mënyrë
tjetër të informatave për policinë apo në procedurë penale;
1.9. privon nga jeta personin tjetër zyrtar gjatë ushtrimit të detyrës zyrtare ose në lidhje
me detyrën zyrtare;
1.10. privon nga jeta personin tjetër motivuar në bazë të kombësisë, gjuhës, besimit fetar
ose mungesës së besimit fetar, ngjyrës së lëkurës, gjinisë, identitetit gjinor, orientimit
seksual, ose për shkak të afërsisë me persona me njërën nga këto karakteristika të
mbrojtura;
1.11. me dashje kryen dy apo më shumë vrasje, përveç veprave të cilat janë paraparë
në nenin 174 dhe 176 të këtij Kodi;
1.12. privon nga jeta personin tjetër dhe më parë ka qenë i dënuar për vrasje, përveç
veprave të cilat janë të parapara në nenin 174 dhe 176 të këtij Kodi; ose
1.13. Veprimet përgatitore për cilindo nën-paragraf të paragrafit 1 të këtij neni do të
dënohen.
Neni 174
Vrasja e kryer në gjendje të tronditjes së fortë mendore
Kushdo që personin tjetër e privon nga jeta në gjendje të tronditjes së fortë mendore, të
shkaktuar pa fajin e tij nga sulmi, keqtrajtimi apo fyerja e rëndë nga ana e personit të vrarë,
dënohet me burgim prej një (1) deri në dhjetë (10) vjet.
Neni 175
Vrasja nga pakujdesia
Kushdo që e privon nga jeta personin tjetër nga pakujdesia, dënohet me burgim prej gjashtë (6)
muaj deri në pesë (5) vjet.
Neni 176
Vrasja e foshnjës gjatë lindjes
Nëna që e privon nga jeta foshnjën e vet gjatë lindjes apo menjëherë pas lindjes, derisa te ajo
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
72
KODI NR. 06/L-074 PENAL I REPUBLIKËS SË KOSOVËS
vazhdon çrregullimi i shkaktuar nga lindja, dënohet me burgim prej tre (3) muaj deri në tre (3)
vjet.
Neni 177
Shtytja në vetëvrasje dhe ndihma në vetëvrasje
1. Kushdo që shtytë ose ndihmon personin tjetër për të bërë vetëvrasje dhe vetëvrasja kryhet,
dënohet me burgim prej një (1) deri në pesë (5) vjet.
2. Kushdo që kryen vepër penale nga paragrafi 1. i këtij neni ndaj të miturit ose ndaj personit
aftësia e të cilit për të kuptuar peshën e veprës së vet ose për t’i kontrolluar sjelljet e veta ka
qenë esencialisht e zvogëluar, dënohet me burgim prej një (1) deri në dhjetë (10) vjet.
3. Kushdo që kryen vepër penale nga paragrafi 1. i këtij neni ndaj personit nën moshën
katërmbëdhjetë (14) vjet ose ndaj personit i cili nuk ka qenë i aftë për të kuptuar peshën e
veprës së tij ose për të kontrolluar sjelljet e tij dënohet në pajtim me nenin 172 të këtij Kodi.
4. Kushdo që mizorisht ose në mënyrë çnjerëzore trajton personin tjetër i cili ndodhet në pozitë
varësie dhe me këtë e shtytë personin e tillë që të bëjë vetëvrasje, dënohet me burgim prej
gjashtë (6) muaj deri në pesë (5) vjet. Për qëllime të këtij paragrafi, shprehja “person në pozitë
varësie” nënkupton personin i cili është nën mbikëqyrjen, gradën, kontrollin apo kujdesin e
personit i cili ka vepruar në mënyrë mizore ose çnjerëzore.
5. Nëse si rezultat i veprës penale nga paragrafi 1. deri 4. i këtij neni vetëm është tentuar
vetëvrasja, dënimi mund të zbutet.
Neni 178
Ndërprerja e palejuar e shtatzënësisë
1. Kushdo që në kundërshtim me ligjin për ndërprerjen e shtatzënësisë dhe me pëlqimin e
gruas shtatzënë, ndërpret shtatzëninë, fillon ta kryej ndërprerjen e shtatzënisë ose i ndihmon që
ta ndërpres shtatzëninë, dënohet me burgim prej gjashtë (6) muaj deri në tre (3) vjet.
2. Kushdo që e ndërprenë ose fillon ta ndërpresë shtatzëninë pa pëlqimin e gruas shtatzënë,
dënohet me burgim prej një (1) deri në tetë (8) vjet.
3. Kur vepra penale nga paragrafi 1. ose 2. i këtij neni rezulton me lëndim të rëndë trupor, me
dëmtim të rëndë të shëndetit ose me vdekje të gruas shtatzënë, kryesi dënohet me:
3.1. burgim prej një (1) deri në dhjetë (10) vjet për veprën penale nga paragrafi 1. i këtij
neni; ose
3.2. burgim prej pesë (5) deri në pesëmbëdhjetë (15) vjet për veprën penale nga
paragrafi 2. i këtij neni.
Neni 179
Sterilizimi i detyruar
1.Kushdo që për arsye jo mjekësore, heq ose paaftëson në çfarëdo mënyre organet riprodhuese
të një personi pa pëlqimin e atij personi dhe kjo çon në sterilizim, dënohet me burgim prej një
(1) deri në tetë (8) vjet.
2.Kur vepra penale nga paragrafi 1 i këtij neni rezulton me lëndime të rënda trupore, dëmtime
serioze për shëndetin ose vdekjen e personit, kryesi i veprës penale dënohet me burgim prej
pesë (5) deri në pesëmbëdhjetë (15) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
73
KODI NR. 06/L-074 PENAL I REPUBLIKËS SË KOSOVËS
Neni 180
Gjymtimi i organeve gjenitale femërore
1. Kushdo që pa arsye mjekësore, heq plotësisht ose pjesërisht ose i ndryshon në mënyrë të
përhershme organet e jashtme gjenitale femërore, dënohet me burgim prej gjashtë (6) muaj
deri ne pesë (5) vjet.
2. Kushdo që nxit ose ndihmon femrën që t’i nënshtrohet procedurave nga paragrafi 1. i këtij
Neni, dënohet me burgim deri në tri (3) vjet.
3. Kushdo që kryen veprën penale nga paragrafi 1. ose 2. i këtij Neni ndaj viktimës së ndjeshme,
dënohet me burgim nga një (1) deri në tetë (8) vjet.
4. Kur vepra penale nga paragrafët 1. ose 2. të këtij neni rezulton me vdekjen e viktimës, kryesi
dënohet me burgim prej pesë (5) deri në pesëmbëdhjetë (15) vjet.
Neni 181
Kanosja
1. Kushdo që seriozisht e kanos personin tjetër me fjalë, vepra apo gjeste se do t’i shkaktoj
ndonjë të keqe me qëllim të frikësimit ose të shkaktimit të ankthit te personi i tillë, dënohet me
gjobë ose me burgim deri në gjashtë (6) muaj.
2. Kushdo që seriozisht i kanoset personit tjetër me fjalë, vepra apo gjeste se do ta privojë
nga jeta ose se do t’i shkaktojë lëndim të rëndë trupor, se do ta rrëmbejë ose privojë nga liria
ndonjë person tjetër ose se do ta dëmtojë me armë zjarri, me shpërthim ose me mjete të tjera
të rrezikshme, dënohet me gjobë ose me burgim deri në një (1) vit.
3. Kur vepra penale nga paragrafi 1. ose 2. i këtij neni kryhet ndaj personit zyrtar në lidhje me
punën apo me pozitën e tij ose ndaj disa personave ose kur vepra kryhet nga kryesi i cili vepron
si anëtar i grupit, kryesi dënohet me burgim prej gjashtë (6) muaj deri në pesë (5) vjet.
4. Kushdo që kryen vepër penale nga ky nen ndaj viktimës së ndjeshme ose me përdorim të
armës, mjetit të rrezikshëm ose ndonjë sendi tjetër me të cilin mund të shkaktohet lëndimi trupor
ose dëmtimi i rëndë për shëndetin, dënohet me burgim prej një (1) deri në pesë (5) vjet.
Neni 182
Ngacmimi
1. Kushdo që përfshihet në një sjellje të vëmendjes së vazhdueshme dhe të padëshirueshme
ose komunikon me qëllim të ngacmimit, frikësimit, lëndimit, dëmtimit të pasurisë apo vrasjes
së personit tjetër ose fëmijëve të tij, familjes, të afërmve apo kafshëve shtëpiake ose kushdo
që vë tjetrin nën vëzhgim me qëllim të ngacmimit, frikësimit, lëndimit, dëmtimit të pasurisë apo
vrasjes së personit tjetër ose fëmijëve të tij, familjes, të afërmve apo kafshëve shtëpiake; dhe
gjatë këtyre veprimeve vë atë person nën frikë të arsyeshme nga vdekja, lëndimi i rëndë trupor,
dëmtimi i rëndë i pasurisë ose nën shqetësim të madh emocional, dënohet me gjobë ose me
burgim deri në tre (3) vjet.
2. Kur vepra penale nga paragrafi 1. i këtij neni kryhet ndaj një personi me të cilin kryesi ka
qenë apo është në marrëdhënie familjare ose ndaj një ish anëtari apo anëtari aktual të familjes,
kryesi dënohet me burgim prej gjashtë (6) muaj deri në pesë (5) vjet.
3. Kur vepra penale nga paragrafi 1. ose 2. i këtij neni kryhet me armë, mjet të rrezikshëm
apo ndonjë send tjetër që mund të shkaktojë lëndim të rëndë trupor ose dëmtim të rëndë të
shëndetit, kryesi dënohet me burgim prej një (1) deri në pesë (5) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
74
KODI NR. 06/L-074 PENAL I REPUBLIKËS SË KOSOVËS
4. Vëmendja apo komunikimi nga paragrafi 1. i këtij neni mund të përfshijë përcjelljen apo
qëndrimin në pritje; shfaqjen e vazhdueshme te shtëpia, shkolla, puna apo qendra rekreative;
përsëritjen e thirrjeve telefonike; dërgimin apo lënien e porosive; dërgimin e mesazheve
telefonike, letrave postare apo postës elektronike; ose lënien apo dërgimin e dhuratave të
padëshiruara apo të gjësendeve tjera.
Neni 183
Ngacmimi Seksual
1. Kushdo që ngacmon seksualisht personin tjetër, në veçanti personin i cili është i ndjeshëm
për shkak të moshës, sëmundjes, paaftësisë, varësisë, shtatzënisë, paaftësisë së rëndë fizike
apo mendore, dënohet me gjobë ose me burgim deri në tri (3) vjet.
2. Ngacmimi seksual nënkupton cilëndo formë të sjelljes së padëshiruar verbale, joverbale ose
fizike të natyrës seksuale, me qëllim të cenimit të dinjitetit apo që cenon dinjitetin e personit,
dhe krijon një mjedis i cili është objektivisht frikësues, armiqësor, degradues ose poshtërues.
3. Kur vepra penale nga paragrafi 1 i këtij neni kryhet nga kryesi i cili është mësues, udhëheqës
fetar, profesionist i kujdesit shëndetësor, person të cilit i është besuar rritja ose kujdesi i personit
të tillë apo në ndonjë mënyrë tjetër ka pozitë të autoritetit mbi atë person, kryesi dënohet me
burgim prej gjashtë (6) muaj deri në tre (3) vjet.
4. Kur vepra penale nga paragrafi 1, 2 ose 3 i këtij neni kryhet me përdorim të armës, mjetit të
rrezikshëm ose ndonjë sendi tjetër që mund të shkaktojë lëndim të rëndë trupor apo dëmtim të
rëndë të shëndetit mendor apo fizik, kryesi dënohet me burgim prej një (1) deri në pesë (5) vjet.
5. Procedura penale për veprën penale nga paragrafi 1, 2 ose 3 i këtij neni fillohet sipas
propozimit.
Neni 184
Sulmi
1. Kushdo që me dashje përdor forcën ndaj personit tjetër, dënohet me gjobë ose me burgim
deri në një (1) vit.
2. Kur vepra penale nga paragrafi 1 i këtij neni është kryer me përdorimin e armës, mjetit të
rrezikshëm apo ndonjë sendi tjetër që mund të shkaktojë lëndim të rëndë trupor apo dëmtim të
rëndë të shëndetit, kryesi dënohet me burgim prej gjashtë (6) muaj deri në tre (3) vjet.
3. Kur vepra penale nga paragrafi 1 i këtij neni kryhet ndaj viktimës së ndjeshme ose është
e motivuar sipas kombësisë, gjuhës, besimit fetar ose mungesës së besimit fetar, ngjyrës së
lëkurës, gjinisë, identitetit gjinor, orientimit seksual, ose për shkak të afërsisë me persona me
njërën nga këto karakteristika të mbrojtura, kryesi dënohet me:
3.1. burgim deri në tre (3) vjet për veprën penale nga paragrafi 1 i këtij neni; ose
3.2. burgim prej një (1) deri në tre (3) vjet për veprën penale nga paragrafi 2 i këtij neni.
4. Gjykata mund t’i shqiptoj vërejtje gjyqësore kryesit nga ky nen, nëse kryesi provokohet nga
sjellja ç’njerëzore dhe e vrazhdë e të dëmtuarit.
Neni 185
Lëndimi i lehtë trupor
1. Kushdo që personit tjetër i shkakton lëndim të lehtë trupor, i cili rezulton në:
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
75
KODI NR. 06/L-074 PENAL I REPUBLIKËS SË KOSOVËS
1.1. dëmtimin e përkohshëm ose dobësimin e një organi apo pjese të trupit të personit
tjetër;
1.2. zvogëlimin e përkohshëm të aftësisë së personit tjetër për të punuar;
1.3. shëmtimin e përkohshëm të personit tjetër; ose
1.4. dëmtimin e përkohshëm të shëndetit të personit tjetër, dënohet me gjobë ose me
burgim deri në tre (3) vjet.
2. Kur vepra penale nga paragrafi 1. i këtij neni kryhet me armë, mjet të rrezikshëm apo me
ndonjë send tjetër që mund të shkaktojë lëndim të rëndë trupor ose dëmtim të rëndë të shëndetit,
kryesi dënohet me burgim prej gjashtë (6) muaj deri në pesë (5) vjet.
3. Kur vepra penale nga ky nen kryhet ndaj viktimës së ndjeshme, ose është e motivuar sipas
kombësisë, gjuhës, besimit fetar ose mungesës së besimit fetar, ngjyrës së lëkurës, gjinisë,
identitetit gjinor, orientimit seksual, ose për shkak të afërsisë me persona me njërën nga këto
karakteristika të mbrojtura kryesi dënohet me:
3.1. burgim prej gjashtë (6) muaj deri në tre (3) vjet për veprën penale nga paragrafi 1.
i këtij neni; ose
3.2. burgim prej një (1) deri në pesë (5) vjet për veprën penale nga paragrafi 2. i këtij
neni.
4. Gjykata mund të shqiptojë vërejtjen gjyqësore ndaj kryesit të veprës nga paragrafi 1 i këtij
neni, nëse kryesi është provokuar nga sjellja ç’njerëzore apo e vrazhdë e të dëmtuarit.
Neni 186
Lëndimi i rëndë trupor
1. Kushdo që i shkakton lëndim të rëndë trupor personit tjetër ose e dëmton shëndetin e personit
tjetër deri në masën e tillë sa që mund të rezultojë me:
1.1. dobësimin e përkohshëm ose esencial të një pjese vitale të trupit të personit tjetër;
1.2. paaftësimin e përkohshëm, zvogëlimin e përkohshëm dhe esencial ose zvogëlimin
e përhershëm të aftësisë së personit tjetër për të punuar; ose
1.3. dëmtimin e përkohshëm dhe serioz të shëndetit të personit tjetër, dënohet me
burgim prej gjashtë (6) muaj deri në pesë (5) vjet.
2. Kushdo që shkakton lëndim trupor ose e dëmton shëndetin e personit tjetër dhe kjo rezulton
me:
2.1. rrezikim të jetës së personit tjetër;
2.2. paaftësimin ose dobësimin e përhershëm të një pjese vitale të trupit të personit
tjetër;
2.3. paaftësimin e përhershëm të aftësisë së personit tjetër për çfarëdo lloj pune;
2.4. shëmtimin e përhershëm të personit tjetër; ose
2.5. dëmtimin e përhershëm të shëndetit të personit tjetër, dënohet me burgim prej një
(1) deri në dhjetë (10) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
76
KODI NR. 06/L-074 PENAL I REPUBLIKËS SË KOSOVËS
3. Kur vepra penale nga paragrafi 1 ose 2 i këtij neni është kryer me armë, mjet të rrezikshëm
apo me ndonjë send tjetër që mund të shkaktojë lëndim të rëndë trupor ose dëmtim të rëndë të
shëndetit, kryesi dënohet me:
3.1.burgim prej një (1) deri në tetë (8) vjet për veprën penale nga paragrafi 1 i këtij neni;
3.2.burgim prej tre (3) deri në dhjetë (10) vjet për veprën penale nga paragrafi 2 i këtij
neni.
4. Kur vepra penale nga paragrafi 1, 2 ose 3 i këtij neni kryhet ndaj viktimës së ndjeshme, ose
është e motivuar sipas kombësisë, gjuhës, besimit fetar ose mungesës së besimit fetar, ngjyrës
së lëkurës, gjinisë, identiteti gjinor, orientimit seksual, ose për shkak të afërsisë me persona me
njërën nga këto karakteristika të mbrojtura, kryesi dënohet me:
4.1. burgim prej një (1) deri në pesë (5) vjet për veprën penale nga paragrafi 1. i këtij
neni;
4.2. burgim prej dy (2) deri në dhjetë (10) vjet për veprën penale nga paragrafi 2. i
këtij neni; ose
4.3. burgim prej pesë (5) deri në dhjetë (10) vjet për veprën penale nga paragrafi 3. i
këtij neni.
5. Kur vepra penale nga paragrafi 1., 2., 3.ose 4. i këtij neni rezulton me vdekjen e personit
tjetër, kryesi dënohet me burgim prej pesë (5) deri në pesëmbëdhjetë (15) vjet.
6. Nëse vepra penale nga paragrafi 1 ose 2 i këtij neni kryhet nga pakujdesia, kryesi dënohet
me:
6.1. burgim deri në tre (3) vjet për veprën penale nga paragrafi 1. i këtij neni; ose
6.2. burgim prej gjashtë (6) muaj deri në pesë (5) vjet për veprën penale nga paragrafi
2. i këtij neni.
7. Nëse vepra penale nga paragrafi 1 ose 2 i këtij neni kryhet në gjendje të afektit mendor, i
vënë pa fajin e tij në gjendje të tronditjes së rëndë mendore të shkaktuar nga sulmi, keqtrajtimi
apo fyerja e rëndë nga ana e palës së dëmtuar, kryesi dënohet me:
7.1. burgim prej gjashtë (6) muaj deri në tre (3) vjet për veprën penale nga paragrafi 1
i këtij neni; ose
7.2. burgim prej gjashtë (6) muaj deri në pesë (5) vjet për veprën penale nga paragrafi
2 i këtij neni.
Neni 187
Pjesëmarrja në rrahje
1. Kushdo që merr pjesë në rrahje, e cila rezulton me vdekje ose lëndim të rëndë trupor të
personit, për pjesëmarrje në rrahje dënohet me gjobë ose me burgim deri në tri (3) vjet.
2. Kushdo që në ndonjë rrahje ose grindje me qëllim të frikësimit apo kanosjes së personit,
rrok apo vringëllon armën, mjetin e rrezikshëm apo mjetin tjetër që është i përshtatshëm për të
shkaktuar lëndim të rëndë trupor ose për të dëmtuar rëndë shëndetin e personit, dënohet me
gjobë ose me burgim prej një (1) deri në tre (3) vjet.
3. Personi nuk është penalisht përgjegjës sipas paragrafit 1. i këtij neni nëse ka marrë pjesë në
rrahje pa fajin e tij ose thjesht për të mbrojtur veten apo për t’i ndarë pjesëmarrësit e tjerë në
rrahje.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
77
KODI NR. 06/L-074 PENAL I REPUBLIKËS SË KOSOVËS
4. Arma, mjeti i rrezikshëm apo mjeti tjetër konfiskohen.
Neni 188
Mosdhënia e ndihmës
1. Kushdo që nuk i ofron ndihmë personit jeta e të cilit ndodhet në rrezik të drejtpërdrejtë, edhe
pse këtë ka mundur ta bëjë pa rrezik të madh për veten apo tjetrin, dënohet me burgim deri në
një (1) vit.
2. Kushdo që nuk i ofron ndihmë personit në gjendje apo në rrethana të rrezikut për jetë të
shkaktuara nga vetë kryesi, dënohet me burgim deri në tre (3) vjet.
3. Kur vepra penale nga paragrafi 1. i këtij neni rezulton me lëndim të rëndë trupor ose me
dëmtim të rëndë të shëndetit të personit të rrezikuar, kryesi dënohet me burgim prej tre (3) muaj
deri në tre (3) vjet.
4. Kur vepra penale nga paragrafi 1. i këtij neni rezulton me vdekjen e personit të rrezikuar,
kryesi dënohet me burgim prej një (1) deri në tetë (8) vjet.
Neni 189
Braktisja e personave të paaftë
1. Kushdo që e lë personin e paaftë që i është besuar të përkujdeset për të, pa ndihmë në
rrethana të rrezikshme për jetën apo për shëndetin, dënohet me burgim deri në tre (3) vjet.
2. Kur vepra penale nga paragrafi 1. i këtij neni rezulton me lëndim të rëndë trupor ose me
dëmtim të rëndë të shëndetit të personit të cilit nuk i është dhënë ndihma, kryesi dënohet me
burgim prej gjashtë (6) muaj deri në pesë (5) vjet.
3. Kur vepra penale nga paragrafi 1. i këtij neni rezulton me vdekjen e personit të cilit nuk i është
dhënë ndihma, kryesi dënohet me burgim prej një (1) deri në tetë (8) vjet burgim.
KAPITULLI XVII
VEPRAT PENALE KUNDËR LIRIVE DHE TË DREJTAVE TË NJERIUT
Neni 190
Shkelja e statusit të barabartë të shtetasve dhe banorëve të Republikës së Kosovës
1. Kushdo që për shkak të përkatësisë kombëtare apo etnike, racës, fesë, apo për shkak
që nuk i përket ndonjërës përkatësi, apo për shkak të bindjeve politike ose bindjeve të tjera,
gjinisë, invaliditetit, identitetit gjinor, orientimit seksual, gjuhës, arsimit, pozitës shoqërore,
prejardhjes sociale, gjendjes materiale, apo ndonjë karakteristike tjetër personale, tjetrit ia
mohon ose kufizon të drejtat e përcaktuara me Kushtetutë, ligj ose dispozita të tjera, akte të
tjera të përgjithshme ose marrëveshje të ratifikuara ndërkombëtare, apo i jep privilegje apo
favore bazuar në këto dallime, dënohet me burgim deri në tre (3) vjet.
2. Kushdo që i mohon ose ia kufizon pjesëtarit të një bashkësie etnike, fetare ose gjuhësore
në Republikën e Kosovës të drejtën për shprehje të lirë të identitetit të tij ose për të gëzuar
autonominë e tij, dënohet me burgim deri në një (1) vit.
3. Kushdo që në kundërshtim me ligjin për përdorimin e gjuhës, ia mohon shtetasit të Republikës
së Kosovës të drejtën që lirshëm të përdor gjuhën ose shkrimin e tij, dënohet me gjobë ose me
burgim deri në një (1) vit.
4. Kur vepra penale nga paragrafi 1. dhe 2. i këtij neni kryhet nga personi zyrtar me keqpërdorim
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
78
KODI NR. 06/L-074 PENAL I REPUBLIKËS SË KOSOVËS
të pozitës apo autorizimeve të tij, kryesi dënohet me burgim prej gjashtë (6) muaj deri në pesë
(5) vjet.
5. Kur vepra penale nga paragrafi 3. i këtij neni kryhet nga personi zyrtar me keqpërdorim të
pozitës apo autorizimeve të tij, kryesi dënohet me burgim prej gjashtë (6) muaj deri në tre (3)
vjet.
Neni 191
Rrëmbimi
1. Kushdo që e merr apo e mban personin, me qëllim që mos ta liroj para se të nxjerr para, dobi
pasurore apo dobi tjera nga ai apo personi tjetër, ose me qëllim që ta detyroj atë apo personin
tjetër që të kryej ose mos të kryej një veprim ose të durojë diçka, dënohet me burgim prej një
(1) deri në dhjetë (10) vjet.
2. Kur vepra penale nga paragrafi 1 i këtij neni kryhet në një apo më shumë prej rrethanave në
vijim, kryesi dënohet me burgim prej tre (3) deri në dymbëdhjetë (12) vjet:
2.1. kryesi i është kanosur personit të rrëmbyer me vrasje ose dëmtim të rëndë të
shëndetit;
2.2. kryesi ka kryer veprën duke vepruar si anëtar i grupit;
2.3. kryesi ka kryer veprën duke përdorur armën, mjetin e rrezikshëm apo sendin tjetër
që mund të shkaktojë lëndim të rëndë trupor ose dëmtim të rëndë të shëndetit;
2.4. kryesi ka kryer veprën kundër viktimës së ndjeshme.
3. Kur vepra nga paragrafi 1. i këtij neni kryhet në një apo më shumë prej rrethanave në vijim,
kryesi dënohet me pesëmbëdhjetë (15) vjet burg ose dënim me burgim të përjetshëm.
3.1. kryesi ka kryer veprën duke vepruar si anëtar i grupit të organizuar;
3.2. kryesi i ka shkaktuar personit të rrëmbyer lëndim të rëndë trupor ose vdekje gjatë
kryerjes së veprës.
4. Për qëllime të paragrafit 1. te këtij neni, personi i cili merr ose mban fëmijën konsiderohet se
vepron pa pëlqimin e fëmijës.
5. Nëse kryesi në mënyrë vullnetare liron personin e rrëmbyer para se kërkesat për të cilat
është kryer rrëmbimi, të jenë përmbushur, dënimi mund të zbutet.
Neni 192
Shtrëngimi
1. Kushdo që e detyron personin tjetër me forcë apo kanosje serioze që të kryejë ose të mos
kryejë një veprim ose të pajtohet me një veprim, dënohet me gjobë ose me burgim deri në një
(1) vit.
2. Kur vepra penale nga paragrafi 1. i këtij neni kryhet në një apo më shumë prej rrethanave në
vijim, kryesi dënohet me burgim prej tre (3) muaj deri në pesë (5) vjet:
2.1. kryesi i është kanosur personit të shtrënguar me vrasje ose dëmtim të rëndë të
shëndetit;
2.2. kryesi ka kryer veprën duke vepruar si anëtar i grupit;
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
79
KODI NR. 06/L-074 PENAL I REPUBLIKËS SË KOSOVËS
2.3. kryesi ka kryer veprën duke përdorur armën, mjetin e rrezikshëm apo sendin
tjetër që mund të shkaktojë lëndim të rëndë trupor ose dëmtim të rëndë të shëndetit;
2.4. kryesi ka kryer veprën ndaj viktimës së ndjeshme.
3. Kur vepra penale nga paragrafi 1. i këtij neni kryhet në një apo më shumë prej rrethanave në
vijim, kryesi dënohet me burgim prej dy (2) deri në dhjetë (10) vjet:
3.1. kryesi ka kryer veprën duke vepruar si anëtar i grupit të organizuar;
3.2. kryesi ka shkaktuar lëndim të rëndë trupor ose vdekjen gjatë kryerjes së veprës.
Neni 193
Privimi i kundërligjshëm i lirisë
1. Kushdo që personin tjetër në mënyrë të kundërligjshme e burgos, e mban të mbyllur ose në
ndonjë mënyrë tjetër e privon nga liria, dënohet me gjobë ose me burgim deri në tre (3) vjet.
2. Nëse vepra penale nga paragrafi 1. i këtij neni kryhet në një apo më shumë prej rrethanave
në vijim, kryesi dënohet me burgim prej gjashtë (6) muaj deri në pesë (5) vjet:
2.1. kur vepra kryhet ndaj viktimës së ndjeshme;
2.2. kur vepra kryhet në mënyrë mizore;
2.3. kur privimi i kundërligjshëm i lirisë zgjatë më tepër se pesëmbëdhjetë (15) ditë;
2.4. kur vepra penale rezulton me dëmtim të rëndë të shëndetit të personit të mbajtur
në mënyrë të kundërligjshme ose në rrethana tjera të rënda;
2.5. kur vepra kryhet nga kryesi i cili vepron si anëtar i grupit.
3. Kur vepra penale nga paragrafi 1. dhe 2. i këtij neni kryhet nga personi zyrtar duke keqpërdorur
detyrën apo autorizimet e tij, kryesi dënohet me burgim prej një (1) deri në tetë (8) vjet. Nëse
kjo vepër kryhet me përdorim të armës, mjetit të rrezikshëm apo ndonjë sendi tjetër që mund të
shkaktojë lëndim të rëndë trupor ose dëmtim të rëndë të shëndetit, kryesi dënohet me burgim
prej një (1) deri në dhjetë (10) vjet.
4. Kur vepra penale nga paragrafi 1. ose 2. i këtij neni kryhet me përdorim të armës, mjetit të
rrezikshëm apo ndonjë sendi tjetër që mund të shkaktojë lëndim të rëndë trupor ose dëmtim të
rëndë të shëndetit, kryesi dënohet me burgim prej një (1) deri në tetë (8) vjet.
5. Kur vepra penale nga paragrafët 1. deri 4. të këtij neni rezulton me vdekjen e personit të
privuar nga liria në mënyrë të kundërligjshme, kryesi dënohet me jo më pak se pesë (5) vjet
burgim.
Neni 194
Marrja e deklaratave me anë të shtrëngimit
1. Personi zyrtar, i cili duke keqpërdorë detyrën apo autorizimet e tij, e përdorë forcën apo
kanosjen serioze ose mjete apo mënyra të tjera të ndaluara me qëllim të detyrimit të të dyshuarit,
të pandehurit, dëshmitarit, ekspertit apo personit tjetër për të dhënë ndonjë deklaratë, dënohet
me burgim prej tre (3) muaj deri në pesë (5) vjet.
2. Kur vepra penale nga paragrafi 1. i këtij neni kryhet me përdorimin e dhunës së rëndë
ose nëse të dyshuarit, të pandehurit, dëshmitarit, ekspertit apo personit tjetër i janë shkaktuar
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
80
KODI NR. 06/L-074 PENAL I REPUBLIKËS SË KOSOVËS
pasoja të rënda në procedurën penale si rezultat i deklaratës së marrë nga ai me shtrëngim,
kryesi dënohet me burgim prej një (1) deri në dhjetë (10) vjet.
Neni 195
Keqtrajtimi gjatë ushtrimit të detyrës zyrtare ose autorizimeve publike
1. Personi zyrtar, i cili duke keqpërdorur detyrën apo autorizimet e tij e keqtrajton, frikëson ose
fyen rëndë dinjitetin e personit tjetër, dënohet me burgim deri në tre (3) vjet.
2. Kur vepra penale nga paragrafi 1. i këtij neni kryhet ndaj fëmijës, kryesi dënohet me burgim
prej gjashtë (6) muaj deri në pesë (5) vjet.
Neni 196
Tortura
1. Personi zyrtar ose personi i cili duke vepruar nën ndikimin ose me pëlqimin apo pranimin
e heshtur të personit zyrtar kryen aktin e torturës, dënohet me burgim prej një (1) deri në
pesëmbëdhjetë (15) vjet.
2. Kur vepra penale nga paragrafi 1. i këtij neni kryhet ndaj fëmijës, kryesi dënohet me burgim
prej tre (3) deri në pesëmbëdhjetë (15) vjet.
3. Për qëllime të këtij neni, akt i torturës nënkupton kryerjen ose moskryerjen e një akti me
anë të të cilit me dashje personit i shkaktohet dhembja ose vuajtja e rëndë, qoftë fizike ose
mendore, me qëllim të marrjes së informatës apo deklaratës nga personi i tillë ose nga personi i
tretë, ose me qëllim të dënimin të personit të tillë për një vepër të cilën ai ose personi i tretë e ka
kryer ose dyshohet se e ka kryer, ose për frikësimin apo shtrëngimin e personit ose të personit
të tretë për arsye që kanë të bëjnë me diskriminim të çfarëdo lloji. Akti i torturës nuk përfshin
asnjë veprim ose mosveprim që rrjedh vetëm nga aktet e pashmangshme apo karakteristike të
sanksioneve të ligjshme.
Neni 197
Cenimi i paprekshmërisë së banesave dhe objekteve
1. Kushdo që pa autorizim apo në mënyrë të kundërligjshme hyn në banesë ose në objektin
e mbyllur të personit tjetër apo nuk largohet nga objektet e tilla sipas kërkesës së personit të
autorizuar, dënohet me burgim deri në tre (3) vjet.
2. Tentativa për të kryer veprën penale nga paragrafi 1. i këtij neni është e dënueshme.
3. Kur vepra penale nga paragrafi 1. i këtij neni kryhet nga personi zyrtar në keqpërdorim të
pozitës apo autorizimeve të tij, kryesi dënohet me burgim prej gjashtë (6) muaj deri në pesë (5)
vjet.
4. Kur vepra penale nga paragrafi 1 .ose 2. i këtij neni kryhet me përdorim të armës, mjetit të
rrezikshëm apo sendit tjetër që mund të shkaktojë lëndim të rëndë trupor ose dëmtim të rëndë
të shëndetit, kryesi dënohet me burgim prej një (1) deri në pesë (5) vjet.
5. Për qëllime të këtij neni, objektet përfshijnë, por nuk kufizohen në banesën dhe kopshtin
rrethues, biznesin, zyrën, dhomën e hotelit apo dhomën e marrë me qira.
Neni 198
Kontrollimi i kundërligjshëm
1. Personi zyrtar i cili me keqpërdorim të pozitës apo autorizimeve të tij bën kontrollim të
kundërligjshëm të banesës, objekteve apo personit, dënohet me burgim prej tre (3) muaj deri
në (3) tre vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
81
KODI NR. 06/L-074 PENAL I REPUBLIKËS SË KOSOVËS
2. Për qëllime të këtij neni, objektet përfshijnë, por nuk kufizohen në banesën dhe kopshtin
rrethues, biznesin, zyrën, dhomën e hotelit apo dhomën e marrë me qira.
Neni 199
Cenimi i fshehtësisë së korrespondencës dhe i bazave të të dhënave kompjuterike
1. Kushdo që pa autorizim e hap letrën, telegramin, faksimilin apo ndonjë dokument tjetër të
mbyllur ose dërgesë apo komunikim elektronik të personit tjetër, ose në ndonjë mënyrë tjetër e
cenon fshehtësinë e materialeve të tilla apo pa autorizim mban, fsheh, asgjëson ose i dorëzon
personit tjetër letrën, telegramin, faksimilin, komunikimin elektronik apo ndonjë dokument tjetër
të mbyllur ose dërgesë të personit tjetër, dënohet me gjobë dhe me burgim deri në gjashtë (6)
muaj.
2. Kushdo që pa autorizim ndërhyn në bazën e të dhënave kompjuterike të personit tjetër ose
ato të dhëna i shfrytëzon apo ia vë në dispozicion personit tjetër, dënohet me gjobë dhe me
burgim deri në një (1) vjet.
3. Kur vepra penale nga paragrafi 1. ose .2 të këtij neni kryhet me qëllim të përfitimit të dobisë
pasurore për vete ose për personin tjetër apo për t’i shkaktuar dëm personit tjetër, kryesi
dënohet me gjobë dhe me burgim deri në tre (3) vjet.
4. Kur vepra penale nga paragrafi 1., 2. ose 3. i këtij neni kryhet nga personi zyrtar në
keqpërdorim të pozitës apo autorizimeve të tij, për veprën penale nga paragrafi 1. ose 2. i këtij
neni kryesi dënohet me burgim prej tre (3) muaj deri në tre (3) vjet, ndërsa për veprën penale
nga paragrafi 3 i këtij neni kryesi dënohet me burgim prej një (1) vjet deri në pesë (5) vjet.
Neni 200
Zbulimi i paautorizuar i informacionit konfidencial
1. Avokati, mbrojtësi, mjeku apo personi tjetër i cili pa autorizim zbulon informacionin
konfidencial për të cilin është vënë në dijeni gjatë ushtrimit të profesionit të vet dhe që është
ligjërisht i detyruar ta mbajë në fshehtësi, dënohet me gjobë ose me burgim deri në një (1) vit.
2. Personi nuk është penalisht përgjegjës sipas paragrafit 1. të këtij neni nëse e ka zbuluar
informacionin konfidencial për interes publik nëse interesi i tillë peshon më shumë se mos
zbulimi i informatës së fshehtë.
3. Procedura penale për veprën penale nga paragrafi 1. i këtij neni fillohet sipas propozimit.
4. “Interes publik” nënkupton që mirëqenia e përgjithshme e publikut mbipeshon interesin
individual. Zbulimi i informacionit konfidencial është në interes publik nëse ka të bëjë me
planifikimin, përgatitjen ose kryerjen e veprave penale kundër rendit kushtetues ose integritetit
territorial të Republikës së Kosovës, ose vepra tjera penale që i shkaktojnë personit tjetër
lëndim të rëndë trupor ose vdekjen.
Neni 201
Përgjimi i paautorizuar
1. Kushdo që pa autorizim, përgjon bisedën apo deklaratën ose i mundëson personit tjetër të
jetë në dijeni për bisedën apo deklaratën e cila është përgjuar pa autorizim, dënohet me burgim
prej një (1) deri në tre (3) vjet.
2. Kur vepra penale nga paragrafi 1. i këtij neni kryhet nga personi zyrtar në keqpërdorim të
pozitës apo autorizimeve të tij, kryesi dënohet me burgim prej dy (2) vjet deri në pesë (5) vjet.
3. Pajisjet e përdorura për kryerjen e veprës penale nga paragrafi 1. i këtij neni konfiskohen.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
82
KODI NR. 06/L-074 PENAL I REPUBLIKËS SË KOSOVËS
Neni 202
Fotografimi dhe incizimet tjera të paautorizuara
1. Kushdo që pa autorizim fotografon, filmon, incizon me video ose në ndonjë mënyrë tjetër
incizon personin tjetër në banesën e tij personale ose në ndonjë vend tjetër ku personi ka pritje
të arsyeshme për privatësi dhe në këtë mënyrë thelbësisht cenon privatësinë e tjetrit, dënohet
me gjobë ose me burgim prej një (1) deri në tre (3) vjet.
2. Kushdo që pa autorizim ia kalon, shfaq apo i jep qasje personit të tretë në fotografinë, filmin,
videokasetën apo ndonjë incizim tjetër të marrë në shkelje të paragrafit të këtij neni, dënohet
me burgim prej një (1) deri në tre (3) vjet.
3. Kur vepra penale nga paragrafi 1 i këtij neni kryhet nga personi zyrtar në keqpërdorim të
pozitës apo autorizimeve të tij, kryesi dënohet me burgim prej dy (2) vjet deri në pesë (5) vjet.
4. Nuk ka përgjegjësi penale, nëse fotografimi ose incizimi bëhet me qëllim të zbulimit të veprës
penale dhe të kryesit të veprës penale ose për t’i paraqitur si dëshmi në polici, prokurori ose në
gjykatë dhe nëse fotografitë dhe incizimet i dorëzohen këtyre organeve.
5. Pajisjet e përdorura për kryerjen e veprës penale nga paragrafi 1. i këtij neni konfiskohen.
Neni 203
Shkelja e urdhrave për masat e fshehura ose teknike të vëzhgimit ose hetimit
1. Zyrtari policor i autorizuar i cili zbaton një urdhër gjyqësor ose prokurorial për masat e
fshehura ose teknike të vëzhgimit ose hetimit në shkelje të ligjit, dënohet me burgim prej tre (3)
muaj deri në tre (3) vjet.
2. Kushdo që zbulon informatën që do të dëmtojë efikasitetin e zbatimit të një urdhri për masat
e fshehura ose teknike të vëzhgimit ose hetimit, dënohet me burgim prej gjashtë (6) muaj deri
në tre (3) vjet.
3. Personi përgjegjës për operimin e telekomunikimeve, rrjetave kompjuterike ose shërbimeve
postare apo punonjësi i një institucioni financiar i cili nuk ndërmerr veprimet e duhura për të
lehtësuar zbatimin e urdhrit për përgjimin e telekomunikimeve, për përgjimin e komunikimeve
me anë të rrjetit kompjuterik, kontrollin e dërgesave postare, regjistrimin e thirrjeve telefonike
ose zbulimin e të dhënave financiare, dënohet me gjobë ose me burgim prej tre (3) muaj deri
në (3) tre vjet.
Neni 204
Parandalimi ose pengimi i tubimit publik
1. Kushdo që me përdorimin e mashtrimit ose në ndonjë mënyrë tjetër parandalon ose pengon
caktimin apo mbajtjen e tubimit publik në të cilin personat kanë të drejtë sipas ligjit, dënohet me
gjobë ose me burgim deri në një (1) vit.
2. Kur veprën penale nga paragrafi 1. i këtij neni e kryen personi zyrtar në keqpërdorim të
pozitës apo autorizimeve të tij, kryesi dënohet me burgim deri në dy (2) vjet.
Neni 205
Cenimi i së drejtës për ushtrimin e mjetit juridik
1. Kushdo që në mënyrë të kundërligjshme pengon personin tjetër që të shfrytëzoj të drejtën e
tij për paraqitjen e lutjes, kallëzimit penal, padisë, ankesës, kundërshtimit apo të ndonjë mjeti
tjetër juridik, dënohet me gjobë ose me burgim deri në një (1) vit.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
83
KODI NR. 06/L-074 PENAL I REPUBLIKËS SË KOSOVËS
2. Kur vepra penale nga paragrafi 1 i këtij neni kryhet nga personi zyrtar në keqpërdorim të
pozitës apo autorizimeve të tij, kryesi dënohet me burgim prej tre (3) muaj deri në tre (3) vjet.
Neni 206
Parandalimi i shtypjes ose i shpërndarjes së materialeve të shtypura dhe emetimit të
programeve
1. Kushdo që në mënyrë të kundërligjshme parandalon shtypjen, incizimin, shitjen, shpërndarjen
apo emetimin e librave, revistave, gazetave, audio dhe video kasetave, programeve të radios
dhe televizionit, ose materialeve tjera të shtypura apo të incizuara, dënohet me gjobë ose me
burgim deri në një (1) vit.
2. Nëse vepra penale nga paragrafi 1. i këtij neni kryhet nga personi zyrtar në keqpërdorim të
pozitës apo autorizimeve të tij, kryesi dënohet me burgim deri në tre (3) vjet.
KAPITULLI XVIII
VEPRAT PENALE KUNDËR TË DREJTAVE TË VOTIMIT
Neni 207
Cenimi i së drejtës për të kandiduar
1. Kushdo që në mënyrë të kundërligjshme parandalon ose pengon ndonjë person nga kandidimi
në zgjedhje, dënohet me gjobë ose me burgim deri në një (1) vit.
2. Nëse vepra penale nga paragrafi 1. i këtij neni kryhet me përdorim të forcës apo kanosjes
serioze, kryesi dënohet me burgim prej gjashtë (6) muaj deri në tre (3) vjet.
Neni 208
Kanosja e kandidatit
1. Kushdo që në mënyrë të kundërligjshme detyron ndonjë kandidat që të tërheq kandidaturën
e tij, dënohet me gjobë ose me burgim deri në një (1) vit.
2. Kushdo që në mënyrë të kundërligjshme parandalon ose pengon ndonjë kandidat nga
ushtrimi i ndonjë veprimtarie gjatë fushatës elektorale, dënohet me gjobë ose me burgim deri
në një (1) vit.
3. Kushdo që kryen vepër penale nga paragrafi 1. ose 2. i këtij neni me përdorim të forcës apo
kanosjes serioze, dënohet me burgim prej gjashtë (6) muaj deri në tre (3) vjet.
Neni 209
Parandalimi i ushtrimit të së drejtës për të votuar
1. Kushdo që gjatë ushtrimit të detyrave të besuara lidhur me zgjedhjet, në mënyrë të
kundërligjshme dhe me qëllim të pengimit të personit tjetër nga ushtrimi i së drejtës së tij për të
votuar, nuk e regjistron personin e tillë në listën e regjistrimit të votuesve ose e heq personin e
tillë nga lista e regjistrimit te votuesve, dënohet me burgim prej një (1) viti deri në tre (3) vjet.
2. Kushdo që gjatë votimit ose referendumit, në mënyrë të kundërligjshme parandalon, pengon
ose ndikon në përcaktimin e lirë të votuesit ose në ndonjë mënyrë tjetër pengon personin tjetër
në ushtrimin e së drejtës së tij për të votuar, dënohet me burgim deri në një (1) vit.
3. Kushdo që kryen vepër penale nga paragrafët 1. dhe 2. i këtij neni me përdorim të forcës apo
kanosjes serioze, dënohet me burgim prej një (1) vjet deri në pesë (5) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
84
KODI NR. 06/L-074 PENAL I REPUBLIKËS SË KOSOVËS
Neni 210
Cenimi i përcaktimit të lirë të votuesve
Kushdo që me përdorim të forcës apo kanosjes serioze, ose me keqpërdorim të varësisë
ekonomike dhe profesionale të votuesit ndikon ose detyron votuesin në Republikën e Kosovës
që të votojë në mënyrë të caktuar ose të mos votojë në zgjedhje, dënohet me një (1) deri në
pesë (5) vjet burg.
Neni 211
Keqpërdorimi i detyrës zyrtare gjatë zgjedhjeve
Çdo person zyrtar të cilit i janë besuar detyra lidhur me zgjedhjet, keqpërdor pozitën, detyrën
apo autoritetin e tij duke urdhëruar, këshilluar ose kryer ndonjë vepër të kundërligjshme me
qëllim të ndryshimit apo ndikimit të listës së regjistrimit të votuesve ose votimit të cilitdo person
ose në ndonjë mënyrë tjetër vepron me qëllim që të ndryshojë, ndikojë ose pengojë ndonjë
person nga ushtrimi i të drejtës së tij për të votuar, për të mos votuar, për të hedhur një votë
të pavlefshme ose për të votuar në favor apo kundër një personi ose propozimi të caktuar,
dënohet me gjobë dhe me burgim prej dy (2) deri në pesë (5) vjet.
Neni 212
Dhënia ose marrja e ryshfetit në lidhje me votimin
1. Kushdo që premton, ofron ose jep ndonjë përfitim ose dhuratë të pamerituar ndonjë personi,
me qëllim që të ndikojë atë person për të votuar, për të mos votuar, për të votuar në favor
apo kundër një personi apo propozimi të caktuar ose për të hedhur një votë të pavlefshme në
zgjedhje apo në referendum, dënohet me burgim prej një (1) deri në pesë (5) vjet.
2. Kushdo që kërkon ose pranon ndonjë përfitim ose dhuratë të pamerituar për vete ose për
ndonjë person tjetër, ose pranon ofertën apo premtimin për përfitim apo dhuratë të tillë, për të
votuar ose për të mos votuar, për të votuar në favor apo kundër një personi apo propozimi të
caktuar ose për të hedhur një votë të pavlefshme në zgjedhje apo në referendum, dënohet me
burgim prej një (1) deri në pesë (5) vjet.
3. Kushdo që shërben si ndërmjetësues dhe shkel paragrafin 1. ose 2. të këtij neni, dënohet me
burgim prej një (1) deri në pesë (5) vjet.
4. Nëse vepra penale nga paragrafët 1. deri 3. të këtij neni kryhet nga anëtari i Komisionit
Zgjedhor ose ndonjë person tjetër gjatë ushtrimit të detyrave zyrtare në lidhje me votimin, kryesi
dënohet me burgim prej tre (3) deri në pesë (5) vjet.
5. Dhurata apo përfitimi i pranuar apo i ofruar në kundërshtim me këtë nen konfiskohet
Neni 213
Keqpërdorimi i të drejtës së votimit
1. Kushdo që kryen një ose më shumë nga veprat në vijim, dënohet me burgim prej gjashtë (6)
muaj deri në tre (3) vjet:
1.1. voton ose tenton të voton në emër të personit tjetër;
1.2. voton ose tenton të voton edhe pse ka votuar një herë; ose
1.3. shfrytëzon më shumë se një listë votimi.
2. Anëtari i Komisionit Zgjedhor i cili i mundëson tjetrit të kryej ose të tentojë të kryej veprën
penale nga paragrafi 1. i këtij neni dënohet me burgim prej tre (3) deri në pesë (5) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
85
KODI NR. 06/L-074 PENAL I REPUBLIKËS SË KOSOVËS
Neni 214
Pengimi i procesit të votimit
1. Kushdo që në mënyrë të kundërligjshme pengon ose ndërprenë procesin e votimit, dënohet
me burgim prej një (1) deri në dy (2) vjet.
2. Kushdo që me përdorim të forcës apo kanosjes serioze, pengon votimin me nxitje të prishjes
së rendit publik në qendrën e votimit, që rezulton me ndërprerje në procesin e votimit, dënohet
me burgim prej një (1) vjet deri në tre (3) vjet.
Neni 215
Cenimi i fshehtësisë së votimit
1. Kushdo që në zgjedhje ose në referendum cenon fshehtësinë e votimit, dënohet me burgim
deri në gjashtë (6) muaj.
2. Kushdo që me përdorim të forcës apo kanosjes serioze, ose në ndonjë mënyrë tjetër të
kundërligjshme kërkon nga personi që të tregojë si ka votuar, dënohet me burgim deri në një
(1) vit.
3. Kur vepra penale nga paragrafi 1. ose 2. i këtij neni kryhet nga anëtari i Komisionit Zgjedhor
ose ndonjë person tjetër në keqpërdorim të detyrave, pozitës apo autorizimeve të tij në zgjedhje
ose në votim, kryesi dënohet me burgim prej një (1) deri në pesë (5) vjet.
Neni 216
Falsifikimi i rezultateve të votimit
1. Kushdo që shton, heq apo fshin votat apo nënshkrimet, regjistron në mënyrë të pasaktë
votën apo rezultatet e zgjedhjeve në dokumentet zgjedhore, ose publikon votën apo rezultatet
e zgjedhjeve apo të votimit që nuk i përgjigjen votimit të vërtetë, ose në ndonjë mënyrë tjetër
falsifikon votën apo rezultatet e zgjedhjeve, dënohet me burgim prej një (1) deri në tre (3) vjet.
2. Kur vepra penale nga paragrafi 1. i këtij neni kryhet nga anëtari i Komisionit Zgjedhor ose
ndonjë person tjetër në keqpërdorim të detyrave, pozitës apo autorizimeve të tij lidhur me
zgjedhjet, kryesi dënohet me burgim prej tre (3) deri në pesë (5) vjet.
Neni 217
Asgjësimi i dokumenteve të votimit
1. Kushdo që asgjëson, fsheh, dëmton apo merr fletën e votimit ose ndonjë tjetër send apo
dokument lidhur me zgjedhjet ose referendumin, dënohet me burgim prej një (1) deri në tre (3)
vjet.
2. Kur vepra penale nga paragrafi 1. i këtij neni kryhet nga anëtari i Komisionit Zgjedhor ose
ndonjë person tjetër në keqpërdorim të detyrave, pozitës apo autorizimeve të tij lidhur me
zgjedhjet, kryesi dënohet me burgim prej tre (3) deri në pesë (5) vjet.
KAPITULLI XIX
VEPRAT PENALE KUNDËR TË DREJTAVE NË MARRËDHËNIET E PUNËS
Neni 218
Cenimi i të drejtave në marrëdhëniet e punës
Kushdo që me vetëdije nuk e zbaton ligjin apo kontratën kolektive për punësimin apo ndërprerjen
e marrëdhënies së punës; pagat apo të ardhurat e tjera; kohëzgjatjen e orarit të punës; punën
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
86
KODI NR. 06/L-074 PENAL I REPUBLIKËS SË KOSOVËS
jashtë orarit apo punën me ndërrime; pushimin apo mungesën nga puna; ose mbrojtjen e grave,
fëmijëve apo personave me aftësi të kufizuara dhe kësisoj punëtorit ia mohon apo ia kufizon të
drejtat që i takojnë, dënohet me gjobë ose me burgim deri në një (1) vit.
Neni 219
Cenimi i të drejtave të punësimit dhe papunësisë
1. Kushdo që ia mohon apo kufizon personave tjerë të drejtën në punësim në kushte të njëjta,
ashtu siç është përcaktuar me ligj, dënohet me gjobë ose me burgim deri në dy (2) vjet.
2. Kushdo që nuk vepron në pajtim me legjislacionin mbi të drejtat e personave të papunësuar
dhe me këtë ia mohon apo ia kufizon të drejtat që iu takojnë atyre, dënohet me dënimin nga
paragrafi 1. i këtij neni.
Neni 220
Cenimi i të drejtës në menaxhim
1. Kushdo që në mënyrë të kundërligjshme pengon apo ndalon trupin drejtues në vendimmarrje
ose anëtarit të trupit drejtues ia bën të pamundshëm ushtrimin e të drejtës së tij për të marrë
pjesë në vendimmarrje në atë trup, dënohet me gjobë ose me burgim deri në një (1) vit.
2. Nëse vepra penale nga paragrafi 1. i këtij neni kryhet nga personi zyrtar ose personi
përgjegjës në keqpërdorim të pozitës apo autorizimeve të tij, kryesi dënohet me burgim deri në
(2) dy vjet.
3. Kushdo që kryen vepër penale nga paragrafi 1. ose 2. i këtij neni me përdorim të forcës apo
kanosjes serioze, dënohet me burgim prej gjashtë (6) muaj deri në pesë (5) vjet.
Neni 221
Cenimi i të drejtës në grevë
1. Kushdo që me përdorim të forcës apo kanosjes serioze ose në ndonjë mënyrë tjetër të
kundërligjshme, parandalon ose pengon punëtorin nga organizimi, pjesëmarrja apo ushtrimi
në ndonjë mënyrë tjetër i çfarëdo të drejte ligjore për grevë në pajtim me ligjin dhe për të marrë
pjesë në grevë, apo në ndonjë mënyrë tjetër për të ushtruar të drejtën në grevë, dënohet me
gjobë ose me burgim deri në dy (2) vjet.
2. Punëdhënësi ose personi përgjegjës i cili e largon nga puna të punësuarin për shkak të
pjesëmarrjes së tij në grevën e organizuar në pajtim me ligjin ose i cili merr masa tjera me të
cilat cenohen të drejtat e punëtorit nga marrëdhënia e punës, dënohet me gjobë ose me burgim
deri në dy (2) vjet.
Neni 222
Keqpërdorimi i të drejtës në grevë
1. Kushdo që ne kundërshtim me ligjin organizon ose udhëheq grevën edhe nëse nuk ka
elemente të ndonjë vepre tjetër penale dënohet me gjobë ose me burgim deri në një (1) vit.
2. Kushdo që në kundërshtim me ligjin, organizon ose udhëheq grevën e cila shkakton dëm në
shkallë të madhe, humbje në shkallë të madhe ose rrezikon jetën apo shëndetin e personave
dhe nëse nuk ka elemente të ndonjë vepre penale tjetër, dënohet me gjobë ose me burgim deri
në tre (3) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
87
KODI NR. 06/L-074 PENAL I REPUBLIKËS SË KOSOVËS
Neni 223
Cenimi i të drejtave nga sigurimi social
Kushdo që me vetëdije nuk e zbaton ligjin apo kontratën kolektive nga lëmi i sigurimit shëndetësor,
pensional apo invalidor apo nga ndonjë formë tjetër e sigurimit social dhe me këtë ia mohon apo
ia kufizon të drejtat që i takojnë punëtorit, dënohet me gjobë ose me burgim deri në një (1) vit.
Neni 224
Keqpërdorimi i të drejtave nga sigurimi social
Kushdo që duke u shtirur ose duke i shkaktuar vetes sëmundje apo paaftësim për punë ose në
ndonjë mënyre tjetër të kundërligjshme arrin që të sigurojë ndonjë të drejtë nga sigurimi social
ose pensioni shtetëror, që nuk i takon sipas ligjit, dënohet me gjobë ose me burgim deri në tre
(3) vjet.
KAPITULLI XX
VEPRAT PENALE KUNDËR INTEGRITETIT SEKSUAL
Neni 225
Përkufizimet lidhur me veprat penale kundër integritetit seksual
Për qëllime të këtij kapitulli shprehjet në vijim kanë këtë kuptim:
1. Shprehja “pëlqim” nënkupton:
1.1. pajtim i vullnetshëm i personit i cili ka arritur moshën gjashtëmbëdhjetë (16) vjet
për të kryer aktin seksual.
1.2. marrëveshja vullnetare e dy personave të cilët kanë arritur moshën katërmbëdhjetë
(14) vjet dhe ku dallimi në moshën e tyre nuk tejkalon dy (2) vjet, për të kryer aktin
seksual në fjalë.
2. Nuk ekziston pëlqimi nëse:
2.1. personi i tillë me fjalë ose me sjellje shpreh mungesë të pajtimit për të kryer aktin
ose për ta vazhduar atë;
2.2. pajtimi është shprehur me fjalë ose me sjelljen e një personi tjetër dhe jo të viktimës;
2.3. pajtimi i viktimës është marrë me mashtrim, frikësim ose me kërcënim, nëse
mënyrat e tilla nuk përfshijnë përdorimin e forcës, kanosjes serioze ose shfrytëzimin
siç është paraparë në nenin 227 paragrafi 3. të këtij Kodi; ose
2.4. personi i tillë është i paaftë për të dhënë pajtimin për aktivitet seksual për shkak
të aftësisë së zvogëluar mendore apo fizike ose dehjes me alkool, drogë apo me
substanca tjera.
3. Asnjë veprim nga paragrafi 1 dhe 2 i këtij neni nuk duhet të interpretohet si kufizim i rrethanave
në të cilat nuk ekziston pëlqimi.
4. Shprehja “akt seksual” nënkupton penetrim sado i vogël i organit seksual ose i objektit për
qëllime seksuale në cilëndo pjesë të trupit të personit ose penetrim sado i vogël në hapjen
anale, orale apo gjenitale të personit me ndonjë send për qëllim seksual ose me cilëndo pjesë
tjetër të trupit, ose me cilëndo pjesë të kafshës.
5. Shprehja “detyrim i personit tjetër në kryerjen e aktit seksual” nënkupton kryerjen e aktit
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
88
KODI NR. 06/L-074 PENAL I REPUBLIKËS SË KOSOVËS
seksual mbi personin tjetër nga kryesi ose cytja e personit tjetër në kryerjen e aktit seksual
me kryesin apo me personin e tretë ose cytja e personit të tretë për kryerjen e aktit seksual në
personin tjetër.
6. Shprehja “pjesë intime” nënkupton gjinjtë e një femre, penisi, vagina dhe/apo anusi.
7. Shprehja “prekje” nënkupton kontakt direkt ose indirekt, pa penetrim, midis trupit të personit
me cilëndo pjesë të trupit të personit tjetër apo me ndonjë send.
8. Shprehja “pornografi me fëmijët” nënkupton çfarëdo pamje vizuele apo shfaqje ose pasqyrim
vizuel, duke përfshirë çdo fotografi, film, video, pamje apo imazh ose fotografi e krijuar me
kompjuter, qoftë nëse është krijuar në mënyre elektronike, mekanike apo me mjete tjera, që
paraqet ose pasqyron:
8.1. gjenitalet (vagina, penisi ose anusi) apo zonën e ashtit mbivetor të një fëmije,
kryesisht për qëllime seksuale;
8.2. një fëmijë të vërtetë i cili është përfshirë në një sjellje seksualisht eksplicite të
vërtetë apo të simuluar;
8.3. një person i cili duket të jetë fëmijë i vërtetë i përfshirë në një sjellje seksualisht
eksplicite të vërtetë apo të simuluar; ose
8.4. pamje realiste të një fëmije joekzistues të përfshirë në një sjellje seksualisht
eksplicite të vërtetë apo të simuluar.
9. Shprehja “prostitucion” nënkupton ofrimin ose dhënien e shërbimeve seksuale në këmbim të
të hollave, mallrave ose shërbimeve, përfshirë, por pa u kufizuar në kryerjen e një obligimi për
të paguar ose ofrimin e mallrave apo shërbimeve, përfshirë shërbimet seksuale falas apo me
zbritje. Nuk është me rëndësi nëse pagesa, mallrat apo shërbimet i janë dhënë apo premtuar
personit të përfshirë në shërbime seksuale apo personit të tretë.
10. Qëllim seksual nënkupton çdo veprim i bërë për qëllimet e kënaqësisë seksuale të një
personi.
Neni 226
Lajthimi në fakt lidhur me moshën e viktimës
1. Për qëllime të këtij Kapitulli, lajthimi lidhur me moshën e viktimës e cila është nën moshën
gjashtëmbëdhjetë (16) vjet nuk është lajthim në fakt sipas nenit 25 të këtij Kodi, nëse kryesi me
vetëdije ka qenë i pakujdesshëm në vënien e vetës në lajthim të tillë.
2. Kryesi nuk është penalisht përgjegjës për shkak të lajthimit në fakt nga neni 25 i këtij Kodi
nëse për arsye të justifikueshme nuk e ka ditur dhe nuk ka mundur ta dijë se viktima ka qenë
nën moshën gjashtëmbëdhjetë (16) vjet.
Neni 227
Dhunimi
1. Kushdo që detyron personin tjetër për të kryer akt seksual pa pëlqimin e personit të tillë,
dënohet me burgim prej dy (2) deri në dhjetë (10) vjet.
2. Kushdo që detyron personin tjetër për të kryer akt seksual duke e kanosur me zbulimin e një
fakti që do të dëmtonte rëndë nderin ose reputacionin e personit të tillë apo të personit të lidhur
ngushtë me personin e tillë, dënohet me burgim prej tre (3) deri në dhjetë (10) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
89
KODI NR. 06/L-074 PENAL I REPUBLIKËS SË KOSOVËS
3. Kushdo që detyron personin tjetër për të kryer akt seksual në një ose më shumë nga rrethanat
në vijim, dënohet me burgim prej pesë (5) deri në dhjetë (10) vjet:
3.1. me kanosje serioze ose me kanosje për përdorim të dhunës;
3.2. me kanosje të rrezikimit të atëçastshëm të jetës ose trupit të personit të tillë apo të
personit tjetër; ose
3.3. duke shfrytëzuar situatën në të cilën personi është i pambrojtur dhe ku siguria e
tij është në rrezik.
4. Kur vepra penale nga paragrafi 1. ose 2. i këtij neni kryhet në një ose më shumë nga rrethanat
në vijim, kryesi dënohet me burgim prej pesë (5) deri në pesëmbëdhjetë (15) vjet:
4.1. veprës i ka paraprirë, ajo është shoqëruar ose përcjellur nga tortura apo trajtimi
çnjerëzor;
4.2. kryesi e përdor forcën;
4.3. kryesi shkakton lëndime të rënda trupore ose çrregullim të rëndë për shëndetin
mendor apo fizik të personit;
4.4. kryesi përdor ose kanos se do të përdor armë apo mjet të rrezikshëm;
4.5. kryesi me dashje shkakton dehjen e personit me anë të alkoolit, drogës apo
substancave tjera;
4.6. vepra është kryer bashkërisht nga më shumë se një person;
4.7. kryesi e di që personi është posaçërisht i ndjeshëm për shkak të moshës, aftësive
të kufizuara mendore apo fizike, çrregullimit apo paaftësisë fizike apo mendore, ose
shtatzënisë;
4.8. viktima është ndërmjet moshës gjashtëmbëdhjetë (16) dhe tetëmbëdhjetë (18)
vjet;
4.9. kryesi është prindi, prindi adoptues, prindi birësues, njerku apo njerka, gjyshi
ose gjyshja, daja apo axha, tezja apo halla, vëllai ose motra e personit ose kryesi
është në marrëdhënie familjare me viktimën ;
4.10. kryesi është mësimdhënës, udhëheqës fetar, profesionist i kujdesit shëndetësor,
person të cilit i është besuar rritja apo kujdesi për personin e tillë ose që në ndonjë
mënyrë tjetër ka autoritet ndaj personit:
4.10.1. duke keqpërdorur kontrollin e tij mbi gjendjen financiare, familjare,
shoqërore, shëndetësore, të punësimit, shkollimit, fetare ose rrethanave tjera të
personit të tillë apo të personit të tretë;
4.10.2. kur viktima mbahet në burg, paraburgim, qendër disiplinore, në një
institucion të edukimit apo institucion edukativo-korrektues, është pacient në
spital, qendër të shëndetit mendor apo rehabilitimit, banor i shtëpisë së kujdesit
apo strehimores, ose mbahet apo është i mbyllur në çfarëdo vendi tjetër me
urdhër të gjykatës apo prokurorisë ose sipas ligjit; ose
4.10.3. duke keqpërdorur pozitën ose autoritetin e tij mbi viktimën dhe e cila i
është besuar kryesit për rritjen, edukimin apo kujdesin.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
90
KODI NR. 06/L-074 PENAL I REPUBLIKËS SË KOSOVËS
5. Kur vepra nga paragrafi 1, 2, 3 ose 4 i këtij neni rezulton me vdekjen e viktimës, kryesi
dënohet me jo më pak se dhjetë (10) vjet burgim ose me burgim të përjetshëm.
6. Kur vepra nga paragrafi 1 ose 2 i këtij neni kryhet ndaj personit nën moshën gjashtëmbëdhjetë
(16) vjet, kryesi dënohet me burgim prej pesë (5) deri në njëzetë (20) vjet.
7. Kur vepra nga paragrafi 1 ose 2 i këtij neni kryhet ndaj personit nën moshën katërmbëdhjetë
(14) vjet, kryesi dënohet me burgim prej së paku dhjetë (10) vjet.
8. Kur vepra nga paragrafi 6 ose 7 i këtij neni kryhet nën një ose më shumë nga rrethanat
e parapara në paragrafin 3 ose 4 të këtij neni, kryesi dënohet me burgim prej së paku
pesëmbëdhjetë (15) vjet.
9. Kur vepra nga paragrafi 6 ose 7 i këtij neni rezulton në vdekjen e viktimës, kryesi dënohet me
burgim prej së paku njëzet (20) vjet ose me burgim të përjetshëm.
Neni 228
Shërbimet seksuale të viktimës së trafikimit
1. Kushdo që shfrytëzon ose mundëson shërbimet seksuale të viktimës së trafikimit dënohet
me burgim prej gjashtë (6) muaj deri në pesë (5) vjet.
2. Kur vepra penale nga paragrafi 1. i këtij neni kryhet ndaj personit nën moshën tetëmbëdhjetë
(18) vjet, kryesi dënohet me burgim prej dy (2) deri në dhjetë (10) vjet.
3. Kur vepra penale nga ky nen kryhet nga personi zyrtar në keqpërdorim të pozitës apo
autorizimeve të tij, kryesi dënohet me burgim prej dy (2) deri në shtatë (7) vjet për veprën
penale nga paragrafi 1. ose me burgim prej pesë (5) deri në dymbëdhjetë (12) vjet për veprën
penale nga paragrafi 2. i këtij neni.
4. Nëse vepra penale nga paragrafi 1, 2 ose 3 i këtij neni kryhet ndaj personit i cili është
i posaçërisht i ndjeshëm për shkak të moshës, aftësisë së zvogëluar mendore ose fizike,
çrregullimeve apo paaftësive mendore ose fizike ose shtatzënisë, kryesi dënohet me burgim
prej pesë (5) deri në njëzetë (20) vjet.
5. Nëse vepra penale nga paragrafi 1, 2, 3 ose 4 i këtij neni rezulton me vdekjen e një apo më
shumë personave, kryesi dënohet me jo më pak se dhjetë (10) vjet burgim ose me burgim të
përjetshëm.
6. Nëse vepra penale nga paragrafi 1, 2, 3 ose 4 i këtij neni kryhet ndaj personit nën moshën
gjashtëmbëdhjetë (16), kryesi dënohet me burgim prej pesë (5) deri në njëzetë (20) vjet.
7. Nëse vepra penale nga paragrafi 1, 2, 3 ose 4 i këtij neni kryhet ndaj personit nën moshën
katërmbëdhjetë (14) vjet, kryesi dënohet me burgim prej së paku dhjetë (10) vjet.
8. Nëse vepra penale nga paragrafi 6 i këtij neni rezulton me vdekjen e viktimës, kryesi dënohet
me burgim prej së paku pesëmbëdhjetë (15) vjet ose me burgim të përjetshëm.
9. Për qëllime të këtij neni, nuk është e rëndësishme nëse kryesi e ka ditur se personi është
viktimë e trafikimit, përveç nëse për arsye të justifikueshme, kryesi nuk e ka ditur dhe nuk ka
mundur ta dijë se personi është viktimë e trafikimit.
10. Për qëllime të këtij neni, shprehja “viktimë e trafikimit” nënkupton personin i cili është
trafikuar sipas dispozitave të nenit 165 të këtij Kodi.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
91
KODI NR. 06/L-074 PENAL I REPUBLIKËS SË KOSOVËS
Neni 229
Sulmi seksual
1. Kushdo që prek personin tjetër me qëllim seksual ose e cyt personin e tillë të prekë kryesin
apo personin tjetër për qëllim seksual, pa pëlqimin e personit të tillë, dënohet me gjobë ose me
burgim deri në një (1) vjet.
2. Kushdo që prek personin tjetër me qëllim seksual ose e cyt personin tjetër të prekë kryesin
apo personin e tretë për qëllim seksual në një ose më shumë prej rrethanave në vijim, dënohet
me burgim prej një (1) deri në shtatë (7) vjet:
2.1. me kanosje serioze ose me kanosje për përdorim të dhunës;
2.2. me kanosje të rrezikimit të atëçastshëm të jetës ose trupit të personit të tillë apo të
personit tjetër; ose
2.3. duke shfrytëzuar situatën në të cilën personi i tillë është i pambrojtur dhe ku siguria
e tij është në rrezik.
3. Kur vepra penale nga paragrafi 1. ose 2. i këtij neni kryhet në një ose më shumë nga rrethanat
në vijim, kryesi dënohet me burgim prej tre (3) deri në dhjetë (10) vjet:
3.1. veprës i ka paraprirë, ajo është shoqëruar ose përcjellur nga tortura apo trajtimi
çnjerëzor;
3.2. kryesi e përdor forcën;
3.3. kryesi shkakton lëndime të rënda trupore ose çrregullim të rëndë për shëndetin
mendor apo fizik të personit ose viktima tenton të bëjë vetëvrasje pas veprës penale;
3.4. kryesi përdor ose kanos se do të përdor armë apo mjet të rrezikshëm;
3.5. kryesi me dashje shkakton dehjen e personit me anë të alkoolit, drogës apo
substancave tjera;
3.6. vepra është kryer bashkërisht nga më shumë se një person;
3.7. kryesi e di që personi është posaçërisht i ndjeshëm për shkak të moshës, aftësive të
kufizuara mendore apo fizike, çrregullimit fizik apo mendor, paaftësisë ose shtatzënisë;
3.8. viktima është ndërmjet moshës gjashtëmbëdhjetë (16) dhe tetëmbëdhjetë (18)vjet;
3.9. kryesi është prindi, prindi adoptues, prindi birësues, njerku apo njerka, gjyshi ose
gjyshja, daja apo axha, tezja apo halla, vëllai ose motra e personit ose kryesi është
në marrëdhënie familjare me viktimën;
3.10. kryesi është mësimdhënës, udhëheqës fetar, profesionist i kujdesit shëndetësor,
person të cilit i është besuar rritja apo kujdesi për personin e tillë ose që në ndonjë
mënyrë tjetër ka autoritet ndaj personit:
3.10.1. duke keqpërdorur kontrollin e tij mbi gjendjen financiare, familjare,
shoqërore, shëndetësore, të punësimit, shkollimit, fetare ose rrethanave tjera të
personit të tillë apo të personit të tretë;
3.10.2. kur viktima mbahet në burg, paraburgim, qendër disiplinore, në një
institucion të edukimit apo institucion edukativo-korrektues, është pacient në
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
92
KODI NR. 06/L-074 PENAL I REPUBLIKËS SË KOSOVËS
spital, qendër të shëndetit mendor apo rehabilitimit, banor i shtëpisë së kujdesit
apo strehimores, ose mbahet apo është i mbyllur në çfarëdo vendi tjetër me urdhër
të gjykatës apo prokurorisë ose sipas ligjit; ose
3.10.3. duke keqpërdorur pozitën ose autoritetin e tij mbi viktimën dhe e cila i
është besuar kryesit për rritjen, edukimin apo kujdesin
4. Kur vepra penale nga paragrafi 1 ose 2 i këtij neni rezulton me vdekje të viktimës, kryesi
dënohet me jo më pak se dhjetë (10) vjet burgim ose me burgim të përjetshëm.
5. Nëse vepra penale nga paragrafi 1 i këtij neni kryhet ndaj personit nën moshën
gjashtëmbëdhjetë (16) vjet, kryesi dënohet me burgim prej pesë (5) deri në dhjetë (10) vjet.
6. Nëse vepra penale nga paragrafi 1 i këtij neni kryhet ndaj personit nën moshën katërmbëdhjetë
(14) vjet, kryesi dënohet me burgim prej dhjetë (10) deri në njëzet (20) vjet.
7. Nëse vepra penale nga paragrafi 5 ose 6 i këtij neni kryhet nën një ose më shumë nga
rrethanat e parapara në paragrafin 2 ose 3 të këtij neni, kryesi dënohet me burgim prej së paku
pesëmbëdhjetë (15) vjet.
8. Nëse vepra penale nga paragrafi 5 ose 6 i këtij neni rezulton në vdekjen e viktimës, kryesi
dënohet me burgim prej së paku prej pesëmbëdhjetë (15) vjet burgim ose me burgim të
përjetshëm.
Neni 230
Degradimi i integritetit seksual
1. Kushdo që cyt personin tjetër të ekspozojë pjesët intime të trupit të personit të tillë, të
masturbojë ose të kryej ndonjë akt tjetër që degradon integritetin seksual të personit të tillë, pa
pëlqimin e personit të tillë, dënohet me gjobë ose me burgim prej tre (3) muaj deri në një (1) vit.
2. Kushdo që cyt personin tjetër të ekspozojë pjesët intime të trupit të personit të tillë, të
masturbojë ose të kryejë ndonjë akt tjetër që degradon integritetin seksual të personit të tillë, në
një apo më shumë nga rrethanat në vijim, dënohet me burgim një (1) deri në tre (3) vjet:
2.1. me kanosje serioze ose me kanosje për përdorim të dhunës;
2.2. me kanosje të rrezikimit të atëçastshëm të jetës ose trupit të personit të tillë apo të
personit tjetër; ose
2.3. duke shfrytëzuar situatën në të cilën personi është i pambrojtur dhe ku siguria e tij
është në rrezik.
3. Kur vepra penale nga paragrafi 1. ose 2. i këtij neni kryhet në një ose më shumë nga rrethanat
në vijim, kryesi dënohet me burgim prej një (1) deri në dhjetë (10) vjet:
3.1. veprës i ka paraprirë, ajo është shoqëruar ose përcjellur nga tortura apo trajtimi
çnjerëzor;
3.2. kryesi e përdor forcën;
3.3. kryesi shkakton lëndime të rënda trupore ose çrregullim të rëndë për shëndetin
mendor apo fizik të personit ose viktima tenton të bëjë vetëvrasje pas veprës penale;
3.4. kryesi përdor ose kanos se do të përdor armë apo mjet të rrezikshëm;
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
93
KODI NR. 06/L-074 PENAL I REPUBLIKËS SË KOSOVËS
3.5. kryesi me dashje shkakton dehjen e personit me anë të alkoolit, drogës apo
substancave tjera;
3.6. vepra është kryer bashkërisht nga më shumë se një person;
3.7. kryesi e di që personi është posaçërisht i ndjeshëm për shkak të moshës,
çrregullimit apo paaftësisë fizike apo mendore, ose shtatzënisë;
3.8. viktima është ndërmjet moshës gjashtëmbëdhjetë (16) dhe tetëmbëdhjetë (18)
vjet;
3.9. kryesi është prindi, prindi adoptues, prindi birësues, njerku apo njerka, gjyshi ose
gjyshja, daja apo axha, tezja apo halla, vëllai ose motra e personit ose kryesi është në
marrëdhënie familjare me viktimën;
3.10. kryesi është mësimdhënës, udhëheqës fetar, profesionist i kujdesit shëndetësor,
person të cilit i është besuar rritja apo kujdesi për personin e tillë ose që në ndonjë
mënyrë tjetër ka autoritet ndaj personit:
3.10.1. duke keqpërdorur kontrollin e tij mbi gjendjen financiare, familjare,
shoqërore, shëndetësore, të punësimit, shkollimit, fetare ose rrethanave tjera të
personit të tillë apo të personit të tretë;
3.10.2. kur viktima mbahet në burg, paraburgim, qendër disiplinore, në një
institucion të edukimit apo institucion edukativo-korrektues, është pacient në spital,
qendër të shëndetit mendor apo rehabilitimit, banor i shtëpisë së kujdesit apo
strehimores, ose mbahet apo është i mbyllur në çfarëdo vendi tjetër me urdhër të
gjykatës apo prokurorisë ose sipas ligjit; ose
3.10.3. duke keqpërdorur pozitën ose autoritetin e tij mbi viktimën dhe e cila i është
besuar kryesit për rritjen, edukimin apo kujdesin.
4. Nëse vepra penale nga paragrafi 1 i këtij neni kryhet ndaj personit nën moshën
gjashtëmbëdhjetë (16) vjet, kryesi dënohet me burgim prej një (1) deri në pesë (5) vjet.
5. Nëse vepra penale nga paragrafi 1 i këtij neni kryhet ndaj personit nën moshën katërmbëdhjetë
(14) vjet, kryesi dënohet me burgim prej tre (3) deri në tetë (8) vjet.
6. Nëse vepra penale nga paragrafi 4 ose 5 i këtij neni kryhet nën një ose më shumë nga
rrethanat e parapara në paragrafin 2 ose 3 të këtij neni, kryesi dënohet me burgim prej së paku
pesëmbëdhjetë (15) vjet.
7. Nëse vepra penale nga paragrafi 5 ose 6 i këtij neni rezulton në vdekjen e viktimës, kryesi
dënohet me burgim prej së paku pesëmbëdhjetë (15) vjet ose me burgim të përjetshëm.
8. Tentativa për të kryer vepër penale nga paragrafi 1. i këtij neni është e dënueshme.
Neni 231
Ofrimi i materialit pornografik personave nën moshën gjashtëmbëdhjetë vjet
1. Kushdo që shet, ofron të shesë, shfaq ose në mënyrë tjetër i siguron personit nën moshën
gjashtëmbëdhjetë (16) vjet fotografi, material audiovizuel apo sende të tjera me përmbajtje
pornografike ose e lejon personin e tillë të shoh një shfaqje të gjallë me përmbajtje pornografike
apo me dashje e sjell personin e tillë në një shfaqje të tillë, dënohet me gjobë dhe me burgim
prej tre (3) muaj deri në tre (3) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
94
KODI NR. 06/L-074 PENAL I REPUBLIKËS SË KOSOVËS
2. Materiali pornografik sipas paragrafit 1. të këtij neni konfiskohet.
Neni 232
Keqpërdorimi i fëmijëve në pornografi
1. Kushdo që prodhon pornografi me fëmijët ose përdor apo përfshin fëmijën për krijimin ose
për prodhimin e shfaqjeve të gjalla, dënohet me burgim prej pesë (5) deri në pesëmbëdhjetë
(15) vjet.
2. Kushdo që shet, shpërndan, promovon, shfaq, transmeton, ofron ose e vë në dispozicion
pornografinë për fëmijë, dënohet me burgim prej tre (3) deri në dhjetë (10) vjet.
3. Kushdo që siguron për vetveten apo personin tjetër ose posedon pornografi me fëmijë,
dënohet me gjobë dhe me burgim prej një (1) deri në pesë (5) vjet.
4. Tentativa për të kryer vepër penale nga ky nen është e dënueshme.
5. Për qëllime të këtij neni, shprehja “shfaqje e gjallë” nënkupton ekspozimin aktual, përfshirë
me anë të mjeteve të informimit dhe teknologjisë së komunikimit, të:
5.1. një fëmije të përfshirë në sjellje seksualisht eksplicite, qoftë të vërtetë apo të
simuluar; ose
5.2. organeve gjenitale të një fëmije për qëllime kryesisht seksuale.
Neni 233
Nxitja e akteve seksuale me premtim të rrejshëm të martesës
Kushdo që premton rrejshëm martesën në mënyrë që të nxisë personin i cili është në mes të
moshës gjashtëmbëdhjetë (16) dhe tetëmbëdhjetë (18) vjet që të përfshihet në një akt seksual,
dënohet me gjobë ose me burgim deri në tre (3) vjet.
Neni 234
Mundësimi ose detyrimi në prostitucion
1. Kushdo që rekruton, organizon, ndihmon, mban, fsheh ose kontrollon personin tjetër për
qëllime të prostitucionit, dënohet me gjobë dhe me burgim prej gjashtë (6) muaj deri në katër
(4) vjet.
2. Kur vepra penale nga paragrafi 1. i këtij neni kryhet brenda perimetrit prej treqind e pesëdhjetë
(350) metrash nga shkolla ose mjedisi tjetër i cili përdoret nga fëmijët, kryesi dënohet me gjobë
dhe me burgim prej një (1) deri në pesë (5) vjet.
3. Kur vepra penale nga paragrafi 1, 2. ose 3 i këtij neni kryhet kundër personit të moshës mes
gjashtëmbëdhjetë (16) dhe tetëmbëdhjetë (18) vjet, kryesi dënohet me gjobë dhe me burgim
prej dy (2) deri në dhjetë (10) vjet.
4. Kur vepra nga paragrafi 1., 2. ose 3. kryhet kundër personit nën moshën gjashtëmbëdhjetë
(16) vjet, kryesi dënohet me gjobë dhe me burgim prej pesë (5) deri në njëzetë (20) vjet.
5. Kur vepra penale nga paragrafi 1., 2. ose 3. i këtij neni kryhet kundër personit nën moshën
katërmbëdhjetë (14) vjet, kryesi dënohet me gjobë dhe me burgim prej jo më pak se dhjetë (10)
vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
95
KODI NR. 06/L-074 PENAL I REPUBLIKËS SË KOSOVËS
Neni 235
Ofrimi i lokaleve për prostitucion
1. Kushdo që me dijeni ofron lokalin, qoftë si pronar i lokalit, qiradhënës, qiramarrës, shfrytëzues
ose person përgjegjës, personit tjetër për qëllim të prostitucionit ose mundësimit të prostitucionit,
dënohet me gjobë dhe me burgim deri në katër (4) vjet.
2. Kur vepra penale nga paragrafi 1. i këtij neni kryhet brenda perimetrit prej treqind e pesëdhjetë
(350) metrash nga shkolla ose mjedisi tjetër i cili përdoret nga fëmijët, kryesi dënohet me gjobë
dhe me burgim prej gjashtë (6) muaj deri në pesë (5) vjet.
3. Kur vepra penale nga paragrafi 1. ose 2. të këtij neni kryhet për qëllime të prostitucionit ose
mundësimit të prostitucionit të një apo më shumë personave që janë midis moshës moshës
gjashtëmbëdhjetë (16) dhe tetëmbëdhjetë (18) vjet, kryesi dënohet me gjobë dhe me burgim
prej një (1) deri në dhjetë (10) vjet.
4. Kur vepra penale nga paragrafi 1. ose 2. i këtij neni kryhet për qëllime të prostitucionit ose
mundësimit të prostitucionit të një ose më shumë personave nën moshën gjashtëmbëdhjetë
(16) vjet, kryesi dënohet me gjobë dhe me burgim prej pesë (5) deri në njëzet (20) vjet.
5. Kur vepra penale nga paragrafi 1. ose 2. i këtij neni kryhet për qëllime të prostitucionit ose
mundësimit të prostitucionit të një ose më shumë personave nën moshën katërmbëdhjetë (14)
vjet, kryesi dënohet me gjobë dhe me burgim prej jo më pak se dhjetë (10) vjet.
6. Për qëllime të këtij neni shprehja “mundësim i prostitucionit” përfshin por nuk kufizohet në
rekrutimin, organizimin, ndihmën, kontrollimin, mbajtjen ose fshehjen e personit tjetër për qëllim
të prostitucionit.
Neni 236
Marrëdhëniet seksuale brenda familjes
1. Kushdo që kryen akt seksual me paraardhës ose pasardhës të familjes i cili ka mbushur
moshën tetëmbëdhjetë (18) vjet ose me vëlla apo motër që ka mbushur moshën tetëmbëdhjetë
(18) vjet, dënohet me gjobë ose me burgim prej tre (3) muaj deri në tre (3) vjet.
2. Kur prindi, prindi adoptues, prindi birësues, njerku ose njerka, gjyshi apo gjyshja, daja apo
axha, tezja ose halla, kryen akt seksual me fëmijën e tij, me fëmijën e birësuar, me thjeshtrin e
tij, me nipin ose me mbesën e vajzës apo të djalit, me nipin ose me mbesën e motrave apo të
vëllezërve, mes moshave gjashtëmbëdhjetë (16) dhe tetëmbëdhjetë (18) vjet, dënohet me jo
më pak se (3) tre vjet burgim.
3. Kur prindi, prindi adoptues, prindi birësues, njerku ose njerka, gjyshi apo gjyshja, daja apo
axha, tezja ose halla, kryen akt seksual me fëmijën e tij, me fëmijën e birësuar, me thjeshtrin e
tij, me nipin ose me mbesën e vajzës apo të djalit, me nipin ose me mbesën e motrave apo të
vëllezërve, që është në mes të moshës katërmbëdhjetë (14) dhe gjashtëmbëdhjetë (16) vjet,
dënohet me jo më pak se pesë (5) vjet burgim.
4. Kur prindi, prindi adoptues, prindi birësues, njerku ose njerka, gjyshi apo gjyshja, daja apo
axha, tezja ose halla, kryen akt seksual me fëmijën e tij, me fëmijën e birësuar, me thjeshtrin
e tij, me nipin ose me mbesën e vajzës apo të djalit, me nipin ose me mbesën e motrave apo
të vëllezërve, nën moshën katërmbëdhjetë (14) vjet, dënohet me jo më pak se dhjetë (10) vjet
burgim.
5. Kur vëllai apo motra më e madhe kryen akt seksual me vëllanë apo motrën, me vëllanë ose
motrën e adoptuar, me vëllanë apo motrën e birësuar, që është midis moshës gjashtëmbëdhjetë
(16) dhe tetëmbëdhjetë (18) vjet, motra apo vëllai më i madh dënohet me dënimin nga paragrafi
2. i këtij neni.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
96
KODI NR. 06/L-074 PENAL I REPUBLIKËS SË KOSOVËS
6. Kur vëllai apo motra më e madhe kryen akt seksual me vëllanë apo motrën, me vëllanë
ose motrën e adoptuar, me vëllanë apo motrën e birësuar, që është në mes të moshës
katërmbëdhjetë (14) dhe gjashtëmbëdhjetë (16) vjet, motra apo vëllai më i madh dënohet me
dënimin nga paragrafi 3. i këtij neni.
7. Kur vëllai apo motra më e madhe kryen akt seksual me vëllanë apo motrën, me vëllanë ose
motrën e adoptuar, me vëllanë apo motrën e birësuar, që është nën moshën katërmbëdhjetë
(14) vjet, motra apo vëllai më i madh dënohet me dënimin nga paragrafi 4. i këtij neni.
KAPITULLI XXI
VEPRAT PENALE KUNDËR MARTESËS DHE FAMILJES
Neni 237
Bigamia
1. Kushdo që lidh martesë tjetër derisa është i martuar, dënohet me burgim deri në një (1) vit.
2. Kushdo që lidh martesë me personin për të cilin e di se është i martuar, dënohet me dënimin
nga paragrafi 1. i këtij neni.
3. Nëse pas kryerjes së veprës penale nga ky nen, martesa e mëparshme nuk është më e
vlefshme, është prishur ose është ndërprerë, ndjekja penale për veprën nga ky nen nuk fillohet,
e nëse ndjekja është filluar duhet të ndërpritet.
Neni 238
Mundësimi i lidhjes së martesës së kundërligjshme
Personi i autorizuar zyrtar para të cilit lidhet martesa, i cili në keqpërdorim të pozitës apo
autorizimeve të tij lejon lidhjen e martesës, ndonëse është në dijeni për pengesat ligjore të cilat
e ndalojnë martesën, dënohet me burgim prej tre (3) muaj deri në tre (3) vjet.
Neni 239
Martesa e detyruar
1. Kushdo që e detyron personin tjetër të lidh martesë ose lidh martesë me personin për të cilin
e di se është detyruar të hyj në martesë, dënohet me burgim prej një (1) deri në tetë (8) vjet.
2. Kur vepra penale nga paragrafi 1. i këtij neni kryhet kundër fëmijës, kryesi dënohet me
burgim prej dy (2) deri në dhjetë (10) vjet.
3. Kur vepra penale nga paragrafi 1 i këtij neni kryhet nga prindi, prindi adoptues, kujdestari
apo ndonjë person tjetër që ushtron autoritet prindëror ndaj personit në mes të moshës
gjashtëmbëdhjetë (16) dhe tetëmbëdhjetë (18) vjet, kryesi dënohet me burgim prej tre (3) deri
në dhjetë (10) vjet.
4. Kur vepra penale nga paragrafi 1. i këtij neni kryhet nga prindi, prindi adoptues, kujdestari
apo ndonjë person tjetër që ushtron autoritet prindëror ndaj personit në mes të moshës
katërmbëdhjetë (14) dhe gjashtëmbëdhjetë (16) vjet, kryesi dënohet me burgim prej pesë (5)
deri në dhjetë (10) vjet.
5. Kur vepra penale nga paragrafi 1. i këtij neni kryhet nga prindi, prindi adoptues, kujdestari
apo personi tjetër që ushtron autoritet prindëror ndaj personit nën moshën katërmbëdhjetë (14)
vjet, kryesi dënohet me burgim së paku pesëmbëdhjetë (15) vjet.
6. Kur vepra penale nga paragrafi 1. i këtij neni kryhet me qëllim të përfitimit të dobisë pasurore,
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
97
KODI NR. 06/L-074 PENAL I REPUBLIKËS SË KOSOVËS
kryesi dënohet me gjobë dhe me burgim së paku pesë (5) vjet. Kur vepra penale nga paragrafi
2, 3, 4 ose 5 i këtij neni kryhet me qëllim të përfitimit të dobisë pasurore, kryesi dënohet me
gjobë dhe me burgim së paku pesëmbëdhjetë (15) vjet.
Neni 240
Bashkësia jashtëmartesore me personin nën moshën gjashtëmbëdhjetë vjet
1. Personi madhor i cili bashkëjeton në një bashkësi jashtëmartesore me personin në mes të
moshës katërmbëdhjetë (14) dhe gjashtëmbëdhjetë (16) vjet, dënohet me burgim prej pesë (5)
deri në njëzet (20) vjet.
2. Prindi, prindi adoptues, kujdestari apo ndonjë person tjetër që ushtron autoritet prindëror, që
i lejon ose e shtyn personin në mes të moshës katërmbëdhjetë (14) dhe gjashtëmbëdhjetë (16)
vjet që të bashkëjetojë në një bashkësi jashtëmartesore me personin tjetër, dënohet me burgim
prej (5) deri në njëzet (20) vjet
3. Kur vepra penale nga paragrafi 1. ose 2. i këtij neni kryhet ndaj personit nën moshën
katërmbëdhjetë (14) vjet, kryesi dënohet me së paku dhjetë (10) vjet burgim.
4. Kur vepra penale nga paragrafi 1, 2 ose 3 i këtij neni kryhet me qëllim të përfitimit të dobisë
pasurore, kryesi dënohet me gjobë dhe me burgim së paku pesëmbëdhjetë (15) vjet.
Neni 241
Ndryshimi i statusit familjar të fëmijës
Kushdo që e zëvendëson një fëmijë me një tjetër ose në ndonjë mënyrë tjetër ndryshon statusin
familjar të fëmijës, përveç siç lejohet me ligj, dënohet me burgim prej tre (3) muaj deri në tre
(3) vjet.
Neni 242
Marrja apo mbajtja e kundërligjshme e fëmijës
1. Kushdo që në mënyrë të kundërligjshme e merr, mban ose rrëmben fëmijën nga prindi,
prindi adoptues, kujdestari apo personi tjetër i cili ushtron të drejtën prindërore mbi fëmijën, ose
merr, mban ose rrëmben fëmijën nga enti të cilit i është besuar fëmija ose pengon ekzekutimin
e vendimit të detyrueshëm të organit kompetent mbi dhënien e fëmijës në besim të personit ose
entit tjetër, dënohet me burgim deri në tre (3) vjet.
2. Kur kryesi i veprës penale nga paragrafi 1. i këtij neni është prindi, prindi adoptues, kujdestari
apo personi tjetër i cili ushtron të drejtën prindërore mbi fëmijën ndaj të cilit organi kompetent ka
shqiptuar vendim të detyrueshëm me të cilin i janë mohuar personit të tillë të drejtat prindërore
apo të kujdestarisë për fëmijën apo kur organi kompetent ka shqiptuar vendim të detyrueshëm
me të cilin edukimi dhe mbikëqyrja e fëmijës i besohet prindit tjetër apo personit tjetër, kryesi
dënohet me burgim deri në një (1) vit.
3. Kushdo që kryen veprën penale nga paragrafi 1. i këtij nenit për përfitim material apo për
motive tjera të ulëta, dënohet me gjobë dhe me burgim prej një (1) deri në dhjetë (10) vjet.
4. Kur kryesi i veprës penale nga paragrafi 2. i këtij neni vullnetarisht e kthen fëmijën, gjykata
mund ta lirojë nga dënimi.
Neni 243
Keqtrajtimi apo braktisja e fëmijës
1. Prindi, prindi adoptues, kujdestari apo personi tjetër që ushtron autoritet prindëror mbi fëmijën,
i cili keqtrajton fëmijën e tillë duke përdorur masa fizike apo mendore ose shkel detyrimin e tij
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
98
KODI NR. 06/L-074 PENAL I REPUBLIKËS SË KOSOVËS
për përkujdesje dhe edukim të fëmijës, dënohet me burgim prej gjashtë (6) muaj deri në tre (3)
vjet.
2. Prindi, prindi adoptues, kujdestari apo personi tjetër që ushtron autoritet prindëror mbi fëmijën,
i cili keqtrajton fëmijën e tillë duke përdorur masa fizike apo mendore ose shkel detyrimin e tij
për përkujdesje dhe edukim të fëmijës me pakujdesi të vetëdijshme, dënohet me burgim prej
tre (3) muaj deri në tre (3) vjet.
3. Prindi, prindi adoptues, kujdestari apo personi tjetër që ushtron autoritet prindëror mbi
fëmijën, i cili e braktis fëmijën e tillë në një mënyrë që rrezikon jetën e tij apo rrezikon ose
dëmton rëndë shëndetin e tij, dënohet me burgim prej një (1) deri në pesë (5) vjet.
4. Prindi, prindi adoptues, kujdestari apo personi tjetër që ushtron autoritet prindëror mbi
fëmijën, i cili e detyron fëmijën e tillë të punojë në mënyrë të tepruar ose të kryej punë që nuk
është e përshtatshme për moshën e fëmijës ose e detyron fëmijën e tillë që në lëmoshë të lyp
para ose dobi tjetër materiale, ose e detyron fëmijën e tillë që të përfshihet në aktivitete që e
rrezikojnë apo dëmtojnë zhvillimin e fëmijës, dënohet me gjobë dhe me burgim prej një (1) deri
në pesë (5) vjet.
5. Kur vepra penale nga ky nen rezulton me dëmtim të rëndë të shëndetit mendor apo lëndim
të rëndë të fëmijës, kryesi dënohet me burgim prej dy (2) deri në tetë (8) vjet.
Neni 244
Shkelja e detyrimeve familjare
1. Kushdo që shkel detyrimet e tij ligjore familjare, duke lënë në gjendje të rëndë anëtarin e
familjes i cili nuk është në gjendje të kujdeset për vetën e tij, dënohet me burgim prej tre (3)
muaj deri në tre (3) vjet.
2. Kur vepra penale nga paragrafi 1. i këtij neni ka të bëjë me fëmijën, kryesi dënohet me
burgim prej gjashtë (6) muaj deri në pesë (5) vjet.
3. Kur vepra penale nga paragrafi 1. i këtij neni rezulton me vdekjen e anëtarit të familjes apo
me dëmtim të rëndë të shëndetit të tij, kryesi dënohet me burgim prej një (1) deri në tetë (8) vjet.
4. Nëse gjykata shqipton dënimin me kusht, ajo mund të urdhërojë si kusht që kryesi të paguajë
dhe rregullisht t’i përmbush detyrimet e tij të kujdesit, arsimimit dhe mjeteve të jetesës.
Neni 245
Shmangia nga sigurimi i mjeteve të jetesës
1. Kushdo që i shmanget sigurimit të mjeteve të jetesës për personin për të cilin është i detyruar
të kujdeset në bazë të vendimit të plotfuqishëm të gjykatës, marrëveshjes së plotfuqishme
gjyqësore ose vendimit të organit tjetër kompetent, me anë të shmangies së punësimit,
raportimit të rrejshëm të punësimit apo të të ardhurave, ndërrimit të vendit të punës, ndërrimit të
vendbanimit apo vendqëndrimit, tjetërsimit të pasurisë ose në ndonjë mënyrë tjetër i shmanget
sigurimit të mjeteve të jetesës për personin e tillë, dënohet me burgim deri në një (1) vit.
2. Kur vepra penale nga paragrafi 1. i këtij neni rezulton me vdekjen e anëtarit të familjes apo
me dëmtim të rëndë të shëndetit të tij, kryesi dënohet me burgim prej një (1) deri në tetë (8) vjet.
3. Kur vepra penale nga paragrafi 1. i këtij neni ka të bëjë me fëmijën kryesi dënohet me burgim
prej tre (3) muaj deri në tre (3) vjet.
4. Nëse gjykata shqipton dënimin me kusht, ajo mund të urdhërojë si kusht që kryesi rregullisht t’i
përmbush detyrimet e tij të sigurimit të mjeteve të jetesës dhe të paguajë detyrimet e papaguara.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
99
KODI NR. 06/L-074 PENAL I REPUBLIKËS SË KOSOVËS
5. Nëse kryesi i veprës penale nga paragrafi 1. i këtij neni i përmbush detyrimet para se gjykata
të shqiptojë aktgjykimin, gjykata mund ta lirojë nga dënimi.
Neni 246
Pengimi dhe mosekzekutimi i masave për mbrojtjen e fëmijëve
1. Kushdo që nuk e zbaton apo e pengon ekzekutimin e masave edukative dhe masave të
tjera të përcaktuara nga gjykata ose nga një organ tjetër kompetent përgjegjës për mbrojtjen e
fëmijëve, dënohet me gjobë ose me burgim deri në një (1) vit.
2. Kushdo që si person përgjegjës në punë, në organe apo në ente për mbrojtjen, arsimimin ose
aftësimin profesional të fëmijëve, ushtron haptazi detyrat e tij në mënyrë të papërgjegjshme dhe
me këtë rrezikon apo dëmton rëndë shëndetin apo zhvillimin e fëmijës, dënohet me gjobë ose
me burgim deri në tre (3) vjet.
Neni 247
Mos raportimi i abuzimit të fëmijëve
1. Pavarësisht nga dispozitat tjera ligjore, kushdo që ka arsye për të dyshuar se një fëmijë
ka pësuar një incident të abuzimit të fëmijës, keqtrajtimit, braktisjes apo moskujdesit dhe nuk
raporton menjëherë abuzimin ose moskujdesin, dënohet me gjobë ose me burgim deri në tre
(3) vjet.
2. Kur vepra penale nga paragrafi 1. i këtij neni kryhet nga prindi, prindi adoptues apo kujdestari,
kryesi dënohet me burgim prej gjashtë (6) muaj deri në tre (3) vjet.
3. Kushdo që gjatë angazhimit profesional lidhur me fëmijën, ka arsye për të dyshuar se fëmija
ka pësuar incident të abuzimit të fëmijës, keqtrajtimit, braktisjes apo moskujdesit ose ka qenë i
nënshtruar ndaj dhunës apo kanosjes për përdorim të dhunës, dhe nuk e raporton menjëherë
rastin, dënohet me gjobë ose me burgim prej tre (3) muaj deri në tre (3) vjet.
4. Kur vepra penale nga paragrafi 1., 2. ose 3. i këtij neni rezulton me vdekjen e fëmijës apo me
dëmtim të rëndë të shëndetit të tij, kryesi dënohet me burgim prej një (1) deri në tetë (8) vjet.
Neni 248
Dhuna në familje
1. Kushdo që e kryen dhunën ose keqtrajtimin fizik, psikologjik ose ekonomik me qëllim të
cenimit të dinjitetit të personit tjetër brenda një marrëdhënieje familjare, dënohet me gjobë dhe
me burgim deri në 3 (tre) vjet.
2. Kur çfarëdo vepre në Kodin Penal kryhet brenda marrëdhënies familjare, do të konsiderohet
si rrethanë rënduese.
3. Çdo anëtar i familjes që ushtron dhunë ose keqtrajtim fizik, psikologjik, seksual ose ekonomik
ndaj anëtarit tjetër të familjes së tij/saj, dënohet me gjobë dhe me burgim deri në tre (3) vjet.
3.1. “Marrëdhënia familjare” për nevojat e kësaj dispozite është në përputhshmëri me
përkufizimin në nenin 113 të këtij kodi.
3.2. Dhuna në familje, dhuna fizike, psikologjike, seksuale dhe ekonomike, për nevojat
e këtij kodi do të jetë e njëjtë siç është përkufizuar ne dispozitën e nenit 2, nën paragrafi
1.2. të Ligjit nr. 03/L-182 për mbrojtje nga Dhuna në Familje.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
100
KODI NR. 06/L-074 PENAL I REPUBLIKËS SË KOSOVËS
KAPITULLI XXII
VEPRAT PENALE KUNDËR SHËNDETIT PUBLIK
Neni 249
Përhapja e sëmundjeve ngjitëse
1. Kushdo që nuk vepron sipas dispozitave apo urdhrave të organit publik kompetent në fushën
e shëndetësisë, e cila ka për qëllim parandalimin apo luftimin e sëmundjeve ngjitëse te njerëzit
apo kafshët dhe me këtë shkakton përhapjen e sëmundjes ngjitëse te njerëzit, dënohet me
gjobë ose me burgim deri në tre (3) vjet.
2. Kushdo që nuk i përmbahet dispozitave apo urdhrave nga paragrafi 1. i këtij neni dhe me
këtë shkakton përhapjen e sëmundjeve ngjitëse te kafshët, dënohet me gjobë ose me burgim
deri në një (1) vit.
3. Kur vepra penale nga paragrafi 1. ose 2. i këtij neni kryhet nga pakujdesia, kryesi dënohet me
gjobë ose me burgim deri në gjashtë (6) muaj.
4. Kur vepra penale nga paragrafi 1. ose 2. i këtij neni rezulton me vdekjen e një apo më shumë
personave, kryesi dënohet me burgim prej një (1) deri në dymbëdhjetë (12) vjet.
5. Kur vepra penale nga paragrafi 1. ose 2. i këtij neni rezulton me lëndim të rëndë trupor apo
dëmtim të rëndë të shëndetit, kryesi dënohet me burgim prej një (1) deri në tetë (8) vjet.
6. Kur vepra penale nga paragrafi 3. i këtij neni rezulton me lëndim të rëndë trupor apo dëmtim
të rëndë të shëndetit, kryesi dënohet me burgim deri në tre (3) vjet.
7. Kur vepra penale nga paragrafi 3. i këtij neni rezulton me vdekjen e një apo më shumë
personave, kryesi dënohet me burgim prej një (1) deri në tetë (8) vjet.
Neni 250
Mosveprimi sipas dispozitave shëndetësore gjatë epidemisë
Kushdo që gjatë kohës së epidemisë ose të ndonjë sëmundjeje ngjitëse nuk vepron sipas
urdhrave apo vendimeve tjera të nxjerra në bazë të dispozitave të organit kompetent, i cili
cakton masat që kanë për qëllim luftimin apo parandalimin e tyre, dënohet me burgim deri në
dy (2) vjet.
Neni 251
Përhapja e sëmundjeve venerike
1. Kushdo që duke ditur se është i infektuar me sëmundje seksualisht të transmetueshme, nuk
e zbulon këtë fakt dhe e infekton personin tjetër, dënohet me gjobë ose me burgim deri në një
(1) vit.
2. Kur vepra penale nga paragrafi 1. i këtij neni rezulton me dëmtim të rëndë të shëndetit, kryesi
dënohet me burgim prej një (1) deri në pesë (5) vjet.
3. Kur vepra penale nga paragrafi 1. i këtij neni rezulton me vdekje të personit, kryesi dënohet
me burgim prej një (1) deri në tetë (8) vjet.
4. Procedura penale për vepër penale nga paragrafi 1. i këtij neni fillohet sipas propozimit.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
101
KODI NR. 06/L-074 PENAL I REPUBLIKËS SË KOSOVËS
Neni 252
Përhapja e virusit HIV
1. Kushdo që duke ditur se është i infektuar me HIV, nuk e zbulon këtë fakt dhe infekton
personin tjetër, dënohet me burgim prej dy (2) deri në dymbëdhjetë (12) vjet.
2. Kur vepra penale nga paragrafi 1. i këtij neni është kryer nga pakujdesia, kryesi dënohet me
burgim prej gjashtë (6) muaj deri pesë (5) vjet.
3. Kur vepra penale nga paragrafi 1. i këtij neni rezulton me vdekjen e personit, kryesi dënohet
me burgim prej pesë (5) deri në pesëmbëdhjetë (15) vjet.
4. Kur vepra penale nga paragrafi 2. i këtij neni rezulton me vdekjen e personit kryesi dënohet
me burgim prej një (1) deri tetë (8) vjet.
Neni 253
Punësimi i personave të infektuar me sëmundje ngjitëse
1. Kushdo që në kundërshtim me ligjet e shëndetësisë, në spital, në maternitet të spitalit, në
shkollë, në restorant apo në punëtori ose në organizatë biznesi apo në ndonjë vend të ngjashëm
pune ku përpunohen artikujt ushqimorë apo ku kryhen shërbime higjienike, e punëson apo e
mban në punë personin për të cilin e di se lëngon nga sëmundja ngjitëse dhe me këtë shkakton
përhapjen e sëmundjes ngjitëse, dënohet me gjobë ose me burgim deri në një (1) vit.
2. Kur vepra penale nga paragrafi 1. i këtij neni kryhet nga pakujdesia, kryesi dënohet me
gjobë ose me burgim deri në gjashtë (6) muaj.
3. Kur vepra penale nga paragrafi 1. i këtij neni rezulton me dëmtim të rëndë të shëndetit të
tjetrit, kryesi dënohet me burgim prej gjashtë (6) muaj deri në tre (3) vjet.
4. Kur vepra penale nga paragrafi 2. i këtij neni rezulton me dëmtim të rëndë të shëndetit të
tjetrit, kryesi dënohet me burgim deri në tre (3) vjet.
5. Kur vepra penale nga paragrafi 1. i këtij neni rezulton me vdekjen e një apo më shumë
personave, kryesi dënohet me burgim prej një (1) deri në dhjetë (10) vjet.
6. Kur vepra penale nga paragrafi 2. i këtij neni rezulton me vdekjen e një apo më shumë
personave, kryesi dënohet me burgim prej një (1) deri në pesë (5) vjet.
Neni 254
Trajtimi i pandërgjegjshëm mjekësor
1. Mjeku, stomatologu ose punonjësi tjetër shëndetësor, i cili me rastin e dhënies së shërbimeve
të kujdesit shëndetësor, përdor haptas një mjet apo metodë të papërshtatshme të mjekimit ose
në ndonjë mënyrë tjetër haptazi nuk i zbaton rregullat e profesionit të kujdesit shëndetësor ose
haptazi vepron në mënyrë të pakujdesshme, duke shkaktuar kështu keqësimin e sëmundjes
ose dëmtimin shëndetësor të personit tjetër, dënohet me burgim me jo më shumë se një (1) vit.
2. Nëse si rezultat i veprës penale nga paragrafi 1 i këtij neni, një person tjetër pëson një lëndim
të rëndë trupor ose sëmundja ekzistuese përkeqësohet ndjeshëm, kryesi dënohet me burgim
me jo më shumë se tre (3) vjet.
3. Nëse si rezultat i veprës penale nga paragrafi 1 i këtij neni, një person tjetër pëson një lëndim
veçanërisht të rëndë trupor ose shtatzënia e një personi ndërpritet, kryesi dënohet me burgim
prej gjashtë (6) muaj deri në pesë (5) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
102
KODI NR. 06/L-074 PENAL I REPUBLIKËS SË KOSOVËS
4. Nëse si rezultat i veprës penale nga paragrafi 1 i këtij neni, vdesin një ose më shumë persona,
kryesi dënohet me burgim prej tre (3) deri në dymbëdhjetë (12) vjet.
5. Nëse vepra penale nga paragrafi 1 i këtij neni kryhet nga pakujdesia, kryesi dënohet me
burgim me jo më shumë se gjashtë (6) muaj.
6. Nëse vepra penale nga paragrafi 2 i këtij Neni kryhet nga pakujdesia, kryesi dënohet me
burgim me jo më shumë se një (1) vit.
7. Nëse vepra penale nga paragrafi 3 i këtij neni kryhet nga pakujdesia, kryesi dënohet me
burgim jo më shumë se tre (3) vjet.
8. Nëse vepra penale nga paragrafi 4 i këtij neni kryhet nga pakujdesia, kryesi dënohet me
burgim prej një (1) deri në tetë (8) vjet.
Neni 255
Mosdhënia e ndihmës mjekësore
1. Mjeku ose punonjësi tjetër shëndetësor, i cili në kundërshtim me detyrën e tij refuzon t’i ofrojë
ndihmën mjekësore personit të cilit i nevojitet ndihma e tillë, ndonëse ai është i vetëdijshëm ose
do duhej të ishte i vetëdijshëm se mosveprimi i tillë mund të rezultojë në lëndim të rëndë trupor
apo dëmtim të rëndë të shëndetit ose vdekjen e personit, dënohet me burgim deri në tre (3) vjet.
2. Kur vepra penale nga paragrafi 1. i këtij neni rezulton me lëndim të rëndë trupor ose me
dëmtim të rëndë të shëndetit të personit të cilit nuk iu është dhënë ndihma mjekësore, kryesi
dënohet me burgim prej tre (3) muaj deri në tre (3) vjet.
3. Kur vepra penale nga paragrafi 1. i këtij neni rezulton me vdekjen e personit të cilit nuk iu
është dhënë ndihma mjekësore, kryesi dënohet me burgim prej një (1) deri në tetë (8) vjet.
Neni 256
Ushtrimi i kundërligjshëm i veprimtarisë mjekësore ose farmaceutike
1. Kushdo që pa pasur kualifikimet profesionale apo autorizimet ligjore, kryen trajtime
mjekësore, shërbime farmaceutike ose angazhohet në aktivitete tjera mjekësore për të cilat me
ligj kërkohen kualifikime të posaçme, dënohet me gjobë ose me burgim deri në një (1) vit.
2. Kur vepra penale nga paragrafi 1. i këtij neni rezulton me lëndim të rëndë trupor ose me
dëmtim të rëndë të shëndetit të personit, kryesi dënohet me burgim prej gjashtë (6) muaj deri
në pesë (5) vjet.
3. Kur vepra penale nga paragrafi 1. i këtij neni rezulton me vdekjen e një apo më shumë
personave, kryesi dënohet me burgim prej një (1) deri në dymbëdhjetë (12) vjet.
Neni 257
Eksperimentet e kundërligjshme mjekësore dhe testimi i barërave
1. Kushdo që pa autorizim ose në kundërshtim me ligjin e zbatueshëm kryen eksperimente
mjekësore, eksperimente të klonimit të njeriut apo eksperimente të ngjashme në njerëz, dënohet
me burgim prej tre (3) muaj deri në pesë (5) vjet.
2. Kushdo që pa autorizim ose në kundërshtim me ligjin e zbatueshëm kryen testime klinike të
barërave, dënohet me burgim prej tre (3) muaj deri në tre (3) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
103
KODI NR. 06/L-074 PENAL I REPUBLIKËS SË KOSOVËS
Neni 258
Përgatitja dhe dhënia e pandërgjegjshme e barërave
1. Farmacisti apo personi tjetër që është i autorizuar të përgatisë apo të shpërndajë barëra, i
cili i përgatit barërat në kundërshtim me standardet profesionale apo jep barëra në mënyrë të
gabuar dhe me këtë rrezikon shëndetin apo jetën e personit, dënohet me gjobë ose me burgim
deri në një (1) vit.
2. Kur vepra penale nga paragrafi 1. i këtij neni kryhet nga pakujdesia, kryesi dënohet me
gjobë ose me burgim deri në gjashtë (6) muaj.
3. Kur vepra penale nga paragrafi 1. i këtij neni rezulton me lëndime të rënda trupore ose me
dëmtim të rëndë të shëndetit, kryesi dënohet me burgim prej një (1) deri në tetë (8) vjet.
4. Kur vepra penale nga paragrafi 2. i këtij neni rezulton me lëndime të rënda trupore ose me
dëmtim të rëndë të shëndetit, kryesi dënohet me burgim deri në tre (3) vjet.
5. Kur vepra penale nga paragrafi 1. i këtij neni rezulton me vdekjen e një apo më shumë
personave, kryesi dënohet me burgim prej një (1) deri në dymbëdhjetë (12) vjet.
6. Kur vepra penale nga paragrafi 2. i këtij neni rezulton me vdekjen e një apo më shumë
personave, kryesi dënohet me burgim prej një (1) deri në tetë (8) vjet.
7. Barërat e përgatitura sipas paragrafit 1. të këtij neni, konfiskohen.
Neni 259
Transplantimi i kundërligjshëm dhe trafikimi i organeve dhe qelizave njerëzore
1. Kushdo që pa arsye mjekësore, pa autorizim ose në kundërshtim me ligjin e zbatueshëm,
për qëllim transplantimi merr pjesë të trupit të njeriut me pëlqimin e dhënësit, dënohet me gjobë
dhe me burgim prej gjashtë (6) muaj deri në pesë (5) vjet.
2. Kushdo që pa arsye mjekësore, pa autorizim ose në kundërshtim me ligjin e zbatueshëm,
transplanton pjesë të trupit të njeriut me pëlqimin e marrësit, dënohet me gjobë ose me burgim
deri në tre (3) vjet.
3. Kur vepra penale nga paragrafi 1. ose 2. i këtij neni kryhet pa pëlqimin e dhënësit apo pa
pëlqimin e marrësit, kryesi dënohet me gjobë dhe me burgim prej një (1) deri në tetë (8) vjet.
4. Kushdo që pa autorizim ose në kundërshtim me ligjin e zbatueshëm, për qëllim transplantimi
merr pjesë të trupit të personit të vdekur, dënohet me gjobë ose me burgim deri në tre (3) vjet.
5. Kushdo që pa autorizim ose në kundërshtim me ligjin e zbatueshëm, posedon, blen,
ndërmjetëson në blerje, shet, transporton, importon ose eksporton organe apo qeliza njerëzore
për qëllim të transplantimit, dënohet më gjobë dhe me burgim prej dy (2) deri në dymbëdhjetë
(12) vjet.
6. Kushdo që për shpërblim ose përfitime tjera, vepron si ndërmjetësues për të siguruar një
trup apo pjesë të trupit të një personi tjetër të gjallë apo të vdekur, për qëllim të transplantimit,
dënohet me gjobë dhe me burgim prej gjashtë (6) muaj deri në dy (2) vjet.
7. Nëse vepra penale nga paragrafi 1. ose 2. i këtij neni kryhet nga mjeku, kryesi dënohet me
burgim prej një (1) deri në tetë (8) vjet.
8. Nëse vepra penale nga paragrafi 3. i këtij neni kryhet nga mjeku, kryesi dënohet me burgim
prej tre (3) deri në dymbëdhjetë (12) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
104
KODI NR. 06/L-074 PENAL I REPUBLIKËS SË KOSOVËS
Neni 260
Prodhimi dhe shpërndarja e produkteve të dëmshme mjekësore
1. Kushdo që prodhon barëra të falsifikuara apo të dëmshme ose produkte tjera mjekësore të
cilat janë të dëmshme për shëndetin, me qëllim që t’i shesë ato apo në ndonjë mënyrë tjetër t’i
vë në qarkullim, dënohet me gjobë dhe me burgim deri në katër (4) vjet.
2. Kushdo që vë në qarkullim barërat ose produktet mjekësore pa u bërë kontrolli i nevojshëm
nga personi apo enti i autorizuar, ose i vë në qarkullim ato pas datës së skadimit, dënohet me
burgim deri në katër (4) vjet.
3. Kur vepra penale nga paragrafi 1. ose 2. i këtij neni kryhet nga pakujdesia, kryesi dënohet
me gjobë dhe me burgim deri në dy (2) vjet.
4. Kur vepra penale nga paragrafi 1. ose 2. i këtij neni rezulton me lëndim të rëndë trupor ose
me dëmtim të rëndë të shëndetit, kryesi dënohet me burgim prej një (1) deri në tetë (8) vjet.
5. Kur vepra penale nga paragrafi 3. i këtij neni rezulton me lëndim të rëndë trupor ose me
dëmtim të rëndë të shëndetit, kryesi dënohet me burgim deri në tre (3) vjet.
6. Kur vepra penale nga paragrafi 1. ose 2. i këtij neni rezulton me vdekjen e një apo më shumë
personave, kryesi dënohet me burgim prej një (1) deri në dymbëdhjetë (12) vjet.
7. Kur vepra penale nga paragrafi 3. i këtij neni rezulton me vdekjen e një apo më shumë
personave, kryesi dënohet me burgim prej një (1) deri në tetë (8) vjet.
8. Produktet mjekësore dhe mjetet e prodhimit sipas këtij neni, konfiskohen.
Neni 261
Prodhimi dhe vënia në qarkullim e artikujve të dëmshëm ushqimorë
1. Kushdo që prodhon me qëllim të shitjes, shet, ofron për shitje apo në ndonjë mënyrë tjetër
vë në qarkullim artikuj ushqimorë, pije apo produkte të tjera për të cilat kryesi e di se janë të
dëmshme për shëndetin e njerëzve, dënohet me gjobë dhe me burgim prej tre (3) muaj deri në
katër (4) vjet.
2. Kushdo që vë në qarkullim artikuj ushqimor ose pije pa u bërë kontrolli i nevojshëm nga
personi apo enti i autorizuar, ose i vë në qarkullim artikujt pas datës së skadimit, dënohet me
burgim deri në dy (2) vjet.
3. Kur vepra penale nga paragrafi 1. ose 2. i këtij neni kryhet nga pakujdesia, kryesi dënohet
me gjobë ose me burgim deri në gjashtë (6) muaj.
4. Kur vepra penale nga paragrafi 1. ose 2. i këtij neni rezulton me lëndim të rëndë trupor ose
me dëmtim të rëndë të shëndetit të ndonjë personi, kryesi dënohet me burgim prej një (1) deri
në tetë (8) vjet.
5. Kur vepra penale nga paragrafi 3. i këtij neni rezulton me lëndim të rëndë trupor ose me
dëmtim të rëndë të shëndetit të ndonjë personi, kryesi dënohet me burgim prej gjashtë (6) muaj
deri në pesë (5) vjet.
6. Kur vepra penale nga paragrafi 1. ose 2. i këtij neni rezulton me vdekjen e një apo më shumë
personave, kryesi dënohet me burgim prej një (1) deri në dymbëdhjetë (12) vjet.
7. Kur vepra penale nga paragrafi 3. i këtij neni rezulton me vdekjen e një apo më shumë
personave, kryesi dënohet me burgim prej një (1) deri në tetë (8) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
105
KODI NR. 06/L-074 PENAL I REPUBLIKËS SË KOSOVËS
8. Artikujt dhe sendet e dëmshme konfiskohen.
Neni 262
Kontrolli i pandërgjegjshëm i produkteve shtazore të destinuara për konsumim
1. Veterinari ose personi tjetër i autorizuar i cili gjatë kontrollit të kafshëve të destinuara
për therje apo të mishit të destinuar për konsumim, vepron në kundërshtim me standardet
profesionale ose në kundërshtim me dispozitat në fuqi të standardeve të praktikës veterinare
ose nuk e kryen kontrollin dhe me këtë mundëson që të vihet në qarkullim mishi apo artikujt
tjerë të dëmshëm për shëndetin e njerëzve, dënohet me burgim deri në tre (3) vjet.
2. Kur vepra penale nga paragrafi 1. i këtij neni kryhet nga pakujdesia, kryesi dënohet me gjobë
ose me burgim deri në një (1) vit.
3. Kur vepra penale nga paragrafi 1. i këtij neni rezulton me lëndim të rëndë trupor ose me
dëmtim të rëndë të shëndetit të ndonjë personi, kryesi dënohet me burgim prej një (1) deri në
tetë (8) vjet.
4. Kur vepra penale nga paragrafi 2. i këtij neni rezulton me lëndim të rëndë trupor ose me
dëmtim të rëndë të shëndetit të ndonjë personi, kryesi dënohet me burgim deri në tre (3) vjet.
5. Kur vepra penale nga paragrafi 1. i këtij neni rezulton me vdekjen e një apo më shumë
personave, kryesi dënohet me burgim prej një (1) deri në dymbëdhjetë (12) vjet.
6. Kur vepra penale nga paragrafi 2. i këtij neni rezulton me vdekjen e një apo më shumë
personave, kryesi dënohet me burgim prej një (1) deri në tetë (8) vjet.
Neni 263
Dhënia ose përdorimi i certifikatës së rreme të mjekut apo të veterinarit
1. Mjeku i cili lëshon certifikatë të rreme mjekësore ose veterinari i cili lëshon certifikatë të rreme
veterinare, ndonëse ai e di se ajo është e rreme, dënohet me gjobë ose me burgim deri në një
(1) vit.
2. Kushdo që përdor certifikatë të rreme mjekësore apo veterinare, ndonëse e di se është e
rreme, dënohet me gjobë ose me burgim deri në gjashtë (6) muaj.
Neni 264
Ndotja e ujit të pijshëm
1. Kushdo që me ndonjë materie të dëmshme e ndot ujin të cilin njerëzit e përdorin si ujë të
pijshëm dhe kështu rrezikon jetën apo shëndetin e njerëzve, dënohet me burgim deri në tre (3)
vjet.
2. Kur vepra penale nga paragrafi 1. i këtij neni kryhet nga pakujdesia, kryesi dënohet me gjobë
ose me burgim deri në një (1) vit.
3. Kur vepra penale nga paragrafi 1. i këtij neni rezulton me lëndim të rëndë trupor ose me
dëmtim të rëndë të shëndetit, kryesi dënohet me burgim deri në tetë (8) vjet.
4. Kur vepra penale nga paragrafi 2. i këtij neni rezulton me lëndim të rëndë trupor ose me
dëmtim të rëndë të shëndetit, kryesi dënohet me burgim deri në tre (3) vjet.
5. Kur vepra penale nga paragrafi 1. i këtij neni rezulton me vdekjen e një apo më shumë
personave, kryesi dënohet me burgim prej një (1) deri në dymbëdhjetë (12) vjet.
6. Kur vepra penale nga paragrafi 2. i këtij neni rezulton me vdekjen e një apo më shumë
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
106
KODI NR. 06/L-074 PENAL I REPUBLIKËS SË KOSOVËS
personave, kryesi dënohet me burgim prej një (1) deri në tetë (8) vjet.
Neni 265
Ndotja e artikujve ushqimorë që përdoren nga njerëzit apo kafshët
1. Kushdo që me ndonjë materie të dëmshme i ndot artikujt ushqimorë që përdoren nga njerëzit
apo kafshët dhe kështu rrezikon jetën apo shëndetin e njerëzve, dënohet me burgim deri në tre
(3) vjet.
2. Kur vepra penale nga paragrafi 1. i këtij neni kryhet nga pakujdesia, kryesi dënohet me gjobë
ose me burgim deri në një (1) vit.
3. Kur vepra penale nga paragrafi 1. i këtij neni rezulton me lëndim të rëndë trupor ose me
dëmtim të rëndë të shëndetit të një apo më shumë personave, kryesi dënohet me burgim deri
në tetë (8) vjet.
4. Kur vepra penale nga paragrafi 2. i këtij neni rezulton me lëndim të rëndë trupor ose me
dëmtim të rëndë të shëndetit të një apo më shumë personave, kryesi dënohet me burgim deri
në tre (3) vjet.
5. Kur vepra penale nga paragrafi 1. i këtij neni rezulton me vdekjen e një apo më shumë
personave, kryesi dënohet me burgim prej së paku dhjetë (10) vjet.
6. Kur vepra penale nga paragrafi 2. i këtij neni rezulton me vdekjen e një apo më shumë
personave, kryesi dënohet me burgim prej një (1) deri në tetë (8) vjet.
7. Kushdo që me ndonjë materie të dëmshme e ndot ushqimin e kafshëve të cilat janë të
destinuara për konsumim nga njerëzit dhe kështu rrezikon jetën apo shëndetin e njerëzve,
dënohet me gjobë ose me burgim prej tre (3) muaj deri në një (1) vit.
8. Kur vepra penale nga paragrafi 5. i këtij neni rezulton me ngordhjen e kafshëve në vlerë
që tejkalon pesëmijë (5.000) Euro ose me ngordhjen e një numri të madh të kafshëve, kryesi
dënohet me burgim deri në tre (3) vjet.
Neni 266
Shërbimi me pije alkoolike i personave nën moshën gjashtëmbëdhjetë vjet
1. Kushdo që në lokalin hotelier, në bar apo në ndonjë dyqan tjetër ku shiten pije alkoolike, i
shërben, i shet apo i vë në dispozicion pije alkoolike personit nën moshën gjashtëmbëdhjetë
(16) vjet, dënohet me gjobë ose me burgim deri në gjashtë (6) muaj.
2. Kur vepra penale nga paragrafi 1. i këtij neni kryhet nga pakujdesia, kryesi dënohet me gjobë
ose me burgim deri në tre (3) muaj.
KAPITULLI XXIII
VEPRAT PENALE TË NARKOTIKËVE
Neni 267
Blerja, posedimi, shpërndarja dhe shitja e paautorizuar e narkotikëve, substancave
psikotrope dhe analoge
1. Kushdo që pa autorizim blen ose posedon me qëllim të shitjes apo shpërndarjes, ose
ofron për shitje substanca apo preparate të cilat janë shpallur me ligj si narkotikë, substanca
psikotrope apo substanca analoge, dënohet me gjobë dhe me burgim prej dy (2) deri në tetë (8)
vjet .
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
107
KODI NR. 06/L-074 PENAL I REPUBLIKËS SË KOSOVËS
2. Kushdo që pa autorizim shpërndan, shet, transporton, dorëzon, ndërmjetëson, dërgon ose
dërgon në transit substanca apo preparate të cilat janë shpallur me ligj si narkotikë, substanca
psikotrope ose substanca analoge, me qëllim të shpërndarjes, shitjes ose ofrimit për shitje,
dënohet me gjobë dhe me burgim prej dy (2) deri në dymbëdhjetë (12) vjet.
3. Kushdo që pa autorizim eksporton ose importon substanca apo preparate të cilat janë
shpallur me ligj si narkotikë, substanca psikotrope ose substanca analoge, dënohet me gjobë
dhe me burgim prej tre (3) deri në dhjetë (10) vjet.
4. Për qëllime të këtij kapitulli, shprehja “analog” nënkupton çfarëdo substance e cila nuk është e
autorizuar dhe struktura kimike e së cilës është esencialisht e ngjashme me atë të substancave
apo preparateve që janë shpallur si narkotikë ose substanca psikotrope dhe efektet e të cilave
i riprodhon.
5. Substancat narkotike, substancat psikotrope ose substancat analoge dhe mjetet për
prodhimin, shpërndarjen apo transportimin e tyre konfiskohen.
Neni 268
Prodhimi dhe përpunimi i paautorizuar i narkotikëve, substancave psikotrope,
analoge apo veglave, pajisjeve apo materialeve narkotike
1. Kushdo që pa autorizim prodhon, kultivon, përpunon, nxjerr ose përgatit substanca apo
preparate që janë shpallur si narkotikë ose substanca psikotrope, dënohet me gjobë dhe me
burgim prej një (1) deri në dhjetë (10) vjet.
2. Kushdo që pa autorizim prodhon, kultivon, përpunon, shet ose ofron për shitje substancën
analoge, dënohet me gjobë dhe me burgim prej gjashtë (6) muaj deri në tre (3) vjet.
3. Kushdo qe prodhon, transporton ose shpërndan preparate duke e ditur se ato do të përdoren
për prodhim ose përpunim të paautorizuar të narkotikëve apo substancave psikotrope, dënohet
me burgim prej dy (2) deri në dhjetë (10) vjet.
4. Kushdo që pa autorizim prodhon, transporton, shpërndan, shet ose furnizon me vegla,
pajisje apo materiale narkotike, duke ditur se këto janë përdorë ose do të përdoren për kultivim,
prodhim, përpunim, trafikim apo përdorim të paautorizuar të çfarëdo substance ose preparati
të cilat janë shpallur si narkotikë, substanca psikotrope apo analoge, dënohet me gjobë dhe me
burgim prej një (1) deri në dhjetë (10) vjet.
5. Substancat narkotike, substancat psikotrope ose substancat analoge dhe mjetet për
prodhimin, shpërndarjen apo transportimin e tyre konfiskohen.
Neni 269
Posedimi i paautorizuar i narkotikëve, substancave psikotrope ose analoge
1. Kushdo që pa autorizim posedon narkotikë, substanca psikotrope apo analoge, dënohet me
gjobë dhe me burgim prej një (1) deri në tre (3) vjet.
2. Kryesi që kryen veprën nga paragrafi 1. i këtij neni për herë të parë dhe i cili posedon më pak
se tre (3) gram të substancave narkotike apo substancave psikotropike ose analoge dënohet
me gjobë ose me burgim deri në një (1) vit.
3. Substancat narkotike, substancat psikotrope ose substancat analoge konfiskohen.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
108
KODI NR. 06/L-074 PENAL I REPUBLIKËS SË KOSOVËS
Neni 270
Intoksikimi i personit tjetër me narkotikë ose substanca psikotrope
Kushdo që e intoksikon personin tjetër me narkotikë, substanca psikotrope apo substanca
analoge pa dijeninë e personit të tillë, dënohet me burgim prej një (1) deri në pesë (5) vjet.
Neni 271
Lehtësimi i sigurimit apo përdorimit të narkotikëve, substancave psikotrope apo
analoge
1. Kushdo që administron me narkotikë, me substanca psikotrope apo analoge dhe për shkak
të detyrës që ka, lehtëson sigurimin ose përdorimin e tyre në kundërshtim me ligjin, dënohet me
burgim prej gjashtë (6) muaj deri në pesë (5) vjet.
2. Drejtuesi ose pronari i lokalit apo i hapësirës tjetër të mbyllur që përdoret nga publiku, i cili
lejon apo toleron përdorimin e narkotikëve, substancave psikotrope ose substancave analoge,
dënohet me burgim prej tre (3) muaj deri në pesë (5) vjet.
Neni 272
Kultivimi i bimës së hashashit, shkurres së kokainës ose bimëve të kanabisit
1. Kushdo që pa autorizim kultivon bimën e hashashit, shkurren e kokainës ose bimën e
kanabisit me qëllim të prodhimit të narkotikeve ose substancave psikotropike, dënohet me
burgim prej një (1) deri në dhjetë (10) vjet.
2. Bima e hashashit, shkurrja e kokainës ose bima e kanabisit dhe furnizimet, pajisjet dhe
materialet për kultivimin e tyre konfiskohen.
Neni 273
Organizimi, drejtimi apo financimi i trafikimit të narkotikëve apo substancave
psikotrope
1. Kushdo që organizon, drejton apo financon ndonjë prej veprave penale nga ky Kapitull,
dënohet me burgim prej dy (2) deri në dhjetë (10) vjet.
2. Kur vepra penale nga paragrafi 1. i këtij neni përfshin sasi të madhe të narkotikëve apo
substancave psikotrope, kryesi dënohet me burgim prej tre (3) deri në pesëmbëdhjetë (15) vjet.
Neni 274
Konvertimi apo transferimi i pasurisë që rrjedh nga veprat penale nga ky kapitull
1. Kushdo që e konverton apo transferon pasurinë, duke e ditur se pasuria e tillë rrjedh nga
kryerja e cilësdo vepre penale nga ky Kapitull ose nga pjesëmarrja në veprën apo veprat e tilla,
dhe konvertimi apo transferimi i tillë bëhet për qëllim të fshehjes ose mbulimit të origjinës së
paligjshme të pasurisë apo të ofrimit të ndihmës personit i cili është i përfshirë në kryerjen e
veprës apo veprave të tilla për t’iu shmangur pasojave juridike të veprimeve të tij, dënohet me
gjobë tre herë më të lartë se vlera e pasurisë së transferuar apo konvertuar dhe me burgim deri
në dhjetë (10) vjet.
2. Pasuria e konvertuar apo e transferuar konfiskohet.
Neni 275
Dënimi për raste të rënda të veprave penale nga ky Kapitull
1. Nëse vepra penale nga nenet 267, 268, 269, 270 ose 272 të këtij Kodi kryhet në një ose
më shumë nga rrethanat në vijim, kryesi dënohet me gjobë dhe me burgim prej tre (3) deri në
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
109
KODI NR. 06/L-074 PENAL I REPUBLIKËS SË KOSOVËS
pesëmbëdhjetë (15) vjet, nëse:
1.1. kryesi vepron si anëtar i grupit;
1.2. kryesi është person zyrtar në keqpërdorim të pozitës apo autorizimeve të tij;
1.3. kryesi përdor ose kanos se do ta përdorë dhunën ose armën;
1.4. vepra kryhet në dëm ose duke e shfrytëzuar viktimën e ndjeshme;
1.5. dërgesa, ngarkesa, kontejneri ose mjeti i planifikuar për një operacion humanitar
është përdorur për transportimin e paligjshëm të narkotikëve, substancave psikotrope
ose substancave analoge;
1.6. personi ka përzier substancat narkotike, substancat psikotrope ose substancat
analoge me substanca të tjera të cilat e shtojnë rrezikun për shëndetin;
1.7. vepra është kryer brenda perimetrit prej treqind e pesëdhjetë (350) metrash nga
shkolla apo mjedisi tjetër që përdoret nga fëmijët ose brenda perimetrit prej treqind e
pesëdhjetë (350) metrash nga cilido institucion i edukimit;
1.8. vepra penale kryhet brenda institucionit korrektues;
1.9. vepra penale përfshin sasi të mëdha të narkotikëve, substancave psikotrope ose
substancave analoge.
2. Substancat narkotike, substancat psikotrope ose substancat analoge dhe mjetet për
prodhimin, shpërndarjen apo transportimin e tyre konfiskohen.
Neni 276
Kompensimi ndaj zbatuesve të ligjit
Kur personi dënohet për ndonjë vepër penale nga ky Kod, gjykata mund ta urdhërojë personin
e dënuar që të bëjë kompensimin e cilësdo agjenci për zbatimin e ligjit, për shpenzimet e
arsyeshme të bëra nga agjencia përkatëse në blerjen e narkotikëve ose substancave psikotrope
nga ai person ose nga agjenti i tij si pjesë e hetimit që shpie në dënimin e tij.
KAPITULLI XXIV
KRIMI I ORGANIZUAR
Neni 277
Pjesëmarrja ose organizimi i grupit kriminal të organizuar
1. Kushdo që me dashje dhe me dijeni qoftë të qëllimit dhe veprimtarisë së përgjithshme të
grupit kriminal të organizuar ose qëllimit të grupit për të kryer një apo më shumë vepra penale
të cilat janë të dënueshme me dënim maksimal prej të paktën katër (4) vjet ose më shumë
aktivisht merr pjesë në veprimtaritë kriminale të grupit duke ditur se pjesëmarrja e tillë do të
kontribuojë në realizimin e veprimtarive kriminale të grupit, dënohet me gjobë deri në dyqind e
pesëdhjetë mijë (250.000) Euro dhe me burgim prej së paku shtatë (7) vjet.
2. Kushdo që organizon, themelon, mbikëqyr, menaxhon ose drejton veprimtaritë e grupit
kriminal të organizuar, dënohet me gjobë deri në pesëqind mijë (500.000) Euro dhe me burgim
prej së paku dhjetë (10) vjet.
3. Kur veprimtaritë e grupit kriminal të organizuar të parapara në paragrafin 1. ose 2. të këtij neni
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
110
KODI NR. 06/L-074 PENAL I REPUBLIKËS SË KOSOVËS
rezultojnë në vdekje, kryesi dënohet me gjobë deri në pesëqind mijë (500.000) Euro dhe me
burgim prej së paku dhjetë (10) vjet ose me burgim të përjetshëm.
4. Gjykata mund të zbusë dënimin e anëtarit të grupit kriminal të organizuar i cili, para se grupi
kriminal i organizuar të ketë kryer veprën penale, raporton në polici ose prokurori, ekzistimin,
formacionin dhe jep informata për grupin kriminal të organizuar në detaje të mjaftueshme për të
mundësuar arrestimin apo ndjekjen e grupit të tillë.
5. Për qëllime të këtij neni, “aktivisht merr pjesë” përfshin, por nuk kufizohet në ofrimin e
informatave ose mjeteve materiale, rekrutimin e anëtarëve të rinj dhe të gjitha format e financimit
të veprimtarive të grupit.
KAPITULLI XXV
VEPRAT PENALE KUNDËR EKONOMISË
Neni 278
Cenimi i barazisë në ushtrimin e veprimtarisë ekonomike
Personi zyrtar i cili duke keqpërdorur detyrën zyrtare apo autorizimet e tij, kufizon qarkullimin e
lirë të kapitalit, njerëzve, mallrave, shërbimeve, punës apo mjeteve të riprodhimit në territorin
e Republikës së Kosovës, ose mohon apo kufizon të drejtën e organizatës së biznesit apo të
personit juridik që në territorin e Republikës së Kosovës të merret me qarkullimin e mallit apo të
shërbimeve, ose e vë organizatën e biznesit apo personin juridik në pozitë të pabarabartë ndaj
organizatës së biznesit ose personit tjetër juridik lidhur me kushtet për punë apo qarkullimin
e mallit apo të shërbimeve, ose e kufizon këmbimin e lirë të mallit ose të shërbimeve dhe me
këtë realizohet fitim i konsiderueshëm për atë organizatë të biznesit ose person juridik ose
shkaktohet dëm i konsiderueshëm për tjetrin, dënohet me burgim prej gjashtë (6) muaj deri në
pesë (5) vjet.
Neni 279
Veprimtaria e pandërgjegjshme ekonomike
1. Personi përgjegjës i cili duke shkelur me dashje ligjin apo dispozitën tjetër të afarizmit, vepron
në kundërshtim me standardet e rregullta të afarizmit dhe me këtë i shkakton dëm substancial
material organizatës së biznesit apo personit juridik, dënohet me gjobë ose me burgim deri në
tre (3) vjet.
2. Kur vepra penale nga paragrafi 1. i këtij neni rezulton me likuidim të detyrueshëm ose
falimentim të asaj organizate të biznesit apo të personit juridik, kryesi dënohet me burgim prej
gjashtë (6) muaj deri në pesë (5) vjet.
Neni 280
Shkaktimi i falimentimit
1. Kushdo që duke ditur borxhin e tepërt ose insolvencën aktuale apo të pashmangshme,
përfshihet në një apo më shumë nga veprimtaritë në vijim, dënohet me burgim prej gjashtë (6)
muaj deri në pesë (5) vjet, nëse:
1.1. fsheh apo deformon ose në ndonjë mënyrë tjetër në kundërshtim me standardet e
rregullta të afarizmit, e shkatërron, dëmton ose e bën të pashfrytëzueshëm ndonjë aset,
i cili në rast të procedurave të insolvencës do ti takonte pronës falimentuese;
1.2. në ndonjë mënyrë në kundërshtim me standardet e rregullta të afarizmit, hyn
në sipërmarrje humbëse apo spekulative ose këmbime të mallrave apo letrave me
vlerë ose konsumon shuma të tepërta ose bëhet debitor për shkak të shpenzimeve
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
111
KODI NR. 06/L-074 PENAL I REPUBLIKËS SË KOSOVËS
joekonomike, bixhozit ose vënies së basteve;
1.3. prokuron mallra, shërbime apo kredi, ndërmerr veprimtari ekonomike të cilat
krijojnë borxh tepër të madh, konkludon ose rinovon kontrata të paarsyeshme, nuk i
mbledh borxhet që i kanë të tjerët, nuk i zbaton kërkesat me kohë dhe/ose i tjetërson
mallrat apo shërbimet, letrat me vlerë apo gjërat e prodhuara nga këto të mira dukshëm
nën vlerën e tyre në kundërshtim me standardet e rregullta të afarizmit;
1.4. simulon ekzistimin e të drejtave të tjetrit ose me dijeni i njeh të drejtat e fabrikuara;
1.5. nuk mban librat e kontabilitetit, të cilat me ligj është i detyruar t’i mbajë, ose i mban
apo i modifikon ashtu që analizimi apo auditimi i aseteve neto të jetë më i vështirë;
1.6. deformon, fsheh, shkatërron ose dëmton librat e kontabilitetit apo dokumentacionin
tjetër me qëllim që të bëjë analizimin apo auditimin e aseteve neto më të vështirë, të
fsheh asetet apo të mashtrojë ndonjë person;
1.7. zvogëlon asetet neto ose fsheh marrëdhëniet aktuale të afarizmit në ndonjë
mënyrë tjetër që është dukshëm në kundërshtim me standardet e rregullta të afarizmit;
1.8. merr përsipër detyrime të tepërta; ose
1.9. konkludon ose rinovon kontrata të paarsyeshme me subjekte insolvente.
2. Vepra penale nga paragrafi 1. i këtij neni dënohet vetëm nëse likuidimi i detyrueshëm ose
procedura e falimentimit janë filluar.
3. Nëse vepra penale nga paragrafi 1. i këtij neni kryhet nga pakujdesia, kryesi dënohet me
burgim deri në tre (3) vjet.
Neni 281
Shkaktimi i falimentimit të rrejshëm
1. Kushdo që përfshihet në një nga veprimet e mëposhtme me qëllim që të mos paguajë atë që
është i detyruar të paguajë, ose me qëllim që të mashtrojë ose duke mashtruar ndonjë kreditor
apo debitor, dënohet me burgim prej gjashtë (6) muaj deri në pesë (5) vjet:
1.1. fsheh tërë pasurinë apo një pjesë të pasurisë së subjektit, kryen shitje të rrejshme,
e shet nën vlerën e tregut ose ia transferon personit tjetër si kompensim;
1.2. hyn në kontrata të rrejshme apo fiktive të borxhit; ose
1.3. fsheh, shkatërron ose ndryshon librat e kontabilitetit të cilat është i detyruar me ligj
që ti mbajë, ashtu që rezultati i veprimtarisë së tij ose gjendja e aseteve apo detyrimeve
nuk mund të vërtetohet, ose përmes dokumenteve të rrejshme apo në ndonjë mënyrë
tjetër krijon një situatë të tillë ku mund të realizohet falimentimi.
2. Veprat penale nga paragrafi 1. i këtij neni dënohen vetëm nëse likuidimi i detyrueshëm ose
procedurat e falimentimit janë filluar.
3. Nëse vepra penale nga paragrafi 1. i këtij neni rezulton me humbje mbi pesëmbëdhjetëmijë
(15.000) Euro për kreditorin, kryesi dënohet me burgim prej një (1) deri në dhjetë (10) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
112
KODI NR. 06/L-074 PENAL I REPUBLIKËS SË KOSOVËS
Neni 282
Mashtrimi në procedurën e falimentimit
1. Kushdo që lidhur me procedurën e falimentimit, përfshihet në një apo më shumë nga
veprimtaritë në vijim me administratorin apo personin i cili vepron në cilësi të administratorit,
dënohet me burgim prej gjashtë (6) muaj deri në pesë (5) vjet, nëse:
1.1. paraqet deklaratë, dokument apo kërkesë të rrejshme, ose jep dëshmi të rrejshme;
1.2. me dijeni dhe me mashtrim transferon, fsheh ose nuk ia kalon ndonjë pasuri apo
dokument administratorit apo personit i cili vepron në cilësi të administratorit;
1.3. me dijeni dhe me mashtrim jep, ofron, pranon apo tenton të përfiton para, pasuri,
pagesë, kompensim, shpërblim, përparësi apo premtim për një veprim ose shmangie
nga veprimi në mënyrë që të përfitojë ndonjë përparësi në procedurën e falimentimit;
ose
1.4. me dijeni dhe pa autorizim nga administratori i pronës, shet, pranon, vjedh,
përvetëson, shkatërron, përdhosë ose blen, qoftë në mënyrë të drejtpërdrejtë apo të
tërthortë, ndonjë letër apo pasuri të pronës.
Neni 283
Mashtrimi ose dëmtimi i kreditorëve apo debitorëve
1. Kushdo që duke ditur borxhin e tepërt ose insolvencën aktuale apo të pashmangshme, vë
një kreditor apo debitor në pozitë më të favorshme përmes pagesës së borxheve apo në ndonjë
mënyrë tjetër dhe me këtë shkakton dëme prej më tepër se pesëmijë (5.000) Euro ose rezulton
në humbje të kreditorëve tjerë prej më tepër se pesëmijë (5.000) Euro, dënohet me burgim deri
në tre (3) vjet.
2. Kushdo që për të mashtruar ose shkaktuar dëm ndonjë kreditori apo debitori, pranon një
kërkesë të rrejshme, lidhë kontrata të rrejshme ose kryen ndonjë veprim tjetër mashtrues me të
cilin dëmton ndonjë kreditor apo debitor, dënohet me burgim prej gjashtë (6) muaj deri në pesë
(5) vjet.
3. Kur vepra penale nga paragrafi 1. ose 2. i këtij neni rezulton me dëm që tejkalon dyqind e
pesëdhjetëmijë (250.000) Euro ose rezulton me humbje që tejkalon dyqind e pesëdhjetëmijë
(250.000) Euro, ose kur si rezultat i kësaj i dëmtuari detyrohet ti nënshtrohet procedurës së
riorganizimit ose falimentimit, kryesi dënohet me burgim prej një (1) deri në dhjetë (10) vjet.
Neni 284
Keqpërdorimi i autorizimeve ekonomike
1. Personi përgjegjës që gjatë ushtrimit të veprimtarisë ekonomike kryen një nga veprimet
në vijim me qëllim të përfitimit të kundërligjshëm të dobisë pasurore për vete apo për ndonjë
person tjetër, dënohet me gjobë dhe me burgim prej gjashtë (6) muaj deri në pesë (5) vjet:
1.1. krijon apo mban fonde të palejuara në Republikën e Kosovës ose në ndonjë
juridiksion tjetër;
1.2. përmes përpilimit të dokumenteve me përmbajtje të rreme, me bilance të rreme, me
vlerësime të rreme, inventarizim apo me prezantim tjetër të rremë ose përmes fshehjes
së provave në mënyrë të rreme e prezanton qarkullimin e aseteve ose të rezultateve
të veprimtarisë ekonomike dhe në këtë mënyrë i vë në lajthim organet drejtuese në
organizatën e biznesit gjatë vendimmarrjes lidhur me veprimtaritë menaxhuese;
1.3. nuk i paguan detyrimet tatimore ose detyrimet e tjera fiskale të parapara me ligj;
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
113
KODI NR. 06/L-074 PENAL I REPUBLIKËS SË KOSOVËS
1.4. mjetet me të cilat disponon i shfrytëzon në kundërshtim me qëllimin e tyre të
paraparë; ose
1.5. në ndonjë mënyrë tjetër e shkel ligjin apo rregullat e veprimtarisë afariste lidhur me
tjetërsimin, përdorimin apo menaxhimin e pasurisë.
2. Kur vepra penale nga paragrafi 1. i këtij neni rezulton në dobi pasurore që tejkalon njëqindmijë
(100.000) Euro, kryesi dënohet me burgim prej një (1) deri në tetë (8) vjet.
Neni 285
Lidhja e kontratës së dëmshme
1. Personi përgjegjës i cili ushtron veprimtari ekonomike që lidh kontratë për të cilën e di se
është e dëmshme për organizatën e biznesit apo që lidh kontratë në kundërshtim me autorizimet
e tij dhe me këtë i shkakton dëm organizatës së biznesit, dënohet me burgim prej tre (3) muaj
deri në tre (3) vjet.
2. Kur kryesi i veprës nga paragrafi 1. i këtij neni merr ryshfet ose shkakton dëm në shumën që
tejkalon njëqindmijë (100.000) Euro, kryesi dënohet me burgim prej një (1) deri në dhjetë (10)
vjet.
Neni 286
Komunikimi i paautorizuar i sekretit tregtar
1. Kushdo që në shkelje të detyrave të tij për ruajtjen e sekreteve afariste apo tregtare, ia
kumton apo ia përcjell personit tjetër të dhënat lidhur me sekretet afariste apo tregtare ose në
ndonjë mënyrë tjetër ia mundëson ndonjë personi të paautorizuar qasjen në të dhënat e tilla
ose mbledh të dhëna të tilla me qëllim që t’ia përcjell personit të paautorizuar, dënohet me gjobë
ose me burgim deri në tre (3) vjet.
2. Kushdo që me qëllim të përdorimit në mënyrë të paautorizuar, arrin në mënyrë të
kundërligjshme deri te të dhënat të cilat ruhen si sekrete të afarizmit apo të tregtisë, siç
parashihet në paragrafin 1. të këtij neni, dënohet me dënimin nga paragrafi 1. i këtij neni.
3. Kur të dhënat nga paragrafi 1. ose 2. i këtij neni janë të një rëndësie të veçantë ose nëse
të dhënat e këtilla i përcjellën personit tjetër me qëllim që këto të dhëna t’i nxjerrë jashtë
Republikës së Kosovës, ose nëse vepra është kryer me qëllim të përfitimit të dobisë pasurore,
kryesi dënohet me gjobë dhe me burgim deri në pesë (5) vjet.
4. Kur vepra penale nga paragrafi 1. ose 3. i këtij neni kryhet nga pakujdesia, kryesi dënohet
me gjobë ose me burgim deri në një (1) vit.
5. Kushdo që me qëllim të këmbimit të sekretit tregtar për përfitim ekonomik të cilitdo përveç
pronarit të tij, vjedh ose merr pa autorizim, ose përmes mashtrimit apo lajthimit merr të dhënat
sipas paragrafit 1. të këtij neni, dënohet me gjobë dhe me burgim deri në pesë (5) vjet.
6. Kushdo që pranon, blen apo posedon sekretin tregtar, duke ditur se ky sekret është vjedhur
ose marrë pa autorizim, dënohet me gjobë ose me burgim deri në tre (3) vjet.
7. Për qëllime të këtij neni, shprehja “sekret afarist” nënkupton të dhënat që janë cilësuar si
të tilla me ligj ose me dispozita të organizatës së biznesit ose të personi juridik dhe të cilat
paraqesin sekretin e prodhuesit, rezultatin e punës hulumtuese ose të dizajnimit, të dhëna
financiare, afariste, shkencore, teknike, ekonomike apo inxhinierike, përfshirë plane, formula,
dizajne, prototipe, metoda, teknika, procese, procedura, programe, kode ose të dhëna tjera për
të cilat pronari ka ndërmarrë masa të arsyeshme për ti mbajtur sekret dhe zbulimi i tyre personit
të paautorizuar mund të ketë efekte të dëmshme për interesat ekonomike të organizatës së
biznesit apo të personit juridik.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
114
KODI NR. 06/L-074 PENAL I REPUBLIKËS SË KOSOVËS
8. Për qëllime të këtij neni, shprehja “sekret tregtar” nënkupton të dhënat që janë cilësuar si
të tilla me ligj ose me dispozita të organizatës së biznesit ose të personi juridik dhe të cilat
paraqesin sekretin e prodhuesit, rezultatin e punës hulumtuese ose të dizajnimit, të dhëna
financiare, afariste, shkencore, teknike, ekonomike apo inxhinierike, përfshirë plane, formula,
prototipe, metoda, teknika, procese, procedura, programe, kode ose të dhëna tjera për të
cilat pronari ka ndërmarrë masa të arsyeshme për ti mbajtur sekret dhe zbulimi i tyre personit
të paautorizuar mund të ketë efekte të dëmshme për interesat ekonomike të organizatës së
biznesit apo të personit juridik.
Neni 287
Falsifikimi i letrave me vlerë dhe instrumenteve të pagesës
1. Kushdo që prodhon letra me vlerë të falsifikuara apo instrumente të pagesës të falsifikuara
ose i ndryshon letrat me vlerë me qëllim që t’i përdorë si të vërteta, ose ia jep ato personit tjetër
për përdorim ose i përdorë ato letra me vlerë si të vërteta, dënohet me burgim prej (6) gjashtë
muaj deri në pesë (5) vjet.
2. Kushdo që përdorë letra me vlerë të falsifikuara apo instrumente të pagesës të falsifikuara,
dënohet me burgim prej tre (3) muaj deri në tre (3) vjet.
3. Kushdo që duke ditur se letra me vlerë apo instrument i pagesës është i falsifikuar, pranon,
transporton ose posedon letrën me vlerë apo instrumentin e pagesës të falsifikuar me qëllim që
ta shpërndajë ose ta përdorë si të vërtetë, dënohet me burgim prej tre (3) muaj deri në pesë (5)
vjet.
4. Nëse vepra penale nga paragrafi 1. ose 2. i këtij neni përfshinë letra me vlerë apo instrumente
të pagesës me vlerë të cekur që tejkalon dhjetëmijë (10.000) Euro, kryesi dënohet me burgim
prej një (1) deri në tetë (8) vjet.
5. Kushdo që ka pranuar si të vërteta letrat me vlerë apo instrumentet e pagesës të falsifikuara
dhe i përdorë ato duke ditur se janë të falsifikuara, dënohet me gjobë ose me burgim deri në një
(1) vit.
6. Tentativa për të kryer vepër penale nga paragrafi 5. i këtij neni është e dënueshme.
7. Letrat me vlerë, instrumentet e pagesës dhe pajisjet për prodhimin ose ndryshimin e tyre
konfiskohen.
8. Shprehja “instrument i pagesës” nënkupton instrument fizik, përveç parave, që i mundëson
nga natyra e tij specifike, vetë apo në bashkim me ndonjë instrument tjetër të pagesës, mbajtësit
apo përdoruesit që të transferojë paratë apo vlerën monetare. Kjo përfshinë, por nuk kufizohet
në fletë aksione, certifikata të aksioneve, aksione, kredit kartela, kartela të euroçeqeve,
kartela tjera të lëshuara nga institucionet financiare, euroçeqe, çeqe tjera të udhëtarëve dhe
kartëmonedha të këmbimit, të cilat janë të mbrojtura kundër imitimit apo përdorimit të rremë
përmes dizajnit, kodimit, nënshkrimit apo ndonjë mjeti tjetër.
9. Letrat me vlerë ose instrumentet e pagesës përfshijnë letrat me vlerë ose instrumentet e
pagesës të falsifikuara dhe letrat me vlerë ose instrumentet e pagesës të vërteta të cilat janë
ndryshuar në aspektin material dhe me qëllim që të përdoren për qëllime mashtruese.
Neni 288
Falsifikimi i shenjave me vlerë
1. Kushdo që prodhon shenja me vlerë të falsifikuara, i ndryshon ato me qëllim që t’i përdorë
si të vërteta, ia jep personit tjetër për përdorim ose i përdor shenjat me vlerë të falsifikuara si të
vërteta, dënohet me gjobë ose me burgim deri në tre (3) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
115
KODI NR. 06/L-074 PENAL I REPUBLIKËS SË KOSOVËS
2. Kushdo që duke ditur se shenja me vlerë është e falsifikuar, furnizon, shet, blen, shpërndan,
transporton, pranon apo posedon shenjën e falsifikuar apo të anuluar me qëllim që ta shpërndajë
ose ta përdorë si të vërtetë, dënohet me burgim deri në tre (3) vjet.
3. Kur vepra penale nga paragrafi 1. i këtij neni përfshin shenjën, vlera e të cilave tejkalon
dhjetëmijë (10.000) Euro, kryesi dënohet me gjobë dhe me burgim prej gjashtë (6) muaj deri në
pesë (5) vjet.
4. Kushdo që e heq pullën e vulosur nga shenja me vlerë nga paragrafi 1. i këtij neni, ose
në ndonjë mënyrë tjetër dhe me qëllim të përdorimit të vazhdueshëm, mundohet që këtyre
shenjave t’u jep pamjen sikur nuk janë përdorur asnjëherë më parë ose përdor prapë shenjën
e përdorur apo e shet atë si të vlefshme, dënohet me gjobë ose me burgim deri në një (1) vit.
5. Kushdo që pranon si të vërtetë shenjën me vlerë dhe e përdorë duke ditur se është e
falsifikuar, dënohet me gjobë ose me burgim deri në një (1) vit.
6. Kushdo që ka dijeni se shenja me vlerë e falsifikuar është duke u prodhuar ose përdorur dhe
nuk e raporton një gjë të tillë, dënohet me gjobë ose me burgim deri në një (1) vit.
7. Shenja me vlerë e falsifikuar dhe pajisjet për prodhimin apo ndryshimin e tyre konfiskohen.
Neni 289
Cenimi i të drejtave të patentës
1. Kushdo që në kuadër të një veprimtarie ekonomike e përdor pa autorizim patentën e
regjistruar ose të mbrojtur me ligj apo topografinë e regjistruar të një qarku të mbyllur të një
gjysmëpërçuesi, dënohet me gjobë ose me burgim deri në tre (3) vjet.
2. Sendet nga paragrafi 1. i këtij neni të prodhuara për përdorim të paautorizuar konfiskohen.
Neni 290
Cenimi i të drejtave të autorit
1. Kushdo që nën emrin e tij apo të dikujt tjetër, shfaq apo në ndonjë mënyrë tjetër i kumton
publikut punën e mbrojtur me të drejtat e autorit ose paraqitjen e tjetrit, në tërësi apo pjesërisht,
dënohet me gjobë dhe me burgim prej tre (3) muaj deri në tre (3) vjet.
2. Kushdo që gjatë përdorimit të punës së mbrojtur me të drejtat e autorit ose paraqitjes së
tjetrit, qëllimisht nuk cek emrin, pseudonimin ose shenjën e autorit apo të performuesit kur kjo
kërkohet me ligj, dënohet me gjobë dhe me burgim deri në një (1) vit.
3. Kushdo që e ndryshon, shtrembëron ose në ndonjë mënyrë tjetër e dëmton punën e mbrojtur
me të drejtat e autorit ose paraqitjen e tjetrit, dhe e shfaq në atë formë ose në ndonjë mënyrë
tjetër ia kumton në formë të tillë publikut, dënohet me gjobë ose me burgim deri në një (1) vit.
4. Kushdo që paraqet ose në ndonjë formë tjetër ia kumton publikut në mënyrë të papërshtatshme
punën e mbrojtur me të drejtën e autorit ose paraqitjen e tjetrit, që është paragjykuese për
nderin dhe autoritetin e autorit ose performuesit, dënohet me gjobë ose me burgim deri në një
(1) vit.
5. Kushdo që pa autorizim përdor punën e mbrojtur me të drejtat e autorit ose temën e çështjes
së ndërlidhur me këto të drejta, dënohet me burgim deri në tre (3) vjet.
6. Nëse gjatë kryerjes së veprës penale nga paragrafi 5. i këtij neni, kryesi ka përfituar për
vete ose për personin tjetër së paku dhjetë mijë (10.000) Euro por më pak se pesëdhjetëmijë
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
116
KODI NR. 06/L-074 PENAL I REPUBLIKËS SË KOSOVËS
(50.000) Euro, kryesi dënohet me gjobë dhe me burgim prej tre (3) muaj deri në pesë (5) vjet.
7. Nëse kryesi i veprës penale nga paragrafi 5. i këtij neni përfiton për vete ose për personin
tjetër më shumë se pesëdhjetëmijë (50.000) Euro, kryesi dënohet me gjobë dhe me burgim prej
gjashtë (6) muaj deri në tetë (8) vjet.
8. Sendet dhe pajisjet për prodhimin e tyre nga ky nen konfiskohen.
Neni 291
Shmangia e masave teknologjike
1. Kushdo që kryen vepër të shmangies së ndonjë prej masave efektive mbrojtëse të teknologjisë
ose të heqjes apo ndryshimit të të drejtave elektronike për menaxhimin e të dhënave, siç
parashihet në dispozitat e ligjit për të drejtat e autorit dhe të drejtat e tjera të përafërta dënohet
me burgim deri në tre (3) vjet.
2. Sendet dhe pajisjet për prodhimin e tyre nga paragrafi 1. i këtij neni konfiskohen.
Neni 292
Mashtrimi i konsumatorëve
1. Kushdo që gjatë ushtrimit të veprimtarisë ekonomike dhe me qëllim të mashtrimit të blerësve
apo konsumatorëve, përdor ose posedon me qëllim të përdorimit si emër apo shenjë të tij ose
shenjë të veçantë të mallrave të tij, emrin apo shenjën e tjetrit, shenjën e mallrave apo shenjën
e shërbimeve të tjetrit, ose shenjën e tjetrit që lidhet me prejardhjen gjeografike ose ndonjë
shenjë tjetër të veçantë të mallrave apo përbërësve të tyre, dënohet me burgim deri në (3) tre
vjet.
2. Kushdo që me qëllim të mashtrimit të blerësve apo konsumatorëve, përdorë gjatë prodhimit
shenjën apo modelin e tjetrit pa autorizim, ose vë në qarkullim artikujt e prodhuar në këtë
mënyrë, dënohet me dënimin nga paragrafi 1. i këtij neni.
3. Sendet dhe pajisjet për prodhimin e tyre nga ky nen konfiskohen.
Neni 293
Mashtrimi i blerësve
1. Kushdo që me qëllim të mashtrimit të blerësve vë në qarkullim prodhime me shenjën në të
cilën janë shënuar të dhëna të cilat nuk i përgjigjen përmbajtjes, llojit, prejardhjes apo kualitetit
të produktit, vë në qarkullim produkte të cilat për nga pesha apo kualiteti nuk i përgjigjen asaj
që rregullisht parashihet te produktet e tilla apo vë në qarkullim produkte pa shenjat që tregojnë
për përmbajtjen, llojin, prejardhjen apo kualitetin e produktit kur shenja e tillë kërkohet me ligj,
dënohet me gjobë ose me burgim deri në tre (3) vjet.
2. Kushdo që me qëllim të mashtrimit të blerësve shpall rrejshëm se është zbritur çmimi i mallit
apo se pritet rritja e çmimit të mallit ose në ndonjë mënyrë tjetër përdor haptazi reklamë të
rreme, dënohet me gjobë ose me burgim deri në një (1) vit.
Neni 294
Organizimi i skemave piramidale dhe bixhozit të paligjshëm
1. Kushdo që me qëllim të përfitimit të kundërligjshëm të dobisë pasurore për vete apo për
personin tjetër, organizon, merr pjesë apo ndihmon në organizimin e veprimtarive të skemave
piramidale, dënohet me burgim prej gjashtë (6) muaj deri në pesë (5) vjet.
2. Kushdo që me qëllim të përfitimit të kundërligjshëm të dobisë pasurore për vete apo për
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
117
KODI NR. 06/L-074 PENAL I REPUBLIKËS SË KOSOVËS
personin tjetër, organizon, merr pjesë apo ndihmon në organizimin e bixhozit, lojërave të llojit të
kazinove apo lojërave të fatit siç përcaktohet me ligj, për të cilat nuk është dhënë licenca, leja
apo koncesioni i organit kompetent, dënohet me burgim prej gjashtë (6) muaj deri në pesë (5)
vjet.
3. Kur vepra penale nga paragrafi 1. ose 2. i këtij neni rezulton me fitim apo humbje që tejkalon
njëzetepesëmijë (25.000) Euro, kryesi dënohet me burgim prej dy (2) deri në dymbëdhjetë (12)
vjet.
4. Për qëllime të këtij neni, shprehja “skemë piramidale” do të thotë ofertë apo plan për investim
mashtrues, ku paratë e kontribuara nga investitorët e mëvonshëm përdorën drejtpërdrejtë për
të paguar ose ripaguar interesin ose bazën e investitorëve të mëhershëm, pa ndonjë veprimtari
operative apo që prodhon burime të të ardhurave, përveç grumbullimit të vazhdueshëm të
fondeve të reja.
Neni 295
Keqpërdorimi i pozitës së monopolit
1. Personi përgjegjës që ushtron një apo më shumë nga veprimtaritë ekonomike në vijim, të
cilat keqpërdorin pozitën monopoliste apo dominuese në treg apo në një pjesë substanciale të
tregut, duke u përfshirë në një apo më shumë nga veprimtaritë në vijim, dënohet me burgim deri
në tre (3) vjet, nëse:
1.1. në mënyrë të drejtpërdrejtë apo të tërthortë vë çmime të padrejta të blerjes apo të
shitjes ose kushte tjera të padrejta tregtare;
1.2. në mënyrë të drejtpërdrejtë apo të tërthortë rregullon çmimet e blerjes apo të
shitjes ose kushtet tjera të tregtisë;
1.3. kufizon apo kontrollon prodhimin, tregjet apo zhvillimin teknik ose investimin;
1.4. aplikon kushte jo të njëjta për transaksione të barabarta me palë tjera tregtare,
duke i vënë ato në disavantazh konkurrues;
1.5. bën që lidhja e kontratave të varet nga pranimi prej palës tjetër i detyrimeve shtesë,
të cilat për nga natyra e tyre apo sipas përdorimit komercial, nuk kanë ndonjë lidhje me
subjektin e kontratave të tilla;
1.6. në mënyrë të drejtpërdrejtë apo të tërthortë rregullon çmimet e blerjes apo të
shitjes ose kushtet tjera të tregtisë në tregje të aksioneve ose burimet e furnizimit;
1.7. kërkon pagesa ose kushte tjera afariste më pak të favorshme se që kërkohet për
blerje të ngjashme në tregje të krahasueshme, përveç nëse ka ndonjë arsyetim objektiv
për një diferencim të tillë;
1.8. kërkon pagesa apo kushte tjera afariste që dallojnë nga ato që me gjasë do të ishin
në rast se do të ekzistonte konkurrenca efektive.
2. Personi përgjegjës në organizatën e biznesit i cili merret vesh me personin në organizatën
tjetër të biznesit nga e njëjta fushë e biznesit, me qëllim të rritjes, uljes apo ndikimit në ndonjë
mënyrë tjetër të çmimit të mallrave ose shërbimeve që shiten apo blihen nga organizatat e
biznesit, dënohet me burgim prej një (1) deri në pesë (5) vjet burgim dhe me gjobë të barabartë
me njëzet e pesë përqind (25%) të vlerës së mallrave të shitura nga organizata e tij e biznesit
e cila ka qenë subjekt i marrëveshjes së përbashkët.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
118
KODI NR. 06/L-074 PENAL I REPUBLIKËS SË KOSOVËS
Neni 296
Falsifikimi i parasë
1. Kushdo që prodhon para të falsifikuara me qëllim për t’i vënë në qarkullim si të vërteta,
dënohet me burgim prej një (1) deri në dhjetë (10) vjet.
2. Kushdo që duke ditur se paraja është e falsifikuar merr, vë në qarkullim, transporton, pranon,
përdorë ose posedon paranë e falsifikuar me qëllim që ta vë në qarkullim si të vërtetë, dënohet
me burgim prej një (1) deri në tetë (8) vjet.
3. Kushdo që pranon paranë e falsifikuar prej pesëdhjetë (50) Euro ose më pak duke besuar
se është e vërtetë dhe pastaj e përdorë duke ditur se është e falsifikuar, dënohet me gjobë ose
me burgim deri në një (1) vit.
4. Kushdo që ka dijeni për prodhimin apo përdorimin e parave të falsifikuara dhe këtë nuk e
raporton, dënohet me gjobë ose me burgim deri në një (1) vit.
5. Kur vepra penale nga paragrafi 1. dhe 2. i këtij neni ka të bëjë me një shumë të parave të
falsifikuara që tejkalon njëqindmijë (100.000) Euro, kryesi dënohet me jo më pak se tre (3) vjet
burgim.
6. Paraja e falsifikuar dhe pajisjet për prodhimin apo ndryshimin e saj konfiskohen.
Neni 297
Prodhimi dhe përdorimi i shenjave të etiketimit, masave dhe peshave të rreme
1. Kushdo që me qëllim të përdorimit të tyre si të vërteta, prodhon shenja të rreme për etiketimin
e mallit, si dhe vula apo pulla për vulosjen e arit, argjendit, bagëtisë, drurit apo ndonjë malli
tjetër të prodhuar vendor apo jashtë vendit, ose shenjat e rreme i përdor si të vërteta, dënohet
me burgim prej tre (3) muaj deri në tre (3) vjet.
2. Kushdo që materialisht ndryshon masat apo peshat me qëllim që të përdoren si të sakta,
dënohet sipas paragrafit 1. të këtij neni.
3. Shenjat, vulat, masat dhe peshat e falsifikuara dhe pajisjet për prodhimin dhe ndryshimin e
tyre konfiskohen.
Neni 298
Prodhimi, furnizimi, shitja, posedimi ose dhënia në shfrytëzim e mjeteve për falsifikim
1. Kushdo që prodhon, furnizon, shet, pranon, posedon ose jep në shfrytëzim mjete për
falsifikimin e parave, letrave me vlerë apo instrumenteve të pagesës, dënohet me burgim prej
(1) një deri në pesë (5) vjet.
2. Kushdo që prodhon, furnizon, shet, pranon, posedon ose jep në shfrytëzim mjete për
falsifikimin e pullave fiskale, pullave postare apo shenjave tjera me vlerë, shenjave për etiketimin
e rremë të mallrave ose masa dhe pesha të pasakta, dënohet me gjobë ose me burgim deri në
tre (3) vjet.
3. Për qëllime të këtij neni, shprehja “mjete për falsifikim” do të thotë instrumente, artikuj,
programe kompjuterike dhe mjete tjera që adaptohen posaçërisht për falsifikimin ose ndryshimin
e parave, letrave me vlerë apo instrumenteve të pagesës, pullave me vlerë, shenjave për
etiketimin e mallrave, masave dhe peshave ose hologramëve apo përbërësve tjerë të valutës,
letrave me vlerë apo instrumenteve të pagesës, të cilat shërbejnë për mbrojtje ndaj falsifikimit.
4. Artikujt, mjetet dhe pajisjet për prodhimin e tyre konfiskohen.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
119
KODI NR. 06/L-074 PENAL I REPUBLIKËS SË KOSOVËS
Neni 299
Tregtia e ndaluar
1. Kushdo që pa autorizim shet, blen apo bën shkëmbimin e mallrave sendeve apo shërbimeve,
dënohet me gjobë dhe me burgim prej tre (3) muaj deri në katër (4) vjet.
2. Personi i cili kryen veprën nga paragrafi 1 i këtij neni për herë të parë dhe kur vlera e mallrave
nuk tejkalon shumën prej pesëqind (500) Euro, dënohet me gjobë ose me burgim deri në tre
(3) vjet.
3. Kur vepra penale nga paragrafi 1. i këtij neni kryhet nga personi i cili ka organizuar rrjetin e
shitësve ose të ndërmjetësve apo ka realizuar përfitim që kalon shumën prej pesëmbëdhjetëmijë
(15.000) Euro, kryesi dënohet me burgim prej një (1) deri në tetë (8) vjet.
4. Mallrat dhe sendet nga tregtia e ndaluar konfiskohen.
Neni 300
Prodhimi i ndaluar
1. Kushdo që pa autorizim prodhon apo përpunon mallrat, prodhimi apo përpunimi i të cilave
është i ndaluar apo i kufizuar me ligj, dënohet me gjobë ose me burgim deri në katër (4) vjet.
2. Mallrat dhe pajisjet për prodhimin ose përpunimin e paautorizuar konfiskohen.
Neni 301
Lëshimi i çeqeve pa mbulesë ose të rremë dhe keqpërdorimi i kartelave të bankës apo
të kreditit
1. Kushdo që me qëllim të përfitimit të kundërligjshëm të dobisë pasurore për vete apo personin
tjetër, e jep apo e vë në qarkullim çekun për të cilin e di se nuk ka mbulesë të mjeteve, çekun e
rremë ose kartelën e falsifikuar të kredisë dhe në këtë mënyrë realizon dobi pasurore, dënohet
me gjobë dhe me burgim deri në tre (3) vjet.
2. Kushdo që me qëllim të përfitimit të kundërligjshëm të dobisë pasurore për vete apo personin
tjetër, e përdor kartelën e kreditit apo çekun pa autorizim ose e përdor kartelën e bankës në
automatin e bankës për tërheqjen e parave të gatshme duke e ditur se tërheqja e tillë nuk
është e mbuluar nga bilanci i llogarisë apo nga overdrafti ose kushdo që përdor kartelën e
kreditit ndonëse e di se në kohën e pagesës nuk do të jetë në gjendje të paguajë shumën
përkatëse dhe kështu realizon dobi pasurore, dënohet me dënimin nga paragrafi 1. i këtij neni.
3. Kur vepra penale nga paragrafi 1. ose 2. i këtij neni rezulton në dobi pasurore që tejkalon
shumën prej pesëmijë (5.000) Euro, kryesi dënohet me burgim prej gjashtë (6) muaj deri në (5)
pesë vjet.
Neni 302
Shpërlarja e parave
Kushdo që kryen vepër penale të shpërlarjes së parave, dënohet sipas Ligjit për parandalimin
e shpërlarjes së parave dhe financimin e terrorizmit.
Neni 303
Marrëveshjet për kufizimin e konkurrencës përmes ftesave për tender
1. Kushdo që përmes ftesës për tender lidhur me mallra apo shërbime komerciale, bën një
ofertë bazuar në një marrëveshje të kundërligjshme dhe qëllimi i ofertës së tillë është që
organizatori të pranojë një ofertë të caktuar, dënohet me gjobë ose me burgim deri në pesë (5)
vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
120
KODI NR. 06/L-074 PENAL I REPUBLIKËS SË KOSOVËS
2. Dhënia private e kontratës pas pjesëmarrjes së mëparshme në konkurrim është ekuivalente
me ftesën për tender sipas kuptimit të paragrafit 1. të këtij neni.
Neni 304
Mashtrimi në shkëmbimin e letrave me vlerë
Kushdo që në shkëmbimin e aksioneve apo letrave tjera me vlerë ose opsioneve, paraqet
rrejshëm bilancin e aseteve, të dhënat e fitimeve dhe humbjeve apo të dhënat tjera që kanë
ndikim të konsiderueshëm në vlerën e letrave me vlerë, kësisoj duke nxitur një apo më shumë
persona që të bëjnë blerjen apo shitjen e letrave me vlerë të tilla, dënohet me gjobë dhe me
burgim deri në pesë (5) vjet.
Neni 305
Keqpërdorimi i informatave të brendshme
Kushdo që në mospajtim me detyrat e tij për të mbrojtur informatat e brendshme të cilat i mëson
gjatë kryerjes së aktivitetit ekonomik ose sipas detyrës zyrtare, i kumton personit të paautorizuar
informatën e panjohur për publikun dhe që mund të ndikojë në çmimin e letrave me vlerë; ose
kushdo që në ndonjë mënyrë tjetër përdor informatën e tillë për dobi personale ose për qëllim
të sigurimit të avantazhit të padrejtë në tregun e letrave me vlerë për ndonjë person fizik apo
person juridik, dënohet me gjobë dhe me burgim deri në pesë (5) vjet.
Neni 306
Marrëveshja dhe mashtrimi me letrat me vlerë të Qeverisë
1. Kushdo që merr pjesë në blerjen apo shitjen e letrave me vlerë në tregun e letrave me
vlerë të Qeverisë dhe merret vesh me një apo më shumë nga pjesëmarrësit tjerë me qëllim të
ndikimit të tregut në kuptimin e rendimentit, çmimit ose shumës së letrave me vlerë të Qeverisë
të cilat shiten në ankand apo në tregun sekondar; ose kushdo që në ndonjë mënyrë tjetër merr
pjesë në ndonjë transaksion, praktikë apo sjellje që operon për mashtrim të pjesëmarrësve të
tjerë në treg, dënohet me gjobë dhe me burgim deri në pesë (5) vjet.
2. Kushdo që me qëllim të përfitimit të kundërligjshëm të dobisë pasurore për vete apo personin
tjetër merr pjesë në ndonjë transaksion, praktikë apo sjellje në blerjen ose shitjen e letrave me
vlerë të Qeverisë që operon si mashtrim, ose që nxit ndonjë person për të kryer ose për të mos
kryer ndonjë veprim në dëm të pasurisë së tij, dënohet me gjobë dhe me burgim deri në pesë
(5) vjet.
3. Nëse vepra penale nga paragrafi 1. ose 2. i këtij neni rezulton me fitim pasuror që tejkalon
dyqind e pesëdhjetëmijë (250.000) Euro, kryesi dënohet me gjobë dhe me burgim prej tre (3)
deri në dymbëdhjetë (12) vjet.
4. Për qëllime të këtij neni, shprehja “marrëveshje” apo “merret vesh” do të thotë dy apo më
shumë persona të cilët bëjnë marrëveshje për të bashkëpunuar për përfitimin e dyanshëm
të tyre në mënyrë që të kufizojnë konkurrencën në tregun e lirë ose të fitimit të avantazhit të
padrejtë. Kjo marrëveshje mund të jetë e heshtur dhe kështu që mund të nënkuptohet nga efekti
që ka në tregun e letrave me vlerë të qeverisë gjatë një periudhe kohore.
5. Dobia pasurore e përfituar sipas dispozitave të këtij neni konfiskohet.
Neni 307
Shmangia nga tatimi
1. Kushdo që me qëllim që ai apo personi tjetër të fsheh apo t’i shmanget, pjesërisht apo
tërësisht, pagesës së tatimit, apo kontributeve të tjera që kërkohen me ligj, apo i shmanget
tatimit duke përfituar rimbursimet tatimore apo kreditë tatimore të pajustifikuara, jep të dhëna
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
121
KODI NR. 06/L-074 PENAL I REPUBLIKËS SË KOSOVËS
të pavërteta për të ardhurat apo nuk i përfshin të dhënat lidhur me të ardhurat e tij, , gjendjen
ekonomike apo fakte të tjera, ose përndryshe ofron informata false relevante për vlerësimin e
detyrimeve të tilla, dënohet me gjobë dhe me burgim deri në katër (4) vjet.
2. Kur detyrimi nga paragrafi 1. i këtij neni tejkalon shumën prej pesëmbëdhjetëmijë (15.000)
Euro, kryesi dënohet me gjobë dhe me burgim prej gjashtë (6) muaj deri në pesë (5) vjet.
3. Kur detyrimi nga paragrafi 1. i këtij neni tejkalon shumën prej pesëdhjetëmijë (50.000) Euro,
kryesi dënohet me gjobë dhe me burgim prej një (1) deri në tetë (8) vjet.
Neni 308
Dokumentet e rrejshme lidhur me tatimin
1. Kushdo që jep deklaratë të rrejshme ose përdor dokument të rrejshëm, përfshirë por pa u
kufizuar në faturë fiktive, kur paraqitja e deklaratës apo dokumentit të vërtetë kërkohet me ligj,
ose kushdo që nuk lëshon dokumentin lëshimi i të cilit kërkohet me ligj, dënohet me gjobë dhe
me burgim deri në tre (3) vjet.
2. Nëse vepra penale nga paragrafi 1. i këtij neni përfshin numër të madh të dokumenteve, ose
nëse vepra penale është kryer për të shmangur pagesën e tatimit prej pesëmbëdhjetë (15.000)
Euro apo më shumë, kryesi dënohet me gjobë dhe me burgim prej gjashtë (6) muaj deri në
pesë (5) vjet.
3. Nëse vepra penale nga paragrafi 1. i këtij neni tejkalon shumën prej pesëdhjetëmijë (50.000)
Euro, kryesi dënohet me gjobë dhe me burgim prej një (1) deri në tetë (8) vjet.
Neni 309
Pranimi i rryshfetit në sektorin privat
1. Kushdo që drejton ose punon në cilësinë e një subjekti të sektorit privat ose që punon si
person i vetëpunësuar, në mënyrë të drejtpërdrejtë ose të tërthortë kërkon ose merr ndonjë
dhuratë të pamerituar ose keqpërdor pozitën ose premtimin nga dikush ose pranon një ofertë
ose premtim për një dhuratë apo shpërblim të tillë, për vete ose për një person tjetër, me qëllim
që të veprojë ose të mos veprojë në shkelje të detyrës ose të funksionit të tij gjatë ushtrimit të
veprimtarisë ekonomike, financiare ose tregtare, dënohet me gjobë dhe me burgim prej gjashtë
(6) muaj deri në pesë (5) vjet.
2. Dhurata apo shpërblimi konfiskohet.
Neni 310
Dhënja e rryshfetit në sektorin privat
1, Kushdo që jep, ofron ose premton në mënyrë të drejtpërdrejtë ose të tërthortë çdo shperblim
ose perfitim të panevojshëm për një person që drejton ose punon, në cilindo kapacitet, nga një
entitet i sektorit privat ose që punon si person i vetëpunësuar për vete ose për një person tjetër
në mënyrë që të veprojë ose të mos veprojë duke shkelur detyrën ose funksionin e tij/saj gjatë
aktiviteteve ekonomike, financiare ose tregtare dënohet me gjobë dhe me burgim prej gjashtë
(6) muaj deri në pesë (5) vjet.
2. Nëse kryesi i veprës penale nga paragrafi 1 i këtij neni jep një shpërblim të padrejtë ose
përfitim sipas një kërkese dhe raporton veprën penale vullnetarisht para fillimit formal të
hetimeve ose para se të ketë kuptuar që hetimi i veprës ishte iniciuar zyrtarisht, gjykata mund
ta lirojë nga dënimi.
3. Dhurata apo përfitimi i dhënë konfiskohen.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
122
KODI NR. 06/L-074 PENAL I REPUBLIKËS SË KOSOVËS
Neni 311
Kontrabandimi i mallrave
1. Kushdo që duke kaluar vijën kufitare bartë mallra dhe shmang kontrollin doganor, ose
kushdo që duke shmangur kontrollin doganor, kryen bartjen e mallrave dhe kalon vijën kufitare,
dënohet me gjobë ose me burgim deri në katër (4) vjet.
2. Personi i cili kryen veprën nga paragrafi 1 i këtij neni për herë të parë, kur shuma e detyrimeve
doganore nuk tejkalon shumën prej pesëqind (500) Euro, dënohet me gjobë ose me burgim deri
në tre (3) vjet.
3. Kushdo që pa leje përkatëse, shmang kontrollin doganor dhe kalon vijën kufitare duke bartur
mallrat, eksportimi apo importimi i të cilave është i ndaluar, i kufizuar apo kërkon leje të posaçme
nga organi kompetent, dënohet me burgim prej gjashtë (6) muaj deri në pesë (5) vjet.
4. Personi zyrtar që ndihmon, lehtëson, fsheh ose nuk pengon veprën penale dënohet me
burgim prej një (1) deri në dhjetë (10) vjet.
5. Kur vepra penale nga paragrafi 1, 2 ose 3. i këtij neni kryhet në një apo më shumë nga
rrethanat në vijim, kryesi dënohet me burgim prej një (1) deri në dhjetë (10) vjet, kur:
5.1. kryesi kalon kufirin me sende, mallra apo substanca të rrezikshme të cilat vënë në
rrezik jetën apo shëndetin e njerëzve;
5.2. kryesi kalon kufirin me sende, mallra apo substanca të rrezikshme të cilat paraqesin
rrezik për sigurinë e përgjithshme;
5.3. kryesi përdor forcën apo kanosjen serioze ose armën apo mjetin e rrezikshëm gjatë
kryerjes së veprës.
6. Mallrat nga paragrafi 1., 2. ose 3 i këtij neni konfiskohen. Nëse mallrat nuk mund të gjinden
ose për ndonjë arsye tjetër nuk mund të konfiskohen, paguhet ekuivalenti i shumës së mallrave.
7. Mjetet e transportit apo mjetet për bartjen e mallrave të cilat janë përdorur për transportimin
e mallrave nga paragrafi 1., 2. ose 3 i këtij neni mund të konfiskohen.
Neni 312
Shmangia nga pagesa e tarifave të detyrueshme doganore ose tarifave akcizore
1. Kushdo që me qëllim që vetes apo personit tjetër t’i mundësojë shmangien nga pagesa e
tarifave tatimore doganore apo tarifave tjera ose detyrimeve doganore që paguhen me rastin
e importimit apo eksportimit të mallrave, i paraqet doganës dokument të rrejshëm lidhur me
prejardhjen, vlerën, sasinë, cilësinë, llojin apo karakteristikat tjera të mallit ose nuk i paraqet
doganës mallrat kur kërkohet nga Kodi Doganor dhe i Akcizave në Kosovë, kur shuma e
detyrimeve doganore tejkalon pesë mijë (5000) Euro, dënohet me gjobë ose me burgim deri në
katër (4) vjet.
2. Nëse shuma e detyrimeve doganore nga paragrafi 1. i këtij neni tejkalon dhjetëmijë (10.000)
Euro, kryesi dënohet me gjobë dhe me burgim deri në pesë (5) vjet.
3. Nëse shuma e detyrimeve doganore nga paragrafi 1. i këtij neni tejkalon pesëmbëdhjetëmijë
(15.000) Euro, kryesi dënohet me gjobë dhe me burgim deri në gjashtë (6) vjet.
4. Nëse shuma e detyrimeve doganore nga paragrafi 1. i këtij neni tejkalon tridhjetëmijë
(30.000) Euro, kryesi dënohet me gjobë dhe me burgim prej një (1) deri në tetë (8) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
123
KODI NR. 06/L-074 PENAL I REPUBLIKËS SË KOSOVËS
5. Kushdo që me qëllim që vetes apo personit tjetër t’i mundësojë shmangien nga pagesa
e tarifave të akcizave, ofron për shitje, ose përndryshe posedon, importon, eksporton apo
transporton produkte akcizore, produkte pa-pullë fiskale ose banderol apo merret me produkte
që nuk kanë pullë fiskale ose banderol, në kundërshtim me ligjin e zbatueshëm në lidhje me
akcizën, dënohet me gjobë deri në pesë herë të shumës së akcizës të paevidentuar apo të pa-
papaguar dhe burgim deri në tre (3) vjet. Nëse shuma e akcizës kalon shumën prej njëzet e
pesë mijë (25.000) euro, kryesi dënohet me gjobë deri në pesë herë të shumës së akcizës të
paevidentuar apo të pa-papaguar dhe burgim deri në pesë (5) vjet.
6. Mallrat të cilat nuk janë deklaruar saktë apo vlera e pagesës së shmangur, cilado që të jetë
më e lartë, konfiskohen.
KAPITULLI XXVI
VEPRAT PENALE KUNDËR PASURISË
Neni 313
Vjedhja
1. Kushdo që personit tjetër ia merr pasurinë e cila vlerësohet në shumën prej pesëdhjetë (50)
Euro apo më shumë, me qëllim të përvetësimit të kundërligjshëm për vete apo për personin
tjetër, dënohet me gjobë dhe me burgim deri në tre (3) vjet.
2. Nëse vlera e pasurisë së vjedhur është më pak se pesëdhjetë (50) euro, kryesi dënohet me
gjobë ose me burgim deri në gjashtë (6) muaj.
Neni 314
Vjedhja e shërbimeve
1. Kushdo që me anë të lajthimit, largimit ose mënyrave tjera siguron shërbime për të cilat dihet
se mundësohen vetëm në shkëmbim të kompensimit dhe shmang pagesën për shërbime të
tilla, dënohet me gjobë ose me burgim deri në tre (3) vjet.
2. Nëse vepra penale nga paragrafi 1. i këtij neni kryhet me forcë ose kanosje serioze, kryesi
dënohet me gjobë ose me burgim prej një (1) deri në tre (3) vjet.
3. Nëse vlera e shërbimeve të vjedhura është më pak se pesëdhjetë (50) Euro, kryesi dënohet
me gjobë ose me burgim deri në gjashtë (6) muaj.
4. Për qëllime të këtij neni, “shërbime” përfshinë, por nuk kufizohet në transportimin; punën,
shërbimet profesionale, teknike apo mekanike; shërbimet e skiliftit; objektet për biseda
telefonikë; gazin, ujin, rrymën apo ngrohjen; shërbimet e komunikimit ose telefonisë; ofrimi i
ushqimit apo akomodimit; furnizimi me pajisje, vegla, vetura ose kamp-shtëpiza për përdorim të
përkohshëm; furnizimi i pajisjeve për shfrytëzim; ose qasja në sistemin e internetit, kompjuterik
apo kabllor. “Shërbim” po ashtu përfshinë çmimin e hyrjes në evenimente sportive, zbavitëse,
shfaqje ose ngjarje tjera që kanë çmim të hyrjes ose tarifë tjetër për pjesëmarrje.
5. Largimi nga biznesi, hoteli apo restoranti pa ofruar për të paguar ose pa paguar për hotel,
restorant apo shërbime tjera për të cilat kompensimi zakonisht paguhet pas pranimit të
shërbimeve është dëshmi se shërbimet janë pranuar me qëllim të shmangies së pagesës.
6 Për qëllime të këtij neni, vjedhja e shërbimeve të gazit, ujit, rrymës ose ngrohjes përfshin, por
nuk kufizohet në marrjen, përdorimin, devijimin, nxjerrjen ose përfitimin nga ndonjë shërbim i
gazit, ujit, rrymës ose ngrohjes që furnizohet nga ose përmes rrjetit përçues të rrymës apo rrjetit
të shpërndarjes, pa autorizimin e furnizuesit të autorizuar.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
124
KODI NR. 06/L-074 PENAL I REPUBLIKËS SË KOSOVËS
Neni 315
Vjedhja e rëndë
1. Kushdo që kryen vjedhje nga paragrafi 1. i nenit 313 të këtij Kodi, dënohet me gjobë dhe me
burgim prej tre (3) deri në shtatë (7) vjet, nëse:
1.1. vepra është kryer duke thyer, kaluar apo depërtuar me forcë në veturat e mbyllura,
ndërtesat, dhomat, arkat, sanduqet apo hapësirat tjera të mbyllura ose duke hequr
pengesat tjera me qëllim të përvetësimit të pasurisë së luajtshme;
1.2. kryesi ka vepruar në mënyrë posaçërisht të rrezikshme apo të vrazhdë;
1.3. kryesi ka shfrytëzuar gjendjen e krijuar si rezultat i zjarrit, vërshimit, tërmetit apo
fatkeqësive të tjera; ose
1.4. kryesi ka shfrytëzuar paaftësinë ose gjendjen tjetër të rëndë të personit tjetër.
2. Kushdo që kryen vjedhje nga paragrafi 1. i nenit 313 ose neni 314 të këtij Kodi ose paragrafi
1. i këtij neni dënohet me burgim prej tre (3) deri në dhjetë (10) vjet, nëse:
2.1. pasuria apo shërbimi i vjedhur ka vlerë mbi pesëmijë (5.000) Euro;
2.2. pasuria e vjedhur shërben për qëllime fetare ose është vjedhur nga ndërtesa fetare
apo ndërtesa tjetër që shërben për mbajtjen e ceremonive fetare;
2.3. pasuria e vjedhur ka vlerë kulturore, fetare apo historike; ka rëndësi të posaçme
shkencore, teknike apo artistike; është pjesë e koleksionit publik, koleksionit privat të
mbrojtur apo e ekspozitës publike; ose është monument natyral apo objekt i natyrës
nën mbrojtje;
2.4. pasuria është vjedhur nga varri;
2.5. pasuria e vjedhur është armë;
2.6. kryesi ka pasur me vete armë apo mjet tjetër të rrezikshme; ose
2.7. kryesi ka vepruar si anëtar i grupit.
2.8. kryesi ka kryer veprën penale me qëllim të kryerjes së një vepre terrorizmi sipas
nenit 128 të këtij Kodi.
Neni 316
Vjedhja grabitqare
1. Kushdo që i zënë në befasi në kryerjen e aktit të vjedhjes dhe me qëllim që pasurinë e
vjedhur ta mbajë, e përdor forcën apo kanosjen serioze për të sulmuar jetën apo trupin e
personit tjetër, dënohet me gjobë dhe me burgim prej tre (3) deri në dhjetë (10) vjet.
2. Kur vepra penale nga paragrafi 1. i këtij neni kryhet nga kryesi i cili vepron si anëtar i grupit
ose i cili ka me vete armën apo mjetin e rrezikshëm, kryesi dënohet me gjobë dhe me burgim
prej pesë (5) deri në dymbëdhjetë (12) vjet.
3. Kur vepra penale nga paragrafi 1. i këtij neni kryhet nga kryesi i cili vepron si anëtar i grupit
të armatosur ose kur vepra penale rezulton me lëndim të rëndë trupor, kryesi dënohet me gjobë
dhe me burgim prej shtatë (7) deri në dymbëdhjetë (12) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
125
KODI NR. 06/L-074 PENAL I REPUBLIKËS SË KOSOVËS
4. Kur vepra penale nga paragrafi 1. i këtij neni rezulton me vdekje, kryesi dënohet me gjobë
dhe me burgim së paku dhjetë (10) vjet ose me burgim të përjetshëm.
Neni 317
Grabitja
1. Kushdo që me përdorim të forcës apo kanosjes serioze për të sulmuar jetën apo trupin e
personit tjetër, e përvetëson pasurinë e luajtshme të personit të tillë me qëllim që t’i sjellë vetes
apo personit tjetër dobi pasurore të kundërligjshme, dënohet me gjobë dhe me burgim prej tre
(3) deri në dymbëdhjetë (12) vjet.
2. Nëse vepra penale nga paragrafi 1. i këtij neni ka të bëjë me sendin e vjedhur me vlerë që
tejkalon pesëmijë (5.000) Euro, kryesi dënohet me gjobë dhe me burgim prej pesë (5) deri
dymbëdhjetë (12) vjet.
3. Nëse vepra penale nga paragrafi 1. i këtij neni kryhet nga kryesi i cili vepron si anëtar i grupit
ose i cili ka me vete armën apo mjetin e rrezikshëm, kryesi dënohet me gjobë dhe me burgim
prej shtatë (7) deri në dymbëdhjetë (12) vjet.
4. Kur vepra penale nga paragrafi 1. i këtij neni kryhet nga kryesi i cili vepron si anëtar i grupit
të armatosur ose kur vepra penale rezulton me lëndim të rëndë trupor, kryesi dënohet me gjobë
dhe me burgim prej shtatë (7) deri në pesëmbëdhjetë (15) vjet.
5. Kur vepra penale nga paragrafi 1. i këtij neni rezulton me vdekje, kryesi dënohet me gjobë
dhe me burgim prej së paku dhjetë (10) vjet ose me burgim të përjetshëm.
Neni 318
Shpërdorimi i pasurisë së huaj
1. Kushdo që me qëllim të përfitimit të kundërligjshëm të dobisë pasurore për vete apo personit
tjetër, e përvetëson pasurinë e cila i është besuar atij apo personit tjetër, dënohet me gjobë dhe
me burgim deri në një (1) vit.
2. Nëse vepra penale nga paragrafi 1. i këtij neni kryhet nga kujdestari, avokati apo ndonjë
person tjetër që ka detyrim ligjor ndaj pronarit të pasurisë, kryesi dënohet me gjobë dhe me
burgim deri në tre (3) vjet.
3. Nëse vlera e pasurisë së përvetësuar e tejkalon shumën prej dhjetëmijë (10.000) Euro,
kryesi dënohet me gjobë dhe me burgim prej një (1) deri në pesë (5) vjet.
4. Nëse pasuria e përvetësuar ka vlerë kulturore, fetare apo historike; ka rëndësi të posaçme
shkencore, teknike apo artistike; është pjesë e koleksionit publik, koleksionit privat të mbrojtur
apo e ekspozitës publike; ose është monument natyral apo objekt i natyrës nën mbrojtje, kryesi
dënohet me gjobë dhe me burgim prej një (1) deri në tetë (8) vjet.
5. Kushdo që në mënyrë të kundërligjshme përvetëson pasurinë e luajtshme të personit tjetër,
të cilën ai e ka gjetur ose tek posedimi i së cilës ka arritur rastësisht, me qëllim që vetes ose
personit tjetër t’i sjellë dobi pasurore të kundërligjshme, dënohet me gjobë dhe me burgim deri
në një (1) vit.
6. Nëse vlera e pasurisë së përvetësuar është më pak se pesëdhjetë (50) Euro, kryesi dënohet
me gjobë ose me burgim deri në gjashtë (6) muaj.
7. Ndjekja penale për veprën penale nga paragrafi 1. dhe 5. të këtij neni ndërmerret sipas
propozimit.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
126
KODI NR. 06/L-074 PENAL I REPUBLIKËS SË KOSOVËS
Neni 319
Marrja në posedim e pasurisë së luajtshme
1. Kushdo që në mënyrë të kundërligjshme merr pasurinë e luajtshme të personit tjetër që ta
mbajë në posedim të vetin pa qëllim të përvetësimit, dënohet me gjobë ose me burgim deri në
(1) një vit.
2. Tentativa për të kryer veprën penale nga paragrafi 1. i këtij neni është e dënueshme nëse ka
të bëjë me tentativën për marrjen e automjetit nga personi tjetër.
3. Procedura penale për veprën penale nga paragrafi 1. i këtij neni fillohet në bazë të propozimit,
apo nëse pasuria është në pronësi ose nën administrimin e një organi publik sipas propozimit.
Neni 320
Uzurpimi i paligjshëm i pronës së paluajtshme
1. Kushdo që në mënyrë të kundërligjshme uzurpon pronën e paluajtshme të personit tjetër
apo një pjesë të saj, dënohet me gjobë ose me burgim deri në dy (2) vjet.
2. Nëse vepra penale nga paragrafi 1. i këtij neni kryhet në një apo më shumë nga rrethanat
në vijim, kryesi dënohet me burgim prej tre (3) muaj deri në tre (3) vjet:
2.1. nëse prona e paluajtshme e uzurpuar është pjesë e pyllit të mbrojtur, parkut të
mbrojtur apo pyllit tjetër me destinim të posaçëm, tokës ndërtimore ose rrugës;
2.2. nëse kryesi ka uzurpuar pronën e paluajtshme duke e ditur se pronë e tillë i është
nënshtruar dëbimit me urdhër të gjykatës apo me urdhër ose vendim të ndonjë organi
apo institucioni tjetër publik të themeluar në bazë të ligjit të zbatueshëm në Republikën
e Kosovës.
3. Kryesi dënohet me burgim prej një (1) deri në tre (3) vjet nëse është dënuar më parë për
uzurpim të kundërligjshëm të pronës së paluajtshme ose nëse është dëbuar prej pronës së
tillë të paluajtshme me vendim të gjykatës apo me urdhër apo vendim të ndonjë organi apo
institucioni tjetër të themeluar në bazë të ligjit të zbatueshëm në Republikën e Kosovës.
Neni 321
Asgjësimi apo dëmtimi i pasurisë
1. Kushdo që e asgjëson, dëmton apo e bën të papërdorshme pasurinë e personit tjetër në
rrethana tjera nga ato të përcaktuara në nenin 322 të këtij Kodi, dënohet me gjobë ose burgim
deri në një (1) vit.
2. Nëse vepra penale nga paragrafi 1. i këtij neni rezulton në dëm që tejkalon pesëmijë (5.000)
Euro, kryesi dënohet me burgim prej një (1) vjet deri në tre (3) vjet.
3. Nëse vepra penale nga paragrafi 1. i këtij neni ka të bëjë me një send që ka vlerë kulturore,
fetare apo historike; ka rëndësi të posaçme shkencore, teknike apo artistike; është pjesë e
koleksionit publik, koleksionit privat të mbrojtur apo e ekspozitës publike; ose është monument
natyral apo objekt i natyrës nën mbrojtje; ekspozohet në publik ose është send që shërben për
përdorimin publik ose për dekorimin e sheshit, rrugës apo parkut, kryesi dënohet me gjobë dhe
me burgim deri në tre (3) vjet, pavarësisht dëmit të shkaktuar.
4. Kur vepra penale nga paragrafi 1. i këtij neni është kryer për shkak të motivimit në bazë të
kombësisë, gjuhës, besimit fetar ose mungesës së besimit fetar, ngjyrës së lëkurës, gjinisë,
identitetit gjinor, orientimit seksual, ose për shkak të afërsisë me persona me njërën nga këto
karakteristika të mbrojtura, kryesi i veprës penale dënohet me burgim deri në tre (3) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
127
KODI NR. 06/L-074 PENAL I REPUBLIKËS SË KOSOVËS
Neni 322
Zjarrvënia
1. Kushdo që ndez zjarrin apo shkakton shpërthimin me qëllim të dëmtimit të pasurisë së
personit tjetër, dënohet me burgim prej gjashtë (6) muaj deri në tre (3) vjet.
2. Kushdo që ndez zjarrin apo shkakton shpërthimin me qëllim të dëmtimit apo asgjësimit të
banesës së banuar ose veturës në shfrytëzim nga personi tjetër, dënohet me burgim prej një
(1) deri në pesë (5) vjet.
3. Nëse vepra penale nga paragrafi 1. ose 2. i këtij neni shkakton dëm pasuror në shumë prej
njëzetmijë (20.000) Euro apo më shumë ose nëse vepra penale i shkakton tjetrit lëndim të
rëndë trupor, kryesi dënohet me burgim prej tre (3) deri në dhjetë (10) vjet.
4. Nëse vepra penale nga paragrafi 1. ose 2. i këtij neni rezulton me vdekje, kryesi dënohet me
së paku me dhjetë (10) vjet burgim ose me burgim të përjetshëm.
Neni 323
Mashtrimi
1. Përveç siç parashihet në nenin 324 të këtij Kodi, kushdo që me anë të paraqitjes së rreme
të fakteve apo duke fshehur faktet ose në çfarëdo mënyre tjetër mashtruese dhe me qëllim të
përfitimit të kundërligjshëm të dobisë pasurore për veten apo personin tjetër, ose për t’i shkaktuar
dëm material personit tjetër, e mashtron apo vazhdon lajthimin e personit tjetër dhe me këtë e
nxit një person që të kryej apo të mos kryej një veprim, i cili rezulton në dëm material të pasurisë
së tij/saj apo të pasurisë së personit tjetër ose rezulton në dobi pasurore të kundërligjshme, për
veten apo personin tjetër, dënohet me gjobë dhe me burgim prej tre (3) muaj deri në pesë (5)
vjet.
2. Nëse qëllimi i mashtrimit është përfitimi i dobisë së kundërligjshme nga fondet publike ose
institucionet publike, kryesi dënohet me gjobë dhe me burgim prej dy (2) deri në tetë (8) vjet.
3. Nëse qëllimi i mashtrimit është përfitimi i dobisë materiale të kundërligjshme nga banka,
unioni kreditor apo institucioni tjetër financiar ose shkaktimi i dëmit material bankës, unionit
kreditor apo institucionit tjetër financiar, kryesi dënohet me gjobë dhe me burgim prej një (1)
deri në tetë (8) vjet.
4. Nëse vepra penale nga paragrafi 1. i këtij neni rezulton në dobi pasurore të kundërligjshme
ose shkakton dëm material që tejkalon pesëdhjetëmijë (50.000) Euro, kryesi dënohet me gjobë
dhe me burgim prej tre (3) deri në dhjetë (10) vjet.
5. Nëse vlera e dobisë së përfituar është më pak se pesëdhjetë (50) Euro, kryesi dënohet me
gjobë ose me burgim deri në gjashtë (6) muaj.
Neni 324
Mashtrimi me subvencione
1. Kushdo që në lidhje me aplikimin për marrjen, vazhdimin ose modifikimin e kushteve për
marrjen e një subvencioni, i paraqet organit kompetent të dhëna të pasakta apo jo të plota, e
që është kusht për aprovimin, vazhdimin apo modifikimin e subvencionit, ose fsheh të dhënat
e tilla në kundërshtim me detyrimin për të zbuluar të dhënat e tilla organit kompetent, dënohet
me gjobë ose me burgim deri në pesë (5) vjet.
2. Kushdo që përdor subvencionin e tillë në shkelje të ligjit ose për tjera qëllime nga ato për të
cilat është dhënë subvencioni nga dhënësi i subvencionit, dënohet me gjobe ose me burgim
deri në pesë (5) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
128
KODI NR. 06/L-074 PENAL I REPUBLIKËS SË KOSOVËS
3. Nëse vepra penale nga paragrafi 1. ose 2. i këtij neni rezulton në dobi pasurore ose në dëm
pasuror që tejkalon shumën prej njëzetepesëmijë (25.000) Euro, kryesi dënohet me burgim prej
një (1) deri në tetë (8) vjet.
4. Për qëllim të këtij neni, shprehja “subvencion” do të thotë dobi nga fondet publike sipas ligjit
të Republikës së Kosovës, që së paku pjesërisht jepet pa konsiderata që lidhen me tregun dhe
që synon stimulimin e ekonomisë.
Neni 325
Mashtrimi lidhur me pranimin e fondeve nga Komuniteti Ndërkombëtar
1.Kushdo që qëllimisht përdor ose paraqet deklarata apo dokumente të rrejshme, të pasakta
apo jo të plota dhe si rezultat i këtij veprimi pranon ose merr fonde në mënyrë të kundërligjshme
nga cilido vend i huaj, ose nga ndonjë agjenci apo entitet ndërkombëtar dënohet me burgim prej
një (1) deri në pesë (5) vjet.
2. Kushdo që fsheh të dhëna në shkelje të detyrimit të posaçëm për zbulimin e të dhënave të
tilla dhe si rezultat i kësaj pranon apo mban në mënyrë të kundërligjshme fonde nga cilido vend
i huaj, ose nga ndonjë agjenci apo entitet ndërkombëtar dënohet me gjobë ose me burgim prej
një (1) deri në tre (3) vjet.
3. Kushdo që përdor fondet nga cilido vend i huaj, ose nga ndonjë agjenci apo entitet
ndërkombëtar ose cilitdo vend të huaj për tjera qëllime nga ato për të cilat janë dhënë, dënohet
me burgim prej dy (2) deri në tetë (8) vjet.
Neni 326
Keqpërdorimi i sigurimit
1. Kushdo që me qëllim të arkëtimit të parave apo benefiteve të sigurimit nga siguruesi, e
asgjëson, dëmton apo fsheh pasurinë e siguruar nga asgjësimi, dëmtimi, humbja apo vjedhja e
tillë dhe pastaj e lajmëron apo e lajmëron rrejshëm asgjësimin, dëmtimin, humbjen apo vjedhjen
e tillë, dënohet me gjobë dhe me burgim deri në tre (3) vjet.
2. Kushdo që me qëllim të arkëtimit të parave apo benefiteve të sigurimit për lëndim trupor
apo dëmtim të shëndetit, lajmëron rrejshëm lëndimin apo dëmtimin, dënohet me gjobë dhe me
burgim deri në tre (3) vjet.
3. Kushdo që me qëllim të arkëtimit të parave të sigurimit për lëndim trupor apo dëmtim të
shëndetit, i shkakton vetes lëndimin apo dëmtimin e tillë dhe pastaj lajmëron lëndimin apo
dëmtimin, dënohet me gjobë dhe me burgim prej gjashtë (6) muaj deri në tre (3) vjet.
Neni 327
Hyrja në sistemet kompjuterike
1. Kushdo që pa autorizim dhe me qëllim që të përfitojë në mënyrë të kundërligjshme dobi
pasurore për vete apo personin tjetër apo që t’i shkaktojë dëm personit tjetër, ndryshon, publikon,
shlyen, asgjëson apo shkatërron të dhënat apo programet kompjuterike ose në ndonjë mënyrë
tjetër hyn në sistemin kompjuterik të tjetrit, dënohet me gjobë dhe me burgim deri në (3) tre
vjet.
2. Nëse vepra penale nga paragrafi 1. i këtij neni rezulton me dobi pasurore që tejkalon shumën
prej dhjetëmijë (10.000) Euro ose me dëm material që tejkalon shumën prej dhjetëmijë (10.000)
Euro, kryesi dënohet me gjobë dhe me burgim prej gjashtë (6) muaj deri në pesë (5) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
129
KODI NR. 06/L-074 PENAL I REPUBLIKËS SË KOSOVËS
Neni 328
Detyrimi
1. Kushdo që me qëllim të përfitimit të kundërligjshëm të dobisë pasurore për vete apo personin
tjetër, përdor forcën apo kanosjen serioze për të detyruar personin tjetër të kryej apo të mos
kryejë ndonjë veprim në dëm të pasurisë së tij apo të personit tjetër, dënohet me gjobë dhe me
burgim prej tre (3) muaj deri në pesë (5) vjet.
2. Nëse vepra penale nga paragrafi 1. i këtij neni kryhet nga kryesi i cili vepron si anëtar i grupit;
kryhet me përdorimin e armës apo mjetit të rrezikshëm; ose vepra penale rezulton me dobi
pasurore në shumën që tejkalon dhjetëmijë (10.000) Euro, kryesi dënohet me gjobë dhe me
burgim prej një (1) deri në dhjetë (10) vjet.
3. Kur vepra penale nga paragrafi 1. i këtij neni kryhet nga kryesi për kryerjen e një vepre
terrorizmi sipas nenit 128 të këtij Kodi, kryesi dënohet me gjobë dhe me burgim prej një (1) deri
në dhjetë (10) vjet.
Neni 329
Shantazhi
1. Kushdo që me qëllim të përfitimit të kundërligjshëm të dobisë pasurore për vete apo personin
tjetër, kanos personin tjetër se do të zbulojë diç në lidhje me të apo personat e afërm të tij që
do të dëmtojë nderin apo autoritetin e tyre dhe në këtë mënyrë e detyron personin e tillë të kryej
apo të mos kryejë ndonjë veprim në dëm të pasurisë së tij apo të personit tjetër, dënohet me
gjobë dhe me burgim prej gjashtë (6) muaj deri në pesë (5) vjet.
2. Nëse vepra penale nga paragrafi 1. i këtij neni kryhet nga kryesi i cili vepron si anëtar i grupit
apo kryhet me përdorim të armës apo mjetit të rrezikshëm ose vepra penale rezulton me dobi
pasurore të kundërligjshme në shumën që tejkalon dhjetëmijë (10.000) Euro, kryesi dënohet
me gjobë dhe me burgim prej një (1) deri në dhjetë (10) vjet.
Neni 330
Keqpërdorimi i besimit
1. Kushdo që gjatë përfaqësimit apo kujdesit për interesat pasurore të personit tjetër nuk i
përmbush detyrimet e tij ose i keqpërdor autorizimet e tij me qëllim që vetes apo personit tjetër
t’i sjellë dobi pasurore të kundërligjshme apo t’i shkaktojë dëm personit interesat pasurore të
të cilit ai i përfaqëson ose pasuria e të cilit është nën kujdesin e tij, dënohet me gjobë dhe me
burgim prej tre (3) muaj deri në tre (3) vjet.
2. Nëse vepra penale nga paragrafi 1. i këtij neni kryhet nga kujdestari, avokati apo ndonjë
person tjetër që ka detyrim ligjor ndaj pronarit të pasurisë, kryesi dënohet me burgim prej
gjashtë (6) muaj deri në pesë (5) vjet.
Neni 331
Fajdeja
1. Kushdo që për vete apo për personin tjetër pranon ose kontrakton një shumë dukshëm
joproporcionale të pasurisë në këmbim të shërbimit për personin tjetër, duke shfrytëzuar
gjendjen e rëndë financiare të personit të tillë, gjendjen e rëndë të banimit, varfërinë, papërvojën
ose paaftësinë për të gjykuar, dënohet me gjobë dhe me burgim prej gjashtë (6) muaj deri në
pesë (5) vjet.
2. Nëse vepra penale nga paragrafi 1. i këtij neni rezulton me humbje financiare në shumë prej
më tepër se dhjetëmijë (10.000) Euro ose nëse kryesi ka realizuar dobi pasurore në shumë që
tejkalon dhjetëmijë (10.000) Euro, kryesi dënohet me gjobë dhe me burgim prej një (1) deri në
tetë (8) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
130
KODI NR. 06/L-074 PENAL I REPUBLIKËS SË KOSOVËS
3. Nëse vepra penale nga paragrafi 1. i këtij neni rezulton me humbje financiare në shumë
prej më tepër se njëzetepesëmijë (25.000) Euro ose nëse kryesi ka realizuar dobi pasurore në
shumë që tejkalon njëzetepesëmijë (25.000) Euro, kryesi dënohet me gjobë dhe me burgim prej
tre (3) deri në dymbëdhjetë (12) vjet.
Neni 332
Dëmtimi i të drejtave pronësore të personit tjetër
1. Kushdo që me qëllim të pengimit të realizimit të së drejtës pronësore, tjetërson, asgjëson
ose merr sendin në pronën e tij, në të cilën personi tjetër ka të drejtën e pengut, hipotekës apo
të drejtën e shfrytëzimit dhe me këtë i shkakton dëm personit të tillë, dënohet me gjobë ose me
burgim deri në tre (3) vjet.
2. Kushdo që me qëllim që të pengojë pagesën e borxhit kreditorit, gjatë ekzekutimit të
detyrueshëm tjetërson, asgjëson ose fsheh pjesë të pasurisë dhe me këtë dëmton kreditorët,
dënohet sipas paragrafit 1. të këtij neni.
3. Kushdo që me qëllim që të pengojë pagesën e borxhit kreditorit, pranon kërkesa të rreme
mbi pasurinë, lidh kontratë të rreme apo në ndonjë mënyrë tjetër e përkeqëson gjendjen e tij
materiale dhe me këtë zvogëlon mundësinë që kreditorët e tij të realizojnë borxhin, dënohet me
dënimin nga paragrafi 1. i këtij neni.
Neni 333
Blerja, pranimi ose fshehja e sendeve të përfituara me kryerjen e veprës penale
1. Kushdo që blen, pranon, fsheh apo në ndonjë mënyrë tjetër siguron ose fsheh sendin apo
pasurinë për të cilën e di se është përfituar me kryerjen e veprës penale, dënohet me burgim
prej një (1) deri në katër (4) vjet.
2. Kushdo që blen, pranon, fsheh apo në ndonjë mënyrë tjetër siguron ose fsheh sendin apo
pasurinë për të cilën ka mundur ta dijë se është përfituar me kryerjen e veprës penale, dënohet
me burgim deri në një (1) vit.
3. Nëse sendi apo pasuria ka vlerë më pak se dhjetëmijë (10.000) Euro, kryesi dënohet me
burgim prej tre (3) muaj deri në tre (3) vjet.
Neni 334
Cenimi i paprekshmërisë së mjeteve motorike
1. Kushdo që në mënyrë të kundërligjshme, hyn apo qëndron në veturën e personit tjetër apo
nuk largohet nga vetura pas kërkesës së tillë të personit të ligjshëm apo të autorizuar, dënohet
me burgim deri në tre (3) vjet.
2. Nëse vepra penale nga paragrafi 1. i këtij neni kryhet në një apo më shumë nga rrethanat në
vijim, kryesi dënohet me burgim prej një (1) deri në pesë (5) vjet, nëse:
2.1. në atë kohë në veturë kanë qenë të pranishëm një apo më shumë persona;
2.2. kryesi është i armatosur me armë, mjet të rrezikshëm apo ndonjë send tjetër që
mund të shkaktojë lëndim të rëndë trupor apo dëmtim të rëndë të shëndetit; ose
2.3. kryesi kanos ose lëndon personin tjetër gjatë kryerjes së veprës.
3. Nëse vepra penale nga paragrafi 1. i këtij neni kryhet nga personi zyrtar në keqpërdorim të
pozitës apo autorizimeve të tij, kryesi dënohet me burgim prej gjashtë (6) muaj deri në pesë (5)
vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
131
KODI NR. 06/L-074 PENAL I REPUBLIKËS SË KOSOVËS
Neni 335
Fillimi i procedurës penale për veprat penale kundër pasurisë
Kur vepra penale nga nenet 313, 314, 315 paragrafi 1, nën-paragrafi 1.1., 320, 321 paragrafi
1, 330 paragrafi 1 dhe 332 i këtij Kodi kryhet ndaj personit të cilin kryesi e ka anëtar te familjes,
procedura penale fillohet sipas propozimit kur shuma e përfshirë është më pak dyqind e pesëdhjetë
( 250) Euro.
Neni 336
Vjedhja e identitetit dhe pajisja e qasjes
1. Kushdo që gjatë dhe në lidhje me ndonjë vepër tjetër penale, me përjashtim të neneve 114-
139, me dashje transferon, posedon ose shfrytëzon, pa autorizim ligjor, mjetin e identifikimit të
personit tjetër, pajisjen e qasjes, ose informacionin e identifikimit të telekomunikimit, dënohet
me burgim deri në dy (2) vjet.
2. Kushdo që gjatë dhe në lidhje me ndonjë vepër terroriste nga nenet 114-139, me dashje
transferon, posedon ose shfrytëzon, pa autorizim ligjor, mjetin e identifikimit të personit tjetër,
pajisjen e qasjes, informacionin e identifikimit të telekomunikimit, ose dokumentin e falsifikuar
të identifikimit, dënohet me burgim prej një (1) deri në pesë (5) vjet.
3. Për qëllim të këtij neni, shprehja “mjet identifikimi” nënkupton cilindo emër ose numër që
mund të përdoret, i vetëm apo në lidhje me ndonjë informacion tjetër, për të identifikuar një
individ të caktuar, përfshirë emrin, datën e lindjes, lejen e vozitjes apo numrin e identifikimit,
numrin e pasaportës, numrin e identifikimit të punëdhënësit ose tatimpaguesit, të dhënat unike
biometrike, siç janë gjurmët e gishtave, mostra e zërit, imazhi i retinës apo irisit, ose ndonjë
karakteristikë tjetër unike fizike; numrin unik të identifikimit elektronik, adresën, ose kursin.
4. Për qëllim të këtij neni, shprehja “pajisje e qasjes” nënkupton kartelën, pllakën, kodin,
numrin e llogarisë, numrin serik elektronik, numrin e identifikimit të celularit, numrin personal të
identifikimit; ose shërbime të tjera telekomunikuese, pajisje ose identifikues të instrumenteve;
ose mjete të tjera të qasjes në llogari që mund të përdoren, vetëm ose në lidhje me një pajisje
tjetër të qasjes, për të marrë para, mallra, shërbime ose ndonjë gjë tjetër me vlerë, ose që
mund të përdoret për të inicuar transferimin e fondeve dhe përfshin “instrumentet e pagesës”
siç përcaktohet në nenin 287 të këtij Kodi.
5. Për qëllim të këtij neni, shprehja “informacion i identifikimit të telekomunikimit “ nënkupton
numrin serik elektronik ose numrin apo sinjalin tjetër që identifikon një instrument ose llogari
specifike të telekomunikimit, ose një komunikim specifik të transmetuar nga një instrument
telekomunikimi.
6. Për qëllim të paragrafit 2 të këtij neni, shprehja “dokument i falsifikuar i identifikimit” nënkupton
dokumentin që shërben ose që zakonisht përdoret për qëllim të identifikimit të individëve që nuk
është lëshuar nga ose nën autoritetin e një subjekti qeveritar ose është lëshuar nën autoritetin
e një njësie qeveritare, por më pas është ndryshuar për qëllime mashtrimi; dhe duket se është
lëshuar nga ose nën autoritetin e Qeverisë së Kosovës ose ndonjë dege politike të Kosovës,
qeverie të huaj, dege politike të një qeverie të huaj ose organizate ndërkombëtare qeveritare
ose kuazi-qeveritare.
7. Tentativa për të kryer veprën nga paragrafi 1 i këtij neni është e dënueshme.
Neni 337
Kurdisja e ndeshjes ose e sportit
1. Kushdo që merret vesh për rezultatin e sportit ose garës tjetër me qëllimin që të përfitoj për
vete ose për tjetrin përfitim material, dënohet me gjobë dhe me burgim prej gjashtë (6) muaj
deri në tre (3) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
132
KODI NR. 06/L-074 PENAL I REPUBLIKËS SË KOSOVËS
2. Nëse nga veprimi i paraparë në paragrafin 1 të këtij neni, është fituar përfitimi material që
tejkalon shumën prej pesë mijë (5.000) Euro, kryesi dënohet me gjobë dhe me burgim prej një
(1) deri në tetë (8) vjet.
3. Nëse nga veprimi i paraparë në paragrafin 1 të këtij neni, është fituar përfitimi material që
tejkalon shumën prej pesëmbëdhjetë mijë (15.000) Euro, kryesi dënohet me gjobë dhe me
burgim prej dy (2) deri në dhjetë (10) vjet.
KAPITULLI XXVII
VEPRAT PENALE KUNDËR MJEDISIT, KAFSHËVE, BIMËVE DHE OBJEKTEVE
KULTURORE
Neni 338
Ndotja, degradimi ose shkatërrimi i mjedisit
1. Kushdo që duke shkelur ligjin, bën ndotjen, degradimin ose shkatërrimin e ajrit, ujit apo tokës
ose shfrytëzon jashtë mase burimet natyrore, dënohet me gjobë ose burgim deri në dy (2) vjet.
2. Nëse vepra penale nga paragrafi 1. i këtij neni kryhet nga pakujdesia, kryesi dënohet me
gjobë ose me burgim deri në një (1) vit.
3. Nëse vepra penale nga paragrafi 1. i këtij neni rezulton me dëmtimin e shëndetit të një numri
të madh të njerëzve apo me asgjësimin e plotë ose të pjesërishëm të botës shtazore, bimore
ose të rezervave të ujit të pijshëm apo me ndonjë dëmtim tjetër të mjedisit me pasoja të rënda,
apo me shtimin e nivelit të ndotjes në shkallë kritike, kryesi dënohet me gjobë dhe me burgim
deri në pesë (5) vjet.
4. Nëse vepra penale nga paragrafi 2. i këtij neni rezulton me dëmtimin e shëndetit të një numri
të madh të njerëzve apo me asgjësimin e plotë ose të pjesërishëm të botës shtazore, bimore
ose të rezervave të ujit të pijshëm apo me ndonjë dëmtim tjetër të mjedisit me pasoja të rënda,
apo me shtimin e nivelit të ndotjes në shkallë kritike, kryesi dënohet me gjobë dhe me burgim
deri në dy (2) vjet.
5. Nëse vepra penale nga paragrafi 1. i këtij neni rezulton me dëmtim apo me shkatërrim
të papërmirësueshëm të mjedisit ose me rrezikimin e pasurive të mbrojtura natyrore, kryesi
dënohet me gjobë dhe me burgim prej një (1) deri në tetë (8) vjet.
6. Nëse vepra penale nga paragrafi 2. i këtij neni rezulton me dëmtim apo me shkatërrim
të papërmirësueshëm të mjedisit ose me rrezikimin e pasurive të mbrojtura natyrore, kryesi
dënohet me gjobë dhe me burgim prej gjashtë (6) muaj deri në pesë (5) vjet.
7. Kushdo që e kryen veprën e paraparë në paragrafin 1 të këtij neni si anëtar i grupit, dënohet
me gjobë dhe burgim deri në katër (4) vjet.
Neni 339
Mbajtja e paligjshme e substancave dhe e mbeturinave të rrezikshme
1. Kushdo që duke shkelur ligjin, hedh, trajton, depoziton, transporton, eksporton ose importon
substanca të rrezikshme apo mbeturina që mund të shkaktojnë vdekjen ose lëndimin e rëndë
trupor të ndonjë personi ose dëm substancial material të cilësisë së ajrit, tokës, ujit, kafshëve,
bimëve ose pasurisë, dënohet me gjobë dhe me burgim prej një (1) deri në katër (4) vjet.
2. Kushdo që duke shkelur ligjin hedh, trajton, depoziton, transporton, eksporton ose importon
substanca apo mbeturina radioaktive që mund të shkaktojnë vdekjen ose lëndimin e rëndë
trupor të ndonjë personi ose dëm substancial material të cilësisë së ajrit, tokës, ujit, kafshëve,
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
133
KODI NR. 06/L-074 PENAL I REPUBLIKËS SË KOSOVËS
bimëve ose pasurisë, dënohet me gjobë dhe me burgim prej një (1) deri në pesë (5) vjet.
3. Nëse vepra penale nga paragrafi 1. i këtij neni kryhet nga pakujdesia, kryesi dënohet me
gjobë ose me burgim deri në një (1) vit.
4. Nëse vepra penale nga paragrafi 2. i këtij neni kryhet nga pakujdesia, kryesi dënohet me
gjobë ose me burgim deri në dy (2) vjet.
5. Nëse vepra nga paragrafi 1. ose 2. i këtij neni rezulton me vdekje ose lëndim të rëndë trupor
të ndonjë personi ose me dëm substancial material të pasurisë, kafshëve apo bimëve ose me
keqësimin substancial material të cilësisë së ajrit, ujit ose tokës, kryesi dënohet me gjobë dhe
me burgim prej tre (3) deri në dymbëdhjetë (12) vjet.
6. Nëse vepra penale nga paragrafi 3. i këtij neni rezulton me vdekje ose lëndim të rëndë trupor
të ndonjë personi ose me dëm substancial material të pasurisë, kafshëve apo bimëve ose me
keqësimin substancial material të cilësisë së ajrit, ujit ose tokës, kryesi dënohet me gjobë ose
me burgim prej një (1) deri në tetë (8) vjet.
Neni 340
Lejimi i kundërligjshëm i ndërtimit apo drejtimit të fabrikave dhe instalimeve që ndotin
mjedisin
1. Kushdo që duke shkelur ligjin mbi mbrojtjen e mjedisit, lejon ndërtimin apo instalimin
e fabrikës ose drejton apo menaxhon fabrikën ose instalimin në të cilën kryhet veprimtari e
rrezikshme dhe me këtë rrezikon të shkaktojë vdekjen apo lëndimin e rëndë trupor të ndonjë
personi, ndotë mjedisin, ajrin, tokën apo ujin ose shkakton dëm në shumë prej pesëmijë (5.000)
Euro apo më shumë të kafshëve, bimëve ose pasurisë, dënohet me gjobë ose me burgim deri
në katër (4) vjet.
2. Nëse vepra penale nga paragrafi 1. i këtij neni kryhet nga pakujdesia, kryesi dënohet me
gjobë ose me burgim deri në një (1) vit.
3. Kushdo që duke shkelur ligjin lejon ose aplikon teknologjinë që ndot mjedisin ose territorin
në shkallë të madhe, dënohet me gjobë ose me burgim deri në katër (4) vjet.
4. Nëse vepra penale nga paragrafi 3. i këtij neni rezulton me asgjësimin e plotë ose të
pjesërishëm të botës shtazore, bimore ose ndotjen në shkallë të madhe për të cilën nevojitet
kohë e gjatë ose shpenzime të mëdha për ta sanuar, kryesi dënohet me gjobë dhe me burgim
prej gjashtë (6) muaj deri në pesë (5) vjet.
5. Kur shqipton dënimin për vepër penale nga ky nen, gjykata mund ta detyrojë kryesin që të
ndërmerr masa të caktuara për mbrojtjen, ruajtjen dhe përmirësimin e mjedisit jetësor.
Neni 341
Dëmtimi i objekteve dhe pajisjeve për mbrojtjen e mjedisit
1. Kushdo që dëmton, shkatërron, heq apo në mënyrë tjetër i bënë të papërdorshme objektet
apo pajisjet për mbrojtjen e mjedisit, dënohet me gjobë ose me burgim deri në katër (4) vjet.
2. Nëse vepra penale nga paragrafi 1. i këtij neni kryhet nga pakujdesia, kryesi dënohet me
gjobë ose me burgim deri në një (1) vit.
3. Nëse vepra penale nga paragrafi 1. i këtij neni rezulton me ndotjen e ajrit, ujit apo tokës në
shkallë të madhe apo territorit të gjerë, kryesi dënohet me gjobë dhe me burgim prej gjashtë (6)
muaj deri në pesë (5) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
134
KODI NR. 06/L-074 PENAL I REPUBLIKËS SË KOSOVËS
4. Nëse vepra penale nga paragrafi 2 i këtij neni rezulton me ndotjen e ajrit, ujit apo tokës në
shkallë të madhe apo territorit të gjerë, kryesi dënohet me gjobë ose me burgim deri në tre (3)
vjet.
5. Nëse vepra penale nga paragrafi 1. dhe 3. i këtij neni rezulton me asgjësimin e plotë ose të
pjesërishëm të botës shtazore, bimore ose ndotjen në shkallë të madhe të cilën nevojitet kohë
e gjatë ose shpenzime të mëdha për ta sanuar, kryesi dënohet me gjobë dhe me burgim prej
një (1) deri në tetë (8) vjet.
6. Nëse vepra penale nga paragrafi 2. dhe 4. i këtij neni rezulton me asgjësimin e plotë ose të
pjesërishëm të botës shtazore, bimore ose ndotjen në shkallë të madhe të cilën nevojitet kohë
e gjatë ose shpenzime të mëdha për ta sanuar, kryesi dënohet me gjobë dhe me burgim prej
gjashtë (6) muaj deri në pesë (5) vjet.
7. Kur shqipton dënimin për vepër penale nga ky nen, gjykata mund ta detyrojë kryesin që të
ndërmerr masa të caktuara për mbrojtjen, ruajtjen dhe përmirësimin e mjedisit jetësor.
Neni 342
Prodhimi, shitja dhe vënia në qarkullim e materieve të dëmshme për mjekimin e
shtazëve
1. Kushdo që prodhon me qëllim që t’i shesë apo t’i vë në qarkullim materiet për mjekimin
apo për parandalimin e sëmundjeve të shtazëve apo shpendëve, kur materiet e tilla janë të
dëmshme për jetën apo shëndetin e tyre, dënohet me gjobë ose me burgim deri në një (1) vit.
2. Nëse vepra penale nga paragrafi 1. i këtij neni rezulton me ngordhjen e një numri të madh të
shtazëve apo të shpendëve, kryesi dënohet me gjobe dhe me burgim prej tre (3) muaj deri në
(3) tre vjet.
3. Nëse vepra penale nga paragrafi 1. i këtij neni kryhet nga pakujdesia, kryesi dënohet me
gjobë ose me burgim deri në gjashtë (6) muaj.
4. Nëse vepra penale nga paragrafi 2. i këtij neni kryhet nga pakujdesia, kryesi dënohet me
gjobë ose me burgim deri në një (1) vit.
Neni 343
Dhënia e ndihmës veterinare në mënyrë të pandërgjegjshme
1. Veterinari apo ndihmësi i autorizuar i veterinarit i cili me rastin e dhënies së ndihmës veterinare
haptazi përshkruan ose aplikon mjetin e papërshtatshëm apo mënyrën jo të rregullt të mjekimit
ose nuk përdor masat përkatëse higjienike apo në përgjithësi shkel rregullat e profesionit të
veterinarisë gjatë procesit të mjekimit dhe me këtë shkakton sëmundjen, keqësimin e sëmundjes
apo ngordhjen e shtazës, dënohet me gjobë ose me burgim deri në një (1) vit.
2. Nëse vepra penale nga paragrafi 1. i këtij neni kryhet nga pakujdesia, kryesi dënohet me
gjobë ose me burgim deri në gjashtë (6) muaj.
3. Nëse vepra penale nga paragrafi 1. i këtij neni rezulton me ngordhjen e një numri të madh të
shtazëve apo të shpezëve, kryesi dënohet me burgim prej tre (3) muaj deri në tre (3) vjet.
4. Nëse vepra penale nga paragrafi 2. i këtij neni rezulton me ngordhjen e një numri të madh të
shtazëve apo të shpezëve, kryesi dënohet me gjobë ose me burgim deri në një (1) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
135
KODI NR. 06/L-074 PENAL I REPUBLIKËS SË KOSOVËS
Neni 344
Ushtrimi i kundërligjshëm i shërbimeve veterinere
Kushdo që pa përgatitje adekuate profesionale merret me shërimin e shtazëve ose ofron
shërbime tjera veterinare në kompensim të pagesës, dënohet me gjobë ose me burgim deri në
(6) gjashtë muaj.
Neni 345
Moszbatimi i urdhrave për luftimin e sëmundjeve të shtazëve dhe të bimëve
1. Kushdo që gjatë kohës së ndonjë epidemie e cila mund të rrezikojë blegtorinë, nuk respekton
urdhrin apo vendimin e lëshuar nga organi kompetent në pajtim me ligjin me të cilin parashihen
masat për luftimin apo parandalimin e sëmundjes, dënohet me gjobë ose me burgim deri në tre
(3) vjet.
2. Kushdo që gjatë periudhës së rrezikut ndaj botës bimore nga sëmundja ose murtaja, nuk
respekton urdhrin apo vendimin e organit kompetent me të cilin parashihen masat për luftimin
apo parandalimin e sëmundjes ose të murtajës, dënohet me dënimin nga paragrafi 1. i këtij
neni.
3. Nëse vepra penale nga paragrafi 1. ose 2. i këtij neni rezulton me dëm të konsiderueshëm
pasuror, kryesi dënohet me gjobë ose me burgim deri në pesë (5) vjet.
4. Nëse vepra penale nga paragrafi 1. ose 2. i këtij neni kryhet nga pakujdesia, kryesi dënohet
me gjobë ose me burgim deri në një (1) vit.
5. Nëse vepra penale nga paragrafi 3. i këtij neni kryhet nga pakujdesia, kryesi dënohet me
gjobë ose me burgim deri në tre (3) vjet.
6. Për qëllime të këtij neni, shprehja “blegtori” do të thotë çdo gjedh, bricjap, kalë, zog, shpezë,
shpendë, bletë mjalti, dele, derr apo peshk.
Neni 346
Keqtrajtimi i kafshëve dhe ndotja e ushqimit dhe e ujit të shtazëve
1. Kushdo që keqtrajton kafshën ose përfshihet në çfarëdo akti seksual me kafshën për qëllime
seksuale, dënohet me gjobë ose me burgim deri në gjashtë (6) muaj.
2. Për qëllime të këtij neni:
2.1. “keqtrajtim” nënkupton veprimin apo mosveprimin me të cilin kafshës i shkaktohen
vuajtje, dhembje apo shqetësime të rënda, të cilat në shkallën dhe rrethanat në të cilat
paraqiten janë të tepruara dhe të panevojshme.
2.2. “akt seksual” nënkupton penetrim sado i vogël i cilësdo pjesë të trupit të kafshës
me organin seksual të personit, cilëndo pjesë tjetër të trupit të personit ose objektit për
qëllime seksuale.
2.3. “qëllim seksual” nënkupton çdo veprim i bërë për qëllimet e kënaqësisë seksuale
të një personi.
3. Kushdo që organizon, financon ose është nikoqir i luftës ndërmjet kafshëve të llojeve të njejta
apo të ndryshme ose organizon apo merr pjesë në bast në këto luftëra, dënohet me gjobë ose
me burgim deri në një (1) vit.
4. Kushdo që me ndonjë materie helmuese apo të dëmshme e ndot ushqimin apo ujin e
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
136
KODI NR. 06/L-074 PENAL I REPUBLIKËS SË KOSOVËS
shtazëve, shpezëve, bletëve, shtazëve të egra apo peshqve, ose e ndot çfarëdo furnizimi ujorë
natyrorë apo të bërë nga njeriu që siguron ujë për shtazë, shpezë, bletë, shtazë të egra apo
peshq dhe me këtë rrezikon jetën apo shëndetin e shtazëve, shpezëve, bletëve, shtazëve të
egra apo peshqve, dënohet me gjobë ose me burgim deri në dy (2) vjet.
5. Kushdo që me ndonjë materie helmuese apo të dëmshme e ndot çfarëdo uji dhe me këtë
rrezikon ekzistencën e shtazëve, shpezëve, bletëve, shtazëve të egra apo peshqve në ujë,
dënohet me dënimin nga paragrafi 4. i këtij neni.
6. Nëse vepra penale nga paragrafi 4. ose 5. i këtij neni rezulton me ngordhje të një numri të
madh të shtazëve, shpezëve, bletëve, shtazëve të egra apo peshqve, në vlerë që tejkalon
dhjetëmijë (10.000) Euro, kryesi dënohet me gjobë dhe me burgim prej tre (3) muaj deri në tre
(3) vjet.
7. Nëse vepra penale nga paragrafi 4. ose 5. i këtij neni kryhet nga pakujdesia, kryesi dënohet
me gjobë ose me burgim deri në tre (3) muaj. Nëse vepra penale nga paragrafi 6. i këtij neni
kryhet nga pakujdesia, kryesi dënohet me gjobë ose me burgim deri në gjashtë (6) muaj.
Neni 347
Shkatërrimi i botës bimore me materie të dëmshme
1. Kushdo që në kundërshtim me ligjin dhe me përdorimin e materies së dëmshme, shkakton
shkatërrimin e bimëve, pemëve ose vegjetacionit tjetër dhe me këtë shkakton dëm në vlerë prej
dhjetëmijë (10.000) Euro apo më shumë, dënohet me gjobë ose me burgim deri në dy (2) vjet.
2. Nëse vepra penale nga paragrafi 1. i këtij neni kryhet ndaj llojit veçanërisht të mbrojtur të
bimëve, pemëve ose vegjetacionit tjetër, kryesi dënohet me gjobë ose me burgim prej tre (3)
muaj deri në tre (3) vjet.
3. Nëse vepra penale nga paragrafi 1 i këtij neni kryhet nga pakujdesia, kryesi dënohet me
gjobë ose me burgim deri në gjashtë (6) muaj. Nëse vepra penale nga paragrafi 2. i këtij neni
kryhet nga pakujdesia, kryesi dënohet me gjobë ose me burgim deri në një (1) vit.
Neni 348
Shkretërimi i pyjeve
1. Kushdo që në kundërshtim me ligjin ose urdhrin e organit kompetent, bën prerjen apo
shkatërrimin e pyllit ose në ndonjë mënyrë tjetër shkretëron pyjet, dënohet me gjobë ose me
burgim deri në katër (4) vjet.
2. Nëse vepra penale nga paragrafi 1. i këtij neni kryhet në pyllin e mbrojtur, në parkun e
mbrojtur ose në pyje të tjera me destinim të posaçëm apo kur vepron si anëtar i grupit të
njerëzve, kryesi dënohet me gjobë dhe me burgim deri në pesë (5) vjet.
Neni 349
Vjedhja e pyllit
1. Kushdo që me qëllim të vjedhjes pret trungjet në pyll dhe sasia e druve të prerë tejkalon 2
metra kub, kryesi dënohet me gjobë ose me burgim deri në një (1) vit.
2. Nëse vepra penale nga paragrafi 1. i këtij neni kryhet me qëllim të shitjes, ose sasia e druve
të prerë tejkalon pesë (5) metra kub, kryesi dënohet me gjobë dhe me burgim prej tre (3) muaj
deri në katër (4) vjet.
3. Nëse vepra penale nga ky nen kryhet:
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
137
KODI NR. 06/L-074 PENAL I REPUBLIKËS SË KOSOVËS
3.1. në pyllin e mbrojtur, në parkun e mbrojtur apo në pyllin tjetër me destinim të
posaçëm;
3.2. me qëllim që drunjtë e prerë të shiten, pavarësisht sasisë së drurit të përfshirë,
kryesi dënohet me gjobë dhe me burgim prej gjashtë (6) muaj deri në pesë (5) vjet.
4. Tentativa për të kryer veprën penale nga paragrafi 1 i këtij neni është e dënueshme.
Neni 350
Gjuetia e kundërligjshme
1. Kushdo që gjuan kafshë të egra kur gjuetia është e ndaluar ose në territorin në të cilin gjuetia
është e ndaluar, dënohet me gjobë ose me burgim deri në një (1) vit.
2. Kushdo që pa leje ose autorizim, gjuan ose mbyt një kafshë të egër ose e zë të gjallë,
dënohet me gjobë ose me burgim deri në gjashtë (6) muaj.
3. Nëse vepra penale nga paragrafi 1. ose 2. i këtij neni kryhet jashtë sezonës; në grup; ose
ndaj gjahut në vlerë që tejkalon dymijë (2.000) Euro ose me rëndësi sipas rregulloreve të
gjuetisë, kryesi dënohet me gjobë ose me burgim deri në dy (2) vjet.
4. Kushdo që gjuan lloje të rrezikuara ose të rralla të kafshëve, gjuetia e të cilave është e
ndaluar, ose gjuan lloje të posaçme pa pasur lejen e veçantë për atë lloj gjahu, dënohet me
gjobë dhe me burgim prej tre (3) muaj deri në tre (3) vjet.
5. Kushdo që gjuan duke përdorur metoda të asgjësimit masiv, duke përdorur automjetin ose
duke përdorur dritën e fortë, dënohet me gjobë dhe me burgim prej tre (3) muaj deri në tre (3)
vjet.
6. Kafshët e egra dhe pajisjet e gjuetisë konfiskohen.
Neni 351
Shitja ose nxjerrja e trofeve të kafshëve të egra jashtë Republikës së Kosovës
1. Kushdo që në mënyrë të kundërligjshme shet apo nxjerr jashtë Republikës së Kosovës
trofenë nga kafshët e egra, dënohet me gjobë ose me burgim deri në dy (2) vjet.
2. Kushdo që në mënyrë të kundërligjshme shet apo nxjerr jashtë Republikës së Kosovës
trofenë nga kafshët e egra të fituar me anë të veprës penale nga paragrafët 1. deri 3. të nenit
350 të këtij Kodi, dënohet me gjobë ose me burgim deri në tre (3) vjet.
3. Trofetë e kafshëve të egra konfiskohen.
Neni 352
Shitja ose nxjerrja e të mirave natyrore, bimëve ose kafshëve posaçërisht të mbrojtura
jashtë Republikës së Kosovës
Kushdo që në mënyrë të kundërligjshme shet apo nxjerrë jashtë Republikës së Kosovës të
mira, bimë apo kafshë posaçërisht të mbrojtura, dënohet me gjobë ose me burgim deri në dy
(2) vjet.
Neni 353
Peshkimi i kundërligjshëm
1. Kushdo që peshkon gjatë kohës kur peshkimi është i ndaluar apo në ujërat ku peshkimi
është i ndaluar, dënohet me gjobë ose me burgim deri në tre (3) muaj.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
138
KODI NR. 06/L-074 PENAL I REPUBLIKËS SË KOSOVËS
2. Kushdo që peshkon duke përdorur eksploziv, rrymë elektrike, helm ose mjete helmuese dhe
me këtë shkakton ngordhjen e peshqve në mënyrë të tillë që të dëmtojë shumimin e peshqve,
dënohet me gjobë ose me burgim deri në dy (2) vjet.
Neni 354
Dëmtimi, shkatërrimi dhe nxjerrja e paautorizuar e monumenteve ose objekteve të
mbrojtura jashtë Republikës së Kosovës
1. Kushdo që dëmton ose shkatërron monumentin ose objektin e mbrojtur kulturor, historik,
fetar, shkencor apo natyror, dënohet me gjobë ose me burgim deri në dy (2) vjet.
2. Nëse vepra penale nga paragrafi 1. i këtij neni kryhet ndaj monumentit ose objektit të mbrojtur
kulturor, historik, fetar, shkencor apo natyror që kanë vlerë të posaçme ose nëse vepra penale
rezulton me dëm të rëndë, kryesi dënohet me gjobë ose me burgim deri në tre (3) vjet.
3. Kushdo që pa autorizimin përkatës të organit kompetent nxjerrë jashtë Republikës së
Kosovës monumentin ose objektin e mbrojtur kulturor, historik, fetar, shkencor apo natyror,
dënohet me gjobë ose me burgim deri në një (1) vit.
4. Nëse vepra penale nga paragrafi 3. i këtij neni ka të bëjë me monumentin ose objektin e
mbrojtur kulturor, historik, fetar, shkencor apo natyror me vlerë të posaçme, kryesi dënohet me
gjobë ose me burgim deri në tre (3) vjet.
5. Për qëllime të këtij neni, shprehja “monument ose objekt i mbrojtur kulturor, historik, fetar,
shkencor apo natyror” do të thotë objekt nderimi i një komuniteti fetar i cili ndodhet në pronën e
caktuar për shërbime fetare, gur varri, varr apo vend tjetër i varrimit, monument publik, monument
natyror, objekt artistik, shkencor apo artizanat i cili ruhet në koleksione publike ose në ekspozita
publike, objekt i cili shërben për ndonjë nevojë publike ose zbukuron rrugën publike, sheshin
apo parkun, atraksion natyror apo një lloj të rrezikuar i kafshëve ose bimëve.
6. Tentativa për të kryer vepër penale nga paragrafi 1. ose 3. i këtij neni është e dënueshme.
Neni 355
Punimet e paautorizuara dhe përvetësimi i monumenteve kulturore
1. Kushdo që pa autorizimin e organit kompetent kryen punë të konservimit, restaurimit apo
punime hulumtuese në ndonjë monument kulturor, ose përkundër ndalimit ose joautorizimit,
kryen gërmime apo hulumtime arkeologjike dhe me këtë e shkatërron ose e dëmton rëndë
monumentin kulturor apo karakteristikat e tij, dënohet me gjobë ose me burgim deri në dy (2)
vjet.
2. Nëse vepra penale nga paragrafi 1. i këtij neni kryhet ndaj monumentit kulturor me vlerë apo
me rëndësi të posaçme ose rezulton me dëm të madh, kryesi dënohet me gjobë dhe me burgim
prej gjashtë (6) muaj deri në tri (3) vjet.
3. Kushdo që gjatë hulumtimeve arkeologjike apo të hulumtimeve të tjera përvetëson ose
merr objektin e gërmuar apo objektin e gjetur në ndonjë mënyrë tjetër i cili paraqet monument
kulturor, dënohet me dënimin nga paragrafi 2. i këtij neni.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
139
KODI NR. 06/L-074 PENAL I REPUBLIKËS SË KOSOVËS
KAPITULLI XXVIII
VEPRAT PENALE KUNDËR SIGURISË SË PËRGJITHSHME TË NJERËZVE DHE
PASURISË
Neni 356
Shkaktimi i rrezikut të përgjithshëm
1. Kushdo që me anë të zjarrit, vërshimeve, armëve, eksplozivit apo ndonjë mjeti tjetër
vdekjeprurës, helmit ose gazit helmues, rrezatimit jonizues, forcës mekanike, me energji
elektrike ose me ndonjë lloj energjie tjetër, ose me ndonjë veprim tjetër të rrezikshëm apo
mjete të rrezikshme, shkakton rrezik të madh për jetën e njerëzve apo dëm të konsiderueshëm
pasuror, dënohet me burgim prej gjashtë (6) muaj deri në pesë (5) vjet.
2. Kushdo që në kundërshtim me detyrimet e përcaktuara me ligj nuk i vendos pajisjet për
mbrojtjen nga zjarri, vërshimi, eksplodimi, helmimi ose për mbrojtjen nga gazrat helmuese,
rrezatimi jonizues, forcat mekanike, energjia elektrike ose nga ndonjë lloj energjie tjetër, ose
me ndonjë veprim tjetër të rrezikshëm apo mjete të rrezikshme, apo këto pajisje nuk i mirëmban
në gjendje të rregullt apo nuk i vë në përdorim ose në përgjithësi nuk vepron sipas rregullave
ose rregulloreve teknike mbi masat mbrojtëse dhe me këtë shkakton rrezik të madh për jetën e
njerëzve apo dëm të konsiderueshëm pasuror, dënohet me burgim prej një (1) deri në pesë (5)
vjet.
3. Nëse vepra penale nga paragrafi 1. ose 2. i këtij neni kryhet në vendin ku janë të pranishëm
një numër i madh i njerëzve ose ku përdoret një eksploziv ose mjet tjetër vdekjeprurës në,
brenda ose kundër një vendi për përdorim publik, një ndërtese shtetërore ose qeveritare, një
sistemi të transportit publik ose një infrastrukture ose me qëllim të shkaktimit të vdekjes ose
lëndimit të rëndë trupor ose me qëllim që të shkaktojë shkatërrim të gjerë të një vendi, objekti
ose sistemi të tillë, kur një shkatërrim i tillë rezulton ose ka të ngjarë të rezultojë në humbje të
mëdha ekonomike ose të detyrojë një qeveri ose një organizatë ndërkombëtare për të kryer ose
për të mos kryer një vepër, kryesi dënohet me burgim prej një (1) deri në tetë (8) vjet.
4. Nëse vepra penale nga paragrafi 1. ose 2. i këtij neni rezulton me lëndim të rëndë trupor apo
me dëm substancial pasuror kryesi dënohet me burgim prej një (1) deri në dhjetë (10) vjet.
5. Nëse vepra penale nga paragrafi 1. ose 2. i këtij neni rezulton me vdekjen e një apo më
shumë personave, kryesi dënohet me burgim prej tre (3) deri në dymbëdhjetë (12) vjet.
6. Nëse vepra penale nga paragrafi 1. ose 2. i këtij neni kryhet nga pakujdesia, kryesi dënohet
me gjobë ose me burgim deri në tre (3) vjet.
7. Nëse vepra penale nga paragrafi 6. i këtij neni kryhet në vendin ku janë të pranishëm një
numër i madh i njerëzve, kryesi dënohet me burgim deri në pesë (5) vjet.
8. Nëse vepra penale nga paragrafi 6. i këtij neni rezulton me lëndim të rëndë trupor ose dëm
substancial pasuror kryesi dënohet me burgim deri në pesë (5) vjet.
9. Nëse vepra penale nga paragrafi 6. i këtij neni rezulton me vdekjen e një apo më shumë
personave, kryesi dënohet me burgim prej një (1) deri në tetë (8) vjet.
Neni 357
Asgjësimi, dëmtimi ose heqja e instalimeve publike
1. Kushdo që asgjëson, dëmton apo i heq pajisjet apo instalimet e përçuesve elektrik, të gazit,
të ujit, të ngrohjes, të pajisjeve telekomunikuese, të pajisjeve të kanalizimit, të pajisjeve për
mbrojtjen e mjedisit, naftësjellësve, kabllove nënujore, të pendave ose të pajisjeve të tjera
të ngjashme dhe me këtë shkakton çrregullime në furnizimin e popullsisë apo të ekonomisë,
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
140
KODI NR. 06/L-074 PENAL I REPUBLIKËS SË KOSOVËS
dënohet me burgim deri në pesë (5) vjet.
2. Nëse vepra penale nga paragrafi 1. i këtij neni kryhet nga pakujdesia, kryesi dënohet me
gjobë ose me burgim deri në një (1) vit.
3. Nëse vepra penale nga paragrafi 1. i këtij neni rezulton me lëndim të rëndë trupor apo me
dëm substancial pasuror, kryesi dënohet me burgim prej një (1) deri në tetë (8) vjet.
4. Nëse vepra penale nga paragrafi 1. i këtij neni rezulton me vdekjen e një apo më shumë
personave, kryesi dënohet me burgim prej tre (3) deri në dymbëdhjetë (12) vjet.
5. Nëse vepra penale nga paragrafi 2. i këtij neni rezulton me lëndim të rëndë trupor ose dëm
substancial pasuror, kryesi dënohet me burgim prej gjashtë (6) muaj deri në pesë (5) vjet.
6. Nëse vepra penale nga paragrafi 2. i këtij neni rezulton me vdekjen e një apo më shumë
personave, kryesi dënohet me burgim prej një (1) deri në tetë (8) vjet.
Neni 358
Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e
punës
1. Kushdo që asgjëson, dëmton ose heq pajisjen mbrojtëse nga cilido vend i punës dhe me
këtë rrezikon jetën e njerëzve ose shkakton dëm pasuror dënohet me burgim prej një (1) deri
në tetë (8) vjet.
2. Kushdo që është përgjegjës për sigurinë dhe shëndetin në vendin e punës dhe i cili nuk
i instalon pajisjet mbrojtëse, nuk i mirëmban ato në gjendje të rregullt për punë, nuk siguron
përdorimin e tyre kur është e nevojshme apo nuk vepron në pajtim me dispozitat apo rregullat
teknike mbi masat për sigurinë në vendin e punës dhe me këtë rrezikon jetën e njerëzve ose
shkakton dëm të konsiderueshëm pasuror, dënohet me burgim prej gjashtë (6) muaj deri në
pesë (5) vjet.
3. Nëse vepra penale nga paragrafi 1. ose 2. i këtij neni kryhet nga pakujdesia, kryesi dënohet
me burgim deri në tre (3) vjet.
4. Nëse vepra penale nga paragrafi 1. ose 2. i këtij neni rezulton me lëndim të rëndë trupor të
një apo më shumë personave ose me dëm substancial pasuror, kryesi dënohet me burgim prej
një (1) deri në dhjetë (10) vjet.
5. Nëse vepra penale nga paragrafi 3. i këtij neni rezulton me lëndim të rëndë trupor të një apo
më shumë personave ose me dëm substancial material, kryesi dënohet me burgim deri në pesë
(5) vjet.
6. Nëse vepra penale nga paragrafi 1. ose 2. i këtij neni rezulton me vdekjen e një apo më
shumë personave, kryesi dënohet me burgim prej një (1) deri në dymbëdhjetë (12) vjet.
7. Nëse vepra penale nga paragrafi 3. i këtij neni rezulton me vdekjen e një apo më shumë
personave, kryesi dënohet me burgim prej një (1) deri në tetë (8) vjet.
8. Gjykata mund t’ia shqiptojë kryesit kushtin që të instalojë pajisjet e sigurisë brenda afatit
kohor të caktuar.
Neni 359
Ndërtimi pa leje
1. Personi i cili është kontraktor apo person përgjegjës në subjektin juridik i cili është kontraktor
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
141
KODI NR. 06/L-074 PENAL I REPUBLIKËS SË KOSOVËS
në kryerjen e punës pa leje të ndërtimit, kur me ligj kërkohet një leje e tillë, dënohet me gjobë
dhe me burgim prej tre (3) muaj deri në tre (3) vjet.
2. Personi i cili është pronar, investitor apo personi përgjegjës i subjektit juridik i cili është
investitor në objektin në ndërtim pa leje ndërtimi, kur me ligj kërkohet një leje e tillë, dënohet me
gjobë dhe me burgim prej gjashtë (6) muaj deri në pesë (5) vjet.
3. Kur organi kompetent ka lëshuar vendim për ndalim të punimeve dhe personi nga paragrafi
1 dhe 2 vazhdon me ndërtim, kryesi dënohet me gjobë dhe me burgim prej një (1) deri në pesë
(5) vjet.
4. Nëse vepra nga paragrafi 1, 2 ose 3 i këtij neni kryhet në pronë publike apo shtetërore, në
pronën e tjetrit, në zonat e mbrojtura, zonat e veçanta, zonat e veçanta të mbrojtura, zonat
me interes të veçantë ekonomik, zonat sanitare për përdorimin e ujit ose zonat e mbrojtur për
qëllime strategjike, kryesi dënohet me burgim prej një (1) deri në tetë (8) vjet.
5. Ndërtimi pa leje në këtë nen duhet të rrënohet dhe shpenzimet e rrënimit barten te kryesi.
Neni 360
Punimet ndërtimore të kundërligjshme
1. Personi përgjegjës i cili me rastin e projektimit, mbikëqyrjes apo kryerjes së ndonjë ndërtimi
apo të punëve ndërtimore ose përfundimit të punëve ndërtimore, vepron në shkelje të ligjit apo
në kundërshtim me standardet profesionale përgjithësisht të pranuara ose në kundërshtim me
kushtet e lejes së ndërtimit ose çertifikatës së përdorimit dënohet me burgim prej gjashtë (6)
muaj deri në pesë (5) vjet.
2. Nëse vepra penale nga paragrafi 1. i këtij neni kryhet nga pakujdesia, kryesi dënohet me
burgim deri në tre (3) vjet.
3. Nëse vepra penale nga paragrafi 1. i këtij neni rezulton me lëndim të rëndë trupor apo me
dëm të konsiderueshëm pasuror apo më shumë, kryesi dënohet me burgim prej një (1) deri në
tetë (8) vjet.
4. Nëse vepra penale nga paragrafi 1. i këtij neni rezulton me vdekjen e një apo më shumë
personave, kryesi dënohet me burgim prej tre (3) deri në dymbëdhjetë (12) vjet.
5. Nëse vepra penale nga paragrafi 2. i këtij neni rezulton me lëndim të rëndë trupor apo me
dëm konsiderueshëm pasuror, kryesi dënohet me burgim prej gjashtë (6) muaj deri në pesë (5)
vjet.
6. Nëse vepra penale nga paragrafi 2. i këtij neni rezulton me vdekjen e një apo më shumë
personave, kryesi dënohet me burgim prej një (1) deri në tetë (8) vjet.
Neni 361
Dërgimi apo transportimi i kundërligjshëm i lëndëve eksplozive ose lëndëve ndezëse
1. Kushdo që në kundërshtim me ligjin transporton ose dërgon për transport lëndë eksplozive
ose lëndë që mund të ndizen lehtë, dënohet me gjobë ose me burgim deri në një (1) vit.
2. Nëse vepra penale nga paragrafi 1. i këtij neni kryhet nga personi i cili dërgon lëndët
eksplozive ose lëndët që mund të ndizen lehtë për transportim me mjetet e transportit publik
ose vetë transporton lëndë të tilla duke shfrytëzuar mjetet e transportit publik, dënohet me
gjobë ose me burgim deri në tre (3) vjet.
3. Kushdo që në kundërshtim me ligjin dërgon lëndë eksplozive ose lëndë që mund të ndizen
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
142
KODI NR. 06/L-074 PENAL I REPUBLIKËS SË KOSOVËS
lehtë në lokalet ku mblidhen numër i madh i njerëzve, në lokalet ku grumbullohen numër i madh
i njerëzve apo në lokalet ku priten një numër i madh i njerëzve, dënohet me burgim prej gjashtë
(6) muaj deri në tre (3) vjet.
4. Nëse vepra penale nga ky nen kryhet nga pakujdesia, kryesi dënohet me gjobë ose me
burgim deri në një (1) vit.
Neni 362
Mos evitimi i rrezikut
1. Kushdo që nuk ndërmerr masa për evitimin e zjarrit, vërshimit, eksplodimit, fatkeqësisë në
trafik apo të ndonjë rreziku tjetër për jetën ose sigurinë fizike të njerëzve apo të pasurisë në
shkallë të madhe, ndonëse këtë ka mundur ta bëjë pa e rrezikuar veten apo ndonjë person
tjetër, dënohet me gjobë ose me burgim deri në një (1) vit.
2. Kushdo që parandalon apo pengon personin tjetër nga ndërmarrja e masave për evitimin e
zjarrit, vërshimit, eksplodimit, fatkeqësisë së trafikut apo të ndonjë rreziku tjetër për jetën apo
sigurinë fizike të njerëzve apo të pasurisë në shkallë të madhe, dënohet me burgim prej tre (3)
muaj deri në tre (3) vjet.
Neni 363
Keqpërdorimi i sinjalit të fatkeqësisë apo të rrezikut
Kushdo që keqpërdor ndonjë shenjë apo sinjal të fatkeqësisë apo rrezikut ose bën thirrje të
pabazuar për ndihmë me qëllim që të bëjë personat zyrtar apo zjarrfikësit të ndërmarrin ndonjë
veprim apo të mos ndërmarrin ndonjë veprim, dënohet me gjobë ose me burgim deri në gjashtë
(6) muaj.
KAPITULLI XXIX
VEPRAT PENALE TË ARMËVE
Neni 364
Importi, eksporti, furnizimi, transportimi, prodhimi, këmbimi, ndërmjetësimi ose shitja e
paautorizuar e armëve apo materieve plasëse
1. Kushdo që në kundërshtim të ligjit të zbatueshëm në lidhje me armët apo materiet plasëse,
importon, eksporton, blen, furnizon, transporton, prodhon, këmben, ndërmjetëson ose shet
armë apo materie plasëse, dënohet me gjobë deri në shtatëmijepesëqind (7.500) Euro dhe me
burgim prej një (1) deri në tetë (8) vjet.
2. Nëse vepra penale nga paragrafi 1. i këtij neni përfshin më shumë se katër (4) armë, më
shumë se katër (4) materie plasëse apo më shumë se katërqind (400) fishekë, kryesi dënohet
me gjobë dhe me burgim prej një (1) deri në dhjetë (10) vjet.
3. Për qëllime të këtij neni, shprehja “prodhim” i armëve përfshin shndërrimin apo modifikimin
e ndonjë sendi në armë ose të një arme në një lloj tjetër të armës, apo deaktivizimin ose
riaktivizimin e ndonjë arme.
4. Armët, mjetet për transportimin e armëve dhe mjetet për prodhimin e armëve konfiskohen.
Neni 365
Fshirja, heqja apo ndryshimi i kundërligjshëm i shenjave në armë të zjarrit apo në
municion
1. Kushdo që fshin, heq apo ndryshon shenjat në armë të zjarrit apo municion ose kushdo që
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
143
KODI NR. 06/L-074 PENAL I REPUBLIKËS SË KOSOVËS
e shënjon një armë të zjarrit apo municion me shenja të rrejshme, dënohet me gjobë ose me
burgim deri në tre (3) vjet.
2. Kushdo që prodhon armën e zjarrit apo municionin dhe nuk e shënjon armën e zjarrit apo
municionin në kohën e prodhimit sipas ligjit të zbatueshëm lidhur me shënjimin e armëve,
dënohet me gjobë dhe me burgim prej gjashtë (6) muaj deri në pesë (5) vjet.
3. Nëse vepra penale nga paragrafi 1. ose 2. i këtij neni përfshin më shumë se katër (4) armë
ose më shumë se katërqind (400) fishekë, kryesi dënohet me gjobë dhe me burgim prej një (1)
deri në pesë (5) vjet.
4. Për qëllime të këtij neni, shprehja “shenjë” do të thotë një shenjë identifikuese e cila vendoset
në armën e zjarrit apo në municion nga prodhuesi ose nga organi kompetent shtetëror.
5. Arma e zjarrit apo municioni konfiskohen. Mjeti i cili përdoret për fshirjen, heqjen apo
ndryshimin e shenjës apo për shënjimin e rrejshëm konfiskohet.
Neni 366
Mbajtja në pronësi, kontroll ose posedim të paautorizuar të armëve
1. Kushdo që mban në pronësi, kontrollon ose posedon armë në kundërshtim me ligjin e
zbatueshëm lidhur me armë të tilla, dënohet me gjobë deri në shtatëmijë e pesëqind (7.500)
Euro ose me burgim deri në pesë (5) vjet.
2. Nëse vepra penale nga paragrafi 1. i këtij neni përfshin më shumë se katër (4) armë ose më
shumë se katërqind (400) fishekë, kryesi dënohet me burgim prej dy (2) deri në dhjetë (10) vjet.
3. Arma në pronësi, kontroll apo posedim në kundërshtim të këtij neni konfiskohet.
Neni 367
Përdorimi i armës apo mjetit të rrezikshëm
1. Kushdo që përdorë armë apo materie plasëse në kundërshtim me ligjin e zbatueshëm lidhur
me armët apo materiet plasëse të tilla, dënohet me burgim prej një (1) deri në tetë (8) vjet.
2. Kushdo që përdor armën apo mjetin e rrezikshëm në mënyrë kërcënuese ose frikësuese,
dënohet me gjobë deri në dhjetëmijë (10.000) Euro dhe me burgim prej një (1) deri në dhjetë
(10) vjet.
3. Arma apo mjeti i rrezikshëm i përdorur në kundërshtim të këtij neni konfiskohet.
Neni 368
Lejet, pëlqimet dhe licencat e rreme të armëve dhe dhënia e informatave të rreme
1. Kushdo që jep informata të rreme, qoftë gojarisht apo me shkrim, në cilëndo fazë të
procedurës së aplikimit për leje, pëlqim apo licencë të mbajtjes së armës apo mjetit plasës,
dënohet me gjobë deri në pesëmijë (5.000) Euro ose me burgim deri në tre (3) vjet.
2. Kushdo që prodhon, posedon, shet ose blen leje, pëlqim apo licencë të rreme të mbajtjes së
armës apo mjetit plasës, dënohet me gjobë deri në pesëmijë (5.000) Euro ose me burgim deri
në tre (3) vjet.
3. Kushdo që mban lejen, licencën apo ndonjë autorizim tjetër për mbajtjen e armëve apo
mjeteve plasëse dhe nuk ia tregon menjëherë lejen, licencën apo autorizimin tjetër policisë
apo KFOR-it sipas kërkesës së tyre, dënohet me gjobë deri në dymijë e pesëqind (2.500) Euro
ose me burgim deri në tre (3) muaj. Nëse kryesi nuk e ka lejen apo licencën në posedim në
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
144
KODI NR. 06/L-074 PENAL I REPUBLIKËS SË KOSOVËS
kohën e kërkesës dhe ai nuk njofton policinë apo KFOR-in për vendndodhjen e lejes, licencës
apo autorizimit tjetër, kryesi dënohet me gjobë deri në dymijë e pesëqind (2.500) Euro ose me
burgim deri në tre (3) muaj.
4. Leja, licenca apo autorizimi tjetër i rremë konfiskohet. Mjetet për prodhimin e lejes, licencës
apo autorizimit tjetër të rremë konfiskohen.
Neni 369
Prodhimi dhe sigurimi i armëve dhe mjeteve për kryerjen e veprave penale
1. Kushdo që prodhon, siguron ose i mundëson personit tjetër që të sigurojë armë apo helme
ose pajisje tjera të nevojshme për prodhimin e tyre, për të cilat e di se janë të destinuara për
përdorimin ose kryerjen e veprës penale, dënohet me burgim prej tre (3) muaj deri në pesë (5)
vjet.
2. Kushdo që prodhon, siguron ose i mundëson personit tjetër që të siguroj çelës të falsifikuar,
kallauz ose pajisje tjera për përdorim në plaçkitje, për të cilat e di se janë të destinuara për
përdorimin ose kryerjen e veprës penale, dënohet me burgim deri në një (1) vit.
KAPITULLI XXX
VEPRAT PENALE KUNDËR SIGURISË SË TRAFIKUT PUBLIK
Neni 370
Rrezikimi i trafikut publik
1. Kushdo që shkel ligjin mbi trafikun publik apo transportin rrugor dhe rrezikon jetën e njerëzve
apo pasurinë dhe me këtë i shkakton dikujt dëm të konsiderueshëm pasuror, dënohet me gjobë
ose me burgim deri në tre (3) vjet.
2. Kushdo që shkel cilindo ligj mbi trafikun rrugor apo transportin rrugor dhe me këtë rrezikon
trafikun hekurudhor, me tramvaj, me trolejbus, me autobus, me teleferik ose trafikun ujor dhe
në këtë mënyrë rrezikon jetën e njerëzve, sigurinë fizike ose pasurinë, dënohet me burgim deri
në pesë (5) vjet.
3. Nëse vepra penale nga paragrafi 1 ose 2. i këtij neni rezulton me dëm pasuror në vlerë prej
pesëmbëdhjetë mijë (15.000) Euro apo më shumë, kryesi dënohet me burgim prej gjashtë (6)
muaj deri në pesë (5) vjet.
4. Nëse vepra penale nga paragrafi 1. ose 2. i këtij neni rezulton me lëndim të rëndë trupor të
ndonjë personi ose dëm pasuror në vlerë prej njëzetmijë (20.000) Euro apo më shumë, kryesi
dënohet me burgim prej një (1) deri në tetë (8) vjet.
5. Nëse vepra penale nga paragrafi 1. ose 2. i këtij neni rezulton me vdekjen e një apo më
shumë personave, kryesi dënohet me burgim prej tre (3) deri në dymbëdhjetë (12) vjet.
6. Nëse vepra penale nga paragrafi 1. ose 2. i këtij neni kryhet nga pakujdesia, kryesi dënohet
me gjobë ose me burgim deri në një (1) vit.
7. Nëse vepra penale nga paragrafi 6. i këtij neni rezulton me dëm pasuror në vlerë prej
pesëmbëdhjetë mijë (15.000) Euro apo më shumë, kryesi dënohet me gjobë ose me burgim
deri në tre (3) vjet.
8. Nëse vepra penale nga paragrafi 6. i këtij neni rezulton me lëndim të rëndë trupor ose dëm
pasuror në vlerë prej njëzetmijë (20.000) Euro apo më shumë, kryesi dënohet me burgim prej
gjashtë (6) muaj deri në pesë (5) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
145
KODI NR. 06/L-074 PENAL I REPUBLIKËS SË KOSOVËS
9. Nëse vepra penale nga paragrafi 6. i këtij neni rezulton me vdekjen e një apo më shumë
personave, kryesi dënohet me burgim prej një (1) deri në tetë (8) vjet.
Neni 371
Ngasja në gjendje të paaftë apo të dehur
1. Kushdo që drejton automjetin në gjendje të paaftë apo nën ndikim të alkoolit nëse në gjak ka
alkool mbi 0,5 g/kg respektivisht me sasi përkatëse në miligram për litër të ajrit të nxjerrë apo të
substancave tjera dehëse nëse shkaktohet aksident dënohet me gjobë ose me burgim deri në
tre (3) vjet.
2. Nëse vepra penale nga paragrafi 1. i këtij neni rezulton me lëndim të lehtë trupor të ndonjë
personi ose dëm pasuror në vlerë prej pesëmijë (5.000) Euro apo më shumë, kryesi dënohet
me gjobë ose me burgim prej gjashtë (6) muaj deri në pesë (5) vjet.
3. Nëse vepra penale nga paragrafi 1. i këtij neni rezulton me lëndim të rëndë trupor të ndonjë
personi ose dëm pasuror në vlerë prej njëzetmijë (20.000) Euro apo më shumë, kryesi dënohet
me burgim prej një (1) deri në tetë (8) vjet.
4. Nëse vepra penale nga paragrafi 1. i këtij neni rezulton me vdekjen e një apo më shumë
personave, kryesi dënohet me burgim prej tre (3) deri në dymbëdhjetë (12) vjet.
Neni 372
Rrezikimi i trafikut publik me veprime apo mjete të rrezikshme
1. Kushdo që asgjëson, heq ose dëmton rëndë instalimet, pajisjet, shenjat apo sinjalizimet që
shërbejnë për sigurinë e trafikut, ose jep shenja ose sinjale të gabueshme ose vë pengesa në
rrugët publike apo në ndonjë mënyrë tjetër e rrezikon jetën e njeriut apo sigurinë fizike, dënohet
me burgim deri në tre (3) vjet.
2. Nëse vepra penale nga paragrafi 1. i këtij neni rezulton me lëndim të lehtë trupor të ndonjë
personi ose dëm të konsiderueshëm pasuror, kryesi dënohet me gjobë ose me burgim prej
gjashtë (6) muaj deri në pesë (5) vjet.
3. Nëse vepra penale nga paragrafi 1. i këtij neni rezulton me lëndim të rëndë trupor ose dëm
substancial pasuror, kryesi dënohet me burgim prej një (1) deri në tetë (8) vjet.
4. Nëse vepra penale nga paragrafi 1. i këtij neni rezulton me vdekjen e një apo më shumë
personave, kryesi dënohet me burgim prej tre (3) deri në dymbëdhjetë (12) vjet.
5. Nëse vepra penale nga paragrafi 1. i këtij neni kryhet nga pakujdesia, kryesi dënohet me
gjobë ose me burgim deri në një (1) vit.
6. Nëse vepra penale nga paragrafi 5. i këtij neni rezulton me lëndim të lehtë trupor të ndonjë
personi ose dëm të konsiderueshëm pasuror, kryesi dënohet me gjobë ose me burgim deri në
tre (3) vjet.
7. Nëse vepra penale nga paragrafi 5. i këtij neni rezulton me lëndim të rëndë trupor ose dëm
substancial pasuror, kryesi dënohet me burgim prej gjashtë (6) muaj deri në pesë (5) vjet.
8. Nëse vepra penale nga paragrafi 5. i këtij neni rezulton me vdekjen e një apo më shumë
personave, kryesi dënohet me burgim prej një (1) deri në tetë (8) vjet.
Neni 373
Mbikëqyrja e pandërgjegjshme e trafikut publik
1. Personi përgjegjës, të cilit i është besuar mbikëqyrja e gjendjes dhe e mirëmbajtjes së
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
146
KODI NR. 06/L-074 PENAL I REPUBLIKËS SË KOSOVËS
rrugëve dhe e objekteve në to, e mjeteve të transportit, plotësimi i kushteve të përcaktuara
të punës për ngasës, ose personi përgjegjës të cilit i është besuar menaxhimi i ngasjes, i cili
me ushtrimin e pandërgjegjshëm të detyrës së vet rrezikon jetën e njeriut, sigurinë fizike ose
shkakton dëm pasuror, dënohet me gjobë ose me burgim deri në pesë (5) vjet.
2. Kushdo që është përgjegjës për dhënien e urdhrave për ngasje apo që lejon tjetrin të ngas
edhe pse e di se ngasësi për shkak të lodhjes, sëmundjes, dehjes me alkool apo shkaqeve të
tjera nuk është në gjendje që në mënyrë të sigurt të drejtojë automjetin, ose automjeti nuk është
në gjendje të rregullt dhe me këtë rrezikon jetën e njeriut, sigurinë fizike ose shkakton dëm
pasuror, dënohet me dënimin nga paragrafi 1. i këtij neni.
3. Nëse vepra penale nga paragrafi 1. ose 2. i këtij neni kryhet nga pakujdesia, kryesi dënohet
me gjobë ose me burgim deri në tre (3) vjet.
4. Nëse vepra penale nga paragrafi 1. ose 2. i këtij neni rezulton me lëndim të rëndë trupor ose
dëm substancial pasuror, kryesi dënohet me burgim prej një (1) deri në tetë (8) vjet.
5. Nëse vepra penale nga paragrafi 1. ose 2. i këtij neni rezulton me vdekjen e një apo më
shumë personave, kryesi dënohet me burgim prej tre (3) deri në dymbëdhjetë (12) vjet.
6. Nëse vepra penale nga paragrafi 3. i këtij neni rezulton me lëndim të rëndë trupor ose dëm
substancial pasuror, kryesi dënohet me burgim prej gjashtë (6) muaj deri në pesë (5) vjet.
7. Nëse vepra penale nga paragrafi 3. i këtij neni rezulton me vdekjen e një apo më shumë
personave, kryesi dënohet me burgim prej një (1) deri në tetë (8) vjet.
Neni 374
Mosdhënia e ndihmës personit të lënduar në fatkeqësinë e trafikut publik
1. Ngasësi i automjetit ose i mjetit tjetër të transportit, i cili nuk i ofron ndihmë personit të
lënduar me atë mjet të transportit, dënohet me burgim deri në një (1) vit.
2. Nëse vepra penale nga paragrafi 1. i këtij neni rezulton me lëndim të rëndë trupor, kryesi
dënohet me burgim prej tre (3) muaj deri në pesë (5) vjet.
3. Nëse vepra penale nga paragrafi 1. i këtij neni rezulton me vdekjen e personit të lënduar,
kryesi dënohet me burgim prej gjashtë (6) muaj deri në pesë (5) vjet.
Neni 375
Keqpërdorimi i sinjaleve ndërkombëtare të komunikacionit
Kushdo që pa nevojë dërgon sinjalin e pranuar ndërkombëtarisht të komunikimit ose sinjalin
e shfrytëzuar ndërkombëtarisht të fatkeqësisë apo sinjalin e rrezikut, ose mashtron se nuk ka
rrezik ose keqpërdor sinjalin e pranuar ndërkombëtarisht të komunikimit, dënohet me burgim
prej tre (3) muaj deri në tre (3) vjet.
KAPITULLI XXXI
VEPRAT PENALE KUNDËR ADMINISTRIMIT TË DREJTËSISË DHE ADMINISTRATËS
PUBLIKE
Neni 376
Përkufizimet
Për qëllime të këtij Kapitulli, shprehja “procedurë zyrtare” nënkupton çfarëdo procedure
penale siç përkufizohet në Kodin e Procedurës Penale të Kosovës; procedurat pranë cilësdo
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
147
KODI NR. 06/L-074 PENAL I REPUBLIKËS SË KOSOVËS
gjykatë dhe Gjykatës Kushtetuese; procedurën pranë Kuvendit të Republikës së Kosovës
dhe kuvendeve komunale; ose ndonjë procedurë e autorizuar me ligj pranë ndonjë ministrie,
agjencie apo institucioni të pavarur të Republikës së Kosovës, përfshirë procedurat disiplinore
dhe procedurat e noterisë.
Neni 377
Moslajmërimi i përgatitjes së veprave penale
1. Kushdo që duke qenë në dijeni për përgatitjen e kryerjes së ndonjë vepre penale, nuk e
lajmëron këtë fakt në kohën kur kryerja e veprës penale ende ka mund të evitohet ndërsa vepra
penale është kryer ose është tentuar, dënohet me gjobë ose me burgim deri në një (1) vit.
2. Kushdo që nuk lajmëron përgatitjen për kryerjen e një apo më shumë prej veprave penale
në vijim, dënohet me burgim prej tre (3) muaj deri në tre (3) vjet.
2.1. vrasja e rëndë;
2.2. vrasja;
2.3. sulmi me lëndim të rëndë trupor;
2.4. ndonjë vepër penale nga Kapitulli XIV – Veprat penale kundër rendit kushtetues
dhe sigurisë së Republikës së Kosovës;
2.5. ndonjë vepër penale nga Kapitulli XV – Veprat penale kundër njerëzimit dhe
vlerave të mbrojtura me të drejtën ndërkombëtare;
2.6. ndonjë vepër penale nga Kapitulli XX – Veprat penale kundër integritetit seksual;
2.7. ndonjë vepër penale nga Kapitulli XXXIII – Veprat penale kundër korrupsionit
zyrtar dhe detyrës zyrtare;
2.8. ndonjë vepër penale nga Kapitulli XXIII – Veprat penale të narkotikëve;
2.9. ndonjë vepër penale nga Kapitulli XXIX – Veprat penale të armëve;
3. Me përjashtim të veprave penale që përfshijnë abuzimin e fëmijëve dhe dhunën në familje,
personi nuk është penalisht përgjegjës sipas paragrafit 1. të këtij neni nëse është në lidhje
familjare me kryesin e veprës penale si prind, fëmijë, bashkëshort ose bashkëshorte, vëlla ose
motër, prind adoptues apo fëmijë i adoptuar ose person me të cilin kryesi jeton në bashkësi
jashtëmartesore.
Neni 378
Moslajmërimi i veprave penale apo kryesve të tyre
1. Kushdo që është në dijeni për identitetin e kryesit të një apo më shumë prej veprave penale
në vijim dhe nuk e lajmëron faktin e tillë, dënohet me gjobë ose me burgim deri në tre (3) vjet.
1.1. vrasja e rëndë;
1.2. vrasja;
1.3. sulmi me lëndim të rëndë trupor;
1.4. ndonjë vepër penale nga Kapitulli XIV – Veprat penale kundër rendit kushtetues
dhe sigurisë së Republikës së Kosovës;
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
148
KODI NR. 06/L-074 PENAL I REPUBLIKËS SË KOSOVËS
1.5. ndonjë vepër penale nga Kapitulli XV – Veprat penale kundër njerëzimit dhe
vlerave të mbrojtura me të drejtën ndërkombëtare;
1.6. ndonjë vepër penale nga Kapitulli XX – Veprat penale kundër integritetit seksual;
1.7. ndonjë vepër penale nga Kapitulli XXXIII – Veprat penale kundër korrupsionit
zyrtar dhe detyrës zyrtare;
1.8. ndonjë vepër penale nga Kapitulli XXIII – Veprat penale të narkotikëve;
1.9. ndonjë vepër penale nga Kapitulli XXIX – Veprat penale të armëve;
2. Personi zyrtar apo personi përgjegjës i cili nuk e lajmëron veprën penale të cilën e ka zbuluar
gjatë ushtrimit të detyrës së tij, dënohet me dënimin nga paragrafi 1. i këtij neni, nëse vepra e
tillë është e dënueshme me së paku tre (3) vjet burgim.
3. Me përjashtim të veprave penale që përfshijnë abuzimin e fëmijëve dhe dhunën në familje,
personi nuk është penalisht përgjegjës sipas këtij neni nëse është në lidhje familjare me kryesin
e veprës penale si prind, fëmijë, bashkëshort ose bashkëshorte, vëlla ose motër, prind adoptues
apo fëmijë i adoptuar ose person me të cilin kryesi jeton në bashkësi jashtëmartesore.
Neni 379
Moslajmërimi i personit të akuzuar nga tribunali ndërkombëtar penal
1. Kushdo që është në dijeni për aktakuzën dhe vendndodhjen e personit të akuzuar nga
tribunali ndërkombëtar penal dhe nuk lajmëron për vendndodhjen e tillë edhe pse zbulimi në
kohën e duhur i personit të kërkuar varet nga lajmërimi i tillë, dënohet me gjobë ose me burgim
deri në tre (3) vjet.
2. Personi nuk është penalisht përgjegjës sipas këtij neni nëse është në lidhje familjare me
kryesin e veprës penale si prind, fëmijë, bashkëshort ose bashkëshorte, vëlla ose motër, prind
adoptues apo fëmijë i adoptuar ose person me të cilin kryesi jeton në bashkësi jashtëmartesore.
Neni 380
Dhënia e ndihmës kryesve pas kryerjes së veprave penale
1. Kushdo që strehon kryesin e ndonjë vepre penale, përveç veprave penale të parapara në
paragrafin 2. të këtij neni, ose e ndihmon atë në shmangien e zbulimit ose arrestimit përmes
fshehjes së mjeteve, provave apo në ndonjë mënyrë tjetër, ose kushdo që strehon personin e
dënuar apo ndërmerr veprime për pengimin e arrestimit, ekzekutimit të dënimit apo urdhrit për
trajtim të detyrueshëm, dënohet me gjobë ose me burgim deri në një (1) vit.
2. Nëse vepra penale nga paragrafi 1. i këtij neni ka të bëjë me një apo më shumë prej veprave
penale në vijim, kryesi dënohet me burgim prej gjashtë (6) muaj deri në pesë (5) vjet:
2.1. vrasja e rëndë;
2.2. vrasja;
2.3. sulmi me lëndim të rëndë trupor;
2.4. ndonjë vepër penale nga Kapitulli XIV – Veprat penale kundër rendit kushtetues
dhe sigurisë së Republikës së Kosovës;
2.5. ndonjë vepër penale nga Kapitulli XV – Veprat penale kundër njerëzimit dhe
vlerave të mbrojtura me të drejtën ndërkombëtare;
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
149
KODI NR. 06/L-074 PENAL I REPUBLIKËS SË KOSOVËS
2.6. ndonjë vepër penale nga Kapitulli XX – Veprat penale kundër integritetit seksual;
2.7. ndonjë vepër penale nga Kapitulli XXXIII – Veprat penale kundër korrupsionit
zyrtar dhe detyrës zyrtare;
2.8. ndonjë vepër penale nga Kapitulli XXIII – Veprat penale të narkotikëve;
2.9. ndonjë vepër penale nga Kapitulli XXIX – Veprat penale të armëve;
3. Nëse vepra penale nga paragrafi 1. i këtij neni ka të bëjë me vepër penale të dënueshme me
burgim të përjetshëm, kryesi dënohet me burgim prej një (1) deri në dhjetë (10) vjet.
4. Dënimi i paraparë me paragrafin 1. të këtij neni nuk mund të jetë më i ashpër, as sipas llojit
e as sipas lartësisë, se dënimi i përcaktuar për veprën penale të kryer nga personi të cilit i jepet
ndihma.
5. Me përjashtim të veprave penale që përfshijnë abuzimin e fëmijëve dhe dhunën në familje,
personi nuk është penalisht përgjegjës sipas këtij neni nëse është në lidhje familjare me kryesin
e veprës penale si prind, fëmijë, bashkëshort ose bashkëshorte, vëlla ose motër, prind adoptues
apo fëmijë i adoptuar ose person me të cilin kryesi jeton në bashkësi jashtëmartesore.
Neni 381
Dhënia e ndihmës personit të akuzuar nga tribunali ndërkombëtar penal
1. Kushdo që i jep ndihmë apo e fsheh personin e akuzuar nga tribunali ndërkombëtar penal
ose e ndihmon personin e tillë për t’iu shmangur zbulimit, dënohet me burgim deri në tre (3) vjet.
2. Prindi, fëmija, bashkëshorti ose bashkëshortja, vëllai ose motra, prindi adoptues apo fëmija
i adoptuar ose personi me të cilin kryesi jeton në bashkësi jashtëmartesore nuk dënohet për
veprën penale nga paragrafi 1. i këtij neni.
Neni 382
Lajmërimi apo kallëzimi i rremë
1. Kushdo që bën lajmërim të rremë te personi zyrtar i ngarkuar me detyrën për të hetuar apo
ndjekur, se personi i caktuar ka kryer vepër penale e cila ndiqet sipas detyrës zyrtare, duke e
ditur se personi i tillë nuk është kryesi, dënohet me gjobë ose me burgim prej tre (3) muaj deri
në tre (3) vjet.
2. Kushdo që ofron prova të rreme për veprën penale ose në ndonjë mënyre tjetër shkakton
fillimin e procedurës penale për vepër penale e cila ndiqet sipas detyrës zyrtare kundër personit
për të cilin ai e di se nuk e ka kryer veprën penale, dënohet me dënimin nga paragrafi 1. i këtij
neni.
3. Kushdo që lajmëron veten se ka kryer vepër penale e cila ndiqet sipas detyrës zyrtare, edhe
pse nuk e ka kryer veprën e tillë, dënohet me gjobë ose me burgim deri në tre (3) muaj.
4. Kushdo që lajmëron te personi zyrtar i ngarkuar me detyrën për të hetuar apo ndjekur, se
është kryer vepër penale e cila ndiqet sipas detyrës zyrtare, edhe pse ai e di se vepra nuk është
kryer, dënohet me dënimin nga paragrafi 3. i këtij neni.
Neni 383
Deklarimi i rremë nën betim
1. Kushdo që pasi të ketë dhënë betimin pranë organit kompetent për të administruar dëshmitë
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
150
KODI NR. 06/L-074 PENAL I REPUBLIKËS SË KOSOVËS
e dhëna nën betim ose betimet dhe pastaj nënshkruan dëshminë nën betim ose deklaron diç
që nuk beson se është e vërtetë ose me dijeni fsheh ose shmang nga deklarimi ndonjë çështje
relevante për procedurën, dënohet me gjobë ose me burgim deri në tre (3) vjet.
2. Nëse deklarata nga paragrafi 1. i këtij neni është dhënë gjatë procedurës penale, kryesi
dënohet me gjobë ose me burgim deri në pesë (5) vjet.
3. Nëse kryesi i veprës penale nga paragrafi 1. i këtij neni vullnetarisht e tërheq deklaratën e tij
para fundit të dëshmisë së tij, gjykata mund ta zbusë dënimin.
Neni 384
Deklarimet e rreme
1. Pala, dëshmitari, eksperti në cilësi të dëshmitarit, përkthyesi apo interpreti i cili në procedurën
gjyqësore ose penale, procedurën paraprake, në procedurën për kundërvajtje, në procedurën
administrative, në procedurën para noterit publik ose në procedurën disiplinore jep deklaratë,
ekspertizë ose raport të rremë dënohet me gjobë dhe me burgim deri në një (1) vit.
2. Nëse deklarata e rreme merret si bazë për vendimin përfundimtar në procedurë, kryesi
dënohet me burgim prej tre (3) muaj deri në tri (3) vjet.
3. Nëse vepra penale nga paragrafi 1. i këtij neni rezulton me pasoja të rënda, kryesi dënohet
me burgim prej një (1) deri në pesë (5) vjet.
4. Nëse kryesi i veprës penale nga paragrafi 1. i këtij neni vullnetarisht e tërheq deklaratën e tij
para marrjes së vendimit përfundimtar, gjykata mund ta zbusë dënimin.
Neni 385
Deklaratat e rreme të dëshmitarëve bashkëpunues
1. Dëshmitari bashkëpunues, i cili jep deklaratë apo dëshmi të rreme në cilëndo pjesë relevante
ose i cili qëllimisht nuk ia tregon tërë të vërtetën prokurorit ose policisë, dënohet me gjobë ose
me burgim prej tre (3) muaj deri në pesë (5) vjet.
2. Kushdo që kryen vepër penale nga paragrafi 1 i këtij neni dhe pastaj e tërheq deklaratën apo
dëshminë dhe deklaron apo dëshmon të vërtetën para përfundimit të intervistës apo dëshmisë
së tij, dënohet me gjobë deri në pesëqind (500) Euro ose me burgim deri në tre (3) muaj, por
gjykata mund ta lirojë nga dënimi nëse ekzistojnë rrethana lehtësuese.
Neni 386
Pengimi i të provuarit apo procedurës zyrtare
1. Kushdo që me anë të detyrimit apo ryshfetit, me qëllim të:
1.1. nxitjes së ndonjë personi që të jep deklaratë të rreme, të ofrojë dokument të rremë
apo të fsheh ndonjë fakt material në procedurë zyrtare;
1.2. parandalimit apo vonesës së pjesëmarrjes apo dëshmisë së ndonjë personi në
procedurë zyrtare;
1.3. parandalimit apo vonesës se ndonjë personi nga komunikimit i informatës zyrtarit
policor ose hetuesit tjetër të autorizuar, prokurorit apo gjyqtarit lidhur me kryerjen e
veprës penale;
1.4. parandalimit apo vonesës së ndonjë personi nga paraqitja e çfarëdo dokumenti
apo regjistri në procedurë zyrtare;
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
151
KODI NR. 06/L-074 PENAL I REPUBLIKËS SË KOSOVËS
1.5. nxitjes së ndonjë personi që të ndryshojë, heq, fsheh, shkatërrojë, dëmtojë ose ta
bëjë të pashfrytëzueshëm, tërësisht ose pjesërisht, ndonjë regjistër, pasuri, send ose
dokument me qëllim të pamundësimit të shfrytëzimit të objektit në procedurë zyrtare;
1.6. nxitjes së personit të shmang thirrjen për të dhënë dëshmi ose për të paraqitur
dëshmi në procedurë zyrtare; ose
1.7. nxitjes së dëshmitarit apo ekspertit për të refuzuar dhënien e dëshmisë ose për të
dhënë dëshmi të rreme në procedure gjyqësore, procedurë për kundërvajtje, procedurë
administrative ose në procedurë para noterit apo në procedurë disiplinore, dënohet me
burgim prej gjashtë (6) muaj deri në pesë (5) vjet.
2. Kush me qëllim të parandalimit ose vështirësimit të mbledhjes së provave në procedurën
gjyqësore, procedurën kundërvajtëse, procedurën administrative, në procedurën para noterit
publik ose në procedurën disiplinore fsheh, dëmton, asgjëson, ose bënë të pa përdorueshme,
në tërësi ose pjesërisht, sendin e personit tjetër ose dokumentet që mund të përdoren si prova,
dënohet me gjobë ose burgim deri në tre (3) vjet.
3. Me dënimin nga paragrafi 1. i këtij neni dënohet edhe kushdo që me qëllim të parandalimit
ose vështirësimit të mbledhjes së provave në procedurën gjyqësore ose administrative largon,
zhvendos ose ndërron vendin e shenjave të kufijve kadastral, shenjën e matjes së tokës
ose çfarëdo shenje tjetër që shënjon pronësinë a pasurinë e paluajtshme ose të drejtën për
shfrytëzimin e ujit, ose për të njëjtin qëllim vendos shenja të tilla me qëllim të mashtrimit.
4. Kushdo që gjatë kryerjes së veprës penale nga paragrafët 1. deri 3. të këtij neni përdor
dhunë ose kanos më përdorim të dhunës, dënohet me së paku dy (2) vjet burgim.
5. Nëse vepra penale nga paragrafi 1. i këtij neni kryhet ndaj dëshmitarit, kryesi dënohet me së
paku tre (3) vjet burgim, e nëse vepra e tillë rezulton me lëndim trupor, kryesi dënohet me së
paku pesë (5) vjet burgim.
Neni 387
Frikësimi gjatë procedurës penale
Kushdo që përdor forcën apo kanosjen serioze apo ndonjë mënyre tjetër të detyrimit, premton
dhuratë apo ndonjë përfitim tjetër për të nxitur personin tjetër të përmbahet nga dhënia e
deklaratës ose për të dhënë deklaratë të rreme, ose të mos dhënë informacione të vërteta pranë
organeve policore, prokurorit apo gjyqtarit, kur informacionet e tilla ndërlidhen me pengimin e
procedurës penale dënohet me gjobë deri në njëqind e njëzet e pesëmijë (125.000) Euro dhe
me burgim prej dy (2) deri në dhjetë (10) vjet.
Neni 388
Hakmarrja
1. Kushdo që ndërmerr ndonjë veprim të dëmshëm për cilindo person, përfshirë ndërhyrjen
në punësimin e ligjshëm apo sigurimin e mjeteve të jetesës së ndonjë personi me qëllim të
hakmarrjes për shkak të dhënies së informatave të vërteta policisë, hetuesit të autorizuar,
prokurorit apo gjyqtarit lidhur me kryerjen ose kryerjen e mundshme të veprës penale, dënohet
me gjobë dhe me burgim deri në tre (3) vjet.
2. Kushdo që ndërmerr ndonjë veprim të dëmshëm për cilindo person me qëllim të hakmarrjes
për shkak të raportimit ose shpalosjes së informacionit për veprimet dhe mosveprimet që
paraqesin kërcënim ose cenim të interesit publik dënohet me gjobë ose me burgim deri në dy
(2) vjet.
3. Kushdo që vret personin tjetër me qëllim të hakmarrjes ndaj personit zyrtar për ndonjë vepër
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
152
KODI NR. 06/L-074 PENAL I REPUBLIKËS SË KOSOVËS
të kryer gjatë ushtrimit të detyrës së tij zyrtare, dënohet me jo më pak se pesëmbëdhjetë (15)
vjet burgim ose me burgim të përjetshëm.
4. Kushdo që tenton të vrasë personin tjetër me qëllim të hakmarrjes ndaj personit zyrtar për
ndonjë vepër të kryer gjatë ushtrimit të detyrës së tij zyrtare, dënohet me jo më pak se dhjetë
(10) vjet burgim.
5. Kushdo që me qëllimin e paraparë në paragrafët 1. deri 3. të këtij neni, shkakton lëndim
trupor ose dëm pasuror të ndonjë personi, dënohet me burgim së paku tre (3) vjet, por nëse
vepra është kryer në lidhje me procedurën penale, kryesi dënohet së paku me dënimin e njëjtë
sikur për veprën penale më të rëndë e cila ka qenë subjekt i procedurës penale.
Neni 389
Manipulimi me prova
1. Kushdo që ndryshon, heq, fsheh, shkatërron, dëmton ose e bën të pashfrytëzueshëm,
tërësisht ose pjesërisht, ndonjë regjistër, pasuri, send ose dokument me qëllim të pamundësimit
të shfrytëzimit të sendit në procedurë zyrtare, dënohet me gjobë ose me burgim prej gjashtë (6)
muaj deri në pesë (5) vjet.
2. Kushdo që me qëllim të parandalimit ose vështirësimit të mbledhjes së provave në procedurën
gjyqësore ose procedurën administrative, largon, zhvendos ose ndërron vendin e shenjave të
kufijve administrativë, shenjën e tokës ose çfarëdo shenje tjetër që shënjon pronësinë apo
pasurinë e paluajtshme ose të drejtën për shfrytëzimin e ujit, ose për të njëjtin qëllim vendos
shenja të tilla me qëllim të lajthimit, dënohet me dënimin nga paragrafi 1. i këtij neni.
Neni 390
Falsifikimi i dokumenteve
1. Kushdo që përpilon dokument të falsifikuar, ndryshon dokumentin origjinal me qëllim të
shfrytëzimit të atij dokumenti si origjinal ose me dije përdor dokumentin e falsifikuar apo të
ndryshuar si origjinal, dënohet me gjobë ose me burgim deri në katër (4) vjet.
2. Nëse vepra penale nga paragrafi 1. i këtij neni kryhet në lidhje me dokumentin publik,
testamentin, kambialin, regjistrin publik apo zyrtar ose ndonjë regjistër tjetër që ruhet në bazë
të ligjit, kryesi dënohet me gjobë dhe me burgim deri në pesë (5) vjet.
3. Kushdo që e kryen veprën e paraparë në paragrafin 1 ose 2 të këtij neni si anëtar i grupit të
njerëzve, dënohet me gjobë dhe burgim prej një (1) deri në tetë (8) vjet.
Neni 391
Rastet e posaçme të falsifikimit të dokumenteve
1. Personi do të konsiderohet se ka kryer vepër penale të falsifikimit të dokumenteve dhe do të
dënohet me gjobë ose me burgim deri në tre (3) vjet, nëse personi i tillë:
1.1. pa autorizim plotëson ndonjë letër, formular të zbrazët ose ndonjë formë tjetër në
të cilën është vënë nënshkrimi i personit tjetër dhe plotëson deklaratën përmes së cilës
krijon marrëdhënie juridike;
1.2. mashtron personin tjetër lidhur me përmbajtjen e ndonjë dokumenti dhe personi i
tillë e nënshkruan këtë dokument duke menduar se nënshkruan ndonjë dokument tjetër
ose dokument me ndonjë përmbajtje tjetër;
1.3. lëshon dokumentin në emër të ndonjë personi tjetër pa autorizimin e tij ose në emër
të personit që nuk ekziston;
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
153
KODI NR. 06/L-074 PENAL I REPUBLIKËS SË KOSOVËS
1.4. lëshon një dokument dhe pohon me nënshkrimin e vet se ka ndonjë pozitë, thirrje
apo gradë edhe pse nuk ka pozitë, thirrje apo gradë të tillë, ndërsa veprimi i tillë ka
ndikim substancial në vlerën e dokumentit; ose
1.5. lëshon një dokument duke përdorur vulën apo shenjën e vërtetë pa autorizim
paraprak.
Neni 392
Shkelja e fshehtësisë së procedurës
1. Kushdo që pa autorizim zbulon informata për të cilat është njoftuar në procedurën zyrtare,
që sipas ligjit nuk mund të zbulohen apo ato informata janë shpallur si fshehtësi me vendim të
gjykatës apo të organit kompetent, dënohet me gjobë ose me burgim deri në një (1) vit.
2. Kushdo që pa autorizim zbulon të dhëna për identitetin apo të dhënat personale të personit
të mbrojtur në procedurë penale apo në programin e veçantë të mbrojtjes, dënohet me burgim
deri në tre (3) vjet.
3. Nëse vepra penale nga paragrafi 2 i këtij neni rezulton me pasoja të rënda për personin e
mbrojtur ose procedura penale bëhet e pamundur ose vështirësohet në masë të madhe, kryesi
dënohet me burgim prej gjashtë (6) muaj deri në pesë (5) vjet.
4. Nëse vepra penale nga paragrafi 3. i këtij neni rezulton me vdekjen e personit të mbrojtur,
kryesi dënohet me burgim së paku dhjetë (10) vjet ose me burgim të përjetshëm.
Neni 393
Mospërfillja e gjykatës
1. Kushdo që nuk i bindet ndonjë urdhri, vendimi apo aktgjykimi të plotfuqishëm të ndonjë
gjykate në Republikën e Kosovës ose refuzon apo pengon publikimin e vendimit apo aktgjykimit
të plotfuqishëm të gjykatës së tillë, dënohet me gjobë ose me burgim deri në gjashtë (6) muaj.
2. Gjobat e shqiptuara sipas këtij neni mund të jenë ditore dhe mund të shqiptohen derisa
kryesi të përfill urdhrin, vendimin apo aktgjykimin e plotfuqishëm që është subjekt i veprimit.
3. Nëse mospërfillja ka të bëjë me veprimin në mes të dy palëve private, gjykata mund të
urdhërojë që gjoba t’i paguhet palës së dëmtuar.
Neni 394
Mosekzekutimi i vendimeve gjyqësore
1. Personi zyrtar apo personi përgjegjës i cili refuzon të ekzekutoj urdhrin, vendimin apo
aktgjykimin e plotfuqishëm të ndonjë gjykate të Republikës së Kosovës apo i cili nuk e ekzekuton
vendimin brenda afatit ligjor apo afatit të caktuar me vendim, dënohet me gjobë ose me burgim
deri në dy (2) vjet.
2. Nëse me veprën penale nga paragrafi 1. i këtij neni është shkaktuar shkelje e rëndë e të
drejtave njerëzore apo dëm substancial material, kryesi dënohet me burgim prej gjashtë (6)
muaj deri në pesë (5) vjet.
3. Nëse kryesi i veprës penale nga paragrafi 1. i këtij neni e ekzekuton vendimin e plotfuqishëm
të gjykatës, ndjekja nuk do të ndërmerret.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
154
KODI NR. 06/L-074 PENAL I REPUBLIKËS SË KOSOVËS
Neni 395
Legalizimi i përmbajtjes së rreme
1. Kushdo që vë në lajthim organin kompetent që në një dokument publik, regjistër apo libër
të vërtetojë një çështje të pavërtetë, të paraparë për të shërbyer si provë në një çështje ligjore,
dënohet me burgim prej tre (3) muaj deri në pesë (5) vjet.
2. Kushdo që përdorë dokumentin, regjistrin apo librin e tillë edhe pse e di së është i rremë,
dënohet me dënimin nga paragrafi 1. i këtij neni.
Neni 396
Rebelimi i personave të privuar nga liria
1. Kushdo që nga institucioni ku gjendet në mbajtje në bazë të vendimit të ligjshëm mbi privimin
nga liria, organizon rebelimin e personave të privuar nga liria, me qëllim që të lirohen me forcë
ose së bashku të sulmojnë personat zyrtarë në atë institucion ose me forcë apo kanosje serioze
t’i detyrojnë personat e tillë zyrtarë të veprojnë apo të mos veprojnë në kundërshtim me detyrën
e tyre, dënohet me burgim prej një (1) deri në pesë (5) vjet.
2. Pjesëmarrësi në rebelim nga paragrafi 1. i këtij neni dënohet me burgim prej tre (3) muaj deri
në një (1) vit.
3. Nëse vepra penale nga paragrafi 1. i këtij neni është kryer me përdorimin e forcës apo
kanosjes serioze, kryesi dënohet me burgim prej gjashtë (6) muaj deri në pesë (5) vjet.
4. Nëse kryesi i veprës penale nga paragrafi 1. ose 2. i këtij neni heq dorë vullnetarisht nga
rebelimi para se të ketë ushtruar forcën apo kanosjen serioze, gjykata mund ta lirojë nga dënimi.
Neni 397
Arratisja e personit të privuar nga liria
1. Kushdo që arratiset nga institucioni ku gjendet në mbajtje në bazë të vendimit të ligjshëm
mbi privimin nga liria, dënohet me burgim deri në tre (3) vjet.
2. Kushdo që me anë të ryshfetit arratiset nga institucioni ku gjendet në mbajtje në bazë të
vendimit të ligjshëm mbi privimin nga liria, dënohet me burgim deri në pesë (5) vjet.
3. Kushdo që duke përdorur forcën apo kanosjen serioze, arratiset nga institucioni ku gjendet
në mbajtje në bazë të vendimit të ligjshëm mbi privimin nga liria, dënohet me burgim prej një (1)
deri në pesë (5) vjet.
Neni 398
Mundësimi i arratisjes së personave të privuar nga liria
1. Kushdo që mundëson arratisjen e personit i cili gjendet në mbajtje në bazë të vendimit të
ligjshëm mbi privimin nga liria, dënohet me burgim prej tre (3) muaj deri në pesë (5) vjet.
2. Kushdo që me anë të ryshfetit mundëson arratisjen e personit i cili gjendet në mbajtje në
bazë të vendimit të ligjshëm mbi privimin nga liria, dënohet me burgim prej tre (3) muaj deri në
pesë (5) vjet.
3. Kushdo që duke përdorur forcën apo kanosjen serioze, mundëson arratisjen e personit i cili
gjendet në mbajtje në bazë të vendimit të ligjshëm mbi privimin nga liria, dënohet me burgim
prej tre (3) muaj deri në pesë (5) vjet.
4. Nëse vepra penale nga ky nen kryhet së bashku nga më shumë se një person, dënohen me
burgim prej një (1) deri në tetë (8) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
155
KODI NR. 06/L-074 PENAL I REPUBLIKËS SË KOSOVËS
Neni 399
Lirimi i kundërligjshëm i personave të privuar nga liria
Personi zyrtar i cili në keqpërdorim të pozitës apo autorizimeve të tij, në mënyrë të kundërligjshme
e liron personin e privuar nga liria dhe i cili i është besuar në ruajtje, ose e ndihmon arratisjen
e tij apo i mundëson lidhje apo korrespondencë të kundërligjshme me qëllim të përgatitjes së
arratisjes, dënohet me burgim prej gjashtë (6) muaj deri në pesë (5) vjet.
Neni 400
Mundësimi i kundërligjshëm i ushtrimit të profesionit, veprimtarisë ose detyrës
Kushdo që i mundëson personit tjetër ushtrimin e profesionit, veprimtarisë ose detyrës edhe pse
e di se me aktgjykim të plotfuqishëm i është shqiptuar dënimi plotësues i ndalimit të ushtrimit të
profesionit, veprimtarisë apo detyrës së tillë, dënohet me gjobë ose me burgim prej tre (3) muaj
deri në tre (3) vjet.
KAPITULLI XXXII
VEPRAT PENALE KUNDËR RENDIT PUBLIK
Neni 401
Pengimi i personit zyrtar në kryerjen e detyrave zyrtare
1. Kushdo që me forcë apo kanosje serioze, pengon ose tenton të pengojë personin zyrtar në
kryerjen e detyrave zyrtare ose duke përdorur mjetet e njëjta e detyron atë të kryejë detyrën
zyrtare, dënohet me burgim prej tre (3) muaj deri në tre (3) vjet.
2. Kushdo që merr pjesë në një grup të personave që me veprim të përbashkët pengon ose
tenton të pengojë personin zyrtar në kryerjen e detyrave zyrtare ose duke përdorur mjetet e
njëjta e detyron atë të kryejë detyrën zyrtare, dënohet me gjobë ose me burgim deri në tre (3)
vjet.
3. Udhëheqësi apo organizatori i grupit që kryen vepër penale nga paragrafi 2. i këtij neni,
dënohet me burgim prej një (1) deri në pesë (5) vjet.
4. Nëse vepra penale nga paragrafi 1. ose 2. i këtij neni përfshin kanosjen për përdorimin e
armës apo mjetit të rrezikshëm ose rezulton me lëndim trupor, kryesi dënohet me burgim prej
gjashtë (6) muaj deri në pesë (5) vjet.
5. Nëse vepra penale nga paragrafi 1. ose 2. i këtij neni kryhet ndaj gjyqtarit, prokurorit, zyrtarit
të gjykatës, zyrtarit të prokurorisë apo personit të autorizuar nga gjykata dhe prokuroria zyrtarit
policor, zyrtarit doganor, zyrtarit ushtarak apo zyrtarit të shërbimit korrektues gjatë ushtrimit të
funksioneve të tyre zyrtare, kryesi dënohet me burgim prej një (1) deri në pesë (5) vjet.
6. Nëse vepra penale nga paragrafi 1. ose 2. i këtij neni rezulton me lëndim të rëndë trupor,
kryesi dënohet me jo më pak se pesë (5) vjet burgim.
Neni 402
Sulmi ndaj personit zyrtar
1. Kushdo që sulmon ose kanoset seriozisht se do ta sulmojë personin zyrtar, apo personin i cili
ndihmon në kryerjen e detyrave zyrtare, në lidhje me detyrat zyrtare, dënohet me burgim prej
tre (3) muaj deri në tre (3) vjet.
2. Nëse vepra penale nga paragrafi 1 përfshin gjyqtarin, prokurorin, policin, zyrtarin doganor,
zyrtarin korrektues, në lidhje me detyrat zyrtare, sigurinë e përgjithshme, sigurinë e Republikës
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
156
KODI NR. 06/L-074 PENAL I REPUBLIKËS SË KOSOVËS
së Kosovës apo ruajtjen e rendit publik, dënohet me burgim prej gjashtë (6) muaj deri në pesë
(5) vjet.
3. Nëse vepra penale nga paragrafi 1. i këtij neni rezulton me lëndim të lehtë trupor të personit
zyrtar apo ndihmësit të tij ose përfshin kanosje për përdorimin e armës apo mjetit të rrezikshëm,
kryesi dënohet me burgim prej gjashtë (6) muaj deri në pesë (5) vjet.
4. Nëse vepra penale nga paragrafi 2. i këtij neni rezulton me lëndim të lehtë trupor të gjyqtarit,
prokurorit, policit, zyrtarit doganor, zyrtarit korrektues, ose përfshin kanosje për përdorimin e
armës apo mjetit të rrezikshëm, kryesi dënohet me burgim prej një (1) deri në tetë (8) vjet.
5. Nëse vepra penale nga paragrafi 1. i këtij neni rezulton me lëndim të rëndë trupor të personit
zyrtar apo ndihmësit të tij, kryesi dënohet me burgim prej një (1) deri në dhjetë (10) vjet.
6. Nëse vepra penale nga paragrafi 2 i këtij neni rezulton me lëndim të rëndë trupor të gjyqtarit,
prokurorit, policit, zyrtarit doganor apo zyrtarit korrektues, kryesi dënohet me burgim prej dy (2)
deri në dymbëdhjetë (12) vjet.
7. Nëse kryesi i veprës penale nga ky nen është provokuar nga veprimi i kundërligjshëm apo i
vrazhdë i personit zyrtar, gjykata mund ta zbusë dënimin.
Neni 403
Thirrja për rezistencë
1. Kushdo që thërret të tjerët për rezistencë apo mosbindje ndaj vendimeve apo masave të
ligjshme të nxjerra nga organi apo zyrtari kompetent, dënohet me burgim deri në tre (3) vjet.
2. Nëse vepra penale nga paragrafi 1. i këtij neni rezulton me vështirësi të mëdha apo
pamundësi të zbatimit të vendimit, masës apo veprimit zyrtar të ligjshëm, kryesi dënohet me
burgim prej gjashtë (6) muaj deri në pesë (5) vjet.
Neni 404
Pjesëmarrja në turmë që kryen vepër penale dhe huliganizmi
1. Kushdo që merr pjesë në turmën e mbledhur prej më tepër se tetë personave, e cila me
veprime të përbashkëta e privon personin tjetër nga jeta, i shkakton lëndime të rënda trupore
personit tjetër, shkakton rrezik të përgjithshëm, shkakton dëm pasuror në vlerë prej njëzetmijë
(20.000) Euro apo më shumë ose kryen vepra tjera të rënda të dënueshme me së paku pesë
(5) vjet burgim apo tenton të kryejë vepra të tilla, dënohet me burgim prej gjashtë (6) muaj deri
në pesë (5) vjet.
2. Organizatori i turmës nga paragrafi 1. i këtij neni dënohet me burgim prej dy (2) deri në
dhjetë (10) vjet.
3. Secili person, që me veprimet e tij të dhunshme ose në ndihmë, ose me pjesëmarrje
në veprimet huligane, duke hedhur gjësende në drejtim të personave ose të qytetarëve, të
pjesëmarrësve në aktivitet sportiv, ose duke thyer, dëmtuar pajisjet, infrastrukturën publike,
ose duke thyer, dëmtuar pajisjet dhe infrastrukturën dhe objektet sportive publike ose private,
i vetëm ose në grup të organizuar dhe që ka për qëllim dëmtimin e personave zyrtarë, të
pjesëmarrësve sportivë ose të personelit të sigurimit në detyrë zyrtare, në fushat sportive të
hapura ose të mbyllura, kryen vepër penale të huliganizmit.
4. Për veprën penale, të përcaktuar në paragrafin 3. të këtij neni, parashihet dënimi me gjobë
prej dyqind (200) deri dhjetë mijë (10.000) Euro për huliganizëm me pasoja të vogla ose me
burgim deri në pesë (5) vjet për huliganizëm me pasoja të rënda.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
157
KODI NR. 06/L-074 PENAL I REPUBLIKËS SË KOSOVËS
Neni 405
Mospjesëmarrja në mënjanimin e rrezikut të përgjithshëm
Kushdo që në kundërshtim me urdhrat e organit kompetent refuzon pa arsye të merr pjesë në
mënjanimin e rrezikut për jetën e njerëzve apo të pasurisë gjatë zjarrit, vërshimit, tërmetit ose
fatkeqësive tjera, dënohet me gjobë ose me burgim deri në një (1) vit.
Neni 406
Heqja apo dëmtimi i vulave zyrtare ose i shenjave
Kushdo që heq ose dëmton vulën zyrtare apo shenjën e ngjitur nga zyrtari i autorizuar me
qëllim të sigurimit të objektit ose të lokaleve, apo kushdo që hap objektet e siguruara ose hyn
në lokalet e tilla pa e hequr ose pa e dëmtuar vulën apo shenjën, ose hap sendin në të cilin ka
qenë e vendosur vula apo shenja e tillë, dënohet me gjobë ose me burgim deri në tre (3) vjet.
Neni 407
Marrja apo asgjësimi i vulave zyrtare ose i shkresave zyrtare
Kushdo që në mënyrë të kundërligjshme merr, fsheh, asgjëson, dëmton apo në ndonjë mënyrë
tjetër e bën të papërdorshme vulën, regjistrin, shkresat apo dokumentet zyrtare që i përkasin
ose janë në posedim të organit publik apo personit tjetër juridik i cili ushtron autorizime publike,
dënohet me gjobë ose me burgim deri në tre (3) vjet.
Neni 408
Asgjësimi apo fshehja e materialit arkivor
Kushdo që në mënyrë të kundërligjshme asgjëson, fsheh ose bën të papërdorshme materialet
arkivore apo nxjerr materialet e tilla jashtë vendit, dënohet me gjobë ose me burgim deri në tre
(3) vjet.
Neni 409
Prezantimi i rremë si person zyrtar
1. Kushdo që prezantohet rrejshëm si person zyrtar apo ushtarak i cilitdo shtet ose mban pa
autorizim shenja të personit zyrtar apo ushtarak, dënohet me gjobë ose me burgim deri në një
(1) vit.
2. Kushdo që me qëllim të përfitimit të dobisë pasurore për vete apo për personin tjetër ose me
qëllim që t’i shkaktojë dëm personit tjetër, prezantohet rrejshëm si person zyrtar apo ushtarak
ose kushdo që me qëllim të përfitimit të dobisë pasurore për vete apo për personin tjetër ose
me qëllim që t’i shkaktojë dëm personit tjetër, mban pa autorizim shenja të personit zyrtar ose
ushtarak ose ndërmerr ndonjë veprim të personit zyrtar apo ushtarak, dënohet me gjobë dhe
me burgim deri në tre (3) vjet.
Neni 410
Vetëgjyqësia
1. Kushdo që ushtron në mënyrë arbitrare të drejtën që mendon se i takon në vend se t’i
drejtohet organit kompetent, dënohet me gjobë ose me burgim deri në gjashtë (6) muaj.
2. Kushdo që me anë të përdorimit të forcës apo kanosjes serioze, ushtron një të drejtë që
mendon se i takon në vend se t’i drejtohet organit kompetent, dënohet me burgim deri në dy (2)
vjet.
3. Nëse vepra penale nga paragrafi 2. i këtij neni kryhet nga kryesi duke vepruar si anëtar i
grupit, kryesi dënohet me burgim prej gjashtë (6) muaj deri në tre (3) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
158
KODI NR. 06/L-074 PENAL I REPUBLIKËS SË KOSOVËS
Neni 411
Dhënia e kundërligjshme e ndihmës juridike
1. Kushdo që jep ndihmë juridike pa autorizim nga klienti i tij, dënohet me gjobë ose me burgim
deri në dy (2) vjet.
2. Kushdo që jep ndihmë juridike pa kualifikim profesional, pa licencë apo në ndonjë mënyrë
tjetër në kundërshtim me ligjin, dënohet me gjobë ose me burgim deri në tre (3) vjet.
3. Kushdo që kryen veprën penale nga paragrafi 1. ose 2. i këtij neni me pagesë, dënohet me
gjobë dhe me burgim deri në pesë (5) vjet.
4. Për qëllime të këtij neni, shprehja “ndihmë juridike” ka kuptim të njëjtë siç përcaktohet me
Ligjin për Avokatinë.
Neni 412
Pengimi i ceremonive fetare
1. Kushdo që në mënyrë të kundërligjshme pengon ose ndalon kryerjen e ceremonisë fetare,
dënohet me gjobë ose me burgim deri në një (1) vit.
2. Nëse vepra penale nga paragrafi 1. i këtij neni kryhet me përdorimin e forcës apo kanosjes
serioze, kryesi dënohet me burgim prej tre (3) muaj deri në tre (3) vjet.
Neni 413
Dëmtimi i varreve apo kufomave
1. Kushdo që pa autorizim gërmon, mih, rrënon, heq, dëmton, shkatërron ose përdhos varrin
apo ndonjë vendvarrim tjetër, dënohet me gjobë ose me burgim deri në një (1) vit.
2. Kushdo që pa autorizim heq, dëmton, shkatërron ose fsheh kufomën, një pjesë të saj ose
hirin e të vdekurit, dënohet me gjobë ose me burgim deri në tre (3) vjet.
KAPITULLI XXXIII
KORRUPSIONI ZYRTAR DHE VEPRAT PENALE KUNDËR DETYRËS ZYRTARE
Neni 414
Keqpërdorimi i pozitës apo autoritetit zyrtar
1. Personi zyrtar, i cili duke shfrytëzuar detyrën apo autoritetin zyrtar i tejkalon kompetencat e
tij ose nuk i përmbush detyrat zyrtare të tij me qëllim që të përfitoj çfarëdo dobie për vete ose
për personin tjetër apo që t’i shkaktojë dëm personit tjetër ose që t’i shkel të drejtat e personit
tjetër, dënohet me burgim prej një (1) deri në tetë (8) vjet.
2. Personi zyrtar që e kryen veprën penale nga paragrafi 1 i këtij neni dhe përfitimi apo dëmi e
tejkalon shumën prej pesëmijë (5000) euro, dënohet me gjobë dhe burgim prej tre (3) deri në
dhjetë (10) vjet.
3. Për qëllime të këtij neni, shpërdorimi i detyrës zyrtare përfshinë, por nuk kufizohet në:
3.1. shkeljen me dashje apo me dijeni të ligjit lidhur me detyrat apo punësimin e zyrtarit;
3.2. moskryerja me dashje e ndonjë detyre të domosdoshme të përcaktuar me ligj;
3.3. pranimi i dhuratës, tarifës apo përparësisë së çfarëdo lloji si rezultat i kryerjes së
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
159
KODI NR. 06/L-074 PENAL I REPUBLIKËS SË KOSOVËS
detyrës zyrtare, përveç nëse pranimi i dhuratës, tarifës apo përparësisë lejohet me ligj;
3.4. keqpërdorimi i pasurisë, shërbimeve apo personelit qeveritar apo i ndonjë sendit
tjetër me vlerë që i përket qeverisë e që ka rënë në kujdesin apo posedimin e zyrtarit si
rezultat i detyrës apo punës së tij;
3.5. nënshtrimi me dashje i personit tjetër në keqtrajtim ose arrest, ndalim, kontroll,
marrje, heqje, vlerësim ose barrë për të cilën e di se është e kundërligjshme; ose
3.6. ndalimi ose pengimi me dashje i tjetrit në ushtrimin apo gëzimin e ndonjë të drejte,
privilegji, pushteti apo imuniteti ligjor.
Neni 415
Keqpërdorimi dhe mashtrimi në prokurim publik
1. Kushdo që me vetëdije shkel rregullat e prokurimit publik gjatë një oferte për dhënien e
kontratës së prokurimit publik, duke paraqitur dokumentacion të rremë, marrëveshje të fshehtë
kundërligjore apo ndërmerr ndonjë veprim tjetër të paligjshëm me qëllim të mashtrimit në
procedurat e prokurimit publik dhe më qëllim të ndikimit në vendimin e një autoriteti kontraktues
në procedurën e prokurimit publik, dënohet me gjobë dhe burgim deri në pesë (5) vjet.
2. Personat përgjegjës apo kushdo i cili më qëllimisht dhe duke shkelur procedurat dhe rregullat
e prokurimit publik, nuk zbatojnë detyrimet që dalin nga kontrata e prokurimit publik me qëllim të
përfitimit për vete apo duke shkaktuar dëme buxhetore, nëse karakteristikat e veprave të tjera
penale nuk janë përmbushur, dënohet me gjobë dhe burgim deri në pesë (5) vjet.
3. Nëse kryerësit e veprave penale nga paragrafët 1 dhe 2 të këtij neni, përfitojnë ose shkaktojnë
dëme të konsiderueshme pasurore, në vlerat mbi pesëmijë euro (5.000), atëherë kryerësi
dënohet me gjobë dhe me burgim prej një (1) deri në tetë (8) vjet.
4. Në rastet e shpalljes fajtor të kryerësit, përveç dënimit, gjykata do t’i shqiptojë kryerësit
ndalimin e marrjes pjesë në procedurat për dhënien e kontratave në prokurim publik.
Neni 416
Keqpërdorimi i informatës zyrtare
1. Personi zyrtar i cili keqpërdor informatën zyrtare me qëllim që për vete apo për personin
tjetër të përfitojë ndonjë përparësi që nuk i takon, dënohet me gjobë dhe me burgim prej gjashtë
(6) muaj deri në pesë (5) vjet.
2. Nëse informata zyrtare ka të bëjë me ndonjë veprim të prokurimit apo ankand publik, kryesi
dënohet me gjobë dhe me burgim prej dy (2) deri në tetë (8) vjet.
3. Nëse vepra penale nga paragrafi 1 i këtij neni rezulton me dobi pasurore apo humbje në
vlerën që tejkalon pesëmijë (5.000) Euro, kryesi dënohet me gjobë dhe me burgim prej një (1)
deri në tetë (8) vjet.
4. Nëse vepra penale nga paragrafi 1 i këtij neni rezulton në dobi pasurore apo humbje në
vlerën që tejkalon pesëdhjetë mijë (50.000) Euro, kryesi dënohet me gjobë dhe me burgim prej
tre (3) deri në dymbëdhjetë (12) vjet.
5. Për qëllime të këtij neni, shprehja “informatë zyrtare” nënkupton informatën në të cilën
personi ka qasje si rezultat i detyrës apo punës së tij dhe e cila nuk është bërë publike.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
160
KODI NR. 06/L-074 PENAL I REPUBLIKËS SË KOSOVËS
Neni 417
Konflikti i interesit
1. Personi zyrtar i cili merr pjesë personalisht në ndonjë çështje zyrtare për të cilën e ka ditur
apo është dashur ta dijë se ai apo ajo, ndonjë anëtar i familjes së tij ose të saj, ose ndonjë
person juridik që ka të bëjë me të, ka interes financiar, dënohet me gjobë dhe me burgim deri
në tre (3) vjet.
2. Nëse çështja zyrtare është veprim i prokurimit apo ankand publik, kryesi dënohet me burgim
prej një (1) deri në pesë (5) vjet.
3. Për qëllime të këtij neni, shprehja “merr pjesë” nënkupton ushtrimin e autoritetit zyrtar përmes
vendimit, miratimit, mosmiratimit, rekomandimit, këshillimit, hetimit, mbikëqyrjes, administrimit,
likuidimit, pagesës ose në ndonjë mënyrë tjetër të ushtrimit të ndikimit të padrejtë për një çështje
zyrtare.
4. Për qëllime të këtij neni, shprehja “çështje zyrtare” nënkupton procedurë gjyqësore ose
procedurë tjetër zyrtare; aplikim, kërkesë për vendim ose përcaktim tjetër zyrtar; kontratë
apo kërkesë; ankand publik ose veprim tjetër i prokurimit; ose ndonjë çështje tjetër e cila prek
interesat financiare të personit zyrtar, anëtarit të familjes apo ndonjë personi juridik që ka të bëjë
me të.
5. Për qëllime të këtij neni, shprehja “person juridik që ka të bëjë me të” - nënkupton personin
juridik në të cilin zyrtari apo anëtari i familjes ka marrëdhënie financiare aktuale apo të ardhshme,
përfshirë marrëdhënien afariste ose të punës apo dobi financiare të çfarëdo natyre.
6. Për qëllimet e këtij neni, një anëtar i familjes do të thotë bashkëshorti ose bashkëshortja,
prindi, prindi adoptues, fëmija, fëmija i adoptuar, vëllai ose motra, gjyshi ose gjyshja, nipat e
mbesat nga vajza dhe djali, hallat dhe tezet, nipat e mbesat nga vëllai dhe motra, dajët dhe
axhallarët, njerku/njerka, thjeshtri/thjeshtra, vëllai /motra nga njëri prind, i afërmi i gjakut që
jeton në të njejtën shtëpi ose personi me të cilin kryesi jeton në bashkësi jashtëmartesore.
Neni 418
Përvetësimi në detyrë
1. Personi zyrtar, i cili me qëllim të përfitimit të kundërligjshëm të dobisë pasurore për vete apo
për personin tjetër, përvetëson pasurinë e cila i është besuar për shkak të detyrës apo pozitës
së tij, dënohet me gjobë dhe me burgim prej gjashtë (6) muaj deri në pesë (5) vjet.
2. Nëse vepra penale nga paragrafi 1. i këtij neni rezulton me dobi pasurore apo humbje në
vlerë që tejkalon pesëmijë (5.000) Euro, kryesi dënohet me gjobë dhe me burgim prej një (1)
deri në tetë (8) vjet.
3. Nëse vepra penale nga paragrafi 1. i këtij neni rezulton me dobi pasurore apo humbje në
vlerë që tejkalon pesëdhjetë mijë (50.000) Euro, kryesi dënohet me gjobë dhe me burgim prej
tre (3) deri në dymbëdhjetë (12) vjet.
Neni 419
Mashtrimi në detyrë
1. Personi zyrtar, i cili me qëllim të përfitimit të kundërligjshëm të dobisë pasurore për vete apo
për personin tjetër, bën krijimin, përdorimin ose prezantimin e rremë të raportit të llogarive
apo në ndonjë mënyrë tjetër e vë në lajthim personin e autorizuar në kryerjen e pagesës ose
transferit të kundërligjshëm të parave, pasurisë ose të drejtave tjera, dënohet me gjobë dhe me
burgim prej gjashtë (6) muaj deri në pesë (5) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
161
KODI NR. 06/L-074 PENAL I REPUBLIKËS SË KOSOVËS
2. Kushdo që me qëllim të kryerjes, fshehjes ose maskimit të një vepre penale sipas neneve
309, 310, 421, 422, 423 ose 424 të këtij Kodi, krijon ose përdor një faturë ose ndonjë dokument
tjetër kontabël ose regjistrim që përmban informata të rrejshme ose jo të plota, ose heq dorë
nga regjistrimi i pagesës, dënohet me gjobë dhe me burgim prej një (1) deri në tetë (8) vjet.
3. Nëse vepra penale nga paragrafi 1. i këtij neni rezulton me dobi pasurore në vlerë që tejkalon
pesëmijë (5.000) Euro, kryesi dënohet me gjobë dhe me burgim prej një (1) deri në tetë (8) vjet.
4. Nëse vepra penale nga paragrafi 1. i këtij neni rezulton me dobi pasurore në vlerë që tejkalon
pesëdhjetë mijë (50.000) Euro, kryesi dënohet me gjobë dhe me burgim prej tre (3) deri në
dymbëdhjetë (12) vjet.
Neni 420
Përdorimi i paautorizuar i pasurisë
Kushdo që pa autorizim përdor paratë, letrat me vlerë apo pasurinë tjetër të luajtshme e cila i
është besuar atij në detyrë ose në përgjithësi në vendin e punës apo në të cilat ka qasje për
shkak të shërbimit apo punës së tij, ose kushdo që i jep pasurinë e këtillë personit tjetër për
shfrytëzim të paautorizuar, dënohet me gjobë ose me burgim deri në tre (3) vjet.
Neni 421
Marrja e ryshfetit
1. Personi zyrtar ose personi i huaj zyrtar apo zyrtari publik i huaj i cili në mënyrë të drejtpërdrejtë
apo të tërthortë, kërkon ose pranon ndonjë dhuratë apo përfitim tjetër për vete apo personin
tjetër, ose që pranon ofertën apo premtimin për dhuratë apo përfitim të tillë, në mënyrë që
personi zyrtar ose personi i huaj zyrtar apo zyrtari publik i huaj të veprojë ose të mos veprojë
në pajtim me detyrën e tij zyrtare, dënohet me gjobë dhe me burgim prej një (1) deri në tetë (8)
vjet.
2. Personi zyrtar ose personi i huaj zyrtar apo zyrtari publik i huaj i cili në mënyrë të drejtpërdrejtë
apo të tërthortë, kërkon ose pranon ndonjë dhuratë apo përfitim tjetër për vete apo personin
tjetër, ose që pranon ofertën apo premtimin për dhuratë apo përfitim të tillë, në mënyrë që
personi zyrtar ose personi i huaj zyrtar apo zyrtari publik i huaj të veprojë ose të mos veprojë,
në kundërshtim me detyrën e tij zyrtare, dënohet me gjobë dhe me burgim prej tre (3) deri në
dymbëdhjetë (12) vjet.
3. Nëse vepra penale nga paragrafi 1. i këtij neni rezulton me dobi materiale në vlerë që tejkalon
pesëmbëdhjetë mijë (15.000) Euro, kryesi dënohet me gjobë dhe me burgim prej pesë (5) deri
në pesëmbëdhjetë (15) vjet.
Neni 422
Dhënia e ryshfetit
1. Kushdo që në mënyrë të drejtpërdrejtë apo të tërthortë, për vete apo për një person tjetër i
premton, ofron ose i jep ndonjë dhuratë të paarsyeshme apo përfitim tjetër personit zyrtar, në
mënyrë që ai person të veprojë ose të mos veprojë në pajtim me detyrën e tij zyrtare, dënohet
me gjobë dhe me burgim deri në pesë (5) vjet.
2. Kushdo që në mënyrë të drejtpërdrejtë apo të tërthortë, për vete apo për një person tjetër i
premton, ofron ose i jep ndonjë dhuratë të paarsyeshme apo përfitim tjetër personit zyrtar, në
mënyrë që ai person të veprojë ose të mos veprojë në kundërshtim me detyrën e tij zyrtare,
dënohet me gjobë dhe me burgim prej gjashtë (6) muaj deri në pesë (5) vjet.
3. Nëse vepra penale nga paragrafi 1. i këtij neni rezulton me përfitim në vlerë që tejkalon
pesëmbëdhjetë mijë (15.000) Euro, kryesi dënohet me gjobë dhe me burgim prej një (1) deri në
tetë (8) vjet.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
162
KODI NR. 06/L-074 PENAL I REPUBLIKËS SË KOSOVËS
4. Nëse kryesi i veprës penale nga paragrafi 1. ose 2. i këtij neni e ka dhënë dhuratën e
paarsyeshme apo përfitimin me kërkesë të personit zyrtar apo personit përgjegjës dhe e
lajmëron veprën para fillimit të procedurës penale ose para se ta dijë që ka filluar procedura
penale, gjykata mund ta lirojë nga dënimi.
Neni 423
Dhënia e ryshfetit zyrtarit publik të huaj apo personave të huaj zyrtar
1. Kushdo që në mënyrë të drejtpërdrejtë apo të tërthortë, i premton, ofron ose i jep ndonjë
dhuratë apo përfitim tjetër zyrtarit publik të huaj apo personit te huaj zyrtar, për veten ose për
personin tjetër, në mënyrë që ai zyrtar i huaj publik apo personi i huaj zyrtar ose personi tjetër
të veprojë ose të mos veprojë në pajtim me detyrën e tij zyrtare, dënohet me
gjobë dhe me burgim prej një (1) deri në tetë (8) vjet.
2. Kushdo që në mënyrë të drejtpërdrejtë apo të tërthortë, i premton, ofron ose i jep ndonjë
dhuratë apo përfitim tjetër zyrtarit publik të huaj apo personit te huaj zyrtar, për veten ose për
personin tjetër, në mënyrë që ai zyrtar i huaj publik apo personi i huaj zyrtar ose personi tjetër
të veprojë ose të mos veprojë në kundërshtim me detyrën e tij zyrtare, dënohet me gjobë dhe
me burgim prej tre (3) deri në dymbëdhjetë (12) vjet.
3. Nëse vepra penale nga paragrafi 1. i këtij neni rezulton me përfitim në vlerë që tejkalon
pesëmbëdhjetë mijë (15.000) Euro, kryesi dënohet me gjobë dhe me burgim prej tre (3) deri në
dymbëdhjetë (12) vjet.
4. Dhurata apo përfitimi i pranuar apo i ofruar në kundërshtim të këtij neni konfiskohet.
Neni 424
Ushtrimi i ndikimit
1. Kushdo që në mënyrë të drejtpërdrejtë apo të tërthortë, kërkon ose pranon ndonjë dhuratë
apo përfitim tjetër për vete apo personin tjetër, ose pranon ofertën apo premtimin për dhuratë
apo përfitim të tillë, me pretendimin se ai apo ajo është në gjendje të ushtrojë ndikim të
padrejtë mbi vendimmarrjen e personit zyrtar, zyrtarit të huaj publik ose personit të huaj zyrtar,
pavarësisht nëse ndikimi është ushtruar ose pavarësisht nëse ndikimi i supozuar shpie deri te
rezultati i synuar, dënohet me gjobë dhe me burgim prej një (1) deri në tetë (8) vjet.
2. Kushdo që në mënyrë të drejtpërdrejtë apo të tërthortë, i premton, ofron ose i jep ndonjë
dhuratë apo përfitim tjetër personit tjetër, në mënyrë që ky person të ushtrojë ndikim të
papërshtatshëm mbi vendimmarrjen e personit zyrtar, zyrtarit të huaj publik ose personit të huaj
zyrtar, pavarësisht nëse ndikimi është ushtruar ose pavarësisht nëse ndikimi i supozuar shpie
deri te rezultati i synuar, dënohet me gjobë dhe me burgim prej gjashtë (6) muaj deri në tetë (8)
vjet.
3. Dhurata apo përfitimi i pranuar apo i ofruar në kundërshtim të këtij neni konfiskohet.
Neni 425
Nxjerrja e kundërligjshme e vendimeve gjyqësore
Gjyqtari i cili me qëllim të përfitimit të kundërligjshëm të çfarëdo dobie për vete ose për personin
tjetër ose për t’i shkaktuar dëm personit tjetër, nxjerr vendim të kundërligjshëm, dënohet me
burgim prej gjashtë (6) muaj deri në pesë (5) vjet.
Neni 426
Zbulimi i fshehtësisë zyrtare
1. Personi zyrtar i cili pa autorizim kumton, dërgon ose në ndonjë mënyrë tjetër i vë në
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
163
KODI NR. 06/L-074 PENAL I REPUBLIKËS SË KOSOVËS
dispozicion personit tjetër informatën që përbën fshehtësi zyrtare ose siguron informatën e tillë
me qëllim që t’ia përcjellë ndonjë personi të paautorizuar, dënohet me burgim prej gjashtë (6)
muaj deri në tre (3) vjet.
2. Nëse vepra penale nga paragrafi 1. i këtij neni kryhet për përfitim personal ose me qëllim të
publikimit apo shfrytëzimit të informacionit jashtë Republikës së Kosovës, kryesi dënohet me
gjobë dhe me burgim prej një (1) deri në dhjetë (10) vjet.
3. Nëse vepra penale nga paragrafi 1. i këtij neni kryhet nga pakujdesia, kryesi dënohet me
gjobë ose me burgim deri në tre (3) vjet.
4. Dispozitat e këtij neni zbatohen ndaj personit i cili zbulon fshehtësinë zyrtare edhe pasi që të
ketë pushuar statusi i tij zyrtar.
5. Për qëllime të këtij neni, shprehja “fshehtësi zyrtare” nënkupton informatat ose dokumentet
të shpallura si fshehtësi zyrtare me ligj, dispozita të tjera ose me vendim të organit kompetent
të nxjerrë në bazë të ligjit dhe zbulimi i të cilave ka shkaktuar ose mund të shkaktojë pasoja të
dëmshme. Sidoqoftë, informatat në vijim nuk konsiderohen fshehtësi zyrtare:
5.1. informatat apo dokumentet të cilat janë të drejtuara në cenimin e rëndë të të
drejtave themelore të njeriut ose mos zbulimi i të cilave do të mund të rrezikonte rendin
kushtetues apo sigurinë e Republikës së Kosovës; ose
5.2. informatat dhe dokumentet të cilat kanë për qëllim fshehjen e kryesit të veprës
penale të dënueshme me së paku pesë (5) vjet burgim.
Neni 427
Falsifikimi i dokumentit zyrtar
1. Personi zyrtar i cili në dokumentin zyrtar, në regjistër ose në shkresën zyrtare shënon të
dhëna të rreme ose nuk shënon të dhënat e duhura apo me nënshkrimin e tij ose me vulën
zyrtare vërteton dokumentin zyrtar, regjistrin apo shkresën zyrtare e cila përmban të dhëna të
rreme ose mundëson përpilimin e dokumentit, regjistrit ose shkresës së tillë me përmbajtje të
rreme, dënohet me burgim prej gjashtë (6) muaj deri në pesë (5) vjet.
2. Personi zyrtar i cili shfrytëzon dokumentin zyrtar, regjistrin ose shkresën zyrtare të rreme si
të vërtetë në veprimtarinë e tij afariste ose i cili asgjëson, fsheh, dëmton apo në ndonjë mënyrë
tjetër e bën të papërdorshëm dokumentin zyrtar, regjistrin ose shkresën zyrtare, dënohet me
dënimin nga paragrafi 1. i këtij neni.
Neni 428
Arkëtimi dhe pagesa e kundërligjshme
1. Personi zyrtar i cili arkëton nga tjetri diçka që personi i tillë nuk është i detyruar të paguajë
ose arkëton më shumë se që personi i tillë është i detyruar të paguajë apo që gjatë pagesës ose
dërgesës, paguan ose dërgon më pak se që është dashur, dënohet me gjobë dhe me burgim
deri në tre (3) vjet.
2. Nëse vlera e pagesës apo dërgesës nga paragrafi 1. i këtij neni tejkalon shumën prej
pesëmbëdhjetë mijë (15.000) Euro, kryesi dënohet me burgim deri në tre (3) vjet.
3. Tentativa për të kryer veprën penale nga paragrafi 1. i këtij neni është e dënueshme.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
164
KODI NR. 06/L-074 PENAL I REPUBLIKËS SË KOSOVËS
Neni 429
Përvetësimi i kundërligjshëm i pasurisë me rastin e bastisjes apo ekzekutimit të
vendimit gjyqësor
Personi zyrtar i cili gjatë bastisjes së lokaleve, personit apo gjatë ekzekutimit të vendimit
gjyqësor, merr pasurinë e luajtshme me qëllim të përfitimit të dobisë pasurore për vete ose për
personin tjetër, dënohet me burgim prej gjashtë (6) muaj deri në pesë (5) vjet.
Neni 430
Mos raportimi ose raportimi i rremë i pasurisë, i të ardhurave, i dhuratave, i dobisë
tjetër materiale ose i detyrimeve financiare
1. Çdo person, i cili sipas ligjit është i detyruar të bëjë deklarimin e pasurisë, të të ardhurave,
të dhuratave, të dobisë tjetër pasurore ose të detyrimeve financiare, dhe i cili nuk bën një gjë
të tillë, dënohet me gjobë ose me burgim deri në tre (3) vjet. Vepra penale nga paragrafi 1. i
këtij neni konsiderohet se është kryer kur deklarata nuk paraqitet brenda afatit për paraqitjen e
deklaratës.
2. Çdo person, i cili sipas ligjit është i detyruar të bëjë deklarimin e pasurisë, të të ardhurave, të
dhuratave, të dobisë tjetër pasurore ose të detyrimeve financiare, i cili bën deklaratë të rreme
ose nuk paraqet të dhënat e kërkuara në deklaratë, dënohet me gjobë dhe me burgim prej
gjashtë (6) muaj deri në pesë (5) vjet. Gjobat e shqiptuara sipas këtij neni mund të jenë ditore
dhe mund të shqiptohen derisa kryesi të përfill urdhrin, vendimin apo aktgjykimin e plotfuqishëm
që është subjekt i veprimit.
3. Vlera e padeklaruar ose e deklaruar rrejshëm e pasurisë, të ardhurave, dhuratave ose të
dobisë tjetër pasurore, konfiskohet
KAPITULLI XXXIV
DISPOZITAT KALIMTARE DHE PËRFUNDIMTARE
Neni 431
Vazhdimësia e sanksioneve penale
Të gjitha sanksionet penale për veprat të cilat edhe me këtë Kod janë të ndëshkueshme dhe
të shqiptuara me aktgjykim të formës së prerë para hyrjes në fuqi të këtij Kodi vazhdojnë me
kohëzgjatje dhe lartësi të njëjtë.
Neni 432
Harmonizimi i dispozitave që nuk janë në pajtim me këtë Kod
Dispozitat për veprat penale që nuk janë në pajtim me këtë Kod, do të harmonizohen brenda
afatit prej një (1) viti nga data e hyrjes në fuqi e këtij Kodi.
Neni 433
Shfuqizimi i akteve ligjore
Me hyrjen në fuqi të këtij Kodi, shfuqizohen Kodi nr. 04/L-082 Penal i Republikës së Kosovës i
ndryshuar dhe plotësuar me Ligjin nr.04/L-129 si dhe Ligjin nr. 04/L-273.
GAZETA ZYRTARE E REPUBLIKËS SË KOSOVËS / Nr. 2 / 14 JANAR 2019, PRISHTINË
165
KODI NR. 06/L-074 PENAL I REPUBLIKËS SË KOSOVËS
Neni 434
Hyrja në fuqi
Kodi Penal i Republikës së Kosovës hyn nё fuqi tre (3) muaj pas publikimit në Gazetën Zyrtare
të Republikës së Kosovës
Kodi Nr. 06/L -074
23 nëntor 2018
Shpallur me dekretin Nr. DL-065-2018, datë 13.12.2018 nga Presidenti i Republikës së
Kosovës Hashim Thaçi